29/05/2026
آخر مباريات الموسم …..
مانبوش نتكلموا علي الدوري وأسبابه وووو خلينا فالمبارة خلينا فالديربي توا
مبارة تبي رجال مبارة تبي قتال مبارة تبي تضحية لأنه لقدر الله خسرتها تطلع بموسم صفري وماعندكش حتى مشاركة أفريقية الموسم الجاي يعني حتى صفقاتك ومشاريعك والطاقم الفني تتغير نظرتهم ومخططاتهم .
الاهلي لم يخسر اي لقاء حاسم ولاكن ايضاً لم يستطيع الفوز فاللقاءات الحاسمة تعادل فالديربي اللي كان ولا اسهل فالسداسي وتعادل فاللقاء الحاسم أمام السويحلي ورغم السيطرة الفرص كانت معدودة .
كل الثقة في هذا المدرب الحقيقة ولاكن الاهلي يعاني من الجانب التكتيكي في صناعة الفرص وانهاء الهجمات وهذا واضح للجميع .
#الاهلي اعتمد في آخر المباريات على العرضيات بشكل كبير دون وجود لمهاجم متخصص فالرأسيات وانهاء هذا النوع من الهجمات نتمنى كابتن حسام يراجع تكتيكه الهجومي ويكون في تنوع اكثر، نعرف انه المحترفين اقل مستوى وجودة من الموسم الماضي وهذا زاد نقص الحلول لاكن التنوع الهجومي ليه دور ومفاجأة الخصم لانه كلهم عرفوا نقطه الضعف الاهلي ويخدموا عالتكتل الدفاعي .
آخيراً رسالة قدمتم موسم كبير جميعاً وقاتلتوا لآخر الدقايق والجولات والفضل ليكم انتو الموسم هذا لانه نعتبروا نلعبوا منغير محترفين امامكم هذه المبارة اللي انتو تعرفوا كيف تربحوها وانتو تعرفوا قيمتها الفوز ولا شي غير الفوز ياولاد مبارة السداسي شفتوا قوتهم وجهدهم ماعندهم شي العب بقلب واررربححح من لاخير .
ونسأل الله التوفيق 💚✅👋🏼
