What are the opening hours?

Monday 08:00 - 16:30 Tuesday 08:00 - 16:30 Wednesday 08:00 - 16:30 Thursday 08:00 - 16:30 Friday 08:00 - 16:30

Lao Rugby Federation

The governing body for the sport of rugby in the Lao People's Democratic Republic. Follow LRF updates here and at www.laorugby.com 🏉🇱🇦

The Lao Rugby Federation (LRF) was formed in 2001. Since then, the LRF has gone on to gain full membership of Asia Rugby and World Rugby, and most importantly, registration with the Lao National Sports Committee (NSC). The LRF is the governing body for all rugby activities within the Lao PDR. LRF activities are focused on developing the sport through a school and community development programme, supporting domestic and elite teams to improve and developing a sound structure to provide transparent and accountable financial and administrative support to the sport. The LRF mission is: To provide opportunities for men and women, boys and girls, social and elite players and those in urban and rural areas to participate in the sport of rugby union, whilst ensuring that health benefits and personal development opportunities are realised to their fullest extent. The LRF understands that this can only be achieved by ensuring that we have the necessary capacities to deliver high quality playing and participation opportunities; this involves engagement with the government, communities, businesses, schools and other institutions to provide sustainable access to participation (playing and non-playing) opportunities.

28/08/2026

🏉🎓 ກ້າວອີກຂັ້ນ… ສູ່ການເປັນຄູຝຶກທີ່ມີຄຸນນະພາບ

ຂໍສະແດງຄວາມຍິນດີຕໍ່ຄູຝຶກທຸກຄົນ ທີ່ສຳເລັດການຝຶກອົບຮົມ ແລະ ໄດ້ຮັບ ໃບຢັ້ງຢືນການເປັນຄູຝຶກ. 🎉

ໃບຢັ້ງຢືນໃບນີ້ ບໍ່ແມ່ນພຽງເຈ້ຍໜຶ່ງໃບ ແຕ່ເປັນຕົວແທນຂອງ ຄວາມທຸ່ມເທ, ຄວາມພະຍາຍາມ, ເວລາ ແລະ ຄວາມຫຼົງໄຫຼທີ່ມີຕໍ່ການພັດທະນາຕົນເອງ ແລະ ກິລາຣັກບີ້.

ຕະຫຼອດການຝຶກອົບຮົມ ຄູຝຶກໄດ້ຮຽນຮູ້, ລອງປະຕິບັດ, ຮັບຄຳແນະນຳ ແລະ ປັບປຸງຕົນເອງ. ທຸກບົດຮຽນ ແລະ ທຸກຄວາມທ້າທາຍ ລ້ວນເປັນສ່ວນໜຶ່ງຂອງການເຕີບໂຕ.

🌱 ສຳລັບຄູຝຶກ ການຮຽນຮູ້ຈາກຫຼັກສູດນີ້ຈະຊ່ວຍໃຫ້:

✅ ມີຄວາມຮູ້ ແລະ ທັກສະໃນການຝຶກສອນທີ່ດີຂຶ້ນ
✅ ມີຄວາມໝັ້ນໃຈໃນການນຳກິດຈະກຳ ແລະ ຝຶກສອນນັກກິລາ
✅ ສາມາດນຳຄວາມຮູ້ໄປປະຍຸກໃຊ້ໃນສະໜາມຈິງ
✅ ສ້າງປະສົບການການຝຶກທີ່ປອດໄພ, ມ່ວນ ແລະ ມີຄຸນຄ່າໃຫ້ແກ່ນັກກິລາ
✅ ເປັນສ່ວນໜຶ່ງໃນການສ້າງຄົນຮຸ່ນໃໝ່ ແລະ ພັດທະນາຣັກບີ້ໃຫ້ເຕີບໂຕຢ່າງຍືນຍົງ

🎓 ຈາກມື້ທຳອິດຂອງການຮຽນ ຈົນເຖິງມື້ທີ່ໄດ້ຮັບໃບຢັ້ງຢືນ — ທຸກກ້າວຄືຫຼັກຖານຂອງຄວາມທຸ່ມເທ.

