12/06/2026
🚨 الاخوان غير باش نتفاهمو على واحد النقطة قبل ماتش البرازيل 🇲🇦🇧🇷
البرازيل فكأس العالم بحال ريال مدريد فالشامبيونز ليغ.. عندها التاريخ، و5 ديال الألقاب.. يعني غير السمية ديالها كتخلع، وهدا واقع ما خاصناش ننكروه.
منين ربحناهم فماتش ودي، المغاربة فرحو بزاف، وحسيناه بحال إنجاز جديد من بعد مونديال قطر، وهادشي عادي حيت كتربح عملاق بحجم البرازيل ماشي حاجة عادية.
ولكن فهاد الماتش خاصنا شوية ديال التوازن، والإيمان بالمنتخب، ولكن ما خاصناش نطلعو سقف التوقعات بزاف حتى يولي أي تعثر بحال الكارثة.
البرازيل منطقياً مرشحة تربح، والمغرب إلا ربح غادي تكون ضربة كبيرة وتاريخية.. أما إلا كانت نتيجة سلبية، فراه ماشي نهاية العالم، حيت كأس العالم بطولة بحسابات، والأهم هو كيفاش نكملو الماتشات اللي من بعد.
المونديال ماشي ماتش واحد.. اذن خاص الذكاء، وتدبير الطاقة، وجمع النقاط فالبلايص اللي خاصها تتجمع 🇲🇦🔥
