Quelles sont les heures d'ouverture ?

Lundi 09:00 - 12:00 14:00 - 16:00 Mardi 09:00 - 12:00 14:00 - 16:00 Mercredi 09:00 - 12:00 14:00 - 16:00 Jeudi 09:00 - 12:00 14:00 - 16:00 Vendredi 09:00 - 12:00

Club Uelzechtdall

Wëllkomm beim Club Uelzechtdall. Hei fannt der News, Fotoen a soss Interessantes ronderem de Club. Vill Spaass.

04/09/2026

Dag 4 an 5 vun eiser gemittlecher Rees:
Gëschter Moien si mir nom Kaffi a Richtung Friedrichshafen gestart. Vun do aus si mir mam Schëff op Meersburg gefuer. Do war de Mëtteg zur fräier Verfügung.
Nomëttes si mir dunn déi beandrockend Wallfahrtskiirch op Birnau kucke gefuer.
Duerno goung et dunn erëm zréck an den Hotel op Langenargen, wou mir eisen leschten Owend an enger gemittlecher Ronn ausklénge gelooss hunn.
Haut hu mir eis dunn erëm op den Heemwee gemaach. No enger gemittlecher Rees mat beschtem Wieder ☀️

02/09/2026

Dag 3:
Haut de Moien ass et fir eis op Lindau gaangen. Do hu mir eis an zwou Gruppe gedeelt. Déi eng Grupp huet d'Insel mam Insel-Bob (Zuch) erkundet, déi aner zu Fouss.Duerno konnte mir nach duerch d'Gaassen an d'Geschäfter bummelen an eis gemittlech op eng Terrass setzen.
Fir den Ofschloss hu mir dunn natierlech erëm e ganz leckert Iessen am Hotel giess.

01/09/2026

Gëschter si mir mat eiser gemittlecher Rees op de Bodensee op Langenargen gestart.
Haut de Moien no engem ganz leckere Kaffi si mir dunn op Meersburg gefuer, wou mir d'Fähr fir op d'Insel Mainau geholl hunn. Op der Insel konnte mir déi flott Blumme bewonneren an eis uschléissend op enger Terrass gemittlech e kalen Drénk oder eng Glace schmaache gelooss. Duerno goung et dunn erëm mam Schëff zeréck.
Nom Owesiessen konnte mir den Owend dunn nach gemittlech bei engem Drénk an der Bar oder engem klenge Spadséiergang op der Promenade auskléngen loossen.

01/09/2026

Haut hate mer ee ganz flotten
Ausfluch am klénge Grupp, ugefaang hu mer de City Tour duerch Esch/Sauer, wou et Ufanks nach gutt frësch war, well d'Sonn nach net am Fall ukomm war.
Lues a lues ass et eis méi waarm ginn, well mer d'Trapen erop bis bei
d'Buerg, d'Kapell bei der Buerg an d'Mariestatu gaange sinn. Och waren Ufanks guer keng aner Leit
ënnerwee, wat eis d'Géigend a vollen Zich genéisse gelooss huet. Nom engem gutt verdengten Iessen si mer weider op Ënsber gefuer, fir den Tour mam Solarboot.
Och d'Atmosphär um Boot war immens idyllesch, d'Géigend war wéi eng Dram Kuliss wou eise Guide eis déi néideg Informatiounen zum
Stauséi an eisem Drénkwaasser
ginn huet.
Wéi ëmmer wann Engele reesen, huet d'Wieder et och gutt mat eis gemengt.

25/08/2026

E gelongenen Ausfluch an d'Äifel!
Haut hate mir e wonnerbare Programm! Eis éischt Statioun war den Outlet zu Bad Münstereifel, wou mir e bëssen duerch d'Butteker getrëppelt sinn. 🛍️
Duerno goung et weider bei de bekannten „Eifel Waldi“ . Et war super spannend, duerch all seng Raritéiten a Kuriositéiten ze stöberen an déi vill speziell Saachen ze bewonneren. 🏛️✨
E ganz besonneschen Highlight duerft natierlech net feelen: Mir hunn eis en 80-Euro-Schäin mat engem Original-Autogramm geséchert! 💶✍️Fir den Dag perfekt ofzerënnen, hu mir et eis duerno am Antik Café gemittlech gemaach. Bei enger gudder Taass Kaffi an engem Stéck leckere Kuch hu mir de flotten Dag ausklénge gelooss. ☕🍰
Alles an allem e richtege gelongenen an onvergiesslechen Ausfluch! ☀️😊

