03/09/2026
مفتوح حاليا ❤️❤️
النادي يرحب بكل زواره الكرام من داخل المدينة وخارجها 🎈 🥳
أولا لازم تقرو قواعد السلامة لضمان سلامة الجميع ❤️
ثانية فيه نقاط لازم انبهوا عليها باش الصورة تسهل ع
الجميع ومايكونش فيه اشكالية بإذن الله ❤️
🙋🙋🙋🙋🙋
1- رسوم الدخول دينار واحد للشخص الواحد من البوابة الرئيسية.
2- عندنا لافتة موضحة بالاسعار يعني اتفضلي للصالة داخل شوفي ولدك شن حابب يلعب واشريله الكروت هكي تمام باش ترتاحي انتي في الكافي وهو يلعب براحتها. + ( فيه نظام الباقات كيف يعني؟ عندنا الباقة الفضية 25دينار=10 كروت، الباقة الذهبية 30د=12 كرت) هكي تمام😃
3- ممنوع ادخال الأكل بجميع أنواعه من الخارج عندنا كافي ومطعم يُلبي جميع الاحتياجات.
4- في حال فيه حجز على مناسبة خاصة عيد ميلاد أو حفل نجاح أو تخرج أو حتى لمة مدرسات أو غيره وتبو ادخلو أكل من برا فأكيد حايكون بتنسيق وحجز مُسبق ودفع مبلغ معين للحجز.
5- عندنا دفع بالبطاقة المصرفية والناب موبايل وأكيد الكاش متوفر.
6- بالنسبة للألعاب فيه صالة خارجية تتضمن العاب الفيديو بلايستيشن والهوكي للاعمار من 10 سنوات لما فوق ، وبالنسبة للصالة المغلقة فيه ألعاب 😍 تنُاسب جميع السنافر بإذن الله من عمر السنة إلى 10 سنوات❤️
مواعيدنا حاليا مع ابتداء العام الدراسي الجديد بعون الله
مفتوح 3أيام في الأسبوع فقط ( الخميس والجمعة والسبت) وباقي الأسبوع حايكون مُغلق 🛑 حانستقبلو فيه حجوزات المدارس وأي مناسبات أخرى ❤️
ان شاء الله ايكون المنشور واضح للجميع أو ملاحظة 😊 نورونا بتعليق ❤️
