16/09/2026
هل فعلا العرق بيمد لسابع جد؟
سنييييين كنت برفض هالمثل.
كنت قول:
شو يعني اورث عادات؟ صفات ؟ قباحة او جمال؟ اعاقات وأمراض؟
أورث طريقة تفكير؟ نصب احتيال مثلا ؟
أورث خوف؟ غضب؟
أورث طريقة حب؟ كره؟ حقد؟
أورث حتى طريقة تعاملي مع أولادي أو شريكي؟
لحد ما صارت معي أحداث متتالية ومع اهلي وناسي ومحيطي ومجتمعي، استوقفتني وخلتني أعيد الحسابات.
خصوصا وأنا عم أراقب وعيني على موضوع العلاقات شو بيصير بين الأهل وأولادهم وبين الأزواج كشركاء
وشو بينتقل أحيانا بصمت إلى العلاقات الزوجية وبدون ما يشعرو
بدأ يشغلني سؤال:
ليش في أنماط بتتكرر؟
نفس طريقة الصمت.
نفس الخوف.
نفس الانفجار.
نفس التعلق.
نفس طريقة التضحية.
وقصص
ونفس الجملة:أنا ما رح أعمل متل أمي
وبعد سنينننننننن
نلاقي حالنا عم نعمل شي قريب منها او نسخة طبق الأصل
هون بدأت رحلتي وصرت أسأل:
شو منَحمل معنا من بيوتنا؟
جينات؟
استعدادات بيولوجية؟
عادات؟
لغة؟
معتقدات؟
أساليب تعلمناها حتى صارت تلقائية؟
والسؤال الأصعب:
إذا ورثت نمطا بيعيقني وبيعطل حياتي شو ذنبي؟
يمكن الجواب اللي غير نظرتي:
مش ذنبك انك تعلمتي او اهلك هني اهلك والمكان يلي ولدتي في او الدولة والمجتمع
لكن وعيك بيعطيك فرصة ما تكمليه.
لأن الموروث مش حكم مؤبد
أحيانًا أول "كف" بالحياة ما بيكون نهاية النا بل بيهزنا من المكان يلي نحنا فيه " لنفيق"
بتكون أول مرة نشوف فيها الشي اللي كنا عايشينه وما كنا شايفينه.
وأنا أؤمن أن من رحمة الله ورضاه علينا
أن تأتي لحظة صحوة، نتوقف فيها،
نتمرد على ما اعتدناه،
ونسأل بدل ما نكرر: هل فعلا هيدي أنا ؟؟
أم شيء حملته معي دون أن أختاره؟
ومن هون تبدأ رحلة الوعي مش حتى نلوم أهلنا
بل حتى ما نورث وجعا لم نختره.
وأنت؟
شو الشي اللي اكتشفت بيوم إنك عم تكرريه رغم إنك حلفتي ما تعمليه؟
شاركيني بالتعليقات 👇🏻
#موروث #عاداتنا #الأهل #الازواج #العلاقات@followersKhadija Masri
