https://www.facebook.com/119930447715021/

الدوري الرمضاني 2023 لكرة القدم المصغرة تدارت-الشرف, Agadir (2026)

26/02/2024

قريبا اعلان الدوري الرمضاني الشرف-تدارت

07/05/2023

السلام عليكم الاخوان كيدايرين ان شاء الله كولشي بيخير و بصحة جيدة.
بعدما حلو ملاعب القرب ،غانبداو ان شاء الله الماتشات الودية كيف ديما ، عندي مجموعة من الأصدقاء كانلعبو على الاقل 2-3 ماتشات فالاسبوع فجميع الملاعب كل مرة فين ( العشب الاصطناعي-القاعة المعطيات - البحر - البر ههههه...)
اللي عندو شي 6 صحاح شويا مرحبا بيه .
شعارنا الكرة للجميع،و بالرياضة نحمي اجسادنا.

26/04/2023

بعض الصور من مقابلتي النهائي شكرا للاخ احمد تامرا Fly Viral Maroc على تعاونه معنا
اللي عجباتو شي صورة بصاحتو هههه

26/04/2023

صور تسليم الجوائز لأبطال الدوري الرمضاني 2023 لكرة القدم المصغرة تدارت-الشرف فئة 36 سنة فما فوق.
جائزة احسن مدرب لشخص أعطى الكثير لكرة القدم الوطنية و السوسية قيدوم المدربين ، شخص كان دائم الحضور مع فريقه رغم الوقت المتأخر و الاجواء ....
مولاي علي العلوي اطال الله في عمره اللي بالتعليمات ديالو و الصرامة قدر يوصل بالفريق ديالو النهضة الاجتماعية للنهائي على حسب فرق قوية شكرا له و يشرفنا حضوره معنا ❤️✌️.
احسن لاعب في البطولة: نور الدين بوعشرة لاعب الحسنية السابق و لاعب انزكان حاليا شخصيا استمتعت بمشاهده (الله يعطيه الصحة كوايري فنان)
احسن حارس : سعيد حارس رجاء أكادير و الصقر سابقا كاسياس المقاصة لم يتمكن من حضور النهائي بسبب سفره تسلم جائزته عمر نجدي
هداف الدوري : جواد بن فاتح (ديدي) من فريق النهضة الاجتماعية قدم آداء خيالي تعرض لإصابة حرمته من اكمال الدوري سجل أجمل أهداف الدوري نتمنى له الشفاء العاجل و دوام الصحة.
كما تقاسم الجائزة مع جواد لاعب المقاصة ابراهيم هداف الفريق ابان عن علو كعبه وسط مجموعة من اللاعبين المميزين.
الفريق المثالي : فريق بن سركاو اللي كان مرشح يكون فالنهائي لولا بعض الاصابات اللي تعرضو ليها لاعبيه
المركز التاني و الوصيف : فريق النهضة الاجتماعية بأجود عناصره رغم السن كان الند القوي لجميع الفرق و بين على تاحرايفيت ديالو، الف شكر لكل واحد فيهم على تقاسمه معنا هده اللحظات الكروية الرائعة.
بطل الدوري: الفريق اللي فاز ببطولة أكادير السنة الماضية الفريق اللي لاعبيه كانو ففرق محترفة ، فريق اللي معندگ. متݣول عليه ، فريق اللي متع جمهور اݣادير فجميع الدوريات اللي لعبو فيها،الفريق اللي عرضنا عليه باش نجربو حضنا معاه واش نقدرو نديرو معاه شي حاجة ، ساعة صعيب كاين فرق كبير فالمستوى.
فريق المقاصة ب أبرز لاعبيه قائدهم لاعب المقاصة (الحسنية الرجاء الوداد الشعب بيتروجيت و طنجة) عمر نجدي+ لاعبي الحسنية عادل الماتوني نور الدين بوعشرة ،ياسين البيساطي ، سعيد الحيمر ،ابراهيم، مصطفى و ايت فراط.
نخبة من الشباب اللي عجبوني بالتواضع ديالهم و احترامها للخصوم اللي كانݣوليهم الف مبروك الفوز و شكرا لمشاركتكم معنا هده اللحظات الممتعة و الى فرصة مقبلة ان شاء الله.

