LFR - Luxembourg Formula Racing

LFR - Luxembourg Formula Racing HOME OF F1 E-SPORTS IN LUXEMBOURG!!! Nummer 1 Plattform vun F1 E-Sports an Letzebuerg!!

🏁 LFR JAPAN GP RECAP 🇯🇵 | LIGA 2De leschte Grand Prix vun der Saison ass zu Suzuka iwwer d’Bühn gaangen an huet eng span...
28/08/2026

🏁 LFR JAPAN GP RECAP 🇯🇵 | LIGA 2

De leschte Grand Prix vun der Saison ass zu Suzuka iwwer d’Bühn gaangen an huet eng spannend Saison mat engem staarke Finale ofgeschloss.

🥇 Dymax huet sech d’Victoire geséchert an konnt domat seng Saison nach eemol mat engem Succès ofschléissen. DenschNutz ass op enger staarker zweeter Plaz ukomm, wärend Bayernman de Podium komplettéiert huet.

🔥 Driver of the Day: Bayernman
Mat enger staarker Course konnt hien sech vun P4 op P3 no vir schaffen an domat eng vun de beschte Leeschtunge vum Rennen weisen.

⚡ Fastest Lap:
Mat enger 1:30.541 huet Dymax déi schnellst Ronn vum Japan GP gesat. No senger Victoire war dat de perfekte Ofschloss vun engem staarke leschte Rennen.

🏆 Championnat:
Um Enn vun der Saison steet Deadslide un der Spëtzt a séchert sech de Championstitel vun der LFR Liga 2 mat 192 Punkten. IbAdMonkey gëtt Vize-Champion, gefollegt vun Dymax op der drëtter Plaz.

🏆 Konstrukteursmeeschter:
Bei den Teams geet den Titel un Haas. Deadslide a Luigisbrother sammelen zesummen 288 Punkten a setzen sech domat un d’Spëtzt virun McLaren an Ferrari.

Domat geet eng spannend LFR Liga 2 Saison op en Enn. Vill Kampf, Iwwerraschungen an spannend Momenter hunn dës Saison gepräägt. E grousse Merci un all Piloten an un d’ganz LFR-Communautéit fir eng weider staark Saison!

Mir gesinn eis an der nächster Saison erëm! 🏁

📰 INTERVIEW | Schmatt: "Konstanz ass nach ëmmer dee beschte Wee no vir."Mat enger 3. Plaz an der Fuerermeeschterschaft a...
27/08/2026

📰 INTERVIEW | Schmatt: "Konstanz ass nach ëmmer dee beschte Wee no vir."

Mat enger 3. Plaz an der Fuerermeeschterschaft an enger 3. Plaz an der Konstrukteursmeeschterschaft huet de Schmatt seng bis elo stäerkst Saison an der LFR ofgeschloss. Och wann et dës Kéier net fir eng Victoire duergaangen ass, ass hien mat senger Leeschtung méi wéi zefridden.

"Ech sinn deck zefridden mat der Saison. Ech hat een Top-Start mat dräi Podiums, dono ass et liicht rofgaangen mais P3 ass bis elo meng bescht Leeschtung."

Fir de Schmatt war net déi lescht Grenz entscheedend, mee d'Konstanz iwwer déi ganz Saison. Genee déi Philosophie huet hien op de Podium vun der Gesamtwäertung bruecht.

"Konstanz ouni deck Feeler ass nach ëmmer een gudden Usaz. Natierlech hëlleft et och, wann een all Course an d'Punkten kënnt."

Eng Victoire war zwar ni wäit ewech, mee hie bleift realistesch a senger Analys.

"Meng Pace ass nach net gutt genuch fir eng Victoire. Mat e bëssen Chance hätt et zu Las Vegas kënne klappen."

Op senger Driver Rating géif hien eng Saach direkt änneren: seng Racecraft.

"Ech géif Racecraft méi héich setzen. Meng Konstanz a meng wéineg Feeler féieren dacks zu gudde Resultater."

Besonnesch houfreg ass hien op d'Zesummenaarbecht mam Capdo, mat deem hien Aston Martin op déi drëtt Plaz an der Konstrukteursmeeschterschaft gefouert huet.

"Mir verstinn eis gutt, och bei de Strategien. Ech wëll och Merci u mäin Teamkolleg soen. Ouni hien hätt ech déi 3. Plaz an der FWM net gepackt."

