Ruwan Samarasinghe

Call Directions Website Contact the business

Ruwan Samarasinghe “Success Through Happiness” As a certified NLP practitioner and life coach, he uniquely blends mindfulness with NLP and psychology in his training sessions.

Ruwan Samarasinghe is a distinguished corporate trainer, transformative coach, counselor, and author, specializing in Mind Management. With over 20 years of experience as a journalist and media administrator, Ruwan is also a communication expert. He authored "Sathute Mulpotha" (Handbook of Happiness). He studies Buddhism, psychology, NLP, and yoga extensively. As the founder of the renowned Wisdom Life Center, he provides training, coaching, and counseling services. Ruwan holds a Bachelor of Arts degree from the University of Sri Jayawardenepura, a master’s degree from the University of Kelaniya, and a diploma and higher diploma in counseling and psychotherapy from the Institute of Psychological Studies.

ජීවිතයේ සතුටයි රැකියාවේ සතුටයි එකක් ද? - දෙකක් ද?රැකියාවත් සතුටින් කරලා, ජීවිතයත් සතුටින් ගෙවන්න ඔබ කැමතියි නේද?එහෙනම් ම...
20/10/2026

ජීවිතයේ සතුටයි රැකියාවේ සතුටයි එකක් ද? - දෙකක් ද?

රැකියාවත් සතුටින් කරලා, ජීවිතයත් සතුටින් ගෙවන්න ඔබ කැමතියි නේද?

එහෙනම් මෙන්න ඔබට අපුරු විකල්පයක්.

සියලු අභියෝග මැද රැකියාව සතුටින් සාර්ථකව කරන ගමන් සතුටින් පිරුණු ජීවිතයක් දිනාගැනීම ගැන කතා කරන ප්‍රභල පොත් දෙකක්.

“සතුටින් වැඩකිරීමේ කලාව” – Handbook of the Job
“සතුටේ මුල් පොත” – Handbook of Happiness

කතෘ - රුවන් සමරසිංහ
ප්‍රකාශනය - සයුර ප්‍රකාශන

කෘති දෙකම රුපියල් 2500/= (බෙදාහැරීම් ගාස්තු ද සහිතව)

දැන් ම JH ලෙසින් WhatsApp පණිවුඩයක් තියන්න 0703 550 300

ශ්‍රී ලංකාවේදී රැකියාවෙන් ඉහළටම යා හැකි ක්‍රම මෙන්නලංකාවේ වෘත්තීය පරිසරය තුළ ඉක්මනින් ඉදිරියට යාමට සහ උසස්වීම් ලබාගැනීමට...
20/10/2026

ශ්‍රී ලංකාවේදී රැකියාවෙන් ඉහළටම යා හැකි ක්‍රම මෙන්න
ලංකාවේ වෘත්තීය පරිසරය තුළ ඉක්මනින් ඉදිරියට යාමට සහ උසස්වීම් ලබාගැනීමට කැපවීම සහ දක්ෂතාව මෙන්ම අපගේ සමාජයීය හා සංස්කෘතික පරිසරයට ගැලපෙන උපක්‍රමශීලී පැවැත්මද ඉතා වැදගත් වෙනවා. මොනම රැකියාවක වුණත් එයට අවශ්‍ය සුදුසුකම් සපුරා ගැනීම හරිම තීරණාත්මකයි. ලංකාවේ වැඩ පරසරය සහ විශේෂයෙන් යුරෝපයේ වැඩ පරිසරය අතර සංස්කෘතික වෙනස්කම් වගේ ම ආකල්පමය වෙනස්කම් තියෙනවා ලංකාවේ රැකියාවෙන් ඉහළටම යාමට උපකාරී වන ප්‍රධාන ක්‍රම 5ක් මෙන්න.

1) වෘත්තීය සුදුසුකම් සහ තාක්ෂණික දැනුම නිතර යාවත්කාලීන කිරීම (Up-skilling)
ලංකාවේ බොහෝ ක්ෂේත්‍රවල උසස්වීම් සඳහා අත්දැකීම් වගේම විධිමත් අධ්‍යාපනික හෝ වෘත්තීය සුදුසුකම් (Professional Qualifications / Master's Degrees) සලකා බලනවා. ඒ වගේම ඔබේ ක්ෂේත්‍රයට අදාළ නවීන තාක්ෂණය, AI මෙවලම් හෝ විදේශීය භාෂා (විශේෂයෙන් ඉංග්‍රීසි දැනුම) දියුණු කරගැනීම මඟින් අන් අයට වඩා ඉක්මනින් ඉදිරියට යන්න පුළුවන් වෙනවා..

2) ආයතනය තුළ සහ ක්ෂේත්‍රය තුළ හොඳ සම්බන්ධතා ගොඩනගා ගැනීම (Networking)
ලංකාවේ රැකියා ක්ෂේත්‍රයේ "කවුද දන්නේ?" (Who you know) යන්න බොහෝ විට වැදගත් කරුණක්. ආයතනයේ ඉහළ කළමනාකාරිත්වය, වෙනත් දෙපාර්තමේන්තු සහ ක්ෂේත්‍රයේ ප්‍රධානීන් සමඟ නිතරම වෘත්තීය මට්ටමේ යහපත් සම්බන්ධතා පවත්වා ගන්න. ආයතනික උත්සව, වැඩමුළු සහ සමාජයීය ක්‍රියාකාරකම්වලට එකතු වීමෙන් ඔවුන් වැඩිවශයෙන් හඳුනාගැනීමට හැකිවෙනවා.

3) ගැටලුවලට ඉක්මන් විසඳුම් දෙන කෙනෙකු වීම (Problem Solving & Soft Skills)
වැඩ පවරන තෙක් නොසිට, ආයතනයේ තියෙන ගැටලුවලට පෙරමුණ ගෙන විසඳුම් ඉදිරිපත් කරන (Proactive) අයට ලංකාවේ ආයතන තුළ ලොකු තැනක් හිමිවෙනවා. ඒ වගේම අන් අය සමඟ හොඳින් වැඩ කිරීමේ හැකියාව, සන්නිවේදන හැකියාව (Communication) සහ නායකත්ව ලක්ෂණ පෙන්වීම මඟින් ඔබව කැපී පෙනෙන චරිතයක් බවට පත්වෙන්න පුළුවන්.