👏 ຂໍຊື່ນຊົມຄູຝຶກທຸກຄົນ! ນີ້ບໍ່ແມ່ນຈຸດຈົບ ແຕ່ແມ່ນອີກໜຶ່ງກ້າວສູ່ການຮຽນຮູ້, ພັດທະນາ ແລະ ສ້າງອະນາຄົດໃຫ້ແກ່ນັກກິລາ. 🏉💙

25/08/2026

ການຝຶກທັກສະຣັກບີ້ ແລະ ທັກສະຊີວິດທຸກກິດຈະກຳແມ່ນຕົງເວລາ⏱️, ເຂົ້າໃຈງ່າຍ💡, ໄດ້ຄວາມຮູ້ຄົບຖ້ວນ📚 ແລະ ຄວາມມ່ວນຊື່ນ🎨

Each activity focuses on developing rugby and life skills on time⏱️, with clear understanding💡, useful knowledge📚, and enjoyable participation🎨.

25/08/2026

🌱 ການຕັ້ງເປົ້າໝາຍມື້ນີ້… ເພື່ອສ້າງອະນາຄົດຂອງຕົນເອງ

ສຳລັບໄວໜຸ່ມໃນປັດຈຸບັນ ການຮູ້ວ່າ ຕົນເອງຢາກເປັນຫຍັງ ແລະ ຢາກໄປໃສໃນອະນາຄົດ ແມ່ນສິ່ງສຳຄັນ. ການຕັ້ງເປົ້າໝາຍບໍ່ຈຳເປັນຕ້ອງເປັນເປົ້າໝາຍໃຫຍ່ ແຕ່ສາມາດເລີ່ມຈາກກ້າວນ້ອຍໆທີ່ສາມາດເຮັດໄດ້ໃນມື້ນີ້.

ໂດຍການການຮຽນທັກສະຊີວິດ ຜູ້ເຂົ້າຮ່ວມຈະໄດ້ບອກເຖິງຄວາມໃຝ່ຝັນໃນອານາຄົດ ແລະ ການເຮັດໃຫ້ຄວາມຄິດຕົນເອງ ແລະ ໃຝ່ຝັນເປັນສີ່ງທີ່ຊັດເຈນ ແລະ ເປັນໄປໄດ້ຕາມເປົ້າໝາຍ.

🎯 ການວາງແຜນ ແລະ ການຕັ້ງເປົ້າໝາຍ ຊ່ວຍໃຫ້ໄວໜຸ່ມ:

✅ ຮູ້ຈັກຕົນເອງ ແລະ ຄວາມຝັນຂອງຕົນເອງຫຼາຍຂຶ້ນ
✅ ມີທິດທາງ ແລະ ເປົ້າໝາຍທີ່ຊັດເຈນ
✅ ຮູ້ຈັກແບ່ງເປົ້າໝາຍໃຫຍ່ເປັນຂັ້ນຕອນນ້ອຍໆ
✅ ຮູ້ຈັກວາງແຜນ ແລະ ຕັດສິນໃຈ
✅ ມີຄວາມກ້າ ແລະ ໝັ້ນໃຈໃນການເດີນໜ້າ
✅ ຮູ້ຈັກປັບແຜນເມື່ອພົບອຸປະສັກ

📚 ຈຸດປະສົງຂອງຫຼັກສູດ ບໍ່ແມ່ນພຽງໃຫ້ໄວໜຸ່ມຮູ້ວິທີຕັ້ງເປົ້າໝາຍ ແຕ່ຕ້ອງການໃຫ້ພວກເຂົາຮູ້ຈັກ ຄິດເປັນ, ວາງແຜນເປັນ, ຕັດສິນໃຈເປັນ ແລະ ລົງມືເຮັດ.

🏉 ຜ່ານການຮຽນຮູ້ທີ່ເຊື່ອມໂຍງກັບກິລາຣັກບີ້ ແລະ ທັກສະຊີວິດ, ໄວໜຸ່ມຈະໄດ້ຝຶກການກຳນົດເປົ້າໝາຍ, ຮູ້ຈັກຄວາມພະຍາຍາມ ແລະ ຮຽນຮູ້ວ່າຄວາມສຳເລັດຕ້ອງການເວລາ ແລະ ການລົງມືເຮັດ.

