Omerta

21/08/2024

تعيش فلسطين الحرية فلسطين 🇵🇸 🕊️

28/02/2024

شبيبة هنا كاتسوفري شي باع راسو للبحر شي بين ربعة الحيوط كي سوفري 🕊️☝🏼

19/03/2023

زيد ربعة على سبعين والله يرحم أشرف و عزالدين💚💔

08/05/2022

قريب غاتوقع شي كارثة فالڤيراج ، لي هو اصلا دابا شبعان كوارث. الماتش لخر برهوش مافايتش 15 عام ، نوض روينة غير بوحدو ، او صدقو 2 زونات مضاربين، هنا باش تعرف كمية الكلاخ لي عند هاد الأشخاص لي كي سميو راسهم اولتراس ، او فوق هادشي كي ستعملوا الصماطي ديال السراول باش اضاربو بيهم ، او المجموعات ديالهم ما كي ياخدو فحقهم حتى شي قرار ، او السبب مجهول. او ماشي غير فهاد المطايفة، را تقريبا گاع الصداعات السبب ديالهم البراهش الصغار . ما بقينا عارفين هذا واش ڤيراج او لا حضانة. هادشي كامل دليل على ان هاد العمين لي دازو ما كانت لا خدمة لا والوا + كاين مشكل كبير ديال التواصل بين رؤوس المجموعات و الأعضاء النشيطين و الأعضاء العاديين، حيت بنادم لي كي ريح فالماغانا گاعما كي جي بأهداف تشجيعية او السبب هو ان المجموعة ديالو گاعما كاتعطيه قيمة، حيت كون كان كي شارك فأنشطة ديال الغروب او احس براسو قيمة مضافة او انسان منتج وسط المجموعة، گاعما اقلب ادير الصداع باش لبين راسو ، الڤيراج بشكل عام گاعما منظم او دوك الكابووات ديال الله احسن لعوان لي مطلعين گاعما صالحين لڤيراج ، خاص شي واحد ناضي تكون عندو شخصية نيت ماشي كي صطانع.
بوطرمة مارادونة ديال جوميا منين بدا الجمهور كي عير فيه ، علاش غروب ميزيكال حبس التطبال ، من غير واحد السيد لي كي كون عل ليسر گاع ، او هو براسو سولكم علاش حبستو ، تا طلعات لعبي يا راجا متولي ولد الق*** ، من جهة ليسرية ديال الماگانا. الراجا فوق اي ولد القح*** ، من الرئيس ، تال ولاد الق*** لي كاينين فالتيران.

19/12/2021

كتوضيح للكسالة سواء من مجموعات أخرى و لا لي باغي يتحسب علينا و ناعس تحت المانطة:

حيت جا الوقت فين نفرانيو هاد التوغل ديال المكاريب أو التوغل ديال التمكريب لي وسخ الحركية فكازا ، تقرر فعلا تجميد الأنشطة، قدام تفشي الكلاخ و انعدام الضمير، والدين كايتعدبو، حبس، ملالس، غراز و عاهات مستديمة و قتيلة، حتى لإمتى؟

المنافسة خاصها تبقى نقية و حدها دونور، تطبيق هاد البنوذ تقليد على رقبتنا كأعضاء، حيت مجرد وقفة تأمل من برا الشاشة، كافية تخليك ترجع تشوف لي داز بازدراء وتندم على هاد الإنحطاط الأخلاقي لي ما يبغيه لا ربي لا العبد و لا المبادئ،

مثلا فميلانو، من نهار مات شاب عشريني من كورفا نورد إنتر فراه من 83 لليوم، باقين كايتجمعو الكابوات بيناتهم و تم اتخاد مبدأ الإتحاد للحد من حرب اللامبدأ بميثاق باقي ساري لدابا، وبقات الحرب حدها الكلاش بالرسائل و الدياسك، إليكم مقتطف فانزين مداد الكورفا فالعدد لي كان خرج هادي عامين فهاد الصدد.

