24/06/2025
[ រាវរកចំណុចខ្លាំង ]
បើចង់រាវរកឲ្យឃើញទេពកោសល្យរបស់ខ្លួន អ្នកគួរពិនិត្យតាមដានពីប្រតិកម្មតបស្នងដែលជាអ្វីកើតឡើង ដោយស្វ័យប្រវត្តិ បន្ទាន់ភ្លាមៗទៅលើហេតុការណ៍ដែលអ្នកបានជួបប្រទះ ។ ប្រតិកម្មតបស្នងដែលគិតឃើញភ្លាមៗ នៅពេលនោះនឹង បង្ហាញពីស្នាមតម្រុយទេពកោសល្យរបស់អ្នកបានល្អបំផុត ព្រោះវាបង្ហើយឲ្យឃើញនូវទីតាំងចំណុចតភ្ជាប់ដ៏រឹងមាំបំផុតក្នុងខួរក្បាល ។
ខណៈពេលប្រតិកិរិយាតបស្នងដែលកើតឡើង ដោយស្វ័យប្រវត្ត វាផ្តល់ជាតម្រុយទេពកោសល្យដែលជាក់លាក់បំផុត តែនៅមានតម្រុយបីប្រការទៀត ដែលត្រូវចងចាំ គឺបំណងប្រាថ្នាដ៏ខ្លាំងក្លា ការរៀនឆាប់ចេះ និងការពេញចិត្ត ។
បំណងប្រាថ្នាដ៏ខ្លាំងក្លា : បង្ហាញឲ្យឃើញពីទេពកោសល្យដែលមានស្រាប់ ជាពិសេសនៅពេលទទួលដឹងបានតាំងពីអាយុនៅតិច ។ ជាការពិតណាស់ ដែលថា ពេលខ្លះសម្ពាធខាងសង្គម និង ខាងហិរញ្ញវត្ថុ បានលេបត្របាក់បំណងប្រាថ្នាដ៏ខ្លាំងក្លា បែបនេះហើយ ទប់ស្កាត់មិនឲ្យអ្នកធ្វើទៅតាមអំណាចនៃបំណងប្រាថ្នានោះ ។
ការរៀនឆាប់ចេះ : គឺជាតម្រុយមួយទៀត នៃទេពកោសល្យ ។ ពេលខ្លះ ទេពកោសល្យមិនបញ្ជូនសញ្ញាឲ្យឃើញតាមរយៈក្តីប្រាថ្នាដ៏ខ្លាំងក្លាទេ ទោះបីជាអ្នកមានទេពកោសល្យនៅក្នុងខ្លួន ក៏មិនឮសម្រែកទាមទាររបស់វា ដោយហេតុផលផ្សេងៗ ។ បើវាទៅជាដូច្នោះ តើនឹង មានអ្វីមកដុតបំភ្លឺទេពកោសល្យឲ្យអ្នកនៅពេលអ្នកមានអាយុសមល្មមហើយ នោះ គឺល្បឿនក្នុងការរៀនសូត្រជំនាញថ្មីៗ នេះហើយដែលជាតួបញ្ជាក់ប្រាប់ឲ្យដឹងថា អ្នកមានទេពកោសល្យប្រកប ដោយអានុភាព ។
ការពេញចិត្ត : គឺជាស្នាមតម្រុយចុងក្រោយនៃទេពកោសល្យ ។ បើអ្នកមានអារម្មណ៍ល្អ ពេលធ្វើកិច្ចការណាមួយ វាមានលទ្ធភាពអាចទៅរួចដែលថា អ្នកកំពុងតែប្រើទេពកោសល្យដែលខ្លួនកំពុងមានស្រាប់នោះហើយ ។ បើអ្វីគ្រប់យ៉ាងដែលអ្នកគិតក្នុងបច្ចុប្បន្នថា "អង្កាល់ណា ទៅទើបរួច ?" នោះវាហាក់ដូចជា បញ្ជាក់ឲ្យដឹងថា អ្នកមិនបានប្រើទេពកោសល្យរបស់ខ្លួនឯងទេ ។ តែបើអ្នកគិតដោយប្រើកាលអនាគត ឬ រំពឹងថា នឹងធ្វើកិច្ចការទាំងនោះយ៉ាងជាក់លាក់ថា "តើខ្ញុំនឹង បានធ្វើវា នៅពេលណាទៀត ?" នោះ គឺជាសញ្ញាដ៏ល្អសមរម្យមួយថា អ្នកកំពុងតែរីករាយជាមួយវា ហើយអ្នកកំពុងតែប្រើទេពកោសល្យខ្លះៗហើយ ។...............................
📚 ទំនាក់ទំនងទិញសៀវភៅ "លេខសំងាត់" តាមតេលេក្រាមនេះ https://t.me/readmoregrowmind
សៀវភៅEbook - #គំនិតគឺជាទ្រព្យ https://www.facebook.com/share/v/1XEUkKWAnJ
#លេខសំងាត់ https://www.facebook.com/readmoregrowmind/videos/1871592477001327
#អានសៀវភៅជួយពង្រីកគំនិត_អត្ថបទ១៧៤
