https://www.ruwansamarasinghe.com/

Ruwan Samarasinghe, Minuwangoda Road, Kotugoda (2026)

12/06/2026

රැකියාවට “ඉවසීම” වැදගත් ඇයි

ඉවසීම කියන්නේ අපි ජීවිතය තුළ හොඳින් පුරුදු පුහුණු කළ යුතු ගුණාංගයක්. රකියාවේදීත් ඉවසීම හරිම වැදගත්. ඒ ඇයි?

මානසික සාමය පවත්වා ගැනීමට
රැකියාවේදී අපි වැඩ කරන්නේ විවිධ පෞරුෂ තියෙන අයත් එක්ක. ඔවුන්ගේ ආකල්ප සහ මතවාද වෙනස්. හැසිරීම් වෙනස්. ඉතින් මේ වෙනස්කම් මැනවින් අවබෝධ කරගන්න අපිට ඉවසීම ඕනේ වෙනවා. ඉවසීමෙන් ඒවා තේරුම් ගත්තොත් තමයි අපිට මානසික නිදහසේ ඉන්න පුළුවන් වෙන්නේ.

අවස්ථා ලබා ගැනීමට
රැකියාවකට ඇතුල් වූ පමණින් අපිට අවස්ථා ලැබෙන්නේ නැහැ. සමහර වටිනා අවස්ථා ලබා ගන්න අපිට කාලයක් බලාගෙන ඉන්න වෙනවා. ඒ ඉවසීම හරිම වැදගත්. ඔබට අවස්ථා ලැබීම පමා වීම නිසා රැකියාව මාරු කරන්න එකපාරටම උත්සහ කරන්න එපා. කාලයත් එක්ක ඉවසීමෙන් ඉදිරියට යන්න. අවශ්‍ය ප්‍රතිඵල නියමිත වෙලාවට ලැබෙයි.

දැනුම කුසලතා වර්ධනය කරගැනීමට
මොන දේ කළත් අපිට ඒවා ප්‍රගුණ කරන්න කාලයක් ගත වෙනවා. අපි මේ කාලය ගෙවන්න ඕනේ මනා ඉවසීමකින්. පියවරෙන් පියවර දෙයක් ප්‍රගුණ කළා ම තමයි සාර්ථක ප්‍රතිඵල ලැබෙන්නේ. ඉතින් මනා ඉවසීමකින් ඔබ ඔබේ රැකියාවට අවශ්‍ය දැනුම කුසලතා වර්ධනය කර ගන්න.

“ඉවසීමෙන් සැනසීම ලැබේ” කියන කතාව රැකියාවටත් හරියටම ගැලපෙනවා. මෙතන ඉවසීම කියන්නේ ඔබට වෙන අසාධාරණ ඉදිරියේත් නිහඬව ඉන්නවා කියන එක නෙවෙයි. ඒවාට අවශ්‍ය නිසි පියවර නිසි පරිදි ගන්න. නමුත් කාලය එක්ක ඔබ කරන සටනේදී ඉවසීම ගැන අවධානය යොමු කරන්න.

මේ ගැන වැඩිදුර කතා කරන්න එකතු වෙන්න අපේ Training සහ Coaching වැඩසටහන් සමග. කතා කරන්න අපිට 0703 550 300.

රුවන් සමරසිංහ
Corporate Trainer | Author
Transformative Coach

11/06/2026

රැකියාවේ අර්ථය හොයන්න Gen Z උනන්දු ඇයි?

Gen Z කියන්නේ සුන්දර පරම්පරාවක්. ඔවුන්ගේ ආකල්පවල කැපිලා පෙනෙන වෙනසක් තියෙනවා. මේක ජීවිතයේ හැම අංශයකදීම වෙනස්. රැකියාවක් කරද්දීත් ඔවුන් හිතන්නේ වෙනස් විදිහට. ඔවුන් කරන රැකියාවේ තේරුම මොකක් ද කියල නිතරම කල්පනා කරනවා. ඔබ Gen Z එක්ක වැඩ කරන කෙනෙක් නම් මේ කරුණු ඔබට වැදගත් වෙයි.