4) ආයතනයේ සංස්කෘතියට ගැලපෙන පරිණත පැවැත්ම සහ විශ්වාසනීයත්වය (Professionalism & Cultural Fit)
ලංකාවේ රැකියා පරිසරය තුළ වෘත්තීය මට්ටමේ ගෞරවනීය පැවැත්ම, කතාබහ සහ හැසිරීම ඉහළින්ම අගය කරනු ලබනවා. රහස්‍යභාවය රැකීම, පක්ෂපාතීත්වය සහ ඕනෑම පීඩනකාරී අවස්ථාවකදී කපටිකමෙන් තොරව පරිණත ලෙස කටයුතු කිරීම මඟින් ඉහළ කළමනාකාරිත්වයේ විශ්වාසය දිනාගන්න පුළුවන්.

5) ඔබේ දක්ෂතා සහ ජයග්‍රහණ නිසි ලෙස කළමනාකාරිත්වයට පෙන්වීම (Visibility)
කොපමණ මහන්සි වී වැඩ කළත්, ඔබ කරන වැඩවල ප්‍රතිඵල (Results) ඉහළ කළමනාකාරිත්වයට නොපෙනේ නම් උසස්වීම් ලැබීම ප්‍රමාද වෙන්න පුළුවන්. ඔබ ඉටුකළ සාර්ථක ව්‍යාපෘති, ආයතනයට ලබාදුන් ලාභ හෝ පිරිමැසූ පිරිවැය පිළිබඳ දත්ත සහ වාර්තා නිසි වේලාවට ඉදිරිපත් කරමින් ඔබේ වටිනාකම ආයතනයට පෙන්වන්න.

මේ කාරණාවලට අමතරව ඔබ කැමැත්තෙන් අමතර වෙලාවක් වැඩ කරනවානම්, කැපවීමෙන්, අවංකව වැඩකරනවානම් ඔබට ඕනෑම තැනක වැඩ කරමින් ඉහළට ම යන්න පුළුවන්.

ඔබ හිතන විදිහට ලංකාවේ රැකියාවක ඉහළට යන්න පහසුම ක්‍රම මොනවද?

ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
070 355 0300

Gen Z අය රැකියාවේදී නොකළ යුතු ප්‍රධාන වැරදි 5ක්වර්තමාන රැකියා ලෝකයට අලුතින් එකතු වන Gen Z තරුණ පරපුර සතුව නවීන තාක්ෂණික ...
19/10/2026

Gen Z අය රැකියාවේදී නොකළ යුතු ප්‍රධාන වැරදි 5ක්
වර්තමාන රැකියා ලෝකයට අලුතින් එකතු වන Gen Z තරුණ පරපුර සතුව නවීන තාක්ෂණික දැනුම, නිර්මාණශීලී බව සහ වේගවත් බව ඉහළ මට්ටමකින් පවතිනවා. නමුත් සාම්ප්‍රදායික සහ ජ්‍යෙෂ්ඨ නිලධාරීන් සමඟ වැඩ කිරීමේදී සිදුවන ඇතැම් වැරදි නිසා ඔවුන්ගේ වෘත්තීය දියුණුවට (Career Growth) බාධා එල්ල වෙන්න පුළුවන්. ඔබත් Gen Z රැකියාලාභියෙකු නම්, රැකියා ස්ථානයේදී ඔබේ වෘත්තීය නාමය ආරක්ෂා කරගැනීමට කැපවිය යුතුයි. ඒ සඳහා නොකළ යුතු ප්‍රධාන වැරදි 5ක් පහතින් දැක්වෙනවා.

1) සියල්ල සෘජුවම ප්‍රතික්ෂේප කිරීම සහ තර්ක කිරීම (Being Overly Defensive)
ජ්‍යෙෂ්ඨ නිලධාරියෙකු හෝ කළමනාකරුවෙකු ඔබේ වැරැද්දක් පෙන්වා දුන් විට හෝ උපදෙසක් දුන් විට, "මම ඒක දන්නවා" හෝ "අපේ ක්‍රමය තමයි හරි" කියා එකහෙළා තර්ක කිරීම යෝග්‍ය දෙයක් නෙවෙයි.

නිවැරදි ක්‍රමය
උපදෙස් සහ විවේචන (Constructive Feedback) වර්ධනය වීමට ලැබෙන අවස්ථාවක් ලෙස සලකා ඉවසීමෙන් සවන් දෙන්න.

2) සන්නිවේදනයේදී වෘත්තීය සීමා මායිම් අමතක කිරීම (Over-Casual Communication)
WhatsApp, Slack වැනි Messaging Apps භාවිත කරද්දී යහළුවන්ට මැසේජ් කරන ආකාරයට ම (Emoji, Short forms, Slang words) ප්‍රධානීන්ට හෝ පාරිභෝගිකයන්ට මැසේජ් කිරීම.

නිවැරදි ක්‍රමය
ඊමේල් සහ නිල සංවාදවලදී සැමවිටම වෘත්තීය භාෂාවක් (Professional Tone) භාවිත කරන්න.

3) "මම සියල්ල දනිමි" (Know-It-All) ආකල්පය
තාක්ෂණය සහ අලුත් ටූල්ස් (AI, Software) ගැන ජ්‍යෙෂ්ඨයින්ට වඩා හොඳ දැනුමක් ඔබට තිබිය හැක. නමුත් ක්ෂේත්‍රයේ ප්‍රායෝගික අත්දැකීම් (Industry Experience) ඇත්තේ ජ්‍යෙෂ්ඨයින් සතුවය.

