26/09/2025
රත්නපුර දිස්ත්රික් සැහැල්ලු පන්දු ක්රිකට් සංගමය පිහිටුවයි
වසර ගණනාවක් පුරා ක්රියාත්මක නොවූ රත්නපුර දිස්ත්රික් සැහැල්ලු පන්දු ක්රිකට් සංගමය පසුගිය දා (23) යළි පිහිටුවනු ලැබීය.
කොරෝනා වසංගතය සහ රටේ පැවැති අර්බුදකාරී තත්වය හේතුවෙන් දීර්ඝ කාලයක් පුරා ක්රියාත්මක වූ රත්නපුර දිස්ත්රික් සැහැල්ලු පන්දු ක්රිකට් සංගමය පසුව අක්රීය භාවයට ලක්ව පැවතුණි.
රත්නපුර දිස්ත්රික් සැහැල්ලු පන්දු ක්රිකට් සංගමයේ සභාපති ලෙස ව්යවසායක සංජීව ෆොන්සේකා මහතා ද, ලේකම් ලෙස ගුරු උපදේශක ආර්.කේ කරුණාරත්න මහතා ද, භාණ්ඩාගාරික ලෙස ව්යවසායක ඉංජිනේරු නිශාන්ත බණ්ඩාර මහතා ද පත්ව ඇත.
මෙම ක්රිකට් සංගමයේ ප්රධාන අනුශාසක ලෙස සබරගමු පළාත් ආණ්ඩුකාර චම්පා ජානකී රාජරත්න මහත්මිය පත් කරගෙන ඇත.
මීට අමතරව මෙහි අනුශාසකවරු ලෙස සබරගමුව පළාත් ජ්යෙෂ්ඨ නියෝජ්ය පොලිස්පති මහින්ද ගුණරත සහ ජ්යෙෂ්ඨ මාධ්යවේදී අජිත්ලාල් ශාන්ත උදය යන මහත්වරුන් පත් කරගෙන ඇත.
අද (26) රත්නපුර පිහිටි ආණ්ඩුකාර කාර්යාලයේ දී සබරගමු පළාත් ආණ්ඩුකාර චම්පා ජානකී රාජරත්න මහත්මිය සහ එම සංගමය අතර හමුවක්ද පැවැත්වුණි.
ඉදිරියේ දී පාසල්, ක්රීඩා සමාජ, රාජ්ය හා පෞද්ගලික ක්රීඩා සමාජ පුළුල්ව ඒකරාශී කරගෙන සැහැල්ලු පන්දු ක්රිකට් ක්රීඩාව රත්නපුර දිස්ත්රික්කය තුළ ප්රචලිත කිරීමට මෙම සංගමය කටයුතු කරමින් සිටී.
එමෙන්ම ප්රාදේශීය, පළාත්, ජාතික සහ ජාත්යන්තර තරඟ සඳහා ක්රීඩා සංචිත ඇති කිරීම, පුහුණු කිරීම, විනිසුරුවරුන් පුහුණු කිරීම ආරම්භ කිරීමට ද එම සංගමය පියවර ගෙන ඇත.
එමෙන්ම රත්නපුර දිස්ත්රික්කයේ සියළු සැහැල්ලු පන්දු ක්රිකට් ක්රීඩා සමාජ මෙම සංගමයේ ලියාපදිංචි කිරීමට ද කටයුතු කර ඇත.
ඒ අනුව එම ලියාපදිංචිය 2025 ඔක්තෝබර් මස දක්වා ම නොමිලේම සිදු කිරීමට රත්නපුර සැහැල්ලු පන්දු ක්රිකට් ක්රීඩා සංගමය තීරණය කර ඇත.