20/08/2026

Haut ware mer, wéi ëmmer emol de Mount zesummen akafen, ugefaang hu mer zu Arel um Maart, wou mer Blummen, Uebst, Geméis a Basilikum kaaft hunn. Dono si mer gemittlech zesummen iesse
gaang, ier mer eis nach eng Stonn d'Been am Outlet zu Messancy vertrëppelt hunn. Do goung dunn nach déi eng oder aner Posch, Schung oder Schockela mat.
Um Heemwee si mer nach zu Grass beim Kirsch stoe bliwwe fir ee gudden Dessert a Fleesch a Brout fir déi nächst Deeg ze kafen.
Wéi ëmmer ee léiwe Grupp an eng super Atmosphär mat vill Gelaachs.

14/08/2026

Mir ware gëschter op Hüttingen an den "Eisen- und Ofenmuseum", dee
virun 2 Joer ganz schlëmm vum
Héichwaasser getraff gouf. Alles war futti a villes fortgeschwemmt. Mat Hëllef vu puer léiwe Frënn hunn si dat ganzt erëm opgebaut, dovu konnte mer eis op der Plaz
iwwerzeegen.
De Musée gëtt vun enger ganz léiwer Koppel mat vill
Engagement a Freed un de Saache
gefouert.
Ganz vill Erënnerungen u fréier , eiser Kandheet sinn erëmkomm, mat Saachen, déi eis Grousselteren
oder Eltere schonn haten oder mir als Kanner selwer benotzt hunn.
Zum Ofschloss souze mer gemittlech bei Kaffi an am gossen Eise gebaken Eisekuchen do ze poteren.
Net ze vergiessen dee schéine Wee duerch eis Ländchen.

12/08/2026

Gëschter ware mer op Maastricht, fir et emol anescht ouni Maart ze erliewe. Mir si mam Schëff iwwert d'Maas gefuer sinn, do hate mer och ee Kaptäinslunch fir eis ze stäerken.
Beim Fort Sint Pietersberg si mer vum Schëff erofgaange fir no
engem Spadséiergang mat engem Guide am
d'Sonnenberggrotten ze goen. Eigentlech ass Bierg net dat richtegt Wuert, well Holland keng Bierger mä just Hiwwelen huet.
Hei an der Grott ass wärend
700 Joer Kalleksteen ofgebaut ginn. Am 2. Weltkrich war virgesinn, Bierger hei ënnerzebréngen, wat awer net wierklech genotzt gouf, et ware just tëscht 3000 a 4000 Leit do.
Ganz flott Zeechnunge kann een op de Mauere gesinn, et ass komplett donkel mat enger Loftfiichtegkeet vun iwwer 90%.
Wann een all déi Gäng géing uneneen hänken, dat kréich een eng Distanz vu méi wéi 220 km.
Dono si mer erëm mam Schëff op Maastricht gefuer, wou jidderee nach bësse fräi war fir duerch d'Stroossen vu Maastricht ze trëppelen, ier mer eis erëm op den Heemwee gemaach hunn.

07/08/2026

Haut wore mir zu Hotton an det Belsch. Mir waren e bëssen am Déierepark wou mir och d‘Wëld mat gefiddert hunn. Dono goung dann zu eisem Haaptzil: de Grotte vun Hotton. Eng wëllkomm Ofkillung an dese waarmen Zäiten

07/08/2026

De 6. August haate mir eis alljährlech Grillwanderung. Moies goungvrt lass matcKaffi a Croissant, an da konnten d‘Leit entweder 5, 7 oder 10 km wanderen goen op Weeër déi mir virbeschëldert haaten. Mëttes gouf et da lecker Saache vum Grill mat engem gudden Zalootebüffet. A nom Dessert ass deen een oder aaneren nach en Tour trëppele gaang.

Adresse

10, Rue Des Martyrs
Lorentzweiler
7375

Heures d'ouverture

Lundi	09:00 - 12:00
	14:00 - 16:00
Mardi	09:00 - 12:00
	14:00 - 16:00
Mercredi	09:00 - 12:00
	14:00 - 16:00
Jeudi	09:00 - 12:00
	14:00 - 16:00
Vendredi	09:00 - 12:00

Téléphone

+3522633641

Site Web

http://www.cud.lu/

Notifications

Soyez le premier à savoir et laissez-nous vous envoyer un courriel lorsque Club Uelzechtdall publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.