الرجاء الشعب•Yassine

30/08/2026

Il faut se concentrer sur ce point.🚨🟢

▪️في خضم النقاشات اليومية حول المدرب… نسينا واحد الحقيقة الأساسية:
الرجاء مازال ماكمّلش الانتدابات اللي كتصنع الفارق.
قناص، صانع ألعاب، وسط ميدان قوي، جناح أيمن، وظهير أيسر… هادو مراكز مايمكنش فريق بحجم الرجاء يدخل الموسم بلا ما يكون فيها حلول جاهزة

المعسكر الثاني قريب، والوقت ما بقاوش فيه بزاف.
وفوق هاد الشي، نابي اللي كان داخل قبل الإدارة الرياضية، الأخبار كتقول أنه حط استقالته… وهاد المعطى كان ممكن يقع في أي لحظة، لأن المنظومة الرياضية تبدلات وهو ماكانش جزء منها من البداية.

ولكن…
اللاعبين اللي غادي يبقاو هما اللي غادي يمثلّو الرجاء موسم كامل.
وهنا مربط الفرس:
مايمكنش نطلبو نتائج كبيرة بلا انتدابات كبيرة.
مايمكنش نطلبو شخصية قوية للفريق بلا لاعبين عندهم شخصية.
مايمكنش نطلبو لعب هجومي بلا قناص وصانع ألعاب.

لهذا، منطقياً وواقعياً:
خاص الجمهور يطالب بانتدابات تليق بالكيان… وتليق بجمهور كيعمر التيران وكيحلم بالألقاب.
الإدارة الرياضية اليوم عندها صلاحيات كاملة، وعندها رؤية واضحة، ولكن خاصها الأدوات البشرية اللي تقدر تطبق بها هاد الرؤية على أرض الواقع.المدرب غادي يمشي؟ يبقى؟ هادي مسألة ثانوية…
أما الانتدابات فهي العمود الفقري ديال الموسم كامل.

29/08/2026

🚨🟢 هاد جوج ڤيديوات ، غدي رجعو ليهم من بعد حيت لفيديو الاول او تاني فيهم كلشي
▪️لنا عودة من بعد ما نشوفو كفاش غدي إكمل ميركاتو، لحد الان جودة مفيهاش توازن ا مافيهاش جوده لاعبين بلأخص وسط ميدان هجومي و الهجوم، هدشي تخلي المنافسين داخلين إلعبو معاك بكل ارياحيه ، ا مضمنش راسك في البوديوم الموسم المقبل لأن منافسين رفعو من الجوده تاعهم

29/08/2026

🚨🟢 منعم الإدريسي لاعب جديد لرجاء الرياضي ب عقد يمتد لموسمين
مع انتظار مهاجم الرئيسي لرفع الجودة المطلوبه

28/08/2026

🚨🟢 لاعب التونسي قريب من الرجاء الرياضي عادل بالطيب
اخر إحصائياته حسب المواسم الأخيرةموسم 2025–2026 (مع أرغيس بيتيشت - رومانيا):المباريات التي لعبها: 38 مباراة.الأهداف: 11 هدفاً.التمريرات الحاسمة: تمريرتان (2).عدد دقائق اللعب: 2809 دقيقة.البطاقات الصفراء: 6 بطاقات.

28/08/2026

🚨🟢 خبر مقلق يظل مغلقا بين الحقيقه والخيال،الرجاء أمام اختبار الميركاتو… إما تعزيز حقيقي أو تكرار سيناريو الموسم الماضي"

25/08/2026

🚨🟢 3 ايام تفصلنا على عن قرعة البطولة الإحترافية الموسم 2026-2027

25/08/2026

🚨🟢 الرجاء الرياضي اليوم كتعرف واحد الثورة هادئة فطريقة التسيير، وبالخصوص فالإدارة الرياضية لي بدات خدمتها من أول خطوة: انتدابات مبنية على الاحترافية، الاختصاص، والاختيار بلا تدخلات خارجية.
هادشي أول مرة كنشوفوه فالنادي، وكيعطي إشارة واضحة أن الرجاء داخلة فمسار جديد.

اليوم الانتدابات كتجي بشخصية، بتخطيط، وبمعايير واضحة… والأهم:
الاستقرار المالي.
ما بقاش داك المشكل ديال “سير حتى من بعد نخلصوك”.
اللاعب الجديد والقديم عندهم ضمانات، وهادشي كيخلق بيئة صحية باش كل واحد يعطي أقصى ما عندو.

ولكن الحقيقة هي أن الخدمة الحقيقية ديال الإدارة الرياضية غادي تبان من بعد الانتدابات:
طريقة التسيير، المتابعة البدنية، العقلية، الذهنية، التنظيم اليومي، التعامل مع الضغط…
وحتى الجمهور عندو دور كبير فهاد المرحلة، لأن النتائج فالأخير هي لي كتجمعنا كاملين.

الإدارة الرياضية جات متأخرة شوية، وهادشي خلا الانتدابات تتأخر، وخلق توتر عند الجمهور… ولكن اليوم كاين أخبار على معسكر ثاني قبل بداية الموسم، وغادي يكون فيه جميع الانتدابات جاهزة وجميع اللاعبين المختارين.

وهنا الرسالة الأساسية:
الرجاء لأول مرة كتخدم باحترافية حقيقية.
أول مرة كنشوفو طريق واضحة.
أول مرة كنشوفو مشروع مبني على المستقبل، ماشي على موسم واحد.

إذا بقينا فهاذ الطريق، غادي نوصلو لمرحلة جديدة:
– انتدابات كبيرة بالملايير
– مدرسة قوية كتخرج المواهب
– فريق أول مستقر
– إدارة رياضية واضحة
– جمهور واعي بالدور ديالوالرجاء اليوم فالبداية ديال ثورة جديدة…
وخاصنا كاملين نآمنو بها، نصبروا عليها، ونساندوها.لأن الخير جاي، والمستقبل أخضر 💚

الجمهور الرجاوي اليوم خاصو يكون سند للمشروع الجديد ويآمن بأن الاحترافية كتحتاج الوقت باش تبان نتائجها.
اللاعبين محتاجين بيئة إيجابية كتقويهم ذهنياً وما كتخليش أول خطأ يدمّرهم.
الضغط مطلوب، ولكن خاص يكون ضغط إيجابي كيحفّز وماشي كيحبط.
وإذا الجمهور بقى مجموع وواعٍ، غادي يكون أكبر قوة كتدفع الرجاء للمسار الصحيح والمستقبل الأخضر.

20/08/2026

19/08/2026

🚨🟢 رسميا قلب دفاع البرتغالي ماريان هوجا لاعب جديد لرجاء الرياضي الى غاية 2029