ສະຫະພັນຣັກບີ້ລາວ ຂໍສະແດງຄວາມຂອບໃຈຢ່າງສຸດໃຈຕໍ່ DHL Rugby, Australia in Laos, Kowloon Rugby Football Club ແລະ DFDL Legal and Tax ສຳລັບການຮ່ວມກັນສ້າງອະນາຄົດ ແລະ ໃຫ້ການສະໜັບສະໜຸນຣັກບີ້ລາວມາໂດຍຕະຫຼອດ. 🇱🇦🏉❤️

25/08/2026

🏉 ຫຼັງຈາກການສອບເສັງທົດລອງ... ກ້າວຕໍ່ໄປສູ່ການເປັນຄູຝຶກທີ່ມີຄຸນນະພາບ

ການສອບເສັງຮອບທຳອິດເປັນພຽງຈຸດເລີ່ມຕົ້ນ. ຄູຝຶກທຸກຄົນຈະນຳຂໍ້ສະເໜີແນະຈາກຜູ້ປະເມີນໄປປັບປຸງ ແລະ ຝຶກຝົນຕໍ່ເນື່ອງ ເພື່ອຍົກລະດັບທັກສະກ່ອນການສອບເສັງຮອບສຸດທ້າຍ.

🌱ໃນພາກສ່ວນ "ທັກສະຊີວິດ" ຄູຝຶກຈະ:

✅ ທົບທວນຄຳແນະນຳ ແລະ ຂໍ້ຄິດເຫັນຈາກຜູ້ປະເມີນ.�✅ ປັບປຸງວິທີການສອນ ແລະ ການນຳພາຫຼິ້ນກິດຈະກຳທັກສະຊີວິດໃຫ້ມີປະສິດທິພາບຍິ່ງຂຶ້ນ.�✅ ຝຶກຊ້ອມການສົນທະນາ , ການຕັ້ງຄຳຖາມ ແລະ ການສ້າງການມີສ່ວນຮ່ວມຂອງນັກກິລາ.�✅ ຝຶກສອນໃນສະຖານະການຈິງ ເພື່ອສ້າງຄວາມໝັ້ນໃຈ ແລະ ພັດທະນາຄວາມສາມາດ.�✅ ກຽມຄວາມພ້ອມສຳລັບການສອບເສັງຮອບສຸດທ້າຍ ເພື່ອໃຫ້ສາມາດນຳຄວາມຮູ້ໄປຖ່າຍທອດໃຫ້ນັກກິລາໄດ້ຢ່າງມີຄຸນນະພາບ.

🌱ພັດທະນາຄູຝຶກບໍ່ແມ່ນການສອບເສັງຜ່ານເທົ່ານັ້ນ ແຕ່ແມ່ນການສ້າງຄູຝຶກທີ່ພ້ອມຖ່າຍທອດທັກສະຊີວິດ ແລະ ສ້າງຜົນກະທົບເຊິງບວກໃຫ້ແກ່ນັກກິລາ ແລະ ຊຸມຊົນ.

ສະຫະພັນຣັກບີ້ລາວ ຂໍສະແດງຄວາມຂອບໃຈຢ່າງສຸດໃຈຕໍ່ DHL Rugby, Australia in Laos, Kowloon Rugby Football Club ແລະ DFDL Legal and Tax ສຳລັບການຮ່ວມກັນສ້າງອະນາຄົດ ແລະ ໃຫ້ການສະໜັບສະໜຸນຣັກບີ້ລາວມາໂດຍຕະຫຼອດ. 🇱🇦🏉❤️

25/08/2026

🤝 ຂອບໃຈ DFDL Legal and Tax ສຳລັບການຮ່ວມມືທີ່ຄຸນຄ່າ 🏉🇱🇦

ສະຫະພັນຣັກບີ້ລາວ ຂໍຂອບໃຈຢ່າງສຸດໃຈຕໍ່ DFDL Legal and Tax ທີ່ໄດ້ມາຮ່ວມຊົມ ແລະ ເປັນສ່ວນໜຶ່ງໃນການຝຶກອົບຮົມຄູຝຶກຈຳປາບານໃນຄັ້ງນີ້. 🏉🌱

