29/06/2025
واحد سيد تلاقيت بيه قبيلا وصراحة بقينا كندويوا وكنتناولوا أطراف الحديث حتى دخلنا لهاد الموضوع ديال الأهداف ما إلى ذالك وهو يقول ليا أنا أي حاجة بغيتها كنوصل ليها!!! قلت ليه أي حاجة كتبغيها كتوصل ليها غريب !!؟؟ إذن بلان هذا قلت ليه خاصك توريني الطريقة كفاش كتوصل لداكشي لي باغي كل مرة صاف وهو سيد يقول ليا بلي أنا كندير لي عليا وصاف كنوصل لداكشي لي باغي !!! صاف أنا هنا عرفت بلي هاد السيد مكيفرقش بين التوفيق ديال الله عز وجل وبين الإنضباط والإستمرارية ديالوا وشحااال من واحد من هاد نوع ديال هاد السيد فاش كيوفقوا الله وكيعاونوا يوصل لمراد ديالوا فشي حوايج كينسى الكرم ديال الله عز وجل وكيبدا ينسب داك النجاح ديالوا في تلك الأشياء لنفسوا وهنا الإنسان كيدخل في فخ الغرور والتكبر لي دوا عليه الله عز وجل فاش قال "قال إنما أوتيته على علم عندي" (سورة القصص، الآية 78) فاش كان قارون كيفتاخر بالمال ديالوا وكيظن أنه جابوا بذكاء ديالوا ولكن نسى بأن كولشي من عند الله عز وجل