بالنسبة لبعض عشاق العمق المقموعين لي كايلعبوها differente فمواقع التواصل، القضية ساهلة، خاص تكون غير راجل، و تحاول تفهم شنو هي odiamo tutti، حيت حنا كانكرهو أي حاجة غاتشكل عائق بيننا و بين فرقتنا، كانكرهو كلشي بالمعنى لي كايشير للعدد الكبير للي حاربونا فطريق العقلية و الفرقة.

18/12/2021

تا بلا ميبقا باندم إمثل علينا و عيشها قبيح ورا الكلافي
تا فنهيا الإلترا فهاد 3 سنين الأخيرة من غير وسط الملعب تا دروبا ديال الدار البيضاء ولاو مجزرة و ماكين غير البلطجية و سيوفا و ملاسات باندم طير ليه طرف من راسو والعصب ديال اليدين و صباع كطيرو و شي في السبطار و شي فالحبسات و شي مشا المقبرة باش غادي واجه الله و لا باش غادي نواجهو الله كاملين كنا مضاربين علىى الإلترا تا بنادم بلا ميبقا طلقها علينا كدير فيها إلترا ورا الكلافي حيت ماشي نتا لمحيداليك ودن وماششي نتا لكتسد عليك ورا الكرياج فالحبس وماشي نتا لضاع مستقبلكك و لا حيت كتفيق كلتقا مك موجد ليك الفطور و واحد مو نهار كامل وقفا كقلب فيها واحد وضربها الشمس و تبكي على ولدها فالشمس
تا را المشكل فهادششي كامل أن مبادئ الإلتراس فالعالم لدوين عليها باندم مفيهاش السلاح و هاد البلطجية و العالم كامل متفق بلي لكهز السلاح إنسان ضعيف و كعكع إلا فهاد المدينة الكحلة لكلشي فيها بالعكس لكهز سيف وملاسة هو لمقود
ورسالة لهاد الناس لكتحرض على هاد العنف ورا الكلافي را ساهلة تا دابا بينا لينا القوة ديالك وهز شي سيف و حيد الريوسا نتا غير ماتبقاش مخبي ورا الجماعة و تخور ف ولاد الناس تحمل مسؤوليتك و بينا لينا ولا باندم لا ماكنتش الجماعة ميقدرش و بقا سكي فولادآلناس و هو والديه هانين ومهني معا راسو و نعود نقولها ليكم المخير كان غعما كيفوت باب دارهوم تا دخل الإلترا و دار سميا نهار دارت الإلترا دارت باش تشجع الراجا لا غير و الراجا كتبقا أهم من المجموعة بحد ذاتها ولبجوهم مخسكش تمشي عليهم الحبس حيت كتبقا غا كورة فالٱخر ولعندو هذف خر دير أأخويا مافيا ولا عصابة وبعدو من الإلترا را بريئة من هادشي وهاد الرأي يلزمني و خاص بيا و أي واحد دير فيها مقود معجبوش هادشي لكتبت إكون راجل واجي لبسو ليكات راس ف راس و نديرو فيديو بنادم نشفو شكون لكعكع الأخر لا نسيت لمكيناش ملاسة ميقدرش ;)

22/11/2021

يوسف الله ايرحمو يوسف الله ايرحمو
العدالة لروحوا ✌🏼 والإدانة ليقتلو ⚖️
#العدالةليوسف

21/11/2021

17/11/2021

#العدالةليوسف

14/11/2021

سلامنا يوصلكم واخا الDISTANCE!

بالنسبة للعشران لي وصلو، على سلامتكم، إليكم منا تحية بصبع الALIEN، مهما فارقنا البحر والأيام، عمر الغربة غتمسح هويتكم، عمر ذاكرتنا غتفرط فيكم، الأرزاق بيد الله، نتوما ديرو السبب ودعاوينا معكم بتيسير الأمور، الراجا والغروب غيلاقيونا شي نهار، عارفين فينما تحطيتو غتعيشوها، إلى ذلكم الحين، تعيشو وتعيش الفكرة.
ومنسيناش لي خذاتو قوارب الموت كاندعيوا الله اجدد عليه الرحمات ويجعلو من اهل الجنة ان شاء الله.

23/10/2021

Secteur : Al AZHAR