රැකියාව ගැන පැහැදිලි කරන්න
Gen Z අයට රැකියාවක් දෙන විට ඔවුන්ට පැවරෙන රාජකාරි ගැන සරලව පැහැදිලි කරන්න. ඔවුන්ට කරන්න තියෙන්නේ මොනවද? කරන්න ඕනේ කොහොමද වගේ දේවල් කියල දෙන්න.

රැකියාවේ අරමුණු පැහැදිලි කරන්න
තමන් කරන රැකියාවේ අරමුණු මොනවද කියල දැනගන්න Gen Z පරපුර කැමතියි. එනිසා සමස්ථ රැකියාවේ අරමුණු පැහැදිලි කරන්න. සාමාන්‍යයෙන් රකියාවකදී එක් කෙනෙකුට කරන්න වෙන්නේ තෝරා ගත්තු කොටසක්. නමුත් Gen Z අය කැමතියි තමන් කරන පොඩි කොටසේ වගේ ම එහි සමස්ථයේත් අරමුණු දැනගන්න.

රැකියාවට ඔවුන්ගේ දායකත්වය පැහැදිලි කරන්න
රැකියාවේ මොන කොටස කළත් අවසාන වශයෙන් නිෂ්පාදනයක් හරි සේවාවක් හරි එළියට එනවා. එතැනදී Gen Z අය දක්වන සමස්ථ දායකත්වය මොකක් ද කියල ඔවුන්ට පැහැදිලි කරලා දෙන්න. තමන් කරන දෙයින් අත්වන අවසන් ප්‍රතිඵලය ගැන ඔවුන් උනන්දුයි.

ඔබ Gen Z එක්ක වැඩ කරන කළමනාකරුවෙක් හෝ නායකයෙක් වෙන්න පුළුවන්. නැත්නම් එක ම අංශයක වැඩ කරන කෙනෙක් වෙන්න පුළුවන්. ඉතින් Gen Z එක්ක වැඩ කරද්දී මේ කාරණා ඔලුවේ තියා ගත්තොත් ඔබට පහසුවෙන් ඔවුන්ට නායකත්වය දෙන්න පුළුවන්.

මේ ගැන වැඩිදුර කතා කරන්න එකතු වෙන්න අපේ Training සහ Coaching වැඩසටහන් සමග. කතා කරන්න අපිට 0703 550 300.

රුවන් සමරසිංහ
Corporate Trainer | Author
Transformative Coach

10/06/2026

රැකියාවේ අධික වැඩ පීඩනය හසුරුවන්නේ මෙහෙමයි

අපි කොතැනක වැඩ කළත් අපිට සමහර විට අධික වැඩ පැවරෙන්න පුළුවන්. මේක රාජ්‍ය පෞද්ගලික ආයතන කියල වෙනසක් නැහැ. අධික වැඩ පීඩනය අපේ සෞඛ්‍යයට හානිකරයි. මේක කළමනාකරණය කරගන්නේ කොහොමද ද?

වැඩ ගැන විශ්ලේෂණයක් කරන්න
ඔබට දවසට කරන්න තියෙන වැඩ ගැන විශ්ලේෂණයක් කරන්න. එතකොට ඔබට පෙනෙයි ඔබට දුෂ්කර දේවල් මොනවද කියලා. වැඩි වෙලාවක් ගත වෙන ඒවා මොනවද කියල. මෙහෙම ඔබේ වැඩවල ස්වභාවය හඳුනා ගන්න. එතකොට ප්‍රමුඛතා හඳුනා ගන්න පුළුවන් වෙනවා. ඒ වැඩ මුලින් කරන්න.

වැඩ පවරන්න
ඔබට පුළුවන් නම් ඔබේ වැඩ වෙනත් කෙනෙක් එක්ක බෙදා ගන්න. බොහෝ තැන්වලදී මේක ප්‍රයෝගික නැහැ. නමුත් සමහර තැන්වලදී මේ උපක්‍රමය වැඩ කරන්න පුළුවන්.

