Sabone VENTA

17/04/2026

ចាប់ផ្តេីមឡេីងវិញ? យុវជននិងបាល់ទាត់

⚽🇰🇭

16/04/2026

នេះគឺជាវីដេអូហ្វឹកហាត់របស់កុមារអាយុក្រោម ៨ ឆ្នាំ (U8) ពីកម្មវិធី Futboltec U8 Program (Australia) ដែលផ្តោតលើការរក្សាបាល់ និងនាំលេងចាប់ពីក្រោយ ជាមួយអ្នកចាំទី ដើម្បីអភិវឌ្ឍជំនាញបច្ចេកទេស និងការយល់ដឹងអំពីការលេងតាំងពីវ័យក្មេង។

ការចាប់ផ្តើមហ្វឹកហាត់ពីវ័យក្មេង គឺមានសារៈសំខាន់យ៉ាងខ្លាំង ក្នុងការកសាងបច្ចេកទេសមូលដ្ឋានជាមួយបាល់ ការគ្រប់គ្រងចលនារាងកាយ និងការយល់ដឹងអំពីការលេង។

លំហាត់បែបនេះជួយអភិវឌ្ឍសមត្ថភាពក្នុងការសម្រេចចិត្ត និងបង្កើនទំនុកចិត្ត តាមរយៈការហ្វឹកហាត់ដែលមានភាពសប្បាយសមស្របតាមវ័យកុមារ។

💙⚽ ចាប់ផ្តើមត្រឹមត្រូវ អភិវឌ្ឍបានល្អ — អនាគតបាល់ទាត់ចាប់ផ្តើមពីថ្ងៃនេះ

06/04/2026