Fir an Zukunft och reegelméisseg ëm Victoiren ze kämpfen, gesäit de Schmatt nëmmen ee richtege Schlëssel.

100% den Training. Ech misst mech méi dohannert setzen, mee zäitlech ass dat net ëmmer méiglech.

🏎️ Konstanz, Teamgeescht an eng realistesch Selbsteinschätzung. De Schmatt huet an der Saison 14 bewisen, datt een net onbedéngt Victoire brauch, fir zu de beschte Pilote vun der LFR ze gehéieren. Mat e bësse méi Training kéint hien an der Saison 15 och am Kampf ëm déi ganz grouss Trophäen matmëschen.

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

LFR INTERVIEW | LUIGISBROTHER – E COMEBACK MAT ERFOLLEG 🔥🔥🔥Kuerz virum Start vun der Saison 14 ass de LuigisBrother no e...
25/08/2026

LFR INTERVIEW | LUIGISBROTHER – E COMEBACK MAT ERFOLLEG 🔥🔥🔥

Kuerz virum Start vun der Saison 14 ass de LuigisBrother no enger Paus zeréck an d'LFR komm. Nodeems privat Saachen am Virdergrond stoungen, war d'Motivatioun nees do, fir zeréck an de Cockpit ze klammen.

Grouss Erwaardungen hat hien dobäi awer net.
"Nee, guer net. Ech war guer net méi am Rhythmus."

Um Enn sollt awer eng staark Comeback-Saison draus ginn: 96 Punkten, P5 an der Fuerermeeschterschaft an de Konstrukteurstitel mat Haas.

E wichtege Faktor dobäi war d'Zesummenaarbecht mam Champion Deadslide.
"Den Deadslide ass dee méi schnelle Fuerer vun eis zwee. Ech hunn him probéiert esou gutt wéi méiglech während de Coursen ze hëllefen."

Och seng perséinlech Entwécklung ass net onbemierkt bliwwen. De Mutzka hat de LuigisBrother an eisem Interview als ee vun de Pilote genannt, déi sech dës Saison am meeschte verbessert hunn.
"Et ass eng Éier, esou eppes vun engem erfuerene Fuerer aus der Liga 1 ze héieren."

Säi momentanen Driver Rating vun 75 gesäit hien no dëser Saison dann och e bëssen ze niddreg. Eng Bewäertung vu 76 oder 77 géif senger Meenung no seng aktuell Leeschtung besser representéieren.

Interessant ass awer virun allem, wat hien aus senger Paus matgeholl huet. Seng Äntwert besteet aus just zwee Wierder: Rou a Gedold.

An dat passt och zu sengem Zil fir d'Saison 15. Amplaz direkt vum Fuerertitel ze schwätzen, wëll hien un engem Punkt schaffen, deen him dës Saison nach net gelongen ass:
"Ech wëll nach méi konstant ginn. Ech hat dës Saison een DNF an ech wëll eng Kéier eng ganz Saison ouni DNF maachen."

Einfach wäert dat net ginn. Mat weiderer Konkurrenz aus der Liga 1, déi an der neier Saison an d'Liga 2 kënnt, erwaart hien e méi staarkt Starterfeld.
"Et gëtt méi schwéier, mee ech probéieren ëmmer mäi Bescht an de Coursen ze ginn."

🔥 Vun enger Paus zeréck op de Grid, P5 an der FWM an direkt Konstrukteursweltmeeschter. De Comeback ass gegléckt. Elo geet et fir de LuigisBrother drëm, aus gudde Resultater nach méi Konstanz ze maachen.

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

🥉 Rubaz: "Ech wëll nach besser ginn."Nodeems hien d'Saison 14 als Drëtte vun der Fuerermeeschterschaft ofgeschloss huet ...
23/08/2026

🥉 Rubaz: "Ech wëll nach besser ginn."

Nodeems hien d'Saison 14 als Drëtte vun der Fuerermeeschterschaft ofgeschloss huet an zesumme mam ItsMeDio d'Konstrukteursmeeschterschaft fir Racing Bulls gewonnen huet, zitt de Rubaz eng duerch an duerch positiv Bilanz.

