ماصاوي حر

ماصاوي حر صفحة حرة تهتم بكل ما يخص فريق المغرب الفاسي

من أجمل أخبار الميركاتو 💛🖤- بيع عقد يامغا لأحد الأندية في الدوري الفيتنامي.- فسخ عقد زكريا حمادي بالتراضي.
03/09/2026

من أجمل أخبار الميركاتو 💛🖤
- بيع عقد يامغا لأحد الأندية في الدوري الفيتنامي.
- فسخ عقد زكريا حمادي بالتراضي.

الإدارة تطرح تذاكر مباراة الماص القادمة أمام نادي رحيمو برسم ذهاب الدور التمهيدي الأول لدوري أبطال إفريقيا 🏆المباراة ستق...
01/09/2026

الإدارة تطرح تذاكر مباراة الماص القادمة أمام نادي رحيمو برسم ذهاب الدور التمهيدي الأول لدوري أبطال إفريقيا 🏆
المباراة ستقام يوم الأحد المقبل على الساعة الثامنة بالمركب الرياضي بفاس 🏟

نهاية المباراة الودية التي أجريت اليوم أمام إف سي نواديبو بطل موريتانيا، بتفوق فريقنا الغالي بهدفين لصفر ⚽️⚽️
27/08/2026

نهاية المباراة الودية التي أجريت اليوم أمام إف سي نواديبو بطل موريتانيا، بتفوق فريقنا الغالي بهدفين لصفر ⚽️⚽️

- الماص لعبات مبارتين وديتين و ربحاتهم بجوج : 3-2 ضد حسنية أكادير و 2-0 أمام أولمبيك أسفي.- الفريق غايلعب مباراتين وديتي...
21/08/2026

- الماص لعبات مبارتين وديتين و ربحاتهم بجوج : 3-2 ضد حسنية أكادير و 2-0 أمام أولمبيك أسفي.
- الفريق غايلعب مباراتين وديتين إضافيتين : وحدة ضد حسنية أكادير يوم 22 غشت، و وحدة ضد نادي إف سي نواديبو بطل الدوري الموريتاني يوم 27 غشت.
- قرعة البطولة ستجرى يوم 28 غشت.
- نادي حسنية أكادير يريد التعاقد مع ادريس الجبلي.
- نادي اتحاد أمل تزنيت يريد التعاقد مع الدالوزي.

السلام عليكم ورحمة الله وبركاته، تتمة التحليل التقني لصفقات الماص 🟡⚫️الإنتداب الرابع : تشيجوفاتسو ماباسا 🥷معلومات عامة 📊...
17/08/2026

السلام عليكم ورحمة الله وبركاته،
تتمة التحليل التقني لصفقات الماص 🟡⚫️
الإنتداب الرابع : تشيجوفاتسو ماباسا 🥷

معلومات عامة 📊

السن : 29 سنة
الجنسية : جنوب إفريقيا 🇿🇦
القامة : 179 سم
المركز : رأس حربة
القدم المفضلة : اليسرى
مدة العقد : موسمين (مع إمكانية التمديد لموسم ثالث).

ماباسا دوز المسيرة ديالو كاملة فجنوب إفريقيا 🇿🇦 توج بمجموعة من الألقاب مع الأندية لي لعب معها 🏆 و فايت عيطولو للمنتخب د جنوب إفريقيا فالعديد من المناسبات، و لكن شارك غي فماتش واحد كان ف 2021.

عدد الأهداف المسجلة فآخر 3 مواسم ⚽️

موسم 2023-2024 : 19 هدف (هداف الدوري)
موسم 2024-2025 : 15 هدف.
موسم 2025-2026 : 8 أهداف.

للإشارة فالموسم الأخير، لعب شطر الذهاب مع أورلاندو بيراتس بطل الدوري، و فالشطر الثاني سيفطوه إعارة لنادي آخر حيت المدرب فضل عليه جوج مهاجمين وحداخرين و مابقاش داخل فالخطة ديالو.

هذا لا يعني أنه كان ضعيف، بالعكس كانت عندو مساهمات جيدة مع بيراتس، و لكن المدرب اختار و خدا القرار و فآخر الموسم قررو مايجددولوش .. بلغة واضحة، أورلاندو بيراتس مابقاوش باغيين ماباسا يكمل معهم.

رغم ذلك، ماباسا كانت عندو مجموعة من العروض من أندية محلية و كذلك من مصر و من الخليج، و لكن فالأخير ختار الماص و قال بأن سبب هاد الاختيار هو أن المغرب الفاسي نادي عريق و طموح.

التحليل التقني ⚽️

ماباسا عندو بروفايل ديال مهاجم صندوق، لاعب متوسط تقنيا و ماتسنّاش منو شي enchaînement technique واعر، و لكن عندو تحركات ذكية فالعمق و منطقة العمليات، و عندو حس تهديفي عالي، يعني ايلا كانو معه لاعبين لي يعطيوه تمريرات مزيانين، يقدر يماركيلك عدد مهم من الأهداف فكل موسم (ايلا كان رسمي بطبيعة الحال).

المسائل لي خايف منها :
- أولا يعطيه المدرب أدوار كاتطلب إمكانيات تقنية مهمة بحال المساهمة فالتنشيط الهجومي، فهاد الحالة يقدر يبان ضعيف.
- ثانيا مسألة أنه ماعمرو خرج من جنوب افريقيا، بمعنى أنه ماموالفش بالتغيير، و موجودين اللاعبين لي مزيانين و لكن كايلقاو صعوبات كبيرة فالتأقلم .. نتمناو ماباسا مايكونش منهم.

