Motos sh Maroc

25/03/2026

الشرطة الايطالية من غير الماطر الكبار لي عندهم كتعتامد كذلك على SH بجميع انواعها، من الفراشة حتال ديجيطال 😅

21/03/2026

20/03/2026

قنبلة قنابل الموسم 💥💣💥
ميني تيماكس 125
الشعب الصيني ما له حل 😂😂

20/03/2026

عيد فطر مبارك 🌙✨
أسأل الله أن يملأ أيامكم بالفرح، وقلوبكم بالطمأنينة، وأن يتقبل منا و منكم صالح الأعمال ويجعل العيد بداية خير وسعادة لا تنتهي.
كل عام وأنتم بخير 💛

18/03/2026

آخر بياسة لي دا من عندنا خونا ياسين 😅
💥🚨توضيح🚨💥
الاخوان عواشر مباركة، هاد الماطر ما كينينش فالمغرب، و حنا غير ضاحكين بيهم، و يسمحو لينا الناس لي يصحابونا كنبيعوهم. و هادي فكرة لي باغي يدخلهم للمغرب، لان كلشي كيسول عليهم، و الميساجات لي جاوني عليها كثر من سكان قطر، ما بقيتش قدرت نرد عليهم.
و الله يصلح و ليداتكم و وليدات للمسلمين اجمعين

14/03/2026

حادث مروري مأساوي وقع البارح فشارع محمد السادس بالدار البيضاء، دراجة SH 350 غاديا بسرعة، السائق بانو ليه البوليس قدامو بغا يهرب عليهم ضرب فسيارة و طاح تضرب ضربة خايبة فراسو وبقا كيشهد ☝️ ، الصديق ديالو لي كان وراه حتا هو تصاب لكن بعدما نقلوهم للمستشفى توفى السائق، كذلك تصاب في الحادث شرطي و صاحب السيارة و امرأة .
من هادشي كنعرفو بلي السرعة و التهور و عدم ارتداء الخودة ولا الكاسك عندو عواقب كبيرة، الله يهدي الشباب واش ماكتشوفوش الحوادث كل نهار؟! اي واحد يقدر تقلب حياتو فثواني معدودة، لا السائق المتهور ولا لي غادي يتصادف معاه، مايقولش الواحد انا كنعرف نسوق !
و وسط المدينة ماشي ديال السرعة و التهور داكشي علاش تحددات السرعة فيها ب 60.
الله يهدي الشباب و الله يرحم لي مات و الله يشافي المصابين 🤲

14/03/2026

💥🚨دراجة مسروقة🚨💥
الاخوان لي كيعرف شي واحد ماشي ليه هاد sh 350 يعلمو بلي عند الجوندارم فحد السوالم، كيقولو باي لاحو شي واحد و هرب، حاولو تبارطاجيوها يبان مولاها، غالبا غادي يكون مقصح، و الله يحفضنا و يحفضكم من شر الخلق، و لي عندو شي موطور يدير ليه gps و قفل مزيان و ماتأمنو حتا بلاصة

11/03/2026

جا عندنا خونا ياسين خدا البياسة اللهم بارك 00 كلمتر
😂😂😂

10/03/2026

السلام عليكم ورحمه الله وبركاته الاخوان
في ما يخص الاخوان لي كيسولو على التاريخ لي غادي يدخلو فيه الدراجات sh للاميزو هوندا، ليوم تواصلنا مع الناس ديال هوندا و أكدو لينا بلي الدراجات كينين فالمرسى ديال الدار البيضاء عكس ما يروج انهم ما دخلوش للمغرب اصلا، كذلك كيتأسفو و كيعتادرو على التأخير لي كيقولو بلي خارج على الإرادة ديالهم، يعني هاد التعطال ماشي بيدهم و هوما ماكرهوش، و لكن الاجراءات و بعض المشاكل ديال الديوانة ولا المرسى هوما السبب باش مادخلوش الماطر فالاجل لي كيعطيوه للناس خاصة صحاب الريزيرفاسيو.
كذلك اكدو ليا بلي ان شاء الله فالاسبوع الاخير فهاد الشهر الماطر غادي يكونو فلاميزو هوندا، و الناس لي مريزيرفين غادي ياخدو ماطرهم، و للاشارة قالو لينا بلي الدفعة الاولى و الثانية بزوج غادي يدخلو فنفس الوقت.
و بطبيعة الحال الناس لي مريزيرفين و لي ماقادينش يزيدو يصبرو يقدرو ياخدو التسبيق ديالهم لي عطاوهم بدون اي مشاكل.
و للاشارة ا الاخوان فينما كيكون شي جديد راني كنحاول نوصلو ليكم، و غالبا غادي يعيطو للناس لي مريزيرفين باش يعلموهم، و لي ما تعلمش هذا هو الجديد لي كين.
تحياتي إليكم 🙏

06/03/2026

هوندا sh 125 150 special edition لي غادي يتصنعو منها فقط 500 وحدة و كل وحدة بالرقم الخاص ديالها
Honda sh 125 150 HRC 2025 special edition 0/500

06/03/2026

السلام عليكم الاخوان
كيف قلت ليكم من قبل ان اهم حاجة هي المصداقية، و كنت كل مرة كنقول بلي الماطر قريب يدخلو، و بطبيعة الحال الهدرة ما كنتش كنجيبها من راسي و لكن خارجة من فم الناس لي خدامين في لاميزو،
مؤخرا تبين بلي ݣاع الهدرة و التواريخ لي كانو كيتقالو من قبل كلشي كذوب، و الباخرة لي جايبا الماطر باقي مدخلاتش للمغرب، على عكس الهدرة لي كانو كيقولو الناس ديال لاميزو بلي السلعة فالمرسى ديال الدار البيضاء، يعني يا إما لي مكلف بالماطر فلاميزو كذاب يا إما حتا هو غير كادبين عليه.
جاتني اخبار من واحد السيد خدام المرسى بأنه ما كيناش الريحة ديال sh ديال لاميزو هوندا فالمرسى.
و من هادشي كامل كنقول للناس لي كيبقاو يسولوني بزاف بلي التاريخ لي غادي يدخلو فيه الماطر ما معروفش، و لي قاليكم شي تاريخ راه كيكذب عليكم، يعني يقدرو يدخلو من بعد اسبوع او شهر او شهرين او العام الجاي.
الغاية من هاد المنشور هو نجاوب على الناس لي كيشوفو المنشورات القديمة و كيبقاو يسولوني على الماطر واش دخلو.