නිවැරදි ක්‍රමය
තාක්ෂණික දැනුම ගැන උදම් නොවී, නිහතමානීව ජ්‍යෙෂ්ඨයින්ගේ අත්දැකීම්වලින් ඉගෙන ගැනීමට උත්සාහ කරන්න.

4) ක්ෂණික ඇගයීම් සහ ඉක්මන් උසස්වීම් බලාපොරොත්තු වීම (Expecting Instant Rewards)
සමාජ මාධ්‍ය තුළ මෙන්ම රැකියාවේදීත් සෑම කුඩා වැඩකටම ක්ෂණික අගය කිරීම් (Instant Validation) හෝ මාස කිහිපයකින් උසස්වීම් බලාපොරොත්තු වීම.

නිවැරදි ක්‍රමය
වෘත්තීය සාර්ථකත්වය යනු කාලය, ඉවසීම සහ නොකඩවා කරන කැපවීම මත ගොඩනැගෙන දෙයක් බව වටහාගන්න.

5) පෞද්ගලික ප්‍රශ්න සහ ඔෆිස් ප්‍රශ්න පටලවා ගැනීම (Lack of Emotional Control)
ඔෆිස් එකේදී සිතූ පරිදි වැඩක් සිදු නොවූ විට හෝ පීඩනයක් ආ විට ක්ෂණිකව කෝප වීම, මුහුණ වෙනස් කරගැනීම හෝ වැඩ අතහැර දැමීම.

නිවැරදි ක්‍රමය
චිත්තවේගීය බුද්ධිය (Emotional Intelligence) වර්ධනය කරගනිමින්, ප්‍රශ්න හමුවේ නොසැලී සන්සුන්ව සහ ප්‍රායෝගිකව විසඳුම් සෙවීමට පුරුදු වන්න.

ඔබේ නවීන සිතුවිලි සහ තාක්ෂණික හැකියාවට "විනය, ඉවසීම සහ ගෞරවය" එකතු කරගත් විට, ඔබට රැකියා ස්ථානයේ ජ්‍යෙෂ්ඨයින්ගේ ආදරය දිනාගනිමින් ඉතා ඉක්මනින් ඉහළටම යාමට නිසැකවම හැකියාව ලැබෙනවා. එනිසා ඔබගේ වෘත්තීය ජීවිතයේ වගකීම් සහගත බව ගැන සැලකිලිමත් වෙන්න. මානව සම්බන්ධතා ඵලදායිව ගොඩනගා ගන්න ඔබට පුළුවන් නම් ඔබට ඉක්මණින් රැකියාවේ ඉහළට ම යන්න පුළුවන් වෙනවා.

ඔබටත් මේ ගැන අදහසක් තියෙනවා නේද? ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
070 355 0300

18/10/2026

Job එකේදී Gen Z වැඩ නොකරන්නේ ඇයි ?

By Ruwan Samarasinghe

Senior Manager කෙනෙකුට අලුත් අදහසක් ඉදිරිපත් කරන්නේ මෙහෙමයි Senior Manager කෙනෙකුට තමන්ගේ අලුත් අදහසක් (Idea) ඉදිරිපත් ක...
18/10/2026

Senior Manager කෙනෙකුට අලුත් අදහසක් ඉදිරිපත් කරන්නේ මෙහෙමයි
Senior Manager කෙනෙකුට තමන්ගේ අලුත් අදහසක් (Idea) ඉදිරිපත් කිරීමේදී (Pitching) සාම්ප්‍රදායිකව දීර්ඝ විස්තර දෙනවාට වඩා, තර්කානුකූල සහ කෙටි ව්‍යුහයක් (Structured Format) භාවිත කිරීම තමයි ඉතා ම සාර්ථක වෙන්නේ. ජ්‍යෙෂ්ඨ කළමනාකරුවන්ගේ කාලය සීමිත නිසාත්, ඔවුන් නිතරම අවධානය යොමු කරන්නේ "මෙයින් ආයතනයට ලැබෙන වාසිය කුමක්ද?" සහ "එන අවදානම් මොනවාද?" යන්න පිළිබඳව නිසාත් ඔවුන්ට අදහස් සහ යෝජනා ඉදිරපත් කරද්දී කරුණු කිහිපයක් ගැන සැලකිලිමත් වෙන්න, පහත සඳහන් P.O.W.E.R. Pitch Format එක ඒකට පහසුවෙන් භාවිත කරන්න පුළුවන්.

1) P - Problem (වත්මන් ගැටලුව පෙන්වා දීම)
ඔබේ අරමුණ
ආයතනයේ දැනට පවතින ප්‍රශ්නයක් හෝ කාලය/මුදල් නාස්ති වන තැනක් කෙළින්ම පෙන්වා දීම.

කිවහැකි ආකාරය
"සර්/මැඩම්, මම දැක්කා අපේ ටීම් එක දැනට මේ ගැටලුව/කාර්යය වෙනුවෙන් සතියකට පැය 10කට වඩා කාලයක් නාස්ති කරනවා. ඒක නිසා අපේ ඊළඟ ඉලක්කය/Project එක පොඩ්ඩක් ප්‍රමාද වෙන්න පුළුවන් නේද?"

2) O - Opportunity & Idea (ඔබේ අලුත් විසඳුම/අදහස)
අරමුණ
ගැටලුවට ඔබේ අලුත් විසඳුම සරලව ඉදිරිපත් කිරීම.

කිවහැකි ආකාරය
"මේකට මට පොඩි අදහසක් ආවා. අපි අලුත් ක්‍රමය/Tool එක/විසඳුම භාවිත කළොත්, මේ වැඩේ මීට වඩා ගොඩක් ලේසියෙන් කරගන්න පුළුවන්."

