05/10/2026
පාකිස්තාන සංචාරය සඳහා ශ්‍රී ලංකා 17න් පහළ ක්‍රිකට් සංචිතය දිවයිනෙන් පිටත්ව යයි
පාකිස්තාන සංචාරය සඳහා වන 15 දෙනකුගෙන් යුත් ශ්‍රී ලංකා වයස අවුරුදු 17න් පහළ ක්‍රිකට් සංචිතය ශ්‍රී ලංකා ක්‍රිකට් තේරීම් කමිටුව විසින් නම් කර තිබෙනවා. මෙම සංචාරය සඳහා යොවුන් කණ්ඩායම 2026 ඔක්තෝබර් 04 වැනි දින පාකිස්තානය බලා පිටත්ව යාමට නියමිතව තිබුණි..
තරග රටාව: මෙම සංචාරය අතරතුර ශ්‍රී ලංකා යොවුන් කණ්ඩායම එක් දින තරග පහක් සහ එක් දින තුනක තරගයකට (three-day match) මුහුණ දීමට නියමිතව ඇත
එස්. තෝමස් විද්‍යාලය, ගල්කිස්ස හි ස්ටේවන් පීරිස් (Stevon Peiris - Captain) කණ්ඩායම මෙහෙයවයි
දේවපතිරාජ විද්‍යාලය, රත්ගම හි සඳරු මල්ෂාන් (Sandaru Malshan - Vice Captain) උප නායකයා ලෙස කටයුතු කරයි.
ඒ අතර සංචිතය සඳහා මේතුක ගුණරත්න (එස්. තෝමස් විද්‍යාලය, ගල්කිස්ස), යෙනුල හේවාවිතාරණ (ශාන්ත ඇන්තනී විද්‍යාලය, මහනුවර), ෂැනන් සිල්වා (ඩි මරේනො විද්‍යාලය, කඳාන), රෙෂොන් සොලමන්ස් (එස්. තෝමස් විද්‍යාලය, ගල්කිස්ස), චෙනුක දොඩංගොඩ (ආනන්ද ශාස්ත්‍රාලය, කෝට්ටේ), මහිරු කොඩිތුවක්කු (රාජකීය විද්‍යාලය, කොළඹ), තිසංග පෙරේරා (ශාන්ත ජෝසප් විද්‍යාලය, කොළඹ), ශෂිත් බණ්ඩාර (ධර්මරාජ විද්‍යාලය, මහනුවර), තරුක සමන්ජිත් (ශ්‍රී සුමංගල විද්‍යාලය, පානදුර), චෙනුල් හතරසිංහ (දෙබරවැව මධ්‍ය මහා විද්‍යාලය), අදීෂ ලක්ෂාන් (ශාන්ත සෙබස්තියන් විද්‍යාලය, මොරටුව), රවීන් සචින්ත (එස්. තෝමස් විද්‍යාලය, මාතර) සහ කළිඳු සචින්තාන (ශාන්ත ඇන්ඩෲ විද්‍යාලය, පුත්තලම) යන ක්‍රීඩකයෝ මෙම 15 දෙනකුගෙන් යුත් සංචිතයට ඇතුළත් වෙති
