Dr Suzanne- Your Life Coach

Directions

Dr Suzanne- Your Life Coach Personal Growth & Warmth
Certified Life Coach (EFPP – France)
Professor and Educational Consultant
- DM for Free Discovery Session

04/10/2026

بين البيت، الشغل، العيلة، والمسؤوليات… من السهل إنك تنشغلي بكل شي وتنسي حالك. 🤍

بس التوازن الحقيقي مش إنك تلحقي تعملي كل شي، بل إنك تعرفي كيف تعطي كل جانب من حياتك حقّه… من دون ما يكون حقّك أنتِ آخر الأولويات.

خصّصي وقت إلك، لراحتك، لهدوئك، للأشياء اللي بتحبيها وللأشخاص اللي بيشحنوكي طاقة. 🌿

لأنك لما تهتمي بحالك، بتقدري تكوني حاضرة أكتر ببيتك، بشغلك، مع عيلتك… والأهم، مع نفسك. ✨

التوازن مش رفاهية… التوازن ضرورة. 🤍

#التوازن #المرأة

28/09/2026

لما الطفل يحسّ إنّه مرفوض من أهله… شو بيصير بعدين؟ 💔

ممكن يبلّش يبعد، يسكت، يعصب أكتر، أو يحاول يلفت الانتباه بأي طريقة…
مش لأنّه «صعب» أو «عنيد»، بس لأنّه عم يحاول يقول بطريقته:
«شوفوني… اسمعوني… حسّسوني إنّي مهم.» 🤍

الرفض ما بيأثر بس على تصرّفات الطفل، ممكن يأثر كمان على نظرته لحاله وعلى علاقاته مع الآخرين.

قبل ما نحكم على سلوكه، خلّينا نسأل:
شو عم يحاول هالطفل يعبّر عنه من خلال هالسلوك؟

22/09/2026

أوقات المراهق بيكون عنده كتير حكي… بس ما بيعرف كيف يعبّر عنه. 💭

يمكن يكون زعلان، خايف، معصّب أو محتار، بس بدل ما يحكي، بيسكت أو بيتصرّف بطريقة ما منفهمها.

دورنا كأهل مش بس نسأله: «شو فيك؟»
دورنا نخلقله مساحة آمنة يحكي فيها من دون خوف، حكم أو انتقاد. 🤍

لأن أوقات، ورا سكوت المراهق… في كتير مشاعر بحاجة لحدا يسمعها.

#المراهقين

18/09/2026

لما الولد يكره المدرسة… شو العمل؟ 🎒

ورشة تدريبيّة مع د. سوزان عبد الرضا موجّهة للأهل، مدراء المدارس والمعلّمين، لفهم الأسباب وراء نفور الولد من المدرسة واكتساب استراتيجيات عملية لإصلاح علاقته بها.

📅 السبت ٣ تشرين الأول
⏰ 10 صباحاً – 1 ظهراً
📍 سن الفيل

للمزيد من المعلومات والحجز: 71 988 303

#تربية #أطفال #مدرسة

17/09/2026

مثل ما أنا أم… هو كمان أب. 🤍

تربية الأولاد مش مسؤولية الأم وحدها. الأب شريك أساسي، بحضوره، بوقته، بقراراته، وبالتفاصيل اليومية الصغيرة قبل الكبيرة.

لما الأم تتحمّل كل شي لوحدها، الحمل بيصير أكبر من طاقتها. وتقاسم المسؤوليات مش بس بيريّح الأم، كمان بيعطي الولد فرصة يعيش حضور حقيقي ومتوازن مع الأب والأم.

الأم مش لازم تطلب “مساعدة” من الأب… لأن التربية مسؤولية مشتركة من الأساس.

#الأسرة

08/09/2026

جرح الرفض عند الطفل ما بيكون دايمًا واضح…
ممكن يبين بسكوته، بعصبيته، بخوفه من الغلط، أو بمحاولته الدائمة يرضي الكل. 🤍

لما الطفل يحس إنّه مش مقبول متل ما هو، ممكن يكبر وهو عم يحاول يثبت قيمته للآخرين، أو يخاف من أي موقف ممكن يحسّسه بالرفض.

دورنا كأهل مش نمنع عنه كل تجربة صعبة، بل نخلّيه يعرف إنّه محبوب ومقبول، حتى وقت يغلط.
لأن شعور الطفل بالأمان والقبول اليوم، بيساعده يبني علاقة أصح مع حاله ومع الآخرين بكرا.

02/09/2026

قد ننتظر طويلًا أن يتغيّر الآخرون…
زوج، زوجة، أهل، أو أي شخص سبّب لنا وجعًا.

نقول: «لو تغيّر هو، كنت أنا ارتحت.»
لكن ماذا لو لم يتغيّر؟ ماذا لو بقي كما هو؟

التغيير الحقيقي يبدأ عندما أتوقّف عن انتظار الآخرين، وأبدأ أنا.
أغيّر حدودي، طريقة تعاملي، ردّات فعلي، والقرارات التي تحميني. 🤍

لأن شفائي لا يجب أن يبقى معلّقًا على تغيير شخص آخر.

30/08/2026

المرأة القوية والمستقلة ليست هي التي تفعل كل شيء بمفردها، ولا التي تخفي تعبها لتُثبت قوتها. 🤍

القوة الحقيقية هي أن تعرف متى تقول: “أنا متعبة”، ومتى تطلب المساعدة، ومتى تسمح للآخرين أن يكونوا إلى جانبها.
طلب الدعم لا يقلّل من استقلاليتك، بل يدلّ على وعيك بنفسك وباحتياجاتك.

كوني قوية… ولكن لا تحمّلي نفسكِ كل شيء وحدكِ. 🌷

26/08/2026

🎙️ مساحة أمان مع سوزان 🤍

منفتح اليوم مساحة جديدة… مساحة للحكي بصدق، للوعي، ولنفهم حالنا والحياة من حولنا بطريقة أعمق.

في الحلقة الأولى، منحكي عن المرأة كقدوة، وعن الأثر اللي ممكن تتركه المرأة بحياة الآخرين من خلال حضورها، خياراتها وتجربتها.

🎧 الحلقة الأولى متوفّرة الآن.

أهلاً فيكن بـ مساحة أمان مع سوزان…
مساحة قريبة منكن، ولكُنّ. 🤍

#بودكاست

19/08/2026

أحيانًا، ومن دون قصد، يضع الأهل أبناءهم في دور أكبر من عمرهم… فيحمّلونهم مسؤولية الاهتمام بهم، بمشاعرهم أو احتياجاتهم، وكأن الطفل أصبح هو المسؤول عن راحة والديه. 🤍

لكن الطفل بحاجة أن يعيش طفولته بأمان، لا أن يحمل أدوارًا ومسؤوليات لا تناسب عمره.
دور الأهل هو أن يكونوا مصدر الأمان والدعم لأطفالهم، لا العكس.

فلنترك أطفالنا يكبرون بطمأنينة، من دون أن نحمّلهم أعباءً عاطفية ليست لهم. 🌿

من ورشة العمل التي أُقيمت في بلدية بشامون.

Address

Rmeil
Beirut

Opening Hours

Monday 17:30 - 20:30
Tuesday 17:30 - 20:30
Wednesday 17:30 - 20:30
Thursday 17:30 - 20:30
Friday 17:30 - 20:30
Saturday 09:00 - 17:00

Website

Alerts

Be the first to know and let us send you an email when Dr Suzanne- Your Life Coach posts news and promotions. Your email address will not be used for any other purpose, and you can unsubscribe at any time.

Shortcuts

Share

Category