29/09/2021
លិខិតថ្លែងអំណរគុណ
ក្នុងនាមខ្ញុំបាទជាអ្នកគ្រប់គ្រងក្លឹបវាយសីខេត្តសៀមរាប នឹងក្លឹបវាយសីអង្គរខេត្តសៀមរាប សូមធ្វើការគោរពថ្លែងអំណគុណយ៉ាងជ្រាលជ្រៅបំផុតចំពោះរដ្ឋបាលខេត្តសៀមរាប ដែលបានរៀបចំអំណោយជូនដល់កីឡាករនឹងកីឡាការនី កំពុងរស់នៅក្នុងតំបន់បិតខ្ទប់ ដើម្បីកាត់ផ្តាច់ឫសគល់ ចម្លងនៃមេរោគកូវីដ១៩ (ក្នុងតំបន់ក្រហម)។
បង្ហាញអោយឃើញនូវស្មារតីសាមគ្គីភាពរវាងប្រជាជាតិខ្មែរ ក្នុងការជួយគ្នាទៅវិញទៅមក នៅក្នុងគ្រាដែលមានទុក្ខលំបាក ជាពិសេសនៅពេលដែលខេត្តសៀមរាប កំពុងជួបប្រទះនិងជំងឺឆ្លងថ្មី កូវិដ១៩ ដែលបានរាតត្បាតនាពេលបច្ចុប្បន្ន។
ដោយមានការយកចិត្តទុកដាក់ជាប្រចាំពី ឯកឧត្តម ទៀ សីហា អភិបាលនៃគណអភិបាលខេត្តសៀមរាប បានចង្អុលបង្ហាញអោយក្រុមការងារនាំអំណោយជូនដល់ ក្រុមកីឡាវាយសីខេត្តសៀមរាប ចំនួន១៥នាក់ក្នុងម្នាក់ទទួលបាន៖
១. ទឹកសុទ្ធ ១កេស
២. អង្ករ ២០គីឡូ
៣. ត្រីខ ២យ៉ួរ
៤. ទឹកត្រី ១យ៉ួរ
៥. ប្រេងឆា ១ដប
៦. បន្លែចម្រុះ ១ថង
៧ ពងមាន់ ១៣ គ្រាប់
៨. ម៉ាស ២ប្រអប់
៩. មី ១កេស
១០. មុង ខ្នើយ ក្រម៉ា ភួយ ដណ្ដប់ នឹង កណ្ទេល
១១. សាច់ក្រក ១គីឡូរ
ជាថ្មីម្តងទៀតខ្ញុំបាទ ព្រមទាំងកីឡាករកីឡាការនី បានទទួលអំណោយនាពេលលំបាកនេះ យើងខ្ញុំសូមបួងសួងដល់វត្ថុសាកសិទ្ធិក្នុងលោក សូមលោកប្រសិទ្ធពរជ័យ បវរមហាប្រសើរជូនឯកឧត្តមព្រមទាំងក្រុមគ្រួសារ ក្រុមការងារ សហការីទាំងអស់ សូមមានសុខភាពល្អបរិបូរណ៍ អាយុយឺនយូរ ឋាមពលខ្លាំងក្លា ប្រាជ្ញាវាងវៃ ទទួលបានជោគជ័យគ្រប់ភារៈកិច្ច និងបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
ថ្ងៃពុធ៨រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥
សៀមរាបថ្ងៃទី២៩ ខែកញ្ញា ឆ្នាំ២០២១
តំណាងកីឡាករកីឡាការនី លោក សោម សមស័ក្ក
