08/12/2023
concept នេះ អាចនិយាយបានថា ល្អបង្គួរនិងអាចចូល top10 បាន!
១.មិនមានភាពស្មុគស្មាញក្នុងការសាងសង់
២. អត្ថន័យសមស្របជាមួយនឹងរហ័សនាម ពាក្យស្លោក
៣. modern but simple
Rate 7.5/10
Keo អ្នករចនា គំនិតគឺអ្នកស្រុកពួក សៀមរាប
ស្នាដៃរចនាបថដោយ៖ លោក ប៊ុន កែវ
អត្ថន័យនៃការរចនា៖
១. ពាក្យ"ទាំងអស់គ្នាដើម្បីកម្ពុជា"គឺចង់រំលឹកដល់អ្នកដែលមកចូលរួមទស្សនាការប្រកួតក្នុងកីឡដ្ឋានដែលជាកម្លាំងចលករដល់កីឡាករ ក៏ដូចជាភាពសាមគ្គីគ្នាដើម្បីជាតិ ដែលរចនាឡើងចំកណ្តាលនៃពណ៌ខៀវ-ក្រហម រំលេចចេញជារូបភាពទង់ជាតិខ្មែរ 🇰🇭 ការគាំទ្រ ការសាមគ្គី ការលះបង់ ការទទួលយកភាពសប្បាយ... គ្រប់យ៉ាងគឺដើម្បីជាតិកម្ពុជា។ ពិសេសយើងរចនាអក្សរជាតួរអក្សរខ្មែរដើម្បីបំផុសគំនិតក៏ដូចជាផ្សព្វផ្សាយពីអក្សរខ្មែរទៅកាន់អន្តរជាតិតាមរយៈកីឡាឲ្យកាន់តែមានភាពល្អមួយកម្រឹតទៀត។
២. រូប"គោព្រៃ"ដែលតំណាងសត្វដ៏ខ្លាំងក្លារបស់កម្ពុជា ប្រៀបដូចជាតំណាងឲ្យកីឡាករទាំង២ក្រុមប្រយុទ្ធគ្នាលើទីលាន ដែលក្នុងនោះដែលយើងមានគោពណ៌ខៀវ តំណាងឲ្យអ្នកគាំទ្រម្ចាស់ផ្ទះ និងពណ៌ក្រហមតំណាងឲ្យក្រុមក្រៅផ្ទះ ហើយការបែងចែង Zone កៅអីបែបនេះ ងាយស្រួលដល់អ្នកទស្សនាក្នុងការស្វែងរកដៃគូឬមិត្តភក្តិពេលគាត់មកមើលមុនឬអំឡុងការប្រកួត។
ទាំងនេះគឺជាគោលគំនិតដែលក្នុងការរចនាប្លង់កៅអីពហុកីឡដ្ឋានជាតិ។