🗣️ „Ech kéint net méi zefridden sinn. Lues a lues kommen d'Resultater duerch den Training.“

Als Teamkolleg vum Champion stoung de Rubaz dës Saison dacks net am Mëttelpunkt. Fir hien ass dat awer éischter eng Motivatioun wéi eng Belaaschtung.

🗣️ „Nee, ech huelen dat nëmmen als Motivatioun. Ech si frou, nieft engem Champion ze fueren, well ech vill vun him léiere kann an esou och selwer besser ginn.“

Nieft der individueller Leeschtung war och d'Zesummenaarbecht mam ItsMeDio ee wichtege Bestanddeel vum Erfolleg.

🗣️ „Den Diogo an ech sinn och ausserhalb vun der Streck gutt Kollegen. D'Chemie an der Equipe huet einfach gestëmmt. Hien huet seng Erfarung matbruecht an ech mäi Wëllen, ëmmer besser ze ginn.“

Mat engem Driver Rating vun 85 gehéiert de Rubaz schonn zu de beschte Piloten an der LFR. Fir hien ass dat awer just eng Etapp.

🗣️ „Et gëtt ëmmer nach Potenzial no uewen. Ech sinn averstanen mat menger Bewäertung, mee elo läit et un mir, se nach méi héich ze drécken. Wann ech kucken, wou ech virun engem Joer stoung an wou ech haut sinn, da sinn ech um richtege Wee.“

Fir d'Saison 15 sinn d'Ambitioune kloer.

🗣️ „Mäi Haaptzil ass, weider besser ze ginn an aus all Feeler ze léieren. Mee natierlech hunn ech och de Championstitel am Bléck. An de Konstrukteurstitel wëlle mir natierlech och verdeedegen.“

Op d'Fro no sengem perséinleche Highlight muss de Rubaz net laang nodenken.

🗣️ „Definitiv Jeddah. Dat ass eng Streck, op där ech mech eigentlech ni richteg wuel gefillt hunn. Do eng P2 erauszefueren huet sech einfach immens gutt ugespuert.“ 🏁

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

📰 INTERVIEW | iBadMonkey: "Ech huelen et einfach wéi et kënnt."Mat 152 Punkten, zwou Victoiren an der Vizemeeschterschaf...
21/08/2026

📰 INTERVIEW | iBadMonkey: "Ech huelen et einfach wéi et kënnt."

Mat 152 Punkten, zwou Victoiren an der Vizemeeschterschaft vun der Liga 2 huet den iBadMonkey eng staark Saison ofgeliwwert. Trotzdeem bleift hien no der Saison ganz roueg. Weder Stolz nach Enttäuschung dominéieren seng Gedanken.

"Weder houfreg nach enttäuscht. Ech sinn einfach gefuer."

Och am Titelkampf géint Deadslide huet hie sech net vill mat der Tabell beschäftegt. Amplaz all Weekend op d'Punkten ze kucken, ass säi Fokus ëmmer op déi nächst Course gaangen.

"Keng Ahnung. Sou vill Gedanke hunn ech mir ni doriwwer gemaach."

An der Konstrukteursmeeschterschaft ass hien zesumme mam Zoenen op déi zweet Plaz gefuer. Wéinst de villen Ofwiesenheete vun allebéid war déi gemeinsam Zäit awer limitéiert.

"Mir sinn nëmmen zwee oder dräi Coursen zesumme gefuer. Déi eng Kéier war hien do, déi aner ech. Et war ganz okay."

No senger eegener Meenung bleift virun allem Imola als bescht Erënnerung un d'Saison am Kapp.

Fir d'Saison 15 geet et elo eng Etapp méi héich an d'Liga 1. Grouss Erwaardunge mécht hie sech awer nach net.

"Net vill. Ech hunn dat neit Spill nach net gespillt. Wahrscheinlech fänken ech eréischt am September un an ech huelen et einfach wéi et kënnt."

Och säin Driver Rating vun 82 gesäit hien ganz entspaant.

"Jo, dat ass okay."

