ទីចាត់ការការងារព្រំដែន អគ្គបញ្ជាការដ្ឋាន

03/04/2025

នាព្រឹកថ្ងៃទី៣ ខែ មេសា ឆ្នាំ២០២៥ នេះ
ឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គមេបញ្ជាការ បានអនុញ្ញាតឱ្យលោកវរសេនីយ៍ឯក ជិន វ៉ន់តឹម នាយការិយាល័យអនុព័ន្ធយោធាវៀតណាមប្រចាំកម្ពុជា ចូលជួបជូនពរក្នុងឱកាសអបអរសាទរ បុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស ២៥៦៨ ដែលនិងឈានចូលមកដល់ នាពេលខាងមុខ ។
ក្នុងឱកាសនេះដែរ លោកវរសេនីយ៍ឯក ជិន វ៉ន់តឹម ប្រធានការិយាល័យអនុព័ន្ធយោធាវៀតណាមប្រចាំកម្ពុជា បានជូនពរឆ្នាំថ្មីជូនចំពោះ ឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គមេបញ្ជាការ និងសហការី ព្រមទាំងក្រុមគ្រួសារ សូមមានសុខភាពល្អបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ មានសុភមង្គល និងសម្រេចបានជោគជ័យគ្រប់ភារកិច្ចដែលថ្នាក់លើប្រគល់ជូន ជាពិសេសសូមឲ្យចំណងមិត្តភាព សាមគ្គីភាព និងកិច្ចសហប្រតិបត្តិការរវាងកងទ័ពនៃប្រទេសយើងទាំងពី កម្ពុជា-វៀតណាម កាន់តែរីកចម្រើនទ្វេឡើងថែមទៀត។

26/03/2025

ឯកឧត្ដម ឧត្ដមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការ បានដឹកនាំកិច្ចប្រជុំត្រួតពិនិត្យការងារផ្ទៃក្នុងអង្គភាពនិងដាក់ចេញផែនការសម្រាប់អនុវត្តបន្ត នាព្រឹកថ្ងៃ ពុធ១៣រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៦ ខែ មីនា ឆ្នាំ២០២៥។

25/03/2025

(យើងប្តេជ្ញារួមគ្នា បញ្ចប់ជំងឺអេដស៍ ឆ្នាំ២០២៥)
ទីចាត់ការការងារព្រំដែន អគ្គបញ្ជាការដ្ឋាន បានរៀបចំពិធីរៀនសូត្រលើខ្លឹមសារ ស្តីពីការអប់រំផ្សព្វផ្សាយ ទប់ស្កាត់ការរីករាលដាលមេរោគអេដស៍ ជូនដល់នាយទាហាន ជាជនបង្គោលចំនួន៣០នាក់ ឧទ្ទេសនាមដោយ លោកវរសេនីយ៍ទោវេជ្ជបណ្ឌិត ប៉ែន សុភាព នាយរងស្តីទីការិយាល័យ អេដស៍ ទីចាត់ការសុខាភិបាល អគ្គបញ្ជាការ នាព្រឹកថ្ងៃ អង្គារ១២រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៥ ខែ មីនា ឆ្នាំ២០២៥។

05/03/2025

ព្រឹកថ្ងៃពុធ ៧កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៥ ខែមីនា ឆ្នាំ២០២៥ ឯកឧត្តម ឧត្ដមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការដ្ឋាន អញ្ជើញជួបសួរសុខទុក្ខនិង សំណេះសំណាលជាមួយយោធិននារី ទីចាត់ការការងារព្រំដែន ក្នុងឱកាសអបអរសាទរខួបលើកទី១១៤ ឆ្នាំ២០២៥ ទិវាអន្តរជាតិនារី ៨មីនា ក្រោមប្រធានបទសកល " សិទ្ធិ សមភាព និងភាពអង់អាច ចំពោះស្រ្តី និងក្មេងស្រីគ្រប់រូប" ។ ក្នុងឱកាសនេះដែរឧត្ដមសេនីយ៍ទោ ស៊ិន សុខា បានឧបត្ថម្ភ នូវថវិកាក្នុងម្នាក់ៗចំនួន ៥ម៉ឺនរៀល ផងដែរ។

04/03/2025

ទីស្តីការក្រសួងការពារជាតិ÷ ព្រឹកថ្ងៃទី០៤ខែ មីនា ឆ្នាំ២០២៥ ឯកឧត្តម ឧត្ដមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការដ្ឋានបានអញ្ជើញចូលរួមក្នុងពិធី ឯកឧត្តម ឧត្តមសេនីយ៍ឯក ផាត វិបុលសុភ័ក្ត្រ អគ្គនាយករង អគ្គនាយកដ្ឋាននយោបាយ និងកិច្ចការបរទេស និងជានាយក នាយកដ្ឋានទាក់ទងអន្តរជាតិ អនុញ្ញាតឱ្យ លោកស្រី Rebecca TAN ប្រធានការិយាល័យនិពន្ធ The Washington Post ចូលជួបសម្តែងការគួរសម និងពិភាក្សាការងារ នៅទីស្តីការក្រសួងការពារជាតិ។

