វិបស្សនាមគ្គផល

វិបស្សនាមគ្គផល សមថ-វិបស្សនាកម្មដ្ឋាន

@ កិច្ចបដិបត្តិពិសេស!!ពិចារណា÷ វិបស្សនាល្អ ពិចារណានៅលំដាប់ ចិត្តមានសមាធិ។ គ្រប់វិបស្សនារម្មណ៍ យោគាវចរ គប្បីចម្រើនវិបស្សន...
09/06/2026

@ កិច្ចបដិបត្តិពិសេស!!
ពិចារណា÷ វិបស្សនាល្អ ពិចារណានៅលំដាប់ ចិត្តមានសមាធិ។ គ្រប់វិបស្សនារម្មណ៍ យោគាវចរ គប្បីចម្រើនវិបស្សនាភាវនា ជាបីចំណែក គឺពិចារណា " អនិច្ចំ ទុក្ខំ អនត្តា" នូវនិមិត្តខាងក្នុងផង និមិត្តខាងក្រៅផង និមិត្តទាំងខាងក្នុងទាំងខាងក្រៅផង។ កាលបើបានបដិបត្តិដូច្នេះ ផលបដិបត្តិនោះ យោគាវចរ នឹងដឹងពិត ឃើញពិត ដោយបញ្ញានៃខ្លួន (មិនមែនអ្នកដទៃ) មិនខាន។

@ ធម្មទានពិសេស-សង្ឃានុស្សតិ viiពិចារណា: ទក្ខិណេយ្យោ តើដូចម្តេច?ទក្ខិណេយ្យោ គឺជាគុណធម៌មួយ ក្នុងចំណោមគុណធម៌ទាំង៩ របស់ព្រះស...
09/06/2026

@ ធម្មទានពិសេស-សង្ឃានុស្សតិ vii
ពិចារណា: ទក្ខិណេយ្យោ តើដូចម្តេច?
ទក្ខិណេយ្យោ គឺជាគុណធម៌មួយ ក្នុងចំណោមគុណធម៌ទាំង៩ របស់ព្រះសង្ឃ (សង្ឃគុណ៩)។ ពាក្យនេះសំដៅដល់ «បុគ្គល ដែលគួរទទួល នូវទក្ខិណាទាន» ឬ «បុគ្គល ដែលគួរទទួល នូវអំណោយសប្បុរស ដែលបុគ្គលជឿ លើកម្មនិងផល យកមកបូជា»។

ដើម្បីយល់ឱ្យកាន់តែច្បាស់ អាចពិនិត្យលើចំណុចសំខាន់ៗ ដូចខាងក្រោម៖
• អត្ថន័យដើម៖ ពាក្យនេះកើតចេញមកពីពាក្យថា ទក្ខិណា (ទាន ឬអំណោយ) បូករួមនឹង អ្យ (គួរ ឬស័ក្តិសម)។
• អ្នកណាខ្លះ ដែលហៅថា ទក្ខិណេយ្យបុគ្គល? ក្នុងព្រះពុទ្ធសាសនា ព្រះសង្ឃដែលប្រតិបត្តិធម៌ល្អ (សុបដិបន្នោ) គឺជាស្រែបុណ្យដ៏ឧត្តម។ម្យ៉ាងទៀត បុគ្គលណា ដែលបានលះបង់កិលេស ដូចជា ព្រះអរិយៈ ឬព្រះអរហន្ត លោកជាអ្នក ដែលស័ក្តិសមបំផុត ក្នុងការទទួលទានពី ទាយក ទាយិកា។
• សេចក្តីជ្រះថ្លា៖ នៅពេលដែលទាយក-ទាយិកា មានសេចក្តីជ្រះថ្លា ជឿជាក់លើអំពើល្អ និងផលនៃទាន តែងតែនាំយកចតុប្បច្ច័យ (ចីវរ បិណ្ឌបាត សេនាសន: និងគិលានភេសជ្ជៈ) មកវេរប្រគេន ចំពោះព្រះសង្ឃ ដែលការប្រគេននេះហៅថា ទក្ខិណាទាន។
• ផលអានិសង្ស: ការប្រគេនទេយ្យទាន ចំពោះលោកអ្នកដែលមានសីល និងគុណធម៌ខ្ពស់ (ទក្ខិណេយ្យោ) នឹងផ្តល់ផលានិសង្ស (ផលបុណ្យ) ដ៏ច្រើនមហាសាល ដល់ម្ចាស់ទាន។