සතිමත්බව පුහුණු කරන්න
මේක ඔබේ රැකියාවට ඉතා ම සෘජුව සම්බන්ධයි. ඔබ සතිමත් බව (සිහිය) පුහුණු කරන විට ඔබට අඩු වෙලාවකින් වැඩි වැඩ කොටසක් කරන්න පුළුවන් වෙනවා. ඔබේ මානසික නිදහසත් වැඩි වෙනවා.

බලධාරීන් එක්ක කතා කරන්න
ඔබට පැවරිලා තියෙන අධික වැඩ කොටස ගැන බලධාරීන් එක්ක කතා කරන්න. ඔබ ඔබේ වැඩ ගැන විශ්ලේෂණයක් කරලා තියෙන නිසා ඔබට ඒවා ප්‍රයෝගිකව පැහැදිලි කරන්න පහසුයි. බලධාරීන්ගෙන් ඔබේ වැඩවලට සහනයක් ඉල්ලලා බලන්න. සමහර විට එයාලා ඔබට වැඩ වැඩි බව දන්නෙවත් නැතුව ඇති.

වැඩ කළමනාකරණය දක්ෂතාවක්. හැබැයි කෙනෙකුට දවසකට, සතියකට, මාසයකට කරන්න පුළුවන් දේවල් තියෙනවා. ඒවා ඉක්මවා ගියොත් මොන දේ කළත් මේ තත්වය හසුරුවන්න අමාරුයි. එතකොට ඔබට විකල්ප ගැන හිතන්න වෙනවා.

මේ ගැන වැඩිදුර කතා කරන්න එකතු වෙන්න අපේ Training සහ Coaching වැඩසටහන් සමග. කතා කරන්න අපිට 0703 550 300.

රුවන් සමරසිංහ
Corporate Trainer | Author
Transformative Coach

09/06/2026

රැකියාවේදී දක්ෂයින්ට වැඩ පවරන්න

රැකියාව කරනකොට අපි වැඩකරන්නේ සාමුහිකව. එතන විවිධ දක්ෂතා තියෙන අය ඉන්නවා. ඔවුන් හැම දෙනාගෙම දක්ෂතාවලින් උපරිම වැඩ ගත්තම අපිට ආයතනයක් දියුණු කරන්න පහසුයි.

වැඩ පැවරීමෙන් කටයුතු වේගවත් වෙනවා.
ඔබ හැම දෙයම ඔබේ අතින් කරන්න හිතාගෙන ඉන්නකොට ඔබට එකතුවෙන වැඩ ප්‍රමාණය වැඩියි. එතකොට ඔබේ කටයුතු ඉවර කරන්න ඔබට අමතර කාලයක් ගත වෙනවා. සමහර විට නියමිත දිනයට වැඩ ඉවර කරන්න බැරි වෙනවා. ඒකෙන් දුෂ්කරතාවට පත් වෙන්නේ ඔබමයි.

වැඩ පැවරීමෙන් දක්ෂයින්ට තැන ලැබෙනවා.

සමහර දේවල් ඉතා හොඳින්, වේගයෙන් කරන්න පුළුවන් අය ඉන්නවා. ඔබ වැඩ බෙදාගත්තම ඔබට තියෙන්නේ ඒවා අධීක්ෂණය කරන්න විතරයි. එතකොට වැඩෙත් වේගවත් වෙනවා. ඔබත් නිදහස් වෙනවා. වැඩ කරන්න දක්ෂ අය ඉදිරියට ගන්න මේක හොඳම ක්‍රමයක්.

වැඩ පැවරීමෙන් ඔබට හානියක් වෙන්නේ නැහැ. ඔබට පහසුවක් දැනෙනවා. ඔබට කරන්න තියෙන්නේ යමකට දක්ෂ කෙනා තෝරාගෙන එයාට රාජකාරි පවරන එක විතරයි. එතකොට ඔබ මානසිකවත් කායිකවත් නිදහස්. වැඩෙත් හරියටම කෙරෙනව.

මේ ගැන වැඩිදුර කතා කරන්න එකතු වෙන්න අපේ Training සහ Coaching වැඩසටහන් සමග. කතා කරන්න අපිට 0703 550 300.