ການມາຮ່ວມງານຂອງ DFDL Legal and Tax ໃນຄັ້ງນີ້ ເປັນອີກໜຶ່ງການສະແດງໃຫ້ເຫັນເຖິງ ຄວາມເຊື່ອໝັ້ນໃນພະລັງຂອງກິລາ ແລະ ການພັດທະນາຄົນ. ເພາະການສ້າງຄູຝຶກທີ່ດີ ບໍ່ໄດ້ໝາຍເຖິງພຽງການສອນທັກສະຣັກບີ້ ແຕ່ຍັງເປັນການສ້າງຜູ້ນຳ, ສ້າງແຮງບັນດານໃຈ ແລະ ສ້າງໂອກາດໃຫ້ແກ່ເດັກ ແລະ ຊາວໜຸ່ມໃນຊຸມຊົນ. 🌱

ຕະຫຼອດໄລຍະຜ່ານມາ DFDL Legal and Tax ໄດ້ຢືນຄຽງຂ້າງ ແລະ ໃຫ້ການສະໜັບສະໜຸນຣັກບີ້ລາວຢ່າງຕໍ່ເນື່ອງ. ການສະໜັບສະໜຸນນີ້ ໄດ້ຊ່ວຍເປີດໂອກາດໃຫ້ກິດຈະກຳຣັກບີ້ສາມາດດຳເນີນໄປໄດ້, ຊ່ວຍສ້າງສະພາບແວດລ້ອມໃຫ້ຄົນຮຸ່ນໃໝ່ໄດ້ຮຽນຮູ້ ແລະ ຊ່ວຍວາງຮາກຖານໃຫ້ການພັດທະນາຣັກບີ້ລາວໃນໄລຍະຍາວ. 🇱🇦🏉

ສຳລັບການຝຶກອົບຮົມຄູຝຶກຈຳປາບານໃນຄັ້ງນີ້, ການມີສ່ວນຮ່ວມຈາກພາກສ່ວນຕ່າງໆ ລວມເຖິງ DFDL Legal and Tax ມີຄວາມໝາຍຢ່າງຫຼວງຫຼາຍ. ເພາະທຸກຄົນທີ່ມາຮ່ວມກັນ ກຳລັງຊ່ວຍກັນສ້າງຄູຝຶກທີ່ມີຄວາມຮູ້, ມີທັກສະ ແລະ ພ້ອມສົ່ງຕໍ່ຄວາມຮູ້ໃຫ້ແກ່ຄົນຮຸ່ນຕໍ່ໄປ.

ຂອບໃຈ DFDL Legal and Tax ສຳລັບການຮ່ວມມືກັບຣັກບີ້ລາວ, ສຳລັບຄວາມເຊື່ອໝັ້ນ, ການສະໜັບສະໜຸນ ແລະ ມິດຕະພາບທີ່ມີມາໂດຍຕະຫຼອດ. ❤️

ທຸກການສະໜັບສະໜຸນ ຄືອີກໜຶ່ງກ້າວຂອງຣັກບີ້ລາວ.�ຮ່ວມກັນສ້າງຄົນ ສ້າງຄູຝຶກ ແລະ ສ້າງອະນາຄົດໃຫ້ຣັກບີ້ລາວ. 🏉🇱🇦

