21/12/2023
ඔබ දැනටමත් චෙස් ලෝලියෙක් නම් චෙස් ක්රීඩාවෙන් ඔබට ලැබෙන වාසි පිළිබඳ ඔබගේ මිතුරන් ඉරිසියා කරවිය හැක. දැනටමත් ඔබ චෙස් ක්රීඩාවේ යෙදී නොමැති නම් මෙම ලිපිය අනිවාර්යෙන්ම ඔබ කියවිය යුතුය ක්රීඩාවෙන්
ලැබෙන වාසි ඔබව පුදුමයෙනුත් පුදුමයට පත් කරනු ඇත.
ඔබ දැනටමත් දන්නා පරිදි අපගේ මොලයේ සෞඛ්ය දියුණු කිරීමට
ක්රම ගණනාවක් ඇත මොලයේ සෞඛ්ය දියුණු කරන ව්යායාම, ආහාර, හොඳ නින්දක් යනාදිය අතරින් සමහරකි. ප්රහේලිකා විසඳීම හා වෙනත් විදේශීය භාෂාවක් ඉගෙනීම ද ඔබගේ මොලයේ සෞඛ්ය වර්ධනයට මග පාදයි.
අද චෙස් ලොව පුරා ජනප්රිය පුවරු ක්රීඩාවකි.
මෙය ප්රධාන වශයෙන් ඔබගේ බුද්ධි වර්ධනයට දායක වේ.
චෙස් ඔබව දක්ෂයෙකු කරයිද ?
චෙස් ඔබගේ ප්රියතම ක්රීඩාව නම් දැනටමත් ඔබ ජයග්රාහකයෙකි.
පහත කරුණු 10 චෙස් ක්රීඩාව ඔබට ගෙනෙන වාසි වලින් ඉතා අල්පයකි.
අදම චෙස් ඔබගේ හොඳම යහළුවා කරගන්න.
1.චෙස් ක්රීඩාව ඔබගේ මොළය IQ අගය වැඩි කරයි
ඔබ චෙස් ක්රීඩාව දකින්නේ වැරදි ප්රතිරූපයකිනි.එය පෙනෙන තරමට
මොලකාරයන්ට සහ IQ අගය ඉතා ඉහල අයගේම ක්රීඩාවක් නොව.
බුද්ධිමත් මිනිසුන් චෙස් දෙස ඇදී යනවාද නැත්නම් චෙස් ඔබව බුද්ධිමතෙකු
කරනවාද.කියවා තේරුම් ගැනීම ඔබ සතුයි.
බොහෝ අධ්යන වලින් පැහැදිලි වන අන්දමට චෙස් ඉත්තන් අතරින් නයිට්වරයා (Knight),රුක්වරයා(Rook) ඇදීමෙන් ඔබගේ මොලයේ බුද්ධිමත් භාවය වැඩි වේ.Robert Ferguson පවසන අන්දමට චෙස් පිළිබඳ සමීක්ෂණයේ
ප්රතිඵල පහත පරිදි වේ. ඔහු වැනිසියුලාවේ ශිෂ්යයන් 4000 කින් සමන්විත
කණ්ඩායමක් සමග පරීක්ෂණ සිදු කරන ලදී. ඔහුට දැකගත හැකි වූයේ
චෙස් ක්රීඩාවෙන් මෙම සිසුන්ගේ IQ සැලකිය යුතු ලෙස වැඩිවීමක් දැකිය හැකි බවයි.
ඔහු පමණක් නොව මෙම පරීක්ෂණයෙන් බොහෝ දෙනෙකු විසින්
මෙය සනාථ කර ඇත.
2. ඇල්ෂයිමර් රෝගයෙන් ඔබව ආරක්ෂා කරයි.
අපගේ මොලයේ පේශියක් මෙන් ක්රියාකරයි. එහෙයින් Bicep,quad වැනි ව්යායාම පේශියකට අවශ්ය සේම මොළයට ද ව්යායාම අවශ්යවේ. එමගින් අපට මොළයට සිදුවන හානි වළක්වා ගත හැකිය.New England journal of Medicine හි අධ්යන වලට අනුව අවුරුදු 75ට ඉහළ වැඩිහිටියන්ට චෙස් වැනි මොළය වර්ධනය වන ක්රීඩාවල යෙදෙන විට ඔවුන්ට ඩිමෙන්ෂියා වැනි රෝග තත්ත්ව වලින් ආරක්ෂා විය හැකිය. මෙය පුවරු ක්රීඩාවල විශේෂත්වයකි.