රුවන් සමරසිංහ
Corporate Trainer | Author
Transformative Coach

08/06/2026

රැකියාවේදී තාක්ෂණික වෙනස්කම්වලට හුරුවීම වැදගත් ඇයි?

ලෝකය වේගයෙන් දියුණු වෙනවා. ඔබ වැඩ කරන පරිසරයත් එහෙමයි. නව තාක්ෂණය වැඩබිමට එනවා. ඔබ ඒ දේවල්වලට හුරුවීම වැදගත්. එහෙනම් ඔබ කරන්න ඕනේ මොනවද?

සුබවාදී වෙන්න
තාක්ෂණික වෙනස්කම් ගැන සුබවාදී වෙන්න. ඔබට එයින් හොඳ ප්‍රතොඵල ලැබෙන බව පිළිගන්න. ඔබේ වැඩ වේගවත් කරන්න, ඔබේ වැඩ පහසු කරන්න, වැරදීම් අඩු කරන්න තාක්ෂණයට පුළුවන්. ඉතින් මේ වෙනස්කම් ගැන සාධනීය බලාපොරොත්තු තියා ගන්න.

තාක්ෂණය ඉගෙන ගන්න
අලුත් තාක්ෂණික වෙනස්කම් ඉගෙන ගන්න. පොඩි කාලයක් වැය කළාම ඔබට අලුත් දේවල් ඉගෙන ගන්න පුළුවන්. අන්තර්ජාලයේ උදව් ලබාගෙන ඔබට බොහෝ කෙටි කාලයකින් ඉගෙන ගන්න හැකියාව තියෙනවා.

පුහුණු වෙන්න
තාක්ෂණික උපාංග සහ ක්‍රම වේද භාවිතය පුහුණු වෙන්න. ඔබට රැකියාවේදී විවිධ දක්ෂතා තියෙන මිතුරන් හමු වෙන්න පුළුවන්. ඔවුන්ගෙන් නව ක්‍රම දැනගෙන ඒවා පුහුණු වෙන්න. ඔබට මේ දේවල් හැමදාම පුහුණු වෙන්න සිද්ධ වෙන්නේ නැහැ. මුලික පුහුණුව විතරයි අවශ්‍ය වෙන්නේ,

ඔබට තාක්ෂණික නිපුනතාව ලබා ගන්න පුළුවන්. ඒක ඔබේ රැකියාවේ දියුණුවට සෘජුව බලපාන දෙයක්. ඒ නිසා තාක්ෂණික වෙනස්කම් ආදරයෙන් පිළිගන්න.
මේ ගැන වැඩිදුර කතා කරන්න එකතු වෙන්න අපේ Training සහ Coaching වැඩසටහන් සමග. කතා කරන්න අපිට 0703 550 300.

රුවන් සමරසිංහ
Corporate Trainer | Author
Transformative Coach

07/06/2026

රැකියාව නිසා ඔබේ පරණ යාළුවන් මගහැරෙනවා ද?

රැකියාව කියන්නේ වෙනම ජීවිතයක්. අපි පොඩි කාලේ රැකියාව ගැන දැකපු හීන නෙවෙයි ඇත්තට ම රැකියාවක් කරද්දී ප්‍රායෝගිකව අත්දකින්න වෙන්නේ. විශේෂයෙන් අපේ කාලාන්තරයක් තිස්සේ ඇසුරු කරපු යහළුවන් යෙහෙළියන් අපිට මග ඇරෙන ප්‍රවණතාව වැඩියි. එතකොට මේ සබඳතා කළමනාකරණයට අපි කරන්න ඔබේ මොනවද?

1) ඇමතුම් ලැයිස්තුවක් හදා ගන්න
ඔබේ පරණ යහළුවන් කිහිප දෙනෙකු මතක් කර ගන්න. ඔවුන්ට කෙටි ඇමතුමක් දෙන්න කාල සටහනක් හදා ගන්න. ඔවුන්ට කියන්න “කාර්ය බහුලයි. ඒත් මොහොතක් සුවදුක් විමසන්නැයි ගත්තේ” කියලා. සමහර විට ඔබ වගේ ඔවුනුත් කාර්ය බහුල වෙන්න පුළුවන්. නමුත් ඇමතුමක් දීමයි වැදගත්.