26/04/2023

صور تسليم الجوائز لأبطال الدوري الرمضاني 2023 لكرة القدم المصغرة تدارت-الشرف
فئة 18 سنة فما فوق :
جائزة احسن لاعب : بوعشرة حميد (شباب تكوين)
افضل حارس : عماد صابر (شباب تيكوين)
الفريق المثالي: أغزديس
المركز التاني: شباب تيكوين
المركز الاول و بطل الدوري: شباب حي الموظفين
ملاحظة: الجوائز الفردية اختيرت بعد تشاور مع اللجنة المنظمة و حسب آداء اللاعبين طيلة البطولة.
شكرا للجميع .

22/04/2023

السلام عليكم و رحمة الله ، عيد مبارك سعيد و كل عام و الامه الاسلاميه بخير.
اسدلنا الستار و الحمد لله اول أمس الخميس 29 رمضان على الدوري الرمضاني 2023 لكرة القدم المصغرة تدارت-الشرف المنظم من طرف جمعية اتحاد بواركان لكرة القدم.
مقابلتين نهائيتين تم برمجتهما في هده السهرة الكروية، الأولى للفئة العمرية 18 سنة فما فوق جمعت بين فريق شباب حي الموظفين ( ريال مدريد الدوري) بطل الدوري السنة الماضية و سنوات عديدة، و فريق كنت ارشحه للفوز باللقب جاءنا من تيكوين بخيرة من الشباب (كوايرية) .
مقابلة كما توقعنا صنفت احسن مقابلة في الدوري انتهت بفوز حامل اللقب بضربات الحظ بعد نهاية المقابلة بالتعادل الايجابي 4-4 (3-1). الف مبروك لأصدقاء فزراوي و هارد لك لشباب تيكوين كنتم احسن ممثل لتيكوين.
المقابلة الختامية و مسك الختام كانت للفئة العمرية 36 سنة فما فوق و جمعت بطل أكادير الغني عن التعريف فريق المقاصة بأبرز نجومه ( عمر نجدي- سعيد الحيمر- مصطفى اولهوط-ياسين بيساطي-عادل الماتوني-ابراهيم- بوعشرة- ياسين ايت فراط) بفريق النهضة الاجتماعية تحت قيادة قيدوم المدربين مولاي علي العلوي الدي نشكره على تلبيته دعوتنا، فريق امتعنا طيلة الشهر الكريم بلاعبيه القدامى ( سمير-علي-طارق-جواد-الحبيب-رياض....)
مقابلة عرفت سيطرت المقاصة خاصة بسبب غياب حارس النهضة المتألق و هدافه جواد ديدي المصاب الدي امتعنا بأهدافه طيلة الشهر الكريم و الدي نتمنى له الشفاء العاجل.
ستة اهداف سجلها ( 2نجدي 2 الماتوني 1 الحيمر 1 ابراهيم) مقابل هدف و حيد سجله المتألق رياض مكرم .
و هكذا غادي نقلبها دارجة و غادي نكونو قدرنا نفوزو بالتحدي اللي درنا حيت برمجنا كتر من 40 ماتش خلال 13 يوم 3 ساعات كل يوم 12 فرقة فدوري 18+ و 8 فراقي فدوري 36+ سالاو كولشي الماتشات بروح رياضية كولشي مشا على خاطرو، تفرجنا فلاعبين و لعبنا ضدهم كنا كانشوفوهوم غير فالتلفازة و لا السيري ، داكشي علاش الشعار ديالنا هو (الكرة للجميع في إطار الاحترام و الروح الرياضية) .
شكرا لناس حي تدارت-الشرف اللي صبرو معانا ، جزيل الشكر للأخ الحسين المسؤول عن ملعب القرب, شكرا للجماهير الوفية اللي حضرو معانا جميع الماتشات ، شكرا ل جميع الفرق المشاركة اللي التزمت معانا و هي سبب نجاح الدوري، شكرا لأي واحد تعاون معانا و لو بكلمة طيبة
شكرا لأعضاء جمعية اتحاد بواركان على رأسها جمال علوان - لامين اللي حضرو لينا الوثائق ديال الدوري
شكرا للناس ديال مصلحة الرياضة التابعة لجماعة أݣادير اللي قبلو لينا طلب التنظيم و سهلو لينا الامور على رأسهم الحاج رضوان بلحسن رئيس المصلحة و جندي الخفاء الاستاد عبد الله.
و أخيرا واجب شكر للأخوة ديالي فاللجنة التنظيمية على رأسهم اخي و صديقي حسن أغلاد ❤️✌️على كل المجهودات اللي دار معانا ( تحكيم-تنظيم- الترونسبور....)
هشام لعبوب❤️✌️ رفيق الدرب صاحب فكرة الدوري لسنوات ولد الضومين الله يسهل عليه
حمزة اولعسري ❤️✌️ جندي من جنود الخفاء ( اي حاجة خصاتنا كايحضرها لينا بدون مقابل)
جزيل الشكر لݣاع الناس اللي دعمونا لا ماديا لا معنويا ( حسن لعضيمات-اسلام عبد القهار-محمد لاطيفي- مصطفى و اللي نسيناه اسمح لينا)
تحية خاصة للأخ أحمد تامرا fly viral اللي قام بتصوير حفل الختام و الاخ ياسين كوكام DJ اللي أطر لينا الحفل كما نشكر الحكمين الوطنيين الإخوة االگرني على تلبيتهم الدعوة و قيادتهم لمقابلتي النهائي بكل احترافية .
تحياتي للجميع و نعدكم بالافضل السنة المقبلة ان شاء الله
صور حفل تسليم الجوائز غانديرهوم بوحدهوم ✌️👍⚽