3) W - Wins / Benefits (ආයතනයට සහ ටීම් එකට ලැබෙන වාසි)
අරමුණ
දත්ත හෝ පැහැදිලි උදාහරණ සහිතව ලැබෙන ඵලදායිතාව පෙන්වීම. (ROI - Return on Investment)

කියිය හැකි ආකාරය:
"මෙහෙම කළොත් අපිට ලැඛෙන ප්‍රධාන වාසි 2ක් තියෙනවා. එකක්, සතියකට පැය 5ක් ඉතිරි වෙනවා. දෙක, ඵලදායිතාව/ගුණාත්මක බව 20%කින් විතර වැඩි වෙනවා."

4) E - Ex*****on & Risk Mitigation (ක්‍රියාත්මක කරන හැටි සහ අවදානම් පාලනය)
අරමුණ
මෙය ක්‍රියාත්මක කිරීමට යන කාලය, පිරිවැය සහ එන්න පුළුවන් අවදානම්වලට ඔබ සූදානම් බව පෙන්වීම.

කිවහැකි ආකාරය
"මේකට ලොකු පිරිවැයක් යන්නේ නැහැ / මම මේකට අවශ්‍ය මූලික ප්ලෑන් එක හදලා තියෙන්නේ. මොනවා හරි ගැටලුවක් ආවොත් අපිට Backup Plan එක යොදාගන්න පුළුවන්."

5) R - Request for Pilot / Next Step (ඊළඟ පියවර සඳහා අවසර ඉල්ලීම)
අරමුණ
මුළු ව්‍යාපෘතියම එකවර වෙනස් කිරීමට නොඉල්ලා, කුඩා අත්හදා බැලීමකට (Pilot Test) අවසර ඉල්ලීම.

කිවහැකි ආකාරය
"අපි මුළු ටීම් එකටම එකපාර නැතුව, ලබන සතියේ එක Project එකකට විතරක් මේක අත්හදා බලමුද? ඒක සාර්ථක වුණොත් විතරක් ඉදිරියට යමු."

ඔබේ Pitch එක සාර්ථක කරගැනීමට අමතර Tips 3ක්:
1. කාලය කෙටි කිරීම (Keep it under 3 Minutes)
ඔබේ මූලික Pitch එක විනාඩි 3කට වඩා වැඩි නොවිය යුතුයි. ඔවුන්ට කුතුහලයක් ඇති වුවහොත් අනිවාර්යයෙන්ම ඉතිරි විස්තර විමසාවි.

2. Visual Slide එකක් හෝ One-Pager එකක් අතැතිව තබාගන්න කරුණු 4-5ක් ඇතුළත් සරල එක පිටුවක Document එකක් (One-Pager Summary) පෙන්වීමෙන් ඔබේ වෘත්තීයභාවය (Professionalism) පැහැදිලිව පෙන්වන්න පුළුවන්.

3. විවේචනවලට සූදානම් වන්න:

Manager ප්‍රශ්න අසන විට "ඒක හරියන්නේ නැහැ" කියා කලබල නොවී, "ඒක ගොඩක් හොඳ ප්‍රශ්නයක් සර්, මම ඒ ගැන මෙහෙමයි හිතුවේ..." ලෙස පිළිතුරු දෙන්න.

රැකියාවේදී අලුත් අදහස් ඉදිරිපත් කිරීමට ඔබට ලැබෙන අවස්ථා කවදාවත් මගහරින්න එපා. උත්සහ කිරීමේ අරමුණින් හරි ඉදිරිපත් වෙන්න. සමහරවිට ඔබේ අදහස කළමනාකාරීත්ව අනුමත කරලා ක්‍රියාවට නැංවුවහොත් ඔබටත් ආයතනයටත් විශාල ප්‍රතිලාභ අත්වෙන්න පුළුවන්.

ඔබටත් මේ ගැන අදහසක් තියෙනවා නේද? ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
070 355 0300

Promotion එකක් ඕනෙ නම් මේ දේවල් කරන්නම එපා. රැකියාවේ උසස්වීමක් ලැබීම කියන්නේ (Promotion) සුවිශේෂී අත්දැකීමක්. ලොකු බලාපො...
17/10/2026

Promotion එකක් ඕනෙ නම් මේ දේවල් කරන්නම එපා.
රැකියාවේ උසස්වීමක් ලැබීම කියන්නේ (Promotion) සුවිශේෂී අත්දැකීමක්. ලොකු බලාපොරොත්තුවක් ඉටුවීමක්. එනිසා මොන රැකියාව කළත් උසස්වීමක් ලබා ගැනීම අපේ හීනයක්. සමහර අයට ඉක්මණින් උසස්වීම් ලැබෙනවා. සමහර අයට නිසි කාලෙට ලැබෙනවා. සමහර අයට පමා වෙනවා. සමහර අයට ලැබෙන්නෙම නැති තරම්. එනිසා ඔබ උසස්වීමක් බලාපොරොත්තු වෙනවනම් ඒකට නිවැරදිව සුදානම් වෙන්න ඕනේ. එතැනදී ඔබ කළ යුතු වගේ ම නොකළ යුතු දේවල් තියෙනවා. අද අපි කතා කරන්නේ ඔබ රැකියාවේ උසස්වීමක් බලාපොරොත්තුවෙන් සිටිනවා නම්, මඟහැරිය යුතු ප්‍රධාන වැරදි 5ක් ගැන.

1) ආයතනය තුළ කේලාම් කීම සහ සෘණාත්මක කතා පැතිරවීම (Office Politics & Gossip)
ආයතනයේ සගයන්, කළමනාකාරිත්වය හෝ ආයතනික තීරණ ගැන නිතර චෝදනා කිරීම, කටකතා පැතිරවීම හෝ සෘණාත්මකව කතා කිරීමෙන් වළකින්න. නායකත්ව තනතුරකට සුදුසු පුද්ගලයෙකු තුළ පැවතිය යුත්තේ පරිණතබව සහ විශ්වාසනීයත්වයයි. සෘණාත්මක ආකල්ප ඇති අයෙකුට ඉහළ තනතුරක් දීමට කළමනාකාරිත්වය කැමති වන්නේ නැහැ. ඒක ස්ථිරයි.