2) Voice Message එකක් තියන්න
දැන් ඔබ WhatsApp භාවිත කරන නිසා ඔබට වෙලාව ලැබුනම පොඩි Voice Message එකක් තියන්න. ඒකට තත්පර 15 ක් ඇති. දුක සැප අහල පණිවුඩය තියන්න. ඔබට විනාඩි දෙකකදී අඩුම තරමේ මේ වගේ Voice Message 5 ක් වත් තියන්න පුළුවන්.

3) සමාජ මාධ්‍ය ප්‍රතිචාර
ඔබත් ඔබේ පරණ යාලුවනුත් YouTube, TikTok, Facebook, WhatsApp වගේ සමාජ මාධ්‍ය භාවිත කරනවානම්, ඔවුන්ගේ පළකිරීම්වලට Like, Comment වලින් ප්‍රතිචාර දක්වන්න. එතකොටත් ඔබ ඔවුන් එක්ක සක්‍රීයව සම්බන්ධ වෙලා ඉන්නවා කියලා ඔවුන්ට දැනෙනවා.

මේ කතා කළේ සරල කාරණාවක් ගැන. නමුත් ඔබට ඔබේ පරණ මිතුරන් මිතුරියන් එක්ක දිගටම සම්බන්ධ වෙලා ඉන්න පහසු ක්‍රම තුනක් තමයි මේ. අපි මොන රැකියාවකට ගියත් කාර්ය බහුල වෙන්න පුළුවන්. නමුත් රැකියාව නිසා අපිට යාලුකම් නැති කර ගන්න බැහැනේ.

රුවන් සමරසිංහ
Mind Management Trainer
Transformative Coach
0703 550 300

06/06/2026

ඔබේ රැකියා පරිසරය ලස්සන කරන්න

ඔබට පුළුවන් ද ඔබේ රැකියා පරිසරය වෙනස් කරන්න? මේක හොඳ ප්‍රශ්නයක්. අපිට සමස්ථ රැකියා පරිසරය ම වෙනස් කරන්න බැරි වෙන්න ඉඩ තියෙනවා. නමුත් ඔබට රැකියා පරිසරය ඇතුළේ කරන්න පුළුවන් දේවල් කිහිපයකුත් තියෙනවා. ඒ වගේ පුංචි දේවල් ටිකක් කිහිප දෙනෙකුට කරන්න පුළුවන් නම් සමහර විට රැකියා පරිසරය වෙනස් කරගන්න පුළුවන් වෙනවා

1)අනිත් අයට ගරු කරන්න
ඔබ වැඩ කරන තැන අයට නිසි ගෞරවයක් දෙන්න. එක් එක් තනතුරුවලට අනුව ඔවුන්ට පැවරෙන වගකීම් තියෙනව. මේ හැම දෙනාට ම අපි ගරු කරන්න ඕනෑ. ඉහළ පහළ තනතුරු බේදයෙන් තොරව ගරුකරන්න පුළුවන් නම් වැඩ කරන තැන ලස්සන වෙනවා.

2)ඵලදායි දේවල් කතා කරන්න
අපි වැඩ කරන තැනදී බොහෝ දේවල් කතා බහ කරනවා. මේවලින් බොහොමයක් සමහර විට එතරම් ප්‍රයෝජවත් දේ නෙවෙයි. අපිට පුළුවන් නම් අපේ දැනුම අවබෝධය වැඩි කරන දෙයක් කතා කරන්න ඒක කාටත් වටිනවා.

3)ආදර්ශයක් වෙන්න
අනිත් අය මොන මට්ටමේ හිටියත් ඔබ ඔබේ රැකියාව හරියට ම කරන්න. වෙලාවට වැඩට එන්න. දවසේ වැඩ ටික වෙලාවට සම්පුර්ණ කරන්න. කෙටියෙන් ම කියනවනම් “ආයතනයට ණය නැති කෙනෙක්” වෙන්න.