26/02/2025

គណៈប្រតិភូក្រុមលេខាធិការនៃគណៈកម្មាធិការព្រំដែនទូទៅកម្ពុជា-ថៃ(GBC)ដឹកនាំដោយឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការដ្ឋាន នៃកងយោធពលខេមរភូមិន្ទ បានធ្វើមាតុភូមិនិវត្តន៍មកដល់ព្រះរាជាណាចក្រកម្ពុជាដោយសុវត្ថិភាពហើយនៅវេលាម៉ោង១៦.៥០ នាទីល្ងាចថ្ងៃទី២៦ខែ កុម្ភៈ ឆ្នាំ២០២៥បន្ទាប់ពីបានដឹកនាំប្រតិភូទៅចូលរួមប្រជុំក្រុមលេខាធិការនៃគណៈកម្មាធិការព្រំដែនទូទៅកម្ពុជា-ថៃ(GBC)លើកទី១៧រយពេល៣ថ្ងៃនៅទីក្រុងបាងកក ព្រះរាជាណាចក្រថៃ ទទួលបានលទ្ធផលល្អជោគជ័យតាមផែនការដែលបានគ្រោងទុក។
ទទួលគណៈប្រតិភូដល់អាកាសយានដ្ឋានអន្តរជាតិភ្នំពេញច្រកVIP រួមមាន ឯកឧត្តម នាយករង នាយការិយាល័យ ទីចាត់ការការងារព្រំដែន អគ្គបញ្ជាការដ្ឋានជាច្រើនរូប។

26/02/2025

ទីក្រុងបាងកក÷ កិច្ចប្រជុំពិភាក្សាអស់រយៈពេល៣ថ្ងៃលើសេចក្តីពង្រៀងខ្លឹមសារ សម្រាប់កិច្ចប្រជុំពេញអង្គរបស់គណៈកម្មាធិការព្រំដែនទូទៅកម្ពុជា-ថៃ ថៃ-កម្ពុជា (GBC)លើកទី១៧ គ្រោងនឹងបើកកិច្ចប្រជុំនៅថ្ងៃទី២១ខែ មីនា ឆ្នាំ២០២៥ខាងមុខក្រោមអធិបតីភាពដ៍ខ្ពង់ខ្ពស់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃប្រទេសទាំងពីរ ដែលភាគីថៃទទួលធ្វើជាម្ចាស់ផ្ទះនៃកិច្ចប្រជុំឆ្នាំ២០២៥នេះ។
កិច្ចប្រជុំក្រុមលេខាធិការបានបញ្ចប់ដោយទទួលបានលទ្ធផលល្អ ជោគជ័យតាមផែនការនិងបានប្រារព្វពិធីបិទនៅម៉ោង១២ថ្ងៃទី២៦ ខែ កុម្ភៈឆ្នាំ២០២៥ ក្រោមអធិបតីភាព សហប្រធានក្រុមលេខាធិការទាំងពីររបស់គណៈកម្មាធិការព្រំដែនទូទៅកម្ពុជា-ថៃ ថៃ-កម្ពុជា។

25/02/2025

ទីក្រុងបាងកក÷នារសៀលថ្ងៃទី២៤ ខែកុម្ភៈ ឆ្នាំ២០២៥
កិច្ចប្រជុំ ក្រុមលេខាធិការនៃគណៈកម្មាធិការព្រំដែនទូទៅកម្ពុជា-ថៃ ថៃ-កម្ពុជា ហៅកាត់ថា(GBC) លើកទី១៧ បានបើកកិច្ចប្រជុំក្រោមអធិបតីភាព សហប្រធានក្រុមលេខាធិការទាំងពីរ ភាគីកម្ពុជាដឹកនាំដោយ ឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការ នៃកងយោធពលខេមរភូមិន្ទ ជាប្រធានក្រុមលេខាធិការនៃគណៈកម្មាធិការព្រំដែនទូទៅកម្ពុជា-ថៃ (GBC) និងភាគីថៃដឹកនាំដោយឯកឧត្តម ឧត្តមសេនីយ៍ឯក Nuttapong Praokaew នាយក នាយកដ្ឋានកិច្ចការព្រំដែន អគ្គបញ្ជាការដ្ឋាន នៃកងទ័ពភូមិន្ទថៃ ជាប្រធានក្រុមលេខាធិការនៃគណៈកម្មាធិការព្រំដែនទូទៅថៃ-កម្ពុជា (GBC)កិច្ចប្រជុំនេះមានរយៈពេល៣ថ្ងៃ នៅសណ្ឋាគារ T.K Palace Hotel នៅទីក្រុងបាងកក​ ព្រះរាជាណាចក្រថៃ។