25/08/2026

ຂອບໃຈ Australia in Laos 🇦🇺🤝🇱🇦🏉
ສະຫະພັນຣັກບີ້ລາວ ຂໍຂອບໃຈຢ່າງສຸດໃຈຕໍ່ Australia in Laos ທີ່ໄດ້ມາຮ່ວມຊົມ ແລະ ຮ່ວມເປັນກຳລັງໃຈໃນການຝຶກອົບຮົມຄູຝຶກຈຳປາບານໃນຄັ້ງນີ້. 🏉🌱
ການມາຮ່ວມງານໃນຄັ້ງນີ້ ບໍ່ພຽງແຕ່ສະທ້ອນເຖິງມິດຕະພາບອັນດີລະຫວ່າງ Australia in Laos ແລະ ຣັກບີ້ລາວ ແຕ່ຍັງເປັນການສະແດງເຖິງພະລັງຂອງການຮ່ວມມື ໃນການສ້າງ ແລະ ພັດທະນາຄົນຮຸ່ນໃໝ່ຜ່ານກິລາ.
ຕະຫຼອດໄລຍະຜ່ານມາ Australia in Laos ໄດ້ໃຫ້ການສະໜັບສະໜຸນຣັກບີ້ລາວຢ່າງຕໍ່ເນື່ອງ ຊຶ່ງການສະໜັບສະໜຸນນັ້ນ ມີຄຸນຄ່າຫຼາຍກວ່າການສະໜັບສະໜູນດ້ານງານກິດຈະກຳ. ແຕ່ຍັງເປັນສ່ວນສຳຄັນໃນການສ້າງໂອກາດໃຫ້ຄູຝຶກ, ນັກກິລາ ແລະ ຊາວໜຸ່ມ ໄດ້ຮຽນຮູ້, ພັດທະນາທັກສະ, ເສີມສ້າງຄວາມໝັ້ນໃຈ ແລະ ກ້າວໄປສູ່ໂອກາດໃໝ່ໆ. 🌟
ພວກເຮົາເຊື່ອວ່າ ການພັດທະນາຣັກບີ້ ຄືການພັດທະນາຄົນ. ແລະ ທຸກການສະໜັບສະໜຸນ, ທຸກການຮ່ວມມື ແລະ ທຸກກຳລັງໃຈ ລ້ວນມີສ່ວນຊ່ວຍໃຫ້ຣັກບີ້ລາວກ້າວໄປຂ້າງໜ້າ. 🇱🇦🏉
ຂອບໃຈ Australia in Laos ສຳລັບມິດຕະພາບ, ຄວາມເຊື່ອໝັ້ນ ແລະ ການສະໜັບສະໜຸນຣັກບີ້ລາວມາໂດຍຕະຫຼອດ. ❤️
Together, we support. Together, we develop. Together, we grow Lao Rugby. 🏉🇱🇦

24/08/2026

🏉 ຫຼັງຈາກສອບເສັງຮອບທົດລອງ... ກ້າວສູ່ການພັດທະນາທັກສະຣັກບີ້

ການສອບເສັງຮອບນີ້ເປັນໂອກາດໃຫ້ຄູຝຶກໄດ້ຮັບຄຳແນະນຳ ແລະ ຄຳຄິດເຫັນເພື່ອນຳໄປພັດທະນາກ່ອນການສອບເສັງຮອບສຸດທ້າຍ.

ໃນພາກສ່ວນ "ທັກສະຣັກບີ້" ຄູຝຶກຈະ:

🏉 ທົບທວນຄຳແນະນຳຈາກຜູ້ປະເມີນ ແລະ ນຳໄປປັບປຸງແຜນການສອນ.
🏉 ຝຶກຝົນການສັງເກດໃຫ້ຖຶກຈຸດ ຕົວຢ່າງ: ການສົ່ງບານ, ການຮັບບານ, ການແລ່ນຂອງຜູ້ຊ່ວຍ ແລະ ການຕ້ານ ດ້ວຍເຕັກນິກທີ່ຖືກຕ້ອງ.
🏉 ພັດທະນາທັກສະການແນະນຳການສອນ, ການສາທິດ ແລະ ການໃຫ້ຄຳແນະນຳແກ່ນັກກິລາຢ່າງຊັດເຈນ.
🏉 ຝຶກນຳພາກິດຈະກຳ ແລະ ການຝຶກຊ້ອມໃນສະຖານະການຈິງ ເພື່ອສ້າງຄວາມໝັ້ນໃຈ.
🏉 ກຽມຄວາມພ້ອມສຳລັບການສອບເສັງຮອບສຸດທ້າຍ ເພື່ອໃຫ້ພ້ອມລົງສອນຕົວຈິງ ແລະ ຖ່າຍທອດທັກສະຣັກບີ້ໃຫ້ນັກກິລາໄດ້ຢ່າງມີປະສິດທິພາບ.

ການເປັນຄູຝຶກທີ່ດີ ບໍ່ແມ່ນພຽງແຕ່ມີຄວາມຮູ້ດ້ານຣັກບີ້ ແຕ່ຕ້ອງສາມາດຖ່າຍທອດຄວາມຮູ້ໄດ້ຢ່າງຖືກຕ້ອງ, ປອດໄພ ແລະ ສ້າງປະສົບການການຮຽນຮູ້ທີ່ດີໃຫ້ແກ່ນັກກິລາ.