* កិច្ចបដិបត្តិ ៖ ត្រង់បទនេះ យោគាវចរ គប្បីបង្អោនសតិស្មារតី ឱ្យត្រង់ចំពោះ នូវគុណរបស់ព្រះសង្ឃរតនៈ យ៉ាងដូច្នេះថា «ទក្ខិណេយ្យោ - ព្រះសង្ឃជាសាវ័ក នៃព្រះមានព្រះភាគ ជាបុគ្គល ដែលគួរទទួល នូវអំណោយសប្បុរស ដែលបុគ្គលជឿ លើកម្មនិងផល យកមកបូជា» យ៉ាងដូច្នេះ ជាដដែលៗ ម្តងហើយម្តងទៀត រហូតដល់ កើតមាន បីតិបាមោជ្ជៈ ត្រជាក់ត្រជុំ សព្វសារពាង្គកាយ សុខកាយសុខចិត្ត ស្ងប់រម្ងាប់ បានពាល់ត្រូវ នូវឧបចារសមាធិ ជាអារម្មណ៍។

@ ទស្សនៈពិសេស!ពិចារណា÷ សិក្សាព្រះធម៌ក្តី បដិបត្តិព្រះធម៌ក្តី គឺនឹង ស្ងប់សុខ ស្រាលស្តើង អស់ទៅសូន្យទៅ សង្វេគ-នឿយណាយ ចិត្តរ...
08/06/2026

@ ទស្សនៈពិសេស!
ពិចារណា÷ សិក្សាព្រះធម៌ក្តី បដិបត្តិព្រះធម៌ក្តី គឺនឹង ស្ងប់សុខ ស្រាលស្តើង អស់ទៅសូន្យទៅ សង្វេគ-នឿយណាយ ចិត្តរឹងមាំមិនញាប់ញ័រ ចំពោះផស្សៈ ក្នុងធម៌ជាកុសល និងអកុសល ដែលកើតឡើង ក្នុងចិត្តជាបច្ចុប្បន្ន ពោលគឺ បានដឹងច្បាស់ បានឃើញច្បាស់ ដោយបញ្ញានៃខ្លួន (មិនមែនអ្នកដទៃ)។ ប្រសិនបើ ពុំមានផល តាមលំដាប់យ៉ាងដូច្នេះនោះទេ គប្បីដឹងថា ការសិក្សាព្រះធម៌ កិច្ចបដិបត្តិព្រះធម៌ របស់អាត្មាអញ មិនត្រឹមត្រូវ តាមបដិបទាទូន្មាន របស់ព្រះសម្មាសម្ពុទ្ធ ព្រះបរមគ្រូឡើយ គឺត្រូវកែលម្អបន្ទាន់។

@ ទស្សនៈពិសេស!ពិចារណា: អាណិត យោគាវចរ អ្នកបដិបត្តិ កម្មដ្ឋានណាស់។ កាលនៅផ្ទះ ជាប់គ្រប់យ៉ាង ដល់ទៅបដិបត្តិ ជាប់វេទនា, រួចវេទ...
08/06/2026

@ ទស្សនៈពិសេស!
ពិចារណា: អាណិត យោគាវចរ អ្នកបដិបត្តិ កម្មដ្ឋានណាស់។ កាលនៅផ្ទះ ជាប់គ្រប់យ៉ាង ដល់ទៅបដិបត្តិ ជាប់វេទនា, រួចវេទនា ជាប់ផរណាបីតិ, រួចផរណាបីតិ ជាប់សុខ:, រួចសុខ: ជាប់ឧបេក្ខា, រួចឧបេក្ខា ជាប់វិបស្សនូបក្កិលេស, រួចវិបស្សនូបក្កិលេស ជាប់សង្ខារុបេក្ខាញាណ។ ឱហ្ន៎ គ្រឿងរារាំងទ្វារព្រះនិព្វាននេះ ពិតជាមានកម្លាំងពិតមែន។

@ ធម្មទានពិសេស-សង្ឃានុស្សតិ viពិចារណា: បាហុនេយ្យោ តើដូចម្តេច?បាហុនេយ្យោ គឺជាគុណធម៌មួយ ក្នុងចំណោមគុណធម៌ទាំង៩ របស់ព្រះអរិយ...
08/06/2026