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

🔥🔥🔥Interview mam Ricardo 🔥🔥🔥🎤 Op der Streck hues du an dräi Rennen Punkte gesammelt an bass all Kéier komplett stroffräi...
19/08/2026

🔥🔥🔥Interview mam Ricardo 🔥🔥🔥

🎤 Op der Streck hues du an dräi Rennen Punkte gesammelt an bass all Kéier komplett stroffräi bliwwen. Wéi frustréierend ass et ze gesinn, datt trotzdeem um Enn e Zwangsofstig erauskënnt?
🙋‍♂️Ech géif souguer soen, datt dat de frustréierendste Moment vu menger ganzer LFR-Karriär ass. Op där enger Säit huet dës Saison mir gewisen, datt ech sportlech nach ëmmer matfuere kann. Op där anerer Säit hunn ech awer och misse léieren, wéi konsequent d'Reegelwierk vun der LFR ass. Dat ass net einfach ze akzeptéieren, mee d'Reegele gëlle fir jiddereen.

🎤 Deng Driver Rating ass virun dëser Saison op 82 gefall. Fënns du, datt dat gerechtfäerdegt ass?
🙋‍♂️Nee. Ech war dës Saison zwar net bei all Course dobäi, mee an deene Rennen, déi ech gefuer sinn, mengen ech, datt ech gewisen hunn, datt ech e bessere Rating verdéngt hätt. Meng Pace kann ech verstoen, well ech Schwieregkeeten an der Qualifikatioun hunn. Mee ech hunn och dës Saison nees bewisen, datt ech och vun hannen aus nach bis an d'Top 10 fuere kann.

🎤 Deng héchst Stat ass d'Awareness mat 86. Firwat mengs du, datt grad déi Kategorie däi gréisste Plus ass?
🙋‍♂️Ech sinn een, deen am Zweifelsfall léiwer emol zréckzitt. Dest well ech weess, wéi wichteg et ass, d'Course iwwerhaapt mol ze finishen. Wann ech awer am Fight sinn, probéieren ech ëmmer respektvoll an fair ze fueren. Fir mech ass e propperen Duel vill méi wäert wéi eng Plaz mat Gewalt ze gewannen.

🎤 Nieft dem Fueren bass du och Vizepresident, Kommentator an an der Organisatioun aktiv. Ass et heiansdo schwéier, dat alles ënnert een Hutt ze kréien?
🙋‍♂️Definitiv. An ech mengen, datt vill Leit ënnerschätzen, wéi vill Aarbecht hannert der LFR stécht. Mir maachen dat alleguerten aus Passioun a si stolz op dat, wat d'LFR haut ass. Mee et gëtt och Momenter, wou déi mental Belaaschtung grouss gëtt. Fir déi meescht Memberen ass et Beruff a Privatliewen. Fir eis am Comité kënnt nach d'Verantwortung fir d'LFR dobäi. Dat mécht een zwar gär, mee heiansdo wier e bësse méi Ënnerstëtzung oder Initiative vun anere Memberen och immens flott.

🏁 LFR LIGA 1 – SAISONFINALE 🇯🇵De Japan GP zu Suzuka huet d’Saison mat engem staarke leschte Rennen ofgeschloss. TNY huet...
18/08/2026

🏁 LFR LIGA 1 – SAISONFINALE 🇯🇵

De Japan GP zu Suzuka huet d’Saison mat engem staarke leschte Rennen ofgeschloss. TNY huet sech d’Victoire geséchert, virum BlasterJaxx op P2 an Joe op P3. Mutzka huet mat enger staarker Opjuegd vu P8 op P5 nach eemol e puer Plaze guttgemaach.

🏆 Weltmeeschter: ItsmeDio – 238 Punkten
🥈 Vice-Weltmeeschter: TNY – 143 Punkten
🥉 Drëtte: Schmatt – 117 Punkten

ItsmeDio huet domat eng staark Saison ofgeschloss a sech verdéngt de Championstitel geséchert.

🏎️ Konstrukteursweltmeeschter: Racing Bulls – 354 Punkten
D’Team huet sech mat enger konstanter Saison un d’Spëtzt vun der Team-Wäertung gesat.

Domat geet eng spannend LFR Liga 1 Saison op en Enn. Vill spannend Rennen, staark Comebacks an enke Championnatskampf hu fir eng onvergiesslech Saison gesuergt. 🏁

E grousse Merci un all Piloten, Teams, Stewards an d’Communautéit. Mir gesinn eis an der nächster Saison! ❤️

🌐 Website: www.lfrf1.lu
📘 Facebook: https://www.facebook.com/LFROfficialAccount
▶️ YouTube: https://www.youtube.com/

🎙️ Bayernmann: "Och wann et schwéier gëtt, däerf een ni opginn."Mat iwwer 100 Rennstarts, enger Konstrukteursmeeschtersc...
17/08/2026

🎙️ Bayernmann: "Och wann et schwéier gëtt, däerf een ni opginn."

