08/06/2026
Wat e Fussballsfest mat 2.721 Spectateuren! ⚽️🎉
Mat 2.721 Spectateuren huet de Barrage-Match tëscht dem FC47 Bastendorf an dem FC Olympia Christnach-Waldbillig zu Dikrech en neie Rekord bei de Barrage-Matcher opgestallt.
Bei dëser Geleeënheet wëlle mir eis vu ganzem Häerz bei all eise Benevolle bedanken. Méi wéi 80 Leit hunn hiren Deel dozou bäigedroen, datt dësen Event esou reibungslos ofgelaf ass.
Ob beim Opbau, am Service, hannert de Comptoiren, an der Organisatioun oder beim Ofbau etc - ouni iech wier et net méiglech gewiescht.
Villmools Merci un Iech fir dës lescht 2 Weekender! Är Hëllef an Är Ënnerstëtzung si fir eis net selbstverständlech a mir si frou, op esou eng staark Ekipp kënnen ze zielen.
Mir hunn d’Geleeënheet vum Barrage Match och genotzt, fir eist Candida ze éieren, wat no 18 Joer als Wäschfra vun de Young Boys a seng verdéngte Pensioun geet. Generatioune vu Spiller sinn duerch de Veräi gaangen, a kenne keen anert wei d’Candida als Responsabel am Veräi fir Trikote. Mat senger Pensioun geet e Stéck Veräinsgeschicht d’Pensioun.
Merci Candida fir däin Asaz, deng Loyalitéit an déi vill Joren, déi’s du eisem Veräi gewidmet hues. Mir wënschen dir nëmmen dat bescht fir d‘Zukunft.
Zum Schluss wëlle mir och nach eiser Gemeng e grousse Merci ausschwätzen. D’Gemeng war de ganze Weekend iwwer disponibel a stoung eis zu all Moment zur Säit, fir iwwerall do ze hëllefen, wou et néideg war. Déi gutt Zesummenaarbecht an d’Ënnerstëtzung hu vill dozou bäigedroen, datt dëse Barrage Match esou konnt organiséiert ginn!
💛💙
💛💙