@ ធម្មទានពិសេស-សង្ឃានុស្សតិ vi
ពិចារណា: បាហុនេយ្យោ តើដូចម្តេច?
បាហុនេយ្យោ គឺជាគុណធម៌មួយ ក្នុងចំណោមគុណធម៌ទាំង៩ របស់ព្រះអរិយសង្ឃ (សង្ឃគុណ៩) ក្នុងព្រះពុទ្ធសាសនា។ ពាក្យនេះមានន័យថា «ជាអ្នកគួរទទួលនូវវត្ថុ ដែលគេរៀបចំទុក ដើម្បីទទួលភ្ញៀវ» ឬ «ជាបុគ្គល គួរទទួលនូវសក្ការៈ ដែលគេរៀបចំទុក ជាពិសេស»។

ពាក្យបាលីនេះ មានការពន្យល់លម្អិត ដូចខាងក្រោម៖
• ប្រភព៖ ពាក្យនេះ ត្រូវបានលើកឡើងនៅក្នុង សង្ឃានុស្សតិ (ការរលឹកដល់គុណព្រះសង្ឃ) ត្រង់ចំណុច «អាហុនេយ្យោ បាហុនេយ្យោ...»។
• អត្ថន័យធៀប៖ ព្រះអរិយសង្ឃ ប្រៀបដូចជា ភ្ញៀវដ៏មានកិត្តិយសខ្ពង់ខ្ពស់ ដែលសត្វលោកគួររៀបចំចតុប្បច្ច័យ (សំពត់ បាយទឹក សេនាសនៈ ថ្នាំកែរោគ) ទុកជាមុន ដើម្បីគោរពបូជា ព្រោះលោកជាអ្នកបរិសុទ្ធិ និងមានគុណធម៌ខ្ពស់។
• លក្ខណៈសម្បត្តិ៖ បុគ្គលណាដែលប្រតិបត្តិតាមគន្លងធម៌ដ៏ត្រឹមត្រូវ រួមទាំងភិក្ខុក្នុងសាសនា ដែលសង្រួមឥន្ទ្រិយទាំង៦ (ភ្នែក ត្រចៀក ច្រមុះ អណ្ណាត កាយ ចិត្ត) ដោយមិនត្រេកអរ ឬអាក់អន់ចិត្ត ពេលជួបអារម្មណ៍ផ្សេងៗ លោកត្រូវបាន ហៅថា «បាហុនេយ្យោ» នេះឯង។

* កិច្ចបដិបត្តិ ៖ ត្រង់បទនេះ យោគាវចរ គប្បីបង្អោនសតិស្មារតី ឱ្យត្រង់ចំពោះ នូវគុណរបស់ព្រះសង្ឃរតនៈ យ៉ាងដូច្នេះថា «បាហុនេយ្យោ - ព្រះសង្ឃជាសាវ័ក នៃព្រះមានព្រះភាគ ជាអ្នកគួរទទួលនូវវត្ថុ ដែលគេរៀបចំទុក ដើម្បីទទួលភ្ញៀវ» យ៉ាងដូច្នេះ ជាដដែលៗ ម្តងហើយម្តងទៀត រហូតដល់ កើតមាន បីតិបាមោជ្ជៈ ត្រជាក់ត្រជុំ សព្វសារពាង្គកាយ សុខកាយសុខចិត្ត ស្ងប់រម្ងាប់ បានពាល់ត្រូវ នូវឧបចារសមាធិ ជាអារម្មណ៍។

@ ថ្ងៃពិសេស!ពិចារណា÷ ថ្ងៃនេះ ថ្ងៃសីល។ សូមរក្សាឧបោសថសីល ដ៏ប្រកបដោយ អង្គ៩ (អង្គ៨+មេត្តាភាវនា) កុំបីអាក់ខានឡើយ។
08/06/2026

@ ថ្ងៃពិសេស!
ពិចារណា÷ ថ្ងៃនេះ ថ្ងៃសីល។ សូមរក្សាឧបោសថសីល ដ៏ប្រកបដោយ អង្គ៩ (អង្គ៨+មេត្តាភាវនា) កុំបីអាក់ខានឡើយ។

Address

Phum Takeo

Telephone

+85599875019

Website

Alerts

Be the first to know and let us send you an email when វិបស្សនាមគ្គផល posts news and promotions. Your email address will not be used for any other purpose, and you can unsubscribe at any time.

Contact The Business

Send a message to វិបស្សនាមគ្គផល:

Shortcuts

Share

Category