Mat iwwer 100 Rennstarts, enger Konstrukteursmeeschterschaft an iwwer 30 kommentéierte Rennen gehéiert de Bayernmann zu de Veteranen an der LFR. Wann hien op d'Saison 14 zeréckkuckt, bleift virun allem ee Wuert am Kapp.

🗣️ „Et war en Up and Down mat vill schwierege Momenter. No der Konstrukteursmeeschterschaft mam Mutzka d'lescht Saison sinn ech awer zefridden, wéi d'Saison gelaf ass. Virun allem hunn ech et gepackt, meng Rou vill besser ze behalen.“

No esou ville Saisone stellt sech d'Fro, wat hien nach ëmmer motivéiert.

🗣️ „Ech sinn zënter ech kleng sinn e grousse F1-Fan. Et ass eppes Besonnesches, sech mat anere Piloten ze moossen. De Challenge, d'Nervositéit an den héije Niveau maachen all Course speziell.“

Och wann et heiansdo schwéier gëtt, kënnt opginn fir hien net a Fro.

🗣️ „Ech hu scho mol dru geduecht opzehalen. Mee um Enn seet de Pilot an mir ëmmer: Nee, drun bleiwen.“

Nieft dem Cockpit huet de Bayernmann och vill Rennen kommentéiert. Déi Erfahrung hëlleft him och als Pilot.

🗣️ „Duerch d'Kommentéieren analyséiert een d'Strecken an d'Situatiounen nach vill méi genee. Dat hëlleft engem natierlech och, wann een dono selwer am Cockpit sëtzt.“

Seng gréisste Stäerkt gesäit hien haut virun allem an der Erfahrung.

🗣️ „Ech weess haut vill besser, wéini ech den Auto um Limit pushe kann a wéini ech Gedold muss hunn. Virun allem d'Konstanz ass fir mech mat de Jore vill méi wichteg ginn.“

Besonnesch ee Succès wäert him ëmmer an Erënnerung bleiwen.

🗣️ „D'Konstrukteursmeeschterschaft mam Mutzka am Ferrari huet e ganz spezielle Wäert. Als Team esou eppes z'erreechen ass fir mech bal nach méi schéin wéi en individuellen Titel.“

Fir nei Piloten huet hien eng kloer Botschaft.

🗣️ „Gitt ni op a gleeft ëmmer un iech selwer. Och wann et mol net einfach ass. Training a Gedold si Schlësselen zum Erfolleg.“

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

🏆 ItsMeDio: "D'Saison war alles anescht wéi einfach."Mat 7 Victoiren, 9 Podiums, 6 Pole Positions an de Gewënn vun der F...
15/08/2026

🏆 ItsMeDio: "D'Saison war alles anescht wéi einfach."

Mat 7 Victoiren, 9 Podiums, 6 Pole Positions an de Gewënn vun der Fuerer- a Konstrukteursmeeschterschaft huet den ItsMeDio d'Saison 14 dominéiert. Um Pabeier gesäit et no enger bal perfekter Saison aus. Fir hien huet sech dat awer net ëmmer esou ugespuert.

🗣️ „Ech géif d'Saison als spannend beschreiwen. Och wann ech déi meescht Coursen gewonnen hunn, waren se net ëmmer evident.“

Och wann den Ofstand an der Tabell grouss ausgesäit, hat den Champion ni d'Gefill, eleng ze sinn.

🗣️ „De Joe an den tNy waren meng gréisste Konkurrenten. Si hunn mech dës Saison am meeschte zum Schwëssen bruecht.“

Net all schwierege Moment ass um Resultat ze erkennen. Fir den ItsMeDio war et ausgerechent seng Liiblingsstreck, déi him am meeschte wäert am Kapp bleiwen.

🗣️ „Interlagos huet mech mental fäerdeg gemaach. Ech hat kuerz virum Schluss en Disconnect an hunn domat meng eischten Victoire op menger Liiblingsstreck verluer. Dat gesäit een am Resultat net.“

Nieft dem Fuerertitel konnt Racing Bulls och d'Konstrukteursmeeschterschaft feieren. Fir den ItsMeDio war dobäi d'Zesummenaarbecht mam Rubasz entscheedend.

