22/07/2026
بعد الخرجة الإعلامية الموفقة للسيد عمر بنيس، رئيس الشركة الرياضية للمغرب الفاسي، والتي أجابت عن العديد من التساؤلات ووضعت النقاط على الحروف
أصبح من الضروري الوقوف عند أبرز الرسائل التي حملتها، بعيدا عن الإشاعات والمغالطات، والاعتماد على الحقائق فقط.
البارح، وبعد الخرجة الإعلامية للسيد عمر بنيس، غادي نشارك معاكم أبرز الاستنتاجات والخلاصات اللي خرجنا بها.
يمكن شي ماصاويين غادي يقولو بلّي كنزيدو فيه وكنعطيوه قيمة أكثر من اللازم، ولكن بالنسبة ليا الأمر مختلف ماشي مسألة مبالغة، وإنما احترام مستحق
إنما الطريقة اللي كيهدر بها، والوعي اللي كيبان عليه، والذكاء ديالو، كلهم كيخلّيو أي واحد يحترمو بكل موضوعية وواقعية.
من بين أبرز الخلاصات اللي خرجنا بها، هي الطريقة اللي عرف بها عمر بنيس كيفاش يرفع القيمة السوقية لسفيان بنجديدة من خلال أول خرجة إعلامية ليه، ونجح بشكل كبير فهاد الجانب، سواء على مستوى الصورة أو قوة موقف النادي فالمفاوضات.
ثانيًا، شدد على نقطة مهمة جدًا، وهي احترام الميزانية والإمكانيات المالية ديال المغرب الفاسي أكد بوضوح أن النادي عندو استراتيجية واضحة، وأنه عمره ما غادي يضحي بها أو يخرج عليها من أجل مدرب، أو لاعب، أو أي شخص كيفما كان، لأن الهدف هو حماية استقرار النادي وتفادي أخطاء الماضي، وبناء مشروع مستدام على أسس مالية ورياضية سليمة.
ومن بين النقاط اللي شدّت الانتباه كذلك، الشرح الواضح اللي قدمو بخصوص رأس مال الشركة الرياضية. و دخول المستثمرين و شرح مزيان الفرق بين الميزانية ديال الفرقة و رأس المال ديال الشركة و هذي حنا غادي نشرحوها مزيان باش الجمهور يفرق بيناتهم غادي يكون بوسط إن شاء الله
أكد بأن اختيار المدرب الحالي ما كانش قرارًا ارتجاليًا، بل كان متابعه من شهر فبراير، وكانت الإدارة كترصد العمل ديالو عن قرب قبل ما تحسم الاختيار
أما بخصوص اللاعبين الأجانب، فأكد أنهم خصصوا لهم ميزانية مستقلة، وأن عملية الاختيار ما كتعتمدش على السماسرة أو الصدفة، وإنما على تحليل دقيق باستعمال Data وتقارير تقنية ومعايير واضحة، باش يتم التعاقد مع لاعبين قادرين يعطيو الإضافة الحقيقية للمغرب الفاسي، ويكون كل انتداب منسجم مع المشروع الرياضي للنادي.( مايكونش بحال العام الماضي، و طمأن الجمهور الماصاوي بللي الأجانب غا يكونوا فالمستوى)
وفي الأخير، كانت الرسالة الأهم هي أن المغرب الفاسي خاصو يبقى دائمًا حاضرًا فالمنافسة على "البوديوم" والألقاب. هادي هي العقلية الجديدة اللي ولات كتقود المشروع، عقلية ما كترضاش بالمشاركة فقط، ولكن كتطمح باش الفريق يبقى ديما ضمن الكبار و الفوز بالألقاب
ومن هنا أكد أن الجمهور يزيد يثق فهاد المشروع ويصبر عليه، لأن المؤشرات كلها كتعطي الاطمئنان. اليوم المغرب الفاسي بين أيدٍ آمنة، سواء على المستوى التسييري، أو المالي، أو الإداري، وكل قرار كيتخذ كيدخل ضمن رؤية واضحة هدفها بناء نادٍ قوي ومستقر، قادر ينافس كل موسم على أعلى المراتب، مع الحفاظ على استقراره واستدامة مشروعه. ( و قال الماص غادي يطمحوا باش توصل الفرق الإفريقية الكبرى بالطبيعة الحال من غير الأهلي)
تعيش الماص 💛 و كل الدعم و الثقة و مانساوش منين جينا هادشي للي تدار راه كيتسمى الإعجاز
كل الدعم و القادم أجمل و أفضل 🙏
=منقول=