මේ විදියට වැඩ කරනවානම් ඔබ නිසා ඔබ වැඩ කරන ආයතනික පරිසරය වෙනස් වෙනවා. ඔබට පුළුවන් සුළුවෙන් හරි මේ බලපෑම කරන්න. මේ දේවල් පවත්වාගෙන යන්න උත්සහ කරන්න.

මේ වගේ දේවල් ගැන සවිස්තරව කතා කරන්න අපේ පුහුණු වැඩසටහන්වලට හරි පෞද්ගලික සැසිවාරවලට (Coaching) හරි එකතු වෙන්න. දැන් ම කතා කරන්න අපිට, 0703 550 300.

රුවන් සමරසිංහ
Mind Management Trainer
Transformative Coach

05/06/2026

රැකියාවේදී අලුත් නායකයින්ට බිහි වෙන්න දෙන්න

වැඩබිමේදී අලුත් නායකයින්ට බිහි වෙන්න දෙන්න. ඔවුන් ඔබේ ආයතනය වේගයෙන් දියුණුව කරා රැගෙන යාවි

හැම ආයතනයකට ම අලුත් අදහස්, ක්‍රමවේද අවශ්‍ය වෙනවා. මේවා නිර්මාණය කරන්න පුළුවන් වෙන්නේ අලුත් නායකයින්ට. ඕනෑම ආයතනයක සාර්ථකත්වය තියෙන්නේ අලුතින් හිතන අය මත. ඔවුන් ඕනෑම ආයතනයක් නව ඉලක්කවලට අරගෙන යනවා.

අලුත් පරම්පරාවේ දක්ෂයින්ට නිසි කාලය තුළ, නිසි තැන දෙන්න ඕනේ. එතකොට ඔවුන් වගකීම් අරගෙන වැඩ කරනවා. හැමදෙනාටම හැමදාම තමන්ගේ තනතුරුවල එකම තැන ඉන්න බැහැ. අලුත් තනතුරු ඔවුන්ට අවශ්‍ය වෙනවා. සමහර අයට තනතුරු අතහැරලා යන්න වෙනවා.

නායකත්වයේ ගුණාංග පෙන්වමින් ඉදිරියට එන අය දිරිගන්වන්න. අලුත් ආකල්ප එක්ක වේගයෙන් දියුණු වෙන අය ඉදිරියට ගන්න. එතකොට ඔබේ ආයතනය ලස්සනට දියුණු වේවි. අත්දැකීම් තියෙන අයට කියන්න ඒ අත්දැකීම් අලුත් පරම්පරාවත් එක්ක බෙදා ගන්න කියලා. එහෙම වුණා ම ඵලදායි වැඩ පරිසරයක් නිර්මාණය වේවි.

මේ වගේ දේවල් ගැන සවිස්තරව කතා කරන්න අපේ පුහුණු වැඩසටහන්වලට හරි පෞද්ගලික සැසිවාරවලට (Coaching) හරි එකතු වෙන්න. දැන් ම කතා කරන්න අපිට, 0703 550 300.

රුවන් සමරසිංහ
Mind Management Trainer
Transformative Coach

04/06/2026

Gen Z - ඉක්මන් ප්‍රතිඵල ඉල්ලීම කළමනාකරණය කරන්නේ මෙහෙමයි

Gen Z පරපුර කියන්නේ ඉතාමත් වේගවත් ලෝකයක හැදී වැඩුණු පිරිසක්. ඒ නිසා ඔවුන් රැකියාවෙනුත් ක්ෂණික ප්‍රතිඵල සහ ඉක්මන් දියුණුවක් බලාපොරොත්තු වීම සාමාන්‍ය දෙයක්. ප්‍රධානියෙකු/නායකයෙකු විදියට මෙය සාර්ථකව පාලනය කරන්න ඔබට කළ හැකි සරල දේවල් කිහිපයක් තියෙනවා.

1) කුඩා ජයග්‍රහණ පෙන්වා දෙන්න (Small Wins)
ලොකු ඉලක්කයක් කරා යන අතරතුර අතරමගදී හමුවන කුඩා සාර්ථකත්වයන් පවා අගය කරන්න. එවිට ඔවුන්ට "මම ඉදිරියට යනවා" යන හැඟීම සහ තෘප්තිය ක්ෂණිකව ලැබෙනවා.