ව්යායාමේ නොයෙදෙන පේශියක් ශක්තිමත් බවින් අඩු වෙනවා සේම Dr.Robert Friendland පවසන අන්දමට නිසියාකාරව භාවිතා නොකරන මොලයේ බුද්ධි ශක්තිය ක්රමයෙන් හීන වී යයි. මෙය ඔබ අවුරුදු 75ට පෙර චෙස් ක්රීඩාවේ යෙදීම අනිවාර්ය බව සනාථ කර ඇත. මෙම තොරතුරු "ඩිමෙන්ෂියා වලින් වැළැක්වීමට චෙස් ක්රීඩාවේ වැදගත්කම" පිළිබඳ සමීක්ෂණ වලින් තහවුරු කර ඇත.
3.මොලයේ අර්ධ ගෝල දෙකම ව්යායාමයට බඳුන් කරයි
ජර්මනියේ කරන ලද අධ්යයන වලට අනුව චෙස් ක්රීඩාවේ ආධුනිකයන් හා
ප්රවීනයන් පර්යේෂණයට ලක් කරන ලදී. එහි දී දැකගත හැකි වූයේ ප්රවීණයන්ට
තම වම් අර්ධගෝලය පමණක් නොව දකුණු අර්ධ ගෝලයද භාවිතා කරමින් ඔවුන්ගේ මොලයේ ක්රියාකාරී කාලය වැඩි කර ගෙන ඇති බවයි. ඔබට ලැබෙන ඉතාම සුවිශේෂී දීමනාවකි.
4.මෙය චෙස් මගින් ඔබගේ නිර්මාණශීලීත්වය වැඩ කරයි.
මොලයේ දකුණු අර්ධ ගෝලය නිර්මාණශීලීත්වයට හේතුව.
ඔබගේ දකුණු අර්ධගෝලය මනා ලෙස ක්රියාකාරී වීමෙන් ඔබගේ නිර්මාණශීලී
කුසලතාව වැඩි වන බව පුදුමයක් නොවෙයි. විශේෂයෙන්ම එය ඔබගේ මොළයේ සංවිධානාත්මක හැකියාව වැඩි කරයි.Robert Ferguson ගේ අවුරුදු 4 අධ්යයන වලට අනුව ඔව් 7,9 ශ්රේණිවල ශිෂ්ය පරීක්ෂණයට බඳුන් කරන ලදී.
ඒ අතරින් චෙස් ක්රීඩාවේ යෙදෙන්නන්, පරිගණක භාවිතා කරන්නන් හා වෙනත් ක්රීඩාවල සතිපතා යෙදෙන්නන් විය. සති 32 ක අධ්යනයකට පසුව කුමන ක්රියාවකින් මොළය නිර්මාණශීලී හැකියාව වැඩි වේ දැයි පරික්ෂා කරන ලදී. චෙස් ක්රීඩා කළ කණ්ඩායම හැම පරීක්ෂණයකදී ම ඉහළම ප්රතිඵල ලබා ගන්නා ලදී. මෙයින් ඔහු ද පුදුමයට පත්විය.
5.චෙස් ඔබගේ මතක ශක්තිය වැඩිකරයි.
චෙස් ඔබගේ මතකය වර්ධනය කරන බව සැකයකින් තොර කරුණකි.
ඔබ චෙස් ක්රීඩාවේ දක්ෂයකු නම් ඔබගේ විරුද්ධ වාදියාගේ පෙර සිදුකළ
ඇදීම් අනිවාර්යෙන් මතක තබාගත යුතුය. එමගින් ඔබ ජයග්රහණයට ළං වීම
වේගවත් කරයි. ගුරුවරුන් පවසන අන්දමට චෙස් ක්රීඩාවේ යෙදෙන යොවුන් වියේ සිසුන් අධ්යාපනයේ දී ද ඉතා ශීඝ්රයෙන් ඉහළ ශ්රේණි වලට ගමන් කරයි.
ඔවුන්ගේ අසීමිත මතකය හා සංවිධානාත්මක හැකියාව කැපී පෙනෙන
ලක්ෂණයකි. පෙන්සිල්වේනියාවේ දී සිදුකර ඇති අධ්යයනයන් වලින් මේ බව සනාථ කර ඇත. ඔවුන් පවසන අන්දමට කලින් චෙස් ක්රීඩාවේ නොයෙදුණු බොහෝ දෙනා ක්රීඩා කිරීමෙන් පසුව ඉතා සුළු කාලයක් තුළ දී ඔවුන්ගේ කුසලතා සීඝ්රයෙන් වර්ධනය කරගෙන ඇත.
6.චෙස් ඔබගේ ප්රශ්න විසඳීමේ හැකියාව වැඩි කරයි.
චෙස් ක්රීඩාව ප්රහේලිකාවක් විසඳීම බඳුය. ඔබ එය විසඳීමට පුවරුව පුරා පියාසැරිය යුතුය. ඇයිද ඔබගේ විරුද්ධවාදියා ක්ෂණයකින් ඔහුගේ පරිමිති වෙනස් කරයි. 1992දී New Brunswickගේ පරීක්ෂණයේ ප්රතිඵල මෙසේය.