23/08/2026

🌱 ເລີ່ມຮຽນຮູ້… ເຂົ້າໃຈບົດບາດຍິງ-ຊາຍ ແລະ ສ້າງຄວາມເທົ່າທຽມ

ການຮຽນທັກສະຊີວິດ ກຳລັງກ້າວເຂົ້າສູ່ອີກບົດຮຽນສຳຄັນ — ການເຂົ້າໃຈບົດບາດຍິງ-ຊາຍ ແລະ ຄວາມເທົ່າທຽມ.

ບົດຮຽນນີ້ເປີດໂອກາດໃຫ້ຄູຝຶກໄດ້ຮ່ວມຄິດ, ສົນທະນາ ແລະ ແລກປ່ຽນມຸມມອງກ່ຽວກັບວ່າ ບົດບາດ, ຄວາມຄາດຫວັງ ແລະ ໂອກາດຂອງຍິງ ແລະ ຊາຍ ສາມາດຖືກກຳນົດ ຫຼື ມີອິດທິພົນຈາກຄອບຄົວ, ສັງຄົມ ແລະ ສິ່ງແວດລ້ອມ.

👥 ຜ່ານການສົນທະນາ ແລະ ກິດຈະກຳກຸ່ມ ຜູ້ເຂົ້າຮ່ວມໄດ້ຝຶກຕັ້ງຄຳຖາມຕໍ່ຄວາມຄິດເກົ່າໆ, ຮັບຟັງມຸມມອງທີ່ແຕກຕ່າງ ແລະ ຮຽນຮູ້ທີ່ຈະເຄົາລົບຄວາມແຕກຕ່າງ.

ສິ່ງສຳຄັນຄື ຄວາມເທົ່າທຽມບໍ່ແມ່ນການໃຫ້ທຸກຄົນຄືກັນທຸກຢ່າງ ແຕ່ແມ່ນການສ້າງ ໂອກາດ, ສຽງ ແລະ ພື້ນທີ່ທີ່ຍຸດຕິທຳ ໃຫ້ທຸກຄົນໄດ້ຮຽນຮູ້ ແລະ ເຕີບໂຕ.

✨ ສຳລັບຄູຝຶກ ຄວາມເຂົ້າໃຈນີ້ສາມາດນຳໄປໃຊ້ໃນການຝຶກຊ້ອມ ເພື່ອສ້າງສະພາບແວດລ້ອມທີ່ນັກກິລາທຸກຄົນຮູ້ສຶກວ່າ ຕົນເອງມີຄຸນຄ່າ, ມີສຽງ ແລະ ມີໂອກາດ.

🏉 ເມື່ອຄູຝຶກເຂົ້າໃຈຫຼາຍຂຶ້ນ ພວກເຂົາກໍສາມາດສ້າງພື້ນທີ່ການຮຽນຮູ້ທີ່ດີຂຶ້ນໃຫ້ກັບນັກກິລາ.

23/08/2026

🏉 ຮຽນຮູ້ການວອມຢ່າງຖືກວິທີ… ກຽມພ້ອມກ່ອນລົງສະໜາມ

ການວອມກ່ອນການຝຶກຊ້ອມ ຫຼື ການແຂ່ງຂັນ ແມ່ນຂັ້ນຕອນສຳຄັນທີ່ຄູຝຶກຄວນໃຫ້ຄວາມສຳຄັນ. ໃນການຮຽນທັກສະຣັກບີ້ ຄູຝຶກໄດ້ຮຽນຮູ້ວ່າ ການວອມທີ່ດີຄວນມີລຳດັບ ແລະ ມີຈຸດໝາຍຊັດເຈນ.

🔄 ຂັ້ນຕອນສຳຄັນຂອງການວອມ

🏃 1. ເລີ່ມຈາກການເຄື່ອນໄຫວເບົາໆ
ເຊັ່ນ ຍ່າງ, ແລ່ນເບົາ ຫຼື ເຄື່ອນໄຫວຮ່າງກາຍ ເພື່ອຄ່ອຍໆເພີ່ມອຸນຫະພູມຮ່າງກາຍ.

