29/06/2024
حسبها نصيحة من خوك
صاط فاش يوصل عمرك مابين 18 و25 هاد المرحلة فاصلة في حياتك وهي لي غادي تحدد كيفاش غادي تعيش من بعد،
داك شي علاش أخي الكريم في هاد العمر حاول تركز على حياتك خدمتك ولا قرايتك وحاول تعلم اللغات....
في هاد المرحلة بعد على التبرهيش وحاول تختار صحابك بعناية، بعد من البلية كون راجل في شبابك باش تعيش بكرامة في شيبك
شجع فرقتك بغيها بكاع الحب وكاع الشغف
في هاد المرحلة من عمرك ماتفكرش تأديري في شي كروب، ماتخورش أصاحبي ماضيعش وقت في الخوا الخاوي فكر في حياتك كثر من الكروب باش ماتندمش فاش تكبر ويكون فات الفوت ديك ساعة
بلا مايجي شي واحد يفرع ليا كري بلي الألتراس أسلوب حياة ولا شي حاجة بحال هاد التخربيق
واش تسحاب راسك في الطاليان أصاط ولا صربيا ولا كرواتيا.... فيق للواقع المر راك في المغرب في هاد البلاد السعيدة مايمكنش تعيش الأولترا ماشي حيت نتا ضعيف ولكن لي ضعيف هوا هاداك لي معاك في الغروب ومفاهمش الكونسيبط مفاهمش علاش هوا في داك الكروب، كيفرحو غير الفلام وتخسار طاغ في الضلام ويهز ملاسة يقصد واحد مفاهم والو حتى هوا وفي الاخير كيجر معاه كلشي
تقدر تكون ضحية اللاوعي ونتا ماداير والو
عيش وخود لي ينفعك ماشي لي يضرك
أديري وعيش الشغف مع الغروب لي كتحس بيه قريب للتوجه ديالك ولكن فاش تكون ضمنتي مستقبلك وضمنتي غادي تعيش بكرامة ،حيت راه مقودة شويا تكون مقودة عليك ومزال كتفكر في شي حاجة من غير دير العاقة و تصوفي والديك