ඔහු 5 ශ්රේණියේ සිසුන් 450ක් කණ්ඩායම් 3ට කණ්ඩායම් කරන ලදී.
A කණ්ඩායමේ සිසුන් ගණිත සංකල්ප වල ද,B කණ්ඩායමේ සිසුන් මුල් අදියරේ ගණිත සංකල්ප දෙවන අදියර චෙස් අධ්යනයන් ද,C කණ්ඩායම චෙස් අධ්යනයන් පමණක් යෙදෙන ලදී .
ඔහුගේ ගැටළු විසඳීමේ හැකියාව පහත පරිදි විය,
A -21.46%
B -62%
C -81.2%
ඉතින් ඔබට තවත් තහවුරු කිරීම් අවශ්යද?
7.එය ඔබගේ කියවීමේ කුසලතා වැඩිදියුණු කරයි.
Dr.Stuart Margulies ගේ අධ්යයනවලට අනුව පෙර පාසල් 53 ක ළමුන්
චෙස් ක්රීඩාවේ යෙදෙන ලමුන් හා නොයෙදෙන ළමුන් සමඟ සසඳන ලදී.
අවසානයේ නිගමනය වූයේ චෙස් ක්රීඩාවේ යෙදෙන දරුවන් ඉතා සීග්රයෙන්
තමාගේ කියවීමේ ශක්යතාව වැඩි කරගෙන බවයි. පෙරපාසල් ළමුන් පමණක්
නොව නව යොවුන් වියේ දරුවන් පවා මෙම පරීක්ෂණයෙන් අති සාර්ථක
ප්රතිඵල ලබාගෙන ඇත.
8. එය ඔබගේ මානසික ඒකාග්රතාවය වැඩිදියුණු කරයි.
චෙස් ක්රීඩා කිරීමට ඒකාග්රතාව අනිවාර්ය වෙයි. ඔබට විරුද්ධවාදියා ගෙන් ඉවතට ඇස හෙළිය නොහැක.නිරතුරුවම ඔබ යුද්ධයක යෙදෙනවා වැනිය. එක තත්පරයක් ඉවත බැලීමෙන් ඔබට පරාජය හිමි කරයි. බොහෝ අධ්යයන වලට අනුව දක්නට ලැබෙන කරුණක් නම් ඇමෙරිකාව, රුසියාව, චීනය තරුණ තරුණියන්ගේ දැක්ම චෙස් ක්රීඩාව සමඟ දියුණු කරගෙන ඇත.
9.එය ඔබගේ නියුරෝන වල අක්සන වර්ධනය කරයි.
අක්සන මගින් අපගේ දේහය පුරා ස්නායු සම්ප්රේෂණය වෙයි.
ඒවා බොහෝවිට ඇන්ටනා බඳුය ඔබට ඇන්ටනා වැඩි වන විට සිග්නල් හොඳින් ලැබෙනවා සේම අක්සන වර්ධනයෙන් මොලයේ මනා ක්රියාකාරීත්වය හට ගනී.ඔබට මෙය වර්ධනය කර ගත හැක ඔබ මෙම චෙස් ඉගෙනීමෙන් පමණක් නොව චෙස්තරග කිරීමෙන්, දිගින් දිගටම පුහුණු කිරීමෙන් ඔබගේ අක්සන වර්ධනයට දායක වේ.
10.එය ඔබගේ සැලසුම් සහගත භාවය දූරදර්ශීභාවය වර්ධනය කරයි
යොවුන් ඔබ චෙස් ක්රීඩාවෙන් ඔබගේ ජීවිතය නිසි මගට යොමු කරන බව
නොඅනුමානයි. නව යොවුන් වියේ දී බොහෝ විට මස්තිෂ්ක බාහිකය
වර්ධනය නොවේ. මස්තිෂ්ක බාහිකය සැලසුම් කිරීමට, විනිශ්චයට හා ස්වයං පාලනයට වැදගත් වේ.එබැවින් මෙය ඔබගේ මස්තිෂ්ක බාහිකයේ ක්රියාකාරීත්ව වර්ධනයට දායක වේ.එමගින් ඔබට නිසි තීරණ ගැනීමට උපකාර කරන අතර, අවදානම්, මෝඩ ක්රියාවලින් ඔබව වළක්වාලයි.
ඔබට තවත් තහවුරු කිරීම අවශ්යද?
ලොව පුරා චෙස් ක්රීඩාව අද ජනප්රිය ක්රීඩාව බවට පත්වී ඇත. ඔබටත් ජයග්රහණය කරා යන්නට කාලය උදාවී ඇත.
චෙස් ඔබගේ ප්රියතම ක්රීඩාව බවට පත්කරගෙන ඔබත් උගත්, බුද්ධිමත්, දක්ෂයකු වන්න.