2) නිතර ප්‍රතිචාර දක්වන්න (Feedback)
වසරකට වරක් කරන සේවක ඇගයීම් එනතෙක් ඉන්න එපා. සතියකට වරක් හෝ ඔවුන් කරන වැඩ ගැන හොඳ/නරක කෙටියෙන් පවසන්න. ඔවුන් වැරදි නිවැරදි කරගෙන ඉක්මනින් දියුණු වීමට එය උදව් වෙනවා.

3) 'ඇයි' සහ 'කොහොමද' යන්න පැහැදිලි කරන්න
Gen Z අයට නිකම්ම වැඩක් පවරනවාට වඩා, ඒ වැඩේ කරන්නේ ඇයි කියන එක සහ එයින් ආයතනයට ලැබෙන වාසිය පැහැදිලි කරන්න. කාර්යයේ වැදගත්කම දකින විට ඔවුන් වඩාත් ඉවසීමෙන් වැඩ කරනවා.

4) දියුණු විය හැකි මාවත පෙන්වන්න (Career Path)
ඊළඟ වසර දෙක තුන ඇතුළත ඔවුන්ට යා හැකි තනතුරු හෝ ඉගෙන ගත හැකි අලුත් දේවල් මොනවාදැයි පැහැදිලි සැලසුමක් ලබා දෙන්න. එවිට "මම එකම තැනක හිර වෙලා නැහැ" යන විශ්වාසය ඔවුන් තුළ ගොඩනැගෙනවා.

5) තාක්ෂණය සහ නම්‍යශීලී බව ලබා දෙන්න
ඔවුන් අලුත් තාක්ෂණයට කැමතියි. වැඩේ සාර්ථකව නිම කරන්නේ නම්, වැඩ කරන වේලාවන් හෝ ක්‍රමවේදයන් ගැන යම් නම්‍යශීලී බවක් (Flexibility) ලබා දෙන්න. එවිට ඔවුන් ආයතනය කෙරෙහි වඩාත් පැහැදෙනවා.

Gen Z පරපුරට අවශ්‍ය වන්නේ නියෝග දෙන "බොස්" කෙනෙක් නෙවෙයි, ඔවුන්ගේ ගමනට උදව් කරන "Mentor" කෙනෙක් හෝ ගුරුවරයෙක් වැනි කළමනාකරුවෙක්. ඔවුන් ව හරියට ම තේරුම් ගත්තොත් Gen Z පරපුර එක්ක වැඩ කරන්න ලෙහෙසියි. මේකෙන් අදහස් කරන්නේ ඔවුන් කියන විදියට ම වැඩ කරනවා කියන එක නෙවෙයි. ඔවුන්ව තේරුම් අරගෙන වැඩ කරනවා කියන එකයි.

මේ වගේ දේවල් ගැන සවිස්තරව කතා කරන්න අපේ පුහුණු වැඩසටහන්වලට හරි පෞද්ගලික සැසිවාරවලට (Coaching) හරි එකතු වෙන්න. දැන් ම කතා කරන්න අපිට, 0703 550 300.

රුවන් සමරසිංහ
Mind Management Trainer
Transformative Coach

03/06/2026

ආයතනයකට කණ්ඩායම් හැඟීම අත්‍යාවශ්‍ය ඇයි?

ආයතනයක කණ්ඩායම් හැඟීම (Team Spirit) ඇති කිරීම කළමනාකරුවෙකුගේ ප්‍රධාන වගකීමක්. ආයතනය දියුණු කරන්න, ඉලක්ක සාධනය කරන්න එය අත්‍යාවශ්‍යයි. ඔබේ ආයතනයේ වැඩ කරන අය අතර කණ්ඩායම් හැඟීම ගොඩනැගීම සඳහා ඔබට කළ හැකි සරල පියවර කිහිපයක් මෙන්න මේ විදිහට පැහැදිලි කරන්න පුළුවන්.