2) අලුත් වගකීම් භාරගැනීම මගහැරීම (Reluctance to Take Extra Responsibilities)
"මේක මගේ Job Description එකේ නෑ", "මට අමතර ගෙවීමක් කරන්නේ නැතිව මං ඕවා කරන්නේ නෑ" යන මානසිකත්වයෙන් කටයුතු කිරීමෙන් වළකින්න. උසස්වීමක් ලබාගැනීමට නම්, ඔබ වත්මන් තනතුරට වඩා වැඩි වගකීම් දැරීමට සූදානම් බව ක්‍රියාවෙන් පෙන්විය යුතුයි. අලුත් ව්‍යාපෘති සහ අභියෝගාත්මක වැඩ ඉදිරිපත් වී භාරගැනීමට කවදාවත් පැකිලෙන්න එපා.

3) කණ්ඩායම් හැඟීමෙන් තොරව කැපී පෙනීමට උත්සාහ කිරීම (Lack of Teamwork)
ඉහළ තනතුරක් ලැබෙනවා කියන්නේ කණ්ඩායමක් මෙහෙයවීමට (Leadership) අවස්ථාවක් ලැබීමයි. අන් අයගේ සාර්ථකත්වයට ඉරිසියා කිරීම, අන් අයගේ අදහස් තදින් ප්‍රතික්ෂේප කිරීම හෝ තමන්ගේ සාර්ථකත්වය සඳහා පමණක් අන් අයව පාවිච්චි කිරීම කිසිසේත් ම නොකළ යුතු දෙයක්. කණ්ඩායමේ අන් අයට උපකාර කරමින්, ඔවුන්වත් ඉදිරියට ගැනීමට කටයුතු කරන අයට උසස්වීම් ලැබීමේ ඉඩකඩ වැඩියි.

4) විවේචන සහ උපදෙස් ද්වේෂසහගතව භාරගැනීම (Refusing Feedback & Constructive Criticism)
ඔබේ වැරදි පෙන්වා දෙන විට හෝ යම් විවේචනයක් ඉදිරිපත් වන විට කේන්ති ගැනීම, තර්ක කිරීම හෝ ඒවා පෞද්ගලිකව භාරගැනීම කරන්න එපා. පරිණත නායකයෙකු වන්නේ තමන්ගේ අඩුපාඩු පිළිගෙන, ඒවා සකස් කරගනිමින් දියුණු වීමට උත්සාහ කරන පුද්ගලයායි.

5) තමන්ගේ දක්ෂතා සහ නිහඬ කැපවීම ගැන නිසි ලෙස සන්නිවේදනය නොකිරීම (Failing to Highlight Achievements)
මහන්සි වී වැඩ කළ පමණින්ම උසස්වීමක් ලැබෙන්නේ නැහැ. ඔබ කරන වැඩ සහ ලබාගත් ජයග්‍රහණ ගැන ආයතනයේ ඉහළ කළමනාකාරිත්වය නොදන්නේ නම්, ඔබගේ කැපවීම මඟහැරී යන්න පුළුවන්. තමන් කළ වැඩ ගැන නිහතමානීව, පැහැදිලිව සහ වෘත්තීයමය ලෙස නිසි වේලාවට සන්නිවේදනය කිරීම (Communicating Achievements) පැකිලීමකින් තොරව කළ යුතුමයි.

මේ අතරින් ඔබ දැනටමත් වඩාත්ම අවධානය යොමු කරන්නේ කුමන කරුණටද කියලා හිතල බලන්න. සමහරවිට කරූ කිහිපයක් වෙන්නත් පුළුවන්. වඩාත් දක්ෂ ලෙස වැඩකරලා ඔබේ උසස්වීම ඉක්මනින් ලබා ගන්න උපරිම උත්සහ කරන්න.

ඔබටත් මේ ගැන අදහසක් තියෙනවා නේද? ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
070 355 0300

ඔබත් විෂ සහිත/පීඩාකාරී සේවා පරිසරයක (Toxic Workplace) සිරවී මානසිකව වැටී සිටින කෙනෙක්ද? ඔබ තනිවී නැහැ, වගේම ඔබට දිගටම මේ...
16/10/2026

ඔබත් විෂ සහිත/පීඩාකාරී සේවා පරිසරයක (Toxic Workplace) සිරවී මානසිකව වැටී සිටින කෙනෙක්ද?

ඔබ තනිවී නැහැ, වගේම ඔබට දිගටම මේ පීඩාව විඳින්න අවශ්‍යත් නැහැ.

මේ වීඩියෝවෙන් අපි කතා කරන්නේ ඔබේ වෘත්තීය ගරුත්වය හෝ ඔබේ මානසික නිදහස නැති කර නොගෙන, මෙවැනි විෂ සහිත සේවා පරිසරයකට සාර්ථකව මුහුණ දෙන්නේ සහ එයින් මිදෙන්නේ කොහොමද කියන එකයි.

ඔබේ ප්‍රධානියා (Boss) නිතරම ඔබව පාලනය කිරීමට උත්සාහ කරනවා නම්, සගයන් පිටුපසින් කකුලෙන් අදිනවා නම්, හෝ සේවා ස්ථානයේ නිතරම ඔබව වැරදිකරු කිරීමට උත්සාහ කරනවා නම් (Gaslighting), ඔබේ මානසික සෞඛ්‍යය ආරක්ෂා කරගෙන මීළඟ පියවර තබන ආකාරය මෙම ප්‍රායෝගික උපදෙස් මඟින් ඔබට ඉගෙන ගත හැකියි.