🗣️ „D'Zesummenaarbecht ass ëmmer wichteg fir d'KWM. De Rubasz an ech hunn eis Aarbecht esou gutt wéi méiglech gemaach, an esou ass den Titel an eis Richtung komm.“

Mat engem Driver Rating vun 94, dem héchsten an der Liga, gesäit den Champion sech selwer nach ëmmer kritesch.

🗣️ „Ech fannen, ech war dës Saison méi lues wéi an de Saisone virdrun. Ech muss mech éischter nees op mäin ale Niveau bréngen, fir dee Rating wierklech ze verdéngen.“

Op d'Fro, wéi eng Course hien nach eng Kéier géif erliewen, kënnt d'Äntwert direkt.

🗣️ „Jeddah. Einfach well et eng immens geil Streck ass, fir mat engem F1-Auto ze fueren.“ 🏁

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

🎙️ Zoenen: "Heiansdo ass et besser, ee Schrëtt zeréck ze maachen."Mat iwwer 100 Rennstarts, 27 kommentéierte Coursen an ...
13/08/2026

🎙️ Zoenen: "Heiansdo ass et besser, ee Schrëtt zeréck ze maachen."

Mat iwwer 100 Rennstarts, 27 kommentéierte Coursen an als Veteran vum Steward-Team gehéiert de Zoenen zu de bekanntste Gesiichter an der LFR. Seng Roll geet awer wäit iwwer d'Streck eraus.

🗣️ „Et ass eigentlech net schwéier, déi zwou Rollen ënnert een Hutt ze kréien. Ech bewäerten nëmme Fäll aus deene Rennen, wou ech selwer net matfueren. An esou Momenter zielen nëmmen d'Fakten.“

Och wann hien dës Saison nëmme sechs Course gefuer ass, ass de Zoenen mat senger Leeschtung zefridden.

🗣️ „An deene Rennen, wou ech dobäi war, konnt ech meeschtens gutt Resultater erreechen. Natierlech wier et flott gewiescht, wann de Starterfeld méi grouss gewiescht wier. Mee trotzdeem hate mir vill spannend an intensiv Fights.“

Als Steward huet sech och säi Fuertstil iwwer d'Jore verännert.

🗣️ „Ech fuere haut nach méi iwwerluecht. Mat der Erfahrung als Steward weess een, datt et heiansdo besser ass, emol zréckzezéien, amplaz sech eng Strof anzefänken.“

Mam iBadMonkey huet hien McLaren op déi zweet Plaz an der KWM gefouert.

🗣️ „Den iBadMonkey ass e richteg staarke Pilot. Mir ergänzen eis als Team ganz gutt. Schued, datt hien net all Course konnt matfueren. Ech si sécher, hie wier e seriéise Kandidat fir de Championstitel gewiescht.“

Trotz senger Erfarung gesäit de Zoenen nach ëmmer Verbesserungspotenzial.

🗣️ „Wann ech eng Stat op menger Driver Rating kéint erhéijen, da wier et definitiv meng Pace. Mat e bësse méi Vitesse kéint ech vill méi dacks ëm Victoiren a vläicht och endlech ëm mäin éischten Titel kämpfen.“

Op seng schéinst Erënnerung un d'LFR muss hien net laang nodenken.

🗣️ „Ganz kloer d'Saison 4. Zwee Victoiren hannerteneen, sechs Podiums an de Vizechampionstitel an der Liga 2. Dat war bis haut meng bescht Saison.“

Zum Schluss huet hien nach e Rot fir all nei Piloten:

🗣️ „Gedold. Net nëmme beim Fueren, mee am Allgemengen. Och wann et am Ufank schwéier ass, kënnt d'Pace mat der Zäit. Wann een drunbleift, gëtt een ëmmer besser.“ 🏎️

⭐️ Socials ⭐️
Website – https://www.lfrf1.lu
FB – https://www.facebook.com/LFROfficialAccount
YouTube – https://www.youtube.com/

Adresse

20, Rue Neuve
Tétange
3781

Site Web

Notifications

Soyez le premier à savoir et laissez-nous vous envoyer un courriel lorsque LFR - Luxembourg Formula Racing publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à LFR - Luxembourg Formula Racing:

Raccourcis

Partager

Type