من جهة أخرى، ماباسا لاعب محبوب جدا فجنوب افريقيا و عندو شعبية كبيرة، و داكشي علاش المنشور لي دارت الصفحة الرسمية د الماص باش تعلن التعاقد معه جاب تفاعل كبير .. نتمناو هاد الصفقة تعاون الفريق تسويقيا و تزيد من الإشعاع ديالو قاريا، و الأهم انها تعاونو رياضيا باش يزيد يحقق المزيد من النجاحات.

مرحبا بالقناص الجنوب إفريقي فالماص و نتمناولو التوفيق 💛

يامغا يرفض فسخ العقد بالتراضي و يريد مستحقاته كاملة.كاتوحل غي مع الخشب 🤮
13/08/2026

يامغا يرفض فسخ العقد بالتراضي و يريد مستحقاته كاملة.
كاتوحل غي مع الخشب 🤮

راه خاصنا ظهير أيمن أ الشرفة .. الغدامسي ماشي شي ظهير طوب لي تلعب به على الألقاب، و أيت علال ماصالحش تا كاحتياطي.
10/08/2026

راه خاصنا ظهير أيمن أ الشرفة .. الغدامسي ماشي شي ظهير طوب لي تلعب به على الألقاب، و أيت علال ماصالحش تا كاحتياطي.

أيت الخرصة يغادر الماص نحو اتحاد طنجة.خطوة كانت متوقعة من بعد التعاقدات لي قام بها النادي في الدفاع فهاد الميركاتو.كانتم...
10/08/2026

أيت الخرصة يغادر الماص نحو اتحاد طنجة.
خطوة كانت متوقعة من بعد التعاقدات لي قام بها النادي في الدفاع فهاد الميركاتو.
كانتمنى تكون الماص ستافدات شويا ماديا من هاد الصفقة.
شكرا أيت الخرصة و بالتوفيق.

السلام عليكم و رحمة الله و بركاته، سمحولينا غبرنا عليكم .. خدينا شويا د العطلة باش نرجعو بنفس جديد إن شاء الله. اليوم غا...
10/08/2026

السلام عليكم و رحمة الله و بركاته، سمحولينا غبرنا عليكم .. خدينا شويا د العطلة باش نرجعو بنفس جديد إن شاء الله.

اليوم غانكمّلو فسلسلة التحليل التقني لصفقات الماص.
من بعد ما هضرت على الفارسي و خفيفي، هاد المقال غانخصصو للإنتداب الثالث د الماص : سامبا مبينغي.

أول نصيحة قبل مانبداو، ردو البال مع الانتقاد و السبان، مبينغي راه مقمقم .. يقدر يصدق ضاربك 👊

معلومات عامة 📊

الجنسية : سينيغالي 🇸🇳
السن : 19 سنة
القامة : 183 سم
المركز : قلب دفاع أيسر (البوسط د الرحيلي)
القدم المفضلة : اليسرى
النادي السابق : AJEL de Rufisque
مدة العقد : 3 سنوات

فالموسم الماضي، مبينغي لعب 25 ماتش، و الفريق ديالو احتل المركز الثاني فالدوري السينيغالي بنفس عدد النقاط د البطل. لاعب كايعتبروه الصحافة و الجمهور د السينيغال واحد من أفضل المدافعين فالدوري ديالهم.

التحليل التقني ⚽️

أول و أهم ملاحظة غايديرها أي واحد تفرج فسامبا هي القوة البدنية الرهيبة ديالو ما شاء الله 💪
مدافع صلب و كايربح أغلب الصراعات الثنائية .. مدافعين من هاد النوع كايخليو المهاجمين د الخصم خايفين على راسهم من شي إصابة، تبعدهم على الملاعب شي مدة طويلة 👨‍🦽
من جهة أخرى، رجليه مصلوحة و كايخرّج كرة مزيان ✅️ (ماشي واعر و لكن قاضي غرض).

الحاجة لي تقدر تكون سلبية فمبينغي هي أنه ماعندوش شي تجربة كبيرة بحكم السن ديالو، داكشي علاش نقدرو نشوفو منو بعض الأخطاء، خصوصا لي عندها علاقة بالتمركز و قراءة اللعب 🧠

الخلاصة :
صفقة جيدة جدا للماص، و كايبان بأن الإدارة باغية توجدو باش يكون قائد ديال الدفاع د الماص فالمستقبل، خصوصا مع تقدم الرحيلي فالسن. صفقة كاتعني بلي أيت الخرصة غالبا خارج الماص هاد الموسم.
الإدارة د الماص تعلمات من أخطاء الموسم الماضي، لي تكرفصنا فيه فالفترة لي غاب فيها الرحيلي و شباني، و قررات تطلع جودة الدفاع بشكل ملحوظ.
دفاع الماص حاليا فيه الرحيلي، خفيفي، شباني، مبينغا و ممكن يبقى تا الجبلي، بروفايلات متنوعة و بجودة جيدة و أفضل بكثير من الموسم السابق.

مرحبا بالوحش السينيغالي في القلعة الصفراء 💛

الدور التمهيدي الأول من دوري أبطال إفريقيا 🔥المغرب الفاسي 🇲🇦 نادي رحيمو بطل بوركينافاصو 🇧🇫الذهاب بفاس و الإياب ببوركينا...
06/08/2026

الدور التمهيدي الأول من دوري أبطال إفريقيا 🔥
المغرب الفاسي 🇲🇦 نادي رحيمو بطل بوركينافاصو 🇧🇫
الذهاب بفاس و الإياب ببوركينافاصو.

Address

Fez

Website

Alerts

Be the first to know and let us send you an email when ماصاوي حر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category