10/12/2020
නිල තෙරපීම ලෝකයේ සෑම පාරම්පරික සටන් ක්රමයන් හා බද්ධ වී පවතී. සටන් ක්රමවලදී ප්රතිවාදියාගේ නිල ස්ථානවලට පහර එල්ලකිරීම දක්නට ලැබේ. එමෙන්ම පහරකෑමකින් අඩපණවන අයෙකු නැවත ප්රකෘති තත්වයට පත්කිරීමට සහ අබාධ සුවකිරීමටද නිල තෙරපීම භාවිතා වේ.
නිල තෙරපීම යනු ශරීරය මතුපිට ඇති විවිධ නිල ස්ථාන තෙරපන පුරාණ රෝග සුවකිරීමේ ක්රමයකි. එය ශරීරයේ සුවවීමේ හැකියාව උත්තේජනය කරමින් කි්රයාකරයි. එමෙන්ම එය ශරීරයේ නිලපත් තුල ජීව ශක්තිය ගලායෑම මත පදනම්ව කි්රයාකරයි.
අතීතයේ ලොව සෑම ජනකොට්ඨාසයකම වාගේ මෙම ක්රමය භාවිතාකර ඇත. දකුණු ආසියාව, ඈත පෙරදිග, මැද පෙරදිග පමණක් නොව දකුණු ඇමෙරිකාවේද මෙම පාරම්පරික වෙදකම දක්නට ලැබුනු අතර දකුණු ආසියාවේ ඉන්දියාවේ සහ ලංකාවේ ප්රචලිතව පැවතී ඇත.
කි්ර.පූ. 2300දී ඇඳි ඊජිප්තුවේ පිරමීඩ චිත්ර වලට අනුව නිලවෙදකම පැවති බවට සහ චීන ජාතිකයෝද වසර 5000කට පෙර මෙම ක්රම දියුණු කර ඇති බවට ඓයිතිහාසික සාධක ඇත. ලෝකයේ පුරාණතම වෛද්ය ක්රමයක් වන නිල තෙරපීම චීනය විසින් දියුණු කරන ලද නවීනතම කටු චිකිත්සාව සමග නොසලකා හරින ලදි. එහෙත් ඉන්දියාවේ, ජපානයේ සහ දකුණු ඇමෙරිකානු රටවල අදටත් නිලවෙදකම ව්යාප්තව පවතින අතර යුරෝපයේ සහ උතුරු ඇමෙරිකාවේ ජනප්රියවෙමින් පවතී.
නිල තෙරපීම ඇඟිලි වලින් හෝ මෘදුලෙස සකස්කල ලී කැබැල්ලකින් සිදුකල හැක. නිල තෙරපීම වේදනා සහ කැක්කුම් සමනයකිරීමට මෙන්ම විවිධ රෝගාබාධ සුවකිරීමට ද එකසේ උපකාරී වේ. ශරීරයේ නිල ස්ථාන තෙරපීමෙන් රුධිර සංසරණය ක්රමවත් වී මාංශපේශීන්ගේ ආතතියද නැති කරයි. මෙමගින් සිහිසුන් තත්වයකින් පසුවන අයෙකු යථා තත්වයට පත්කිරීමද නිල තෙරපීම මගින් විවිධ රෝගාබාධ ඉතා පහසුවෙන් හඳුනාගැනීමද සිදුකල හැක.
හිසරදය, උණ, ප්රතිශ්යාව සහ වකුගඩු ආබාධ හා මුත්රා මාර්ග, ස්නායු, ස්වසන සහ හෘද්යාබාධ හා රුධිර සංසරණ පද්ධතින්වල රෝගාබාධ මෙන්ම ආතරයිටිස්, දියවැඩියාව, තරබාරුව, උරහිස් ආබාධ, පිටකොන්දේ හා දණහිස් ආබාධ, නහර ගැට ගැසීම වැනි රෝගාබාධ සමනය කරගැනීම සඳහා නිල තෙරපීම භාවිතාකල හැක.
මෙම ක්රමය ඕනෑම කෙනෙකුට ප්රගුණ කල හැකි අතර කිසිදු අතුරු ආබාධයක්ද නැත. කිසිදු ඖෂධයක් භාවිතා නොකරන බැවින් විශාල මුදල් ප්රමාණයක්ද ඉතිරි වේ.
ශ්රී ලංකාවට ටයිකොන්ඩෝ, හප්කිඩෝ සහ මුආයි තායි යන සටන්ක්රම හඳුන්වාදුන් දේශමාන්ය මාස්ටර් වෛද්ය සිරිල් ඇන්ටනි කටුචිකිත්සාව සහ නිල වෙදකම පිළිබඳව ඉහල වෛද්ය උපාධි ලබා ඇති අතර නිල තෙරපුම් ප්රතිකාර සහ පාඨමාලා පවත්වයි. එමෙන්ම වෛද්ය සිරිල් ඇන්ටනි දර්ශනය පිළිබඳ ආචාර්ය උපාධියද, සටන් කලා පිළිබඳ ආචාර්ය උපාධියද ලත් විද්වතෙක් වන අතර රෙයිකි (විශ්ව ජීව බලය) ග්රෑන්ඩ් මාස්ටර් වරයෙකි. එමෙන්ම ඔහු අන්තර්ජාතික රිෆ්ලෙක්සොලොජි කවුන්සිලයේ අධ්යක්ෂක මණ්ඩල සාමාජිකයෙක් වන අතර එහි අධ්යාපන කමිටුවේ සභාපති ධුරයද හොබවයි.
පුහුණුවීම් සහ තරඟාවලි වලදී ඇතිවන හදිසි අවස්ථාවන්, තරඟාවලින්ට පෙර සහ පසු, සහ තවත් එදිනෙදා මුහුණදෙන අවස්ථාවන් සඳහා නිල තෙරපීම උපයෝගී කරගත හැකි අයරු ඉගැන්වෙන පාඨමාලා පැවැත්වීමට සැලසුම් කර ඇත. ඒ පිලිබඳ වැඩි විස්තර බලාපොරොත්තු වන්න.