Gen Z - පරපුර Senior Managers සමග ගනුදෙනු කළ යුතු හොඳම ක්‍රමය. Gen Z නවකයෙකුගේ නවීන, වේගවත් සිතුවිලි සහ Senior Manager...
16/10/2026

Gen Z - පරපුර Senior Managers සමග ගනුදෙනු කළ යුතු හොඳම ක්‍රමය.
Gen Z නවකයෙකුගේ නවීන, වේගවත් සිතුවිලි සහ Senior Manager කෙනෙකුගේ වසර ගණනාවක ප්‍රායෝගික අත්දැකීම් අතර අදහස් ගැටීමක් (Clash of Ideas) සිදුවීම ඉතා සාමාන්‍ය දෙයක්. එය පෞද්ගලික ආරවුලක් (Personal Conflict) කරගන්නේ නැතුව, වෘත්තීයමය ලෙස නිරාකරණය කරගැනීමට පියවරෙන් පියවර අනුගමනය කළ හැකි ක්‍රමවේද බොහොමයක් තිබෙනවා. අපි අද ඉන් කිහිපයක් ගැන කතා කරමු.

1) "තර්කයෙන් දිනීමට" නොව "හොඳම විසඳුම සොයාගැනීමට" උත්සාහ කරන්න
Gen Z ලෙස - "මගේ ක්‍රමය තමයි නිවැරදි" යන තැන සිට තර්ක නොකරන්න. Senior Manager එකහෙළා ඔබේ අදහස ප්‍රතික්ෂේප කළහොත්, කෝප නොවී සන්සුන්ව සිටින්න.
සිදුකළ යුතු දේ: "සර්/මැඩම්, මම මේ ක්‍රමය යෝජනා කළේ මේ වාසි නිසා. හැබැයි සර්ගේ අත්දැකීමෙන් මේකේ තියෙන අඩුපාඩු මොනවාද කියලා මට තව ටිකක් පැහැදිලි කරලා දෙන්න පුළුවන්ද?" ලෙස විමසන්න.

2) "හැඟීම්" (Emotions) වෙනුවට "දත්ත සහ සාක්ෂි" (Data & Facts) ඉදිරිපත් කරන්න
ජ්‍යෙෂ්ඨ නිලධාරීන් බොහෝ විට තීරණ ගන්නේ අත්දැකීම් සහ අවදානම් කළමනාකරණය (Risk Management) පදනම් කරගෙනයි.
සිදුකළ යුතු දේ: ඔබේ අදහස හුදෙක් සිතුවිල්ලක් ලෙස නොකියා, කුඩා දත්ත සටහනක් (Data/Case Study/Example) හෝ වෙනත් ආයතනයක එය සාර්ථක වූ ආකාරය පෙන්වන සාක්ෂි සහිතව (Facts) ඉදිරිපත් කරන්න.

3) "Hybrid Solution" එකකට (මැද මාවතකට) යොමු වන්න
එක පාර්ශ්වයක අදහසක් සම්පූර්ණයෙන්ම තෝරාගන්නවා වෙනුවට, දෙපාර්ශ්වයේම හොඳම කොටස් එකතු කරගත් සම්මිශ්‍රණයක් සාදාගන්න.
උදාහරණයක් ලෙස:
"සර් කියන පැරණි ක්‍රමයේ තියෙන නිවැරදි බව සහ ආරක්ෂිත බව අපි තියාගමු. හැබැයි මේකේ කාලය ඉතිරි කරගන්න මම යෝජනා කරපු Software/Tool එක ඒ ක්‍රමවේදය ඇතුළට එකතු කරලා බලමුද?"

4) "Pilot Test" එකක් (කුඩා අත්හදා බැලීමක්) ඉල්ලා සිටින්න
Senior Manager ඔබේ අලුත් ක්‍රමය ගැන සැක පහළ කරයි නම්, මුළු Project එකම වෙනස් කිරීමට නොඉල්ලා කුඩා කොටසක පමණක් එය අත්හදා බැලීමට (Small Experiment) අවසර ඉල්ලන්න.
කතා කළ හැකි ආකාරය: "අපි මුළු Project එකටම නැතුව, මේ සතියේ කරන පොඩි වැඩේට විතරක් මගේ ක්‍රමය අත්හදා බලමු. ඒකෙන් හොඳ Result එකක් ආවේ නැත්නම් අපි ආපහු සර් කියපු සාම්ප්‍රදායික ක්‍රමයටම යමු." යැයි කියන්න.

5) සවන්දීමේ සංස්කෘතිය සහ ගෞරවය රැකගන්න (Active Listening)
Manager කතා කරන විට අතරමැදින් කඩාගෙන පැන පිළිතුරු නොදී, ඔවුන් පවසන දේට සම්පූර්ණයෙන් සවන් දෙන්න. ඔවුන්ගේ පැත්තෙන් ඇති බිය හෝ අභියෝගය කුමක්දැයි තේරුම් ගන්න. බොහෝ විට ඔවුන් බිය වන්නේ අලුත් ක්‍රමය නිසා වැඩේ වරදීවි හෝ කාලය නාස්ති වේවි කියා වෙන්න පුළුවන්. ඔවුන්ගේ ඒ බියට සෑහෙන පිළිතුරක් ඔබ සතුව තිබේ නම් අදහස් ගැලපීම ඉතා පහසු වෙන්න පුළුවන්.

අදහස් නොගැලපෙන මොහොතකදී මතක තබාගත යුතු වැදගත්ම දේ වන්නේ "ඉලක්කය වන්නේ ජොබ් එකේ සාර්ථකත්වය මිස තමන්ගේ Ego එක රැකගැනීම නොවන බවයි." ජ්‍යෙෂ්ඨයින්ගේ අත්දැකීම්වලට ගරු කරන අතරම, තර්කානුකූලව තමන්ගේ අදහස ඉදිරිපත් කිරීමට පුරුදු වීමෙන් සාර්ථක වෘත්තීය සම්බන්ධතාවයක් ගොඩනගා ගන්න පුළුවන්.

