04/04/2026
المدرب خدا وقتو الكافي جوج توقفات واحد كان فيه 90 يوم و دبا 30 يوم
يعني منطقيا خديتي وقتك الكافي باش تدير البريباراسيون ديالك و تلعب الوديات و تحرب اللي بغيتي ...
دبا هاحنا قدامنا اياب فيه 15 مقابلة + كأس العرش
عاد زيد الترتيب غايبقى متقارب يعني ولو يتلعبو مؤجلات و كلشي يتربح غادي يبقى فرق 3-5 نقط يعني المنافسة كاينة ، أي تعثر ولو تعادل خاصك تحط استقالك و تمشي فحالك حيتاش صبرنا عليك براف و ضيعتي علينا نقط كان من الممكن انها تخلينا متصدرين و نكونو مرتاحين ، عندك سكواد تقدر تخرج منها العجب و تحقق بيها المرونة اللي تخليك تسير جميع المقابلات مزيان ولكن نتا ضعيف و خواف و ماتش بركان دليل مدافع ب 5 لاعبين و تخربيق في التوظيف و بدون افكار هجومية ...
الاهداف كلها اللي تمركاو هاد العام عبارة عن مجهود فردي للاعبين
اللاعبين براسهم قدامكم دبا فترة حاسمة أي واحد غايبدا يتخادل ولا يخدم المساوس ديالو غادي نكونو ليه بالمرصاد
هاد العام راكم مخلصين في الوقت واخدين المنح ديالكم خديتو راحكتم في التوقفات ، الاصابات د اللاعبين تشافاو و رجعو للتداريب
يعني دوك العقود الكبيرة اللي عندكم خاصكم تبرروها و إلا غير سيرو مع نهاية الموسم الا مدرتو تا حاجة
هادي رسالة لسيد الرئيس هذا هو الوقت باش تزير الصمطة و تضرب بيد من حديد ، حيتاش حتى هاد النتيجة غادي تأثر على مستقبلك في رئاسة الفريق من بعد القرارات الكارثية اللي خديتي و مبنتش شخصيتك نهائيا هاد العام... اي تعثر خاص يكون المقابل ديالو الإقالة و تعويض بمدرب مزيان نكملو بيه الموسم وخا راه c'est trop t**d ولكن منها نيت تعرف علاياش راك واقف و تشوف وجهك في المراية.