04/04/2023

ماتشات نهار الجمعة كانو 2 ديال 18+ و واحد ديال 36+.
الاول كان بين فريق النعامة و أغراس هاد الاخير اللي رجع فالدوري بعد الماتش الاول ديالو لي كان فيه مشتت و دار شي تعزيزات ابرزها اللاعب مصطفى اللي صنع الفارق و ماركا 3 و سسالاو ب 6-4. مبروك لأغراس و هارد لك لفريق النعامة.
الدوزيام ماتش كان بين المقاصة الغني عن التعريف و المطار اللي كان ند قوي خاصة ملي عرف كيدخل الماتش بدفاع المنطقة و لولا هدفي عمر نجدي الاولين لعانا المقاصة و خلا المطار يخرج يلعب كوورة و زادوهوم حتى وصلو ل 4-1 و كيعلن الحكم نهاية الماتش .
آخر ماتش كان هو الحلوة ديال هاد الليلة كان بين حي الموظفين و امل احشاش حي الموظفين كالعادة بنجومه البارزين و ا مل احشاش بشباب واعرين كوايرية غادي ايݣولو كلمتهم فالمستقبل. ماتش كان مزير كان فيه التألق الحارس خليل و اللاعب عبد الكريم و قدرو يربحو ب 5-3 .
شكرا للجميع و الى فرصة قادمة ان شاء الله 👍✌️⚽

04/04/2023

4 ماتشات دوزنا نهار الثلاثاء 3 فئة 18 عام فما فوق و 1 ديال قدماء اللاعبين
1 لوكال(الاخضر) ضد نابولي(الاسود) سالا ب 3-2 ماتش حار بين دراري عندهوم الخبرة فهاد الدوريات و شباب صغار كوايرية خاصهوم غير التجربة. متعة كروية قدموها لينا شكرا لهم .
2الشرف (الابيض) ضد الشباب ( الازرق) ربحو الدراري د الشرف ب 5-2 ماتش كان مزير فالاول لكن كاسو كان فالفورما و ماركا 3 بينما فريق الشباب بان عليهم العيا و مقدروش يسايرو الماتش.
3 الأولى للرياضة و التعاون (الرمادي)ضد النهضة الاجتماعية(الابيض) فئة +36 ماتش فكرني فيامات الزمن الجميل خاصة فريق النهضة بلاعبييه جواد ديدي ،العلوي ... ماتش كان ممتع كانت الغلبة لأبناء العلوي ب 4-0 ماركا فيها جواد 3 البيوت واحد ينسيك لاخر و حسن ماركا الرابع. مبروك للفريق الفائز و حظ اوفر للمنهزم.
5 الختام د السهرة الكروية كانت بين اغزديس و سيدي فارس (البرتقالي)ماتش كان سخون هدف هنا هدفين لهيه حتا وصلنا لآخر دقيقة كانو سيدي فارس رابحين 4-3 و الحكم كايعلن عن ضربة جزاء لأغزديس تمكن القيدوم رشيد ارݣاز للترجمة ديالها لهدف التعادل و كايسالي لماتش بلا غالب و لا مغلوب . شكرا للجميع 👍✌️⚽