ඔබටත් මේ ගැන අදහසක් තියෙනවා නේද? ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
070 355 0300

පීඩනයෙන් ඉන්න කළමණාකරුවෙකු සමග වැඩ කරන්නේ මෙහෙමයිරැකියාවේ වැඩ අධික බව සහ වගකීම්වල පීඩනය තදින් ම දැනෙන පිරිසක් තමයි කළමනා...
15/10/2026

පීඩනයෙන් ඉන්න කළමණාකරුවෙකු සමග වැඩ කරන්නේ මෙහෙමයි
රැකියාවේ වැඩ අධික බව සහ වගකීම්වල පීඩනය තදින් ම දැනෙන පිරිසක් තමයි කළමනාකරුවන් කියන්නේ. පිටත ඉන්න කෙනෙකුට නොපෙනුනාට එම තත්වය කළමනාකරුට දැඩි බලපෑමක් කරන්න සමත් වෙනවා. සේවකයින්ගේ පැත්තෙන් ගත්තොත් අධික වැඩ පීඩනය නිසා නිතර කේන්ති ගන්නා හෝ පීඩනයෙන් පසුවන කළමනාකරුවෙකු (Manager) යටතේ සේවය කිරීම ලොකු අභියෝගයක්. එවැනි පරිසරයකදී පෞද්ගලිකව සිත් රිදවා නොගෙන, කළමනාකරුගේ මානසිකත්වය තේරුම් ගනිමින් බුද්ධිමත්ව කටයුතු කිරීමට උපකාරී වන ප්‍රායෝගික උපදෙස් කිහිපයක් මෙන්න.

1) කේන්තිය පෞද්ගලිකව භාර නොගන්න (Don't Take It Personally)
කළමනාකරු කේන්තියෙන් කතා කරන බොහෝ විට එයට හේතුව ඔබ කළ යම් වරදකට වඩා, ඔහුට ඉහළින් ලැබෙන අධික වැඩ පීඩනය, ඉලක්ක (Targets) සපිරීමේ ආතතිය හෝ කාල වේලාව මදි වීම වෙන්න පුළුවන්. එම නිසා ඔහුගේ ප්‍රකාශ ඔබේ පෞද්ගලික ආත්මඅභිමානයට හානි කරගැනීමට ඉඩ නොදී, ප්‍රශ්නය දෙස උපේක්ෂාවෙන් බලන්න..

2) නිවැරදි වේලාව තෝරාගන්න (Timing is Everything)
කළමනාකරු අධික වැඩ බහුලව හෝ දැඩි ආතතියෙන් සිටින මොහොතක අලුත් අදහස්, ගැටලු හෝ නිවාඩු ඉල්ලීම් රැගෙන නොයන්න. ඔහු/ඇය මඳක් සන්සුන්ව සිටින වේලාවක් (උදාහරණයක් ලෙස උදෑසන තේ වේලාවෙන් පසු හෝ වැඩ කටයුතු අවසන් වන වෙලාවට ආසන්නව) තෝරාගෙන අත්‍යවශ්‍ය කරුණු සාකච්ඡා කරන්න.

3) ප්‍රශ්න විතරක් නෙවෙයි, විසඳුම් සූදානම් කරගන්න (Offer Solutions, Not Problems)
ගැටලුවක් ගැන පැහැදිලි කිරීමට යන විට "මෙහෙම ප්‍රශ්නයක් තියෙනවා" කියා පමණක් නොකියා, "මේ ප්‍රශ්නයට මම යෝජනා කරන විසඳුම් දෙක මෙන්න" යනුවෙන් කතා කරන්න. එමඟින් කළමනාකරුගේ මනසේ ඇති ආතතිය අඩු වන අතර ඔබ ගැන විශ්වාසයක්ද ගොඩනැගෙනවා.

4) සන්නිවේදනය පැහැදිලි හා කෙටි කරගන්න (Clear & Concise Communication)
අධික පීඩනයෙන් සිටින කෙනෙකුට දිගින් දිගට විස්තර කිරීමට යෑමෙන් ඔවුන් තවත් කේන්ති ගන්න පුළුවන්.
එම නිසා,
• කතා කිරීමට පෙර කියන දේ කෙටියෙන් සූදානම් කරගන්න.
• වැදගත් උපදෙස් සහ තීරණ විද්‍යුත් තැපෑල (Email) හෝ සටහනක් මඟින් ලේඛනගත (Document) කර තබාගන්න.

5) පූර්ව සූදානම සහ නියමිත වේලාවට වැඩ අවසන් කිරීම (Be Proactive & Punctual)
ඔබට පවරන ලද රාජකාරි නියමිත වේලාවට පෙර අවසන් කර ප්‍රගතිය (Status Updates) කෙටියෙන් දැනුම් දෙන්න. කළමනාකරු විමසීමට පෙරම ප්‍රගතිය දැනුම් දීමෙන් ඔහුගේ මානසික පීඩනය බොහෝ දුරට අඩු වෙන්න පුළුවන්.

6) ප්‍රතිචාර දැක්වීමේදී සන්සුන් වන්න (Stay Calm)
ඔහු/ඇය කේන්තියෙන් කතා කරන විට ඔබත් කේන්තියෙන් හෝ තර්ක කිරීමට ගියහොත් තත්ත්වය තවත් අර්බුදකාරී වෙන්න තියෙන ඉඩ වැඩියි. එම මොහොතේ සන්සුන්ව ඇහුම්කන් දී, අවශ්‍ය නම් පසුව සන්සුන් මොහොතක කරුණු පැහැදිලි කරන්න.

කළමනාකරුවෙක් කියන්නෙත් ඔබ මම වගේ ම කෙනෙක්. අපිට නොපෙනෙන ගැටලු සහ අභියෝග ඔහුට/ඇයට තියෙන්න පුළුවන්. එනිසා ඔබේ කළමනාකරුගේ මානසිකත්වය, හැසිරීම වටහා ගන්න තරමට ඔබට ඔබේ කළමනාකරු එක්ක වැඩ කරන එක පහසු වෙනවා.

