04/08/2026
ស្លឹកងប់—បន្លែស្រុកស្រែដែលជា «ឱសថធម្មជាតិ» សម្បូរអត្ថប្រយោជន៍ចំពោះសុខភាព
ភ្នំពេញ៖ ស្លឹកងប់ ដែលជាបន្លែប្រជាប្រិយងាយស្រួលដុះតាមរបងផ្ទះ និងត្រូវបានប្រជាជនខ្មែរនិយមយកមកស្លកកូរ ឬស្លស្ងោរនោះ ត្រូវ បានអ្នកជំនាញផ្នែកអាហាររូបត្ថម្ភទទួលស្គាល់ថា ជាប្រភពនៃសារធាតុចិញ្ចឹមយ៉ាងសំខាន់ និងមានអត្ថប្រយោជន៍ជាច្រើនចំពោះសុខភាពរាងកាយ។
តាមការសិក្សា ស្លឹកងប់សម្បូរទៅដោយវីតាមីន C វីតាមីន A Beta-carotene ជាតិដែក និងកាល់ស្យូម។ សារធាតុទាំងនេះមានតួនាទីយ៉ាងសំខាន់ក្នុងការ៖
ពង្រឹងប្រព័ន្ធការពាររាងកាយ៖ ការពារជំងឺផ្តាសាយ និងជួយឲ្យស្បែកភ្លឺថ្លា។
ថែរក្សាសុខភាពភ្នែក និងឆ្អឹង៖ បង្កើនកម្លាំងគំហើញ ព្រមទាំងពង្រឹងឆ្អឹង និងធ្មេញឲ្យរឹងមាំ។
សម្រួលប្រព័ន្ធរំលាយអាហារ៖ ជាតិសរសៃខ្ពស់ជួយការពារបញ្ហាទល់លាមក។
គ្រប់គ្រងសុខភាព៖ ជួយកាត់បន្ថយជាតិស្ករ និងជាតិខ្លាញ់ក្នុងឈាម ប្រឆាំងសារធាតុអុកស៊ីតកម្ម និងជួយរំញោចទឹកដោះសម្រាប់ស្ត្រីក្រោយសម្រាលកូន។
ទោះជាយ៉ាងណា អ្នកជំនាញបានណែនាំឲ្យបរិភោគស្លឹកងប់ដែល ចំអិនឆ្អិនល្អ និងលាងសម្អាតឲ្យបានស្អាត ចៀសវាងការបរិភោគឆៅក្នុងបរិមាណច្រើនពេក ដើម្បីធានាសុវត្ថិភាព និងទទួលបានផលប្រយោជន៍អតិបរមាសម្រាប់សុខភាព។