24/02/2025

អាកាសយានដ្ឋានអន្តរជាតិភ្នំពេញ÷ ព្រឹកថ្ងៃទី២៤ ខែ កុម្ភៈ ឆ្នាំ២០២៥ ឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការ ប្រធានក្រុមលេខាធិការ គណៈកម្មាធិការព្រំដែនទូទៅកម្ពុជា-ថៃ (GBC) បានអញ្ជើញដឹកនាំប្រតិភូទៅចូលរួមក្នុងកិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) លើកទី១៧ រយៈពេល៣ថ្ងៃចាប់ពីថ្ងៃទី២៤ដល់២៦ខែកុម្ភៈ ឆ្នាំ២០២៥ នៅទីក្រុងបាងកក ព្រះរាជាណាចក្រថៃ។ ជូនដំណើរគណៈប្រតិភូនៅអាកាសយានដ្ឋានអន្តរជាតិភ្នំពេញVIP រួមមានឯកឧត្តម នាយករង នាយការិយាល័យ ចំណុះទីចាត់ការការងារព្រំដែន ជាច្រើនរូប។

24/02/2025

អាកាសយានដ្ឋានអន្តរជាតិភ្នំពេញ÷ ព្រឹកថ្ងៃទី២៤ ខែ កុម្ភៈ ឆ្នាំ២០២៥ ឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការ ប្រធានក្រុមលេខាធិការ គណៈកម្មាធិការព្រំដែនទូទៅកម្ពុជា-ថៃ (GBC) បានអញ្ជើញដឹកនាំប្រតិភូទៅចូលរួមក្នុងកិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) លើកទី១៧ រយៈពេល៣ថ្ងៃចាប់ពីថ្ងៃទី២៤ដល់២៦ខែកុម្ភៈ ឆ្នាំ២០២៥ នៅទីក្រុងបាងកក ព្រះរាជាណាចក្រថៃ។ ជូនដំណើរគណៈប្រតិភូនៅអាកាសយានដ្ឋានអន្តរជាតិភ្នំពេញVIP រួមមានឯកឧត្តម នាយករង នាយការិយាល័យ ចំណុះទីចាត់ការការងារព្រំដែន ជាច្រើនរូប។

13/02/2025

ឧត្តមសេនីយ៍ទោ សុិន សុខា នាយកទីចាត់ការការងារព្រំដែន អគ្គបញ្ជាការ ព្រមទាំង នាយទាហាន នាយទាហានរង និងពលទាហាន ទាំងអស់ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។ គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជាឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។

យើងខ្ញុំទាំងអស់គ្នា សូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។ នាព្រឹកថ្ងៃទី១៣ ខែ កុម្ភៈ ឆ្នាំ២០២៥។

(ភ្នំពេញ)៖ ឯកឧត្តម ឧត្តមសេនីយ៍ទោ សុិន សុខា នាយកទីចាត់ការ ការងារព្រំដែន អគ្គបញ្ជាការ ព្រមទាំងនាយទាហាន នាយទាហ....

12/02/2025

ទីស្តីការក្រសួងការពារជាតិ÷ ព្រឹកថ្ងៃទី១២ ខែ កុម្ភៈ ឆ្នាំ២០២៥ ឯកឧត្តម ឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការ និងជាប្រធានក្រុមលេខាធិការ គណៈកម្មាធិការព្រំដែនទូទៅកម្ពុជា-ថៃ (GBC) បានអញ្ជើញជាអធិបតីភាព ក្នុងកិច្ចប្រជុំប្រកាសសេចក្តីសម្រេច របស់ក្រសួងការពារជាតិ ស្តីពីការកែសម្រួល សមាសភាពក្រុមលេខាធិការ របស់គណៈកម្មាធិការព្រំដែនទូទៅកម្ពុជា-ថៃ (GBC)និងត្រៀមរៀបចំសមាសភាពទៅចូលរួមក្នុងកិច្ចប្រជុំ វិលជុំ របស់គណៈកម្មាធិការព្រំដែនទូទៅកម្ពុជា-ថៃ (GBC) លើកទី១៧ ដែលនឹងធ្វើឡើងនៅរាជធានីបាងកក ព្រះរាជាណាចក្រថៃ ដែលភាគីថៃទទួលធ្វើជាម្ចាស់នៃកិច្ចប្រជុំឆ្នាំ២០២៥នេះ។