ඔබටත් මේ ගැන අදහසක් තියෙනවා නේද? ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
0703550300

වැඩ අධික කළමනාකරුවන්ට Relax වෙන්න ක්‍රම කිහිපයක් කළමනාකරුවෙක් කියන්නේ බොහොතැන්වල අධික වගකීමක් වගේම සංකීර්ණ වැඩ බොහොමයක්...
14/10/2026

වැඩ අධික කළමනාකරුවන්ට Relax වෙන්න ක්‍රම කිහිපයක්
කළමනාකරුවෙක් කියන්නේ බොහොතැන්වල අධික වගකීමක් වගේම සංකීර්ණ වැඩ බොහොමයක් පැවරෙන කෙනෙක්. ඒ වගේ කෙනෙකුට මානසිකව වගේ ම කායිකව දැනෙන වෙහෙස ඉතාම වැඩියි. එනිසා වැඩ අධික කළමනාකරුවන් වැඩකරන අතරතුරදීම සැහැල්ලුවෙන්න ඉගෙන ගන්න එක වැදගත්. පීඩාකාරී සහ අධික වැඩ බහුල පරිසරයක සේවය කරන කළමනාකරුවෙකුට තමන්ගේ මනස සහ ශරීරය සන්සුන් කරගැනීමට (Relax වීමට) කළ හැකි ප්‍රායෝගික හා සරල පියවර කිහිපයක් මෙන්න මේ විදිහට මම ඔබට කියන්නම්.

ක්ෂණික මනස සන්සුන් කිරීමේ ක්‍රම (Quick In-the-Moment Relaxation)

ගැඹුරු ශ්වසන අභ්‍යාස (Deep Breathing) - වැඩ අතරතුර මිනිත්තු 2-3 ක් තත්පර 4 ක් හුස්ම ඇතුළට ගෙන, තත්පර 4 ක් තබාගෙන, තත්පර 6 ක් සෙමින් පිට කරන්න. මෙය ස්නායු පද්ධතිය ක්ෂණිකව සන්සුන් කරනවා.

කෙටි විවේක (Micro-breaks) - පැයකට හෝ පැය දෙකකට වරක් විනාඩි 2-5 ක සුළු විවේකයක් ගෙන අසුනෙන් නැගිට පොඩ්ඩක් ඇවිදින්න, වතුර වීදුරුවක් බොන්න හෝ ජනේලයකින් එළිය බලන්න.

සිහිනුවණ පවත්වාගැනීම (Mindfulness) - වර්තමාන මොහොතට අවධානය යොමු කිරීමෙන් සිතේ ඇතිවන කලබලකාරී ස්වභාවය අවම කරගන්න පුළුවන්.

කාර්යයන් හා කාලය කළමනාකරණය (Workplace Boundaries & Delegation)

වැඩ පවරාදීම (Delegating Tasks) - සියලු දේ තමන්ම කිරීමට නොගොස්, කණ්ඩායමේ සගයන්ගේ දක්ෂතා අනුව සුදුසු වැඩ ඔවුන්ට පවරන්න.

වැදගත්කම අනුව වර්ගීකරණය (Prioritization) - සියලුම වැඩ එකවර කිරීමට නොගොස්, හදිසි සහ අත්‍යවශ්‍ය වැඩ (Top Priorities) පමණක් මුලින් තෝරාගෙන කරන්න.

'නැහැ' කීමට පුරුදු වීම - තමන්ට දරාගත නොහැකි මට්ටමේ අමතර වැඩ භාරගැනීමෙන් වැළකීමට සීමාවන් (Boundaries) තබාගන්න.

දෛනික ජීවන රටාවේ වෙනස්කම් (Lifestyle & Self-Care):

කාර්යාලයෙන් පිටතදී වැඩවලින් මිදීම (Digital Detox) - වැඩ කරන වේලාවෙන් පසු නිවසට ගිය විට රෑ වනතුරු රාජකාරි විද්‍යුත් තැපෑල (Emails) හෝ පණිවිඩ පරීක්ෂා කිරීමෙන් වළකින්න.

ප්‍රමාණවත් නින්ද සහ ව්‍යායාම - දිනකට පැය 7-8 ක හොඳ නින්දක් ලබාගැනීමත්, උදෑසන හෝ සවස සුළු ව්‍යායාමයක හෝ ඇවිදීමක නිරත වීමත් ඔරොත්තු දීමේ හැකියාව (Resilience) වැඩි කරනවා.

ආතතිය පිටකිරීමේ මාර්ග (Hobbies/Interests) - සංගීතයට සවන්දීම, පොතපත කියවීම, පවුලේ අය හෝ මිතුරන් සමඟ කාලය ගතකිරීම වැනි මනසට සහනයක් දෙන දෙයකට දිනපතා යම් කාලයක් වෙන්කරන්න.

ඔබේ දෛනික කාලසටහන අනුව වඩාත්ම පහසුවෙන් ආරම්භ කළ හැක්කේ කුමන පියවරෙන්ද? අන්න ඒ පියවරෙන් මේ දේවල් ආරම්භ කරන්න. එවිට ඔබ නොදැනුවත්වම ඔබට මේ දේවල්වලට හුරු වෙන්න පුළුවන් වේවි. මෙහෙම කළොත් අධික වැඩ රාජකාරි තියෙන පසුබිමක පවා ඔබට ප්‍රබෝධවත්ව ටිකක් සහල්ලුවෙලා ඉන්න පුළුවන් වේවි.

ඔබටත් මේ ගැන අදහසක් තියෙනවා නේද? ඔබේ අදහස Comment කරන්න.

මේ වගේ දේවල් දැනගන්න “සතුටින් වැඩ කිරීමේ කලාව” – Handbook of the Job පොත කියවන්න.

රුවන් සමරසිංහ
Corporate Trainer | Author
Transformative Coach
Mindfulness Master Trainer
0703550300

Address

Minuwangoda Road
Kotugoda
10000

Telephone

+94703550300

Website

Alerts

Be the first to know and let us send you an email when Ruwan Samarasinghe posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ruwan Samarasinghe:

Shortcuts

Share

Category