30/03/2023

ماتش الاثنين فالفئة ديال 18 سنة فما فوق، كان بين فريق اتحاد امسرنات و اشبال تيكيوين ماتش بينو فيه ولاد تيكيوين على تاحرايفيت ديالهوم فرقة كانرشحها تلعب على اللقب بينما اتحاد امسرنات كانو مخربقين مامولفينش العبو بيناتهم و خسرو ب 3-0 (مراد-هشام-بوعشرة) .
الف مبروك الدراري د تيكيوين و حظ موفق للاتحاد فالماتشات الجايين.
الماتش التاني فئة 36 سنة فما فوق كان بين بن سركاو و حي الهدى هاد الماتش كان استعراضي للبنسراكويين و بان فيه ان ولاد الهدى عندهوم مدة مالعبوش بيناتهم و خسرو ب 10-1 سجل رشيد 3 و الاسعد 2 جمال 1 عادل 1 و لحسن 1 فيما اكمل العشرة فريق الهدى بتسجيله هدفين ضد مرماهم . كما سجل عبد الله هدف الشرف للهدى.
شكرا للجميع و نعتدر على التأخير 👍✌️⚽⚽

28/03/2023

مقابلات يوم السبت حاولنا نقلبو نأجلوهوم لكن ماكاينش الوقت و كيما ݣلنا سابقا كاين ضغط ديال الوقت معندناش الوقت باش نأجلو و لو شوط لدلك كانتمناو من المشاركين اتعاونو معانا اللي لاعب تورنوات بزاف يحاول يدير 2 فراقي و يقضي غرض .
الماتش الاول18+ كان غايكون بين حي الموظفين و النعامة هاد الاخير فاز باعتدار فريق فزراوي اللي خلاني حتا الساعة قبل الماتش و ݣاليا دراري بغاو اتفرجو لدلك قررت اللجنة المنظمة منح 3 نقاط لفريق النعامة و احتساب نتيجة 3_0 .
الماتش التاني 36+ جمع بين فريق المطار و فريق احشاش ، مقابلة عرفت تواجد العديد من النجوم القدامى بفريق احشاش بقيادة القيدوم عبد سلام تشابا اضافة إلى علي بوهور اللي باقي كاينا اللمسة ديال الهداف عندو و الحكم الوطني الهراوي اللي عندو لمسة ديال الكوايرية تبارك الله .....
النتيجة كانت لصالح اصدقاء مصطفى (المطار) بنتيجة 5-2 فريق احشاش بان عليه نقص اللياقة البدنية.
اهداف المقابلة تناوب عليها كل من المهدي-حسام-حريولة2-مصطفى. فيما سجل هدفي احشاش علي بوهور، كما عرفت المقابلة إصابة كل من مراد العربوني و سفيان نتمنى لهم الشفاء ( و بشويا علينا ا لخوت).
اما ختام السهرة فهي مقابلة امل احشاش ضد اغراس التي انتهت باكتساح امل احشاش اغراس ب 7-2 تألق جميع لاعبي احشاش خصوصا عبد الكريم و عز الدين فيما خان لاعبي اغراس الحداء الرياضي حيت تعرضو للزحلقة في العديد من المرات .
اهداف احشاش باشا2 عز الدين 2 فارس 2 و هدف لاحد لاعبي اغراس ضد مرماه فيما سجل لأغراس كل من ياسين و دريوش.
تحياتي للجميع و باقي اللعب .✌️👍⚽

الدوري الرمضاني 2023 لكرة القدم المصغرة تدارت-الشرف

26/02/2024

07/05/2023

26/04/2023

26/04/2023

26/04/2023

22/04/2023

04/04/2023

04/04/2023

30/03/2023

28/03/2023

Address

Website

Alerts

Shortcuts

Share

Category

Listing takedown request