SC - الاتحاد الليبي

Directions Website

SC - الاتحاد الليبي كل مايتعلق بالزعيم والعميد الاتحاد الليبي 1944

18/10/2026

تعليقات جمهور الاهل على تعاقدات محترفين السلة قمة في الضحك والجهل الكروي الي يليق بعقلية زي مكب قدح ، اللاعبين الافارقة اللوص هما نفسهم يدوروا على الاندية الأفريقية كلها والي عنده فلوس يجيبهم .

كلامهم يحسسك انك تعاقدت مع ولاد قدح يلعبوا معاهم من البراعم والعين الثاقبة للكشاف ايمن حنيش اما السيرية مازال تلبسوها انتم فالقدم بس حتى الي يجيبوا فالكور قريب تتعاقدوا معاهم حتى الاوروبي طمعتوا فيه .

الاهم ماتنسوش دعم الرجال بعد يومين في قاعة طرابلس 🔥

16/10/2026

عقدة النقص وصلت بنادي مكب قدح جايبين الخرف رؤوف خليف صاحب الـ70 عام المطرود من بي ان وثمانية السعودية ودبي الرياضية عالتوالي عاطيينه رقم باش يعطوه ورقة فيها كلمتين يقراهم تعبر عن نقصهم 🤣

كلام الشوالي على الاتحاد في اكبر قناة عربية قاعدين متضايقين منه لتوا يبو يصنعوا لروحهم تاريخ بالسيف بالقرشين الي يوزعوا فيها على المتقاعدين .

الجاية جيبوا يوسف سيف عاودوا قولوله بالله قول ربحنا الاتحاد .

16/10/2026

ابطال والله 🫂

في العالم كله أي قرار 50-50 مش متأكد منه الحكم ديما يمشوا فيه لصالح الفرق الكبيرة لهلبا اسباب منها يقولك نادي عنده جمهور...
16/10/2026

في العالم كله أي قرار 50-50 مش متأكد منه الحكم ديما يمشوا فيه لصالح الفرق الكبيرة لهلبا اسباب منها يقولك نادي عنده جمهور وصداع وادارته ناس واصلة في الاتحادات الرياضية فكني من المشاكل .

في ليبيا المواسم الأخيرة الشي هذا لا ينطبق عالاتحاد ومعظم القرارات الجدلية تنحسب ضدنا لان للاسف الادارة تحسابة الكورة تعاقدات بس والجمهور بدى ينجر للشي هذا ويتناسى ان الكورة في ليبيا نصفها تحت الطاولة .

الدرسي حرمنا من ركلة جزاء اوضح من الشمس فوقت قاتل في ديربي بنينا الكاس مع انها لمسة يد قدام عيونه لكن خاف يصفرها يقولك فكني ديربي خليه يكمل ريقوليات وبعدها بشهر يحكملنا في الدوري وجو مليح مافيش ردة فعل لا من الادارة لا الجمهور .

المرة هذه مشت على خير لانك ربحت لكن لازم تصحوا قبل ماتجيك الفالطة الي تضيع عليك نقاط راهو هادم يخافوا مايتحشموش .

جدد عقودهم اول مايروحوا من دمشق يا محمد إسماعيل الله يرحم ولديك ماتضيعش جهدك فاللعبة الي ماشية صح في النادي .للعلم المشا...
15/10/2026

جدد عقودهم اول مايروحوا من دمشق يا محمد إسماعيل الله يرحم ولديك ماتضيعش جهدك فاللعبة الي ماشية صح في النادي .

للعلم المشاي راقدلهم بالعرض قداش ليه والرقم الي يبوه حياخدوه لانه يشوف فيها غلطته الوحيدة في فترة رئاسته لناديهم وداير كل شي باش يردهم .

سكر موضوعهم من توا قبل حتى ملف محترفين البال لانهم اساس السلة في ليبيا .

الحمدلله 3 نقاط مهمة قدام فريق يعتبر مش ساهل صارف وجايب محترفين وحيتعب حتى الاندية المنافسة في ملعب مش امتع لعب كورة ويس...
14/10/2026

الحمدلله 3 نقاط مهمة قدام فريق يعتبر مش ساهل صارف وجايب محترفين وحيتعب حتى الاندية المنافسة في ملعب مش امتع لعب كورة ويساعد على الدفاع والتسكير .

عدم مشاركة مامادو سيلا وبن علي حتى آخر الدقائق ان شاء الله تكون عدم جاهزية وخوفا من الاصابات مش لاسباب اخرى .

النقطة السلبية عدم حسم اللقاء بهدف ثاني مبكر وحرق الدم لاخر دقيقة ولو ان الحظ وقف ضدك في زوز عارضات لكن مش ديما حتسلم الجرة والقول مرات تستقبله بأي طريقة .

نجوم المبارة بدون منازع والسبب الاول للانتصار 👇🏻👇🏻

14/10/2026

- كورة فيه كورة لكن معاها استعجال .
- الشلوي وصبحي ياودي سادها الحق !
R2-

البيزي نشوف فيه رصيده الموسمي كمله في مبارة الاخضر خلي نشوفوا سيلا توا ..

09/10/2026

الخوجة لاعب منتهي من موسمين في شن افضل من حمزة المقصي ؟؟

09/10/2026

الموسم الي فات قعدنا نلعبوا ضد اندية مستواها درجة ثانية البيزي يسجل والجمهور فرحان ويصفق مع ان جايبين مهاجم من الدوري الاماراتي ومش قادرين نعطوه فرصة يلعب اساسي بحجة تسعتنا يسجل ومش مهم شن يدير فباقي المبارة .

وقت وصلنا للجديات والمباريات المهمة البيزي رخى بينا ولقينا اناتولي ماخداش فرصته ومش جاهز ، الله يرحم ولديكم ماتطيحوش في نفس الغلط سنتين عالتوالي وكلموه البنزرتي عالموضوع خلي يعطي للمحترف فرصته ونشوفوا وضعه .

09/10/2026

البيزي لاعب مجتهد قدراته البدنية كويسة عالعين والراس ربي يوفقه ونشوفوه يتحسن اكثر لكن مستحيل تكون تسعة اساسي في الاتحاد وانت لما توصلك الكورة ماتقدرش تستلمها صح وتقيم راسك تعطيها لأقرب لاعب يتحرك معاك .

القول يجي في لحظة ومرات تركب معاك تسجل حتى هاتريك لكن مشكلة لما يكون مهاجم اساسي في الاتحاد مش قادر يشارك في اللعب بكل ويخسر اي كورة توصله .

التسعة الجديد مازال ماتقدرش تحكم عليه في الوقت المحدود الي يلعب فيه وهذه من عيوب لما نعيطوا التعاقدات مفروض منتهية قبل اول معسكر واللاعب منسجم باش تقدر تحكم عليه فنيا .

Address

Tripoli

Website

Alerts

Be the first to know and let us send you an email when SC - الاتحاد الليبي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category