1) විවෘතව අදහස් හුවමාරු කරගන්න (Open Communication)
සෑම සේවකයෙකුටම තමන්ගේ අදහස් සහ ගැටලු බියක් නැතිව පැවසීමට හැකි පරිසරයක් නිර්මාණය කරන්න. ඔවුන් පවසන දේට හොඳින් සවන් දෙන්න. එවිට ඔවුන්ට තමන්ව අගය කරන බවක් දැනෙනවා.

2) පොදු ඉලක්කයක් හඳුන්වා දෙන්න (Shared Goals)
කණ්ඩායම වැඩ කරන්නේ කුමක් සඳහාද යන්න සැමට පැහැදිලි විය යුතුයි. "අපි හැමෝම එකතු වෙලා මේ ජයග්‍රහණය ලබාගනිමු" යන හැඟීම ඇති කිරීමට පොදු ඉලක්ක උදව් වෙනවා.

3) දක්ෂතා අගය කරන්න (Appreciate Good Work)
යමෙක් හොඳින් වැඩ කරන විට ඒ ගැන සැම ඉදිරියේ අගය කරන්න. කුඩා ජයග්‍රහණයක් වුවත් සමරන්න. එය සේවකයන්ගේ උද්‍යෝගය වැඩි කිරීමට හේතුවක් වෙනවා.

4) වගකීම් බෙදා දෙන්න (Delegate & Trust)
හැම දෙයක්ම පාලනය කිරීමට උත්සාහ නොකර, කණ්ඩායමේ සාමාජිකයන්ට වගකීම් පවරා ඔවුන් කෙරෙහි විශ්වාසය තබන්න. තමන්ට වගකීමක් ඇති බව දැනෙන විට ඔවුන් වඩාත් කැපවීමෙන් වැඩ කරයි.

5) වැඩ පීඩනය කළමනාකරණය කරන්න (Work-Life Balance)
අධික ලෙස වැඩ පටවා සේවකයන් වෙහෙසට පත් නොකරන්න. ඔවුන්ගේ මානසික සුවය ගැන සොයා බැලීම සහ විවේකයක් ලබා දීම මගින් ඔවුන් සතුටින් එකට වැඩ කිරීමට පෙළඹෙනවා.

6) එකට එකතු වන අවස්ථා ඇති කරන්න (Team Bonding)
නිල රාජකාරිවලින් බැහැරව සුහදව කතාබස් කිරීමට, ක්‍රීඩා කිරීමට හෝ කුඩා තේ පැන් සංග්‍රහයක් වැනි දේ සංවිධානය කරන්න. මෙයින් සාමාජිකයන් අතර ඇති පරතරය අඩු වේ.

කළමනාකරුවෙකු කියන්නේ පාලකයෙකු නෙවෙයි, කණ්ඩායම එකට අත්වැල් බැඳගෙන ඉදිරියට රැගෙන යන මගපෙන්වන්නෙකු විය යුතුයි. ඉතින් ඔබත් ඔබේ වැඩකරන තැන ඉන්න විවිධ අය තුළ කණ්ඩායම් හැඟීම වර්ධනය කරන්න මේ ක්‍රම අනුගමනය කරන්න. ඒ වගේ ම ඔබට ආවේනික තවත් උපක්‍රම තියෙන්න පුළුවන්. ඒ ගැනත් හිතන්න. හැමතිස්සෙම එක කණ්ඩායමක් විදිහට වැඩ කළොත් ඔබට ලබා ගන්න පුළුවන් ජයග්‍රහණ ප්‍රමාණය වැඩියි.

මේ වගේ දේවල් ගැන සවිස්තරව කතා කරන්න අපේ පුහුණු වැඩසටහන්වලට හරි පෞද්ගලික සැසිවාරවලට (Coaching) හරි එකතු වෙන්න. දැන් ම කතා කරන්න අපිට, 0703 550 300.

රුවන් සමරසිංහ
Mind Management Trainer
Transformative Coach

Ruwan Samarasinghe

12/06/2026

11/06/2026

10/06/2026

09/06/2026

08/06/2026

07/06/2026

06/06/2026

05/06/2026

04/06/2026

03/06/2026

Address

Telephone

Website

Alerts

Contact The Business

Shortcuts

Share

Category