🔄 2. ເຄື່ອນໄຫວຂໍ້ຕໍ່ ແລະ ກ້າມຊີ້ນ
ຝຶກການເຄື່ອນໄຫວແບບ Dynamic ເພື່ອກຽມຂໍ້ຕໍ່, ກ້າມຊີ້ນ ແລະ ຮ່າງກາຍໃຫ້ພ້ອມ.

🏉 3. ເພີ່ມຄວາມໄວ ແລະ ຄວາມເຂັ້ມຂົ້ນ
ຄ່ອຍໆເພີ່ມຄວາມໄວ, ການປ່ຽນທິດທາງ, ການເລັ່ງ ແລະ ການຢຸດ ໃຫ້ໃກ້ຄຽງກັບກິດຈະກຳທີ່ຈະຝຶກ.

🎯 4. ເຊື່ອມຕໍ່ໄປສູ່ທັກສະຣັກບີ້
ນຳທັກສະທີ່ຈະຝຶກມາປະສົມປະສານ ເຊັ່ນ ການສົ່ງບານ, ຮັບບານ, ແລ່ນ, ການປ້ອງກັນ ແລະ ການຕັດສິນໃຈ.

✨ ການຮຽນຮູ້ຂັ້ນຕອນການວອມທີ່ຖືກວິທີ ຊ່ວຍໃຫ້ຄູຝຶກສາມາດອອກແບບການວອມໄດ້ເໝາະສົມກັບອາຍຸ, ລະດັບຄວາມສາມາດ ແລະ ເນື້ອຫາການຝຶກ.

ສຳລັບຜູ້ເຂົ້າຮ່ວມ ນີ້ແມ່ນອີກທັກສະທີ່ສາມາດນຳໄປໃຊ້ໄດ້ທັນທີ ໃນການຝຶກສອນຈິງ.

🏉 ການວອມທີ່ດີ ຄືການກຽມຮ່າງກາຍໃຫ້ພ້ອມ, ກຽມຈິດໃຈໃຫ້ພ້ອມ ແລະ ກຽມນັກກິລາໃຫ້ພ້ອມສຳລັບການຮຽນຮູ້.

23/08/2026

🥚💡 ກິດຈະກຳໃນການຮຽນຮູ້ທັກສະຊີວິດ
ການຮຽນຮູ້ທັກສະຊີວິດມີຫຼາກຫຼາຍກິດຈະກຳເຊີ່ງນີ້ເປັນອີກກິດຈະກຳຂອງທັກສະຊີວິດໃນການທົດລອງຮັກສາໄຂ່ທີ່ໂຍນຈາກບ່ອນສູງເຮັດໃຫ້ເຫັນວ່າ ການມີອຸປະກອນຫຼາຍ ຫຼື ມີງົບຫຼາຍ ບໍ່ໄດ້ໝາຍຄວາມວ່າຈະປົກປ້ອງ ຫລື ຮັກສາໄຂ່ໄດ້ສະເໝີ.
ສິ່ງສຳຄັນຄື ຈິນຕະນາການ-ຄວາມຄິດ, ວິທີການຈັດການ ແລະ ການຮູ້ຈັກນຳອຸປະກອນທີ່ມີມານຳໃຊ້ຢ່າງເໝາະສົມ. 🧠✨
ບົດຮຽນຈາກໄຂ່ 1 ຫນ່ວຍ ຈຶ່ງບອກເຮົາວ່າ: ຊັບພະຍາກອນອາດຊ່ວຍໄດ້ ແຕ່ “ການບໍລິຫານຈັດການເງີນ” ແມ່ນສິ່ງທີ່ສ້າງຄວາມແຕກຕ່າງ. 🥚💭

Address

Vientiane

Opening Hours

Monday	08:00 - 16:30
Tuesday	08:00 - 16:30
Wednesday	08:00 - 16:30
Thursday	08:00 - 16:30
Friday	08:00 - 16:30

Telephone

+85621315795

Website

http://www.laorugby.com/

Alerts

Be the first to know and let us send you an email when Lao Rugby Federation posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lao Rugby Federation:

Want your business to be the top-listed Gym/sports Facility in Vientiane?

Lao Rugby Federation

28/08/2026

25/08/2026

25/08/2026

25/08/2026

25/08/2026

25/08/2026

24/08/2026

23/08/2026

23/08/2026

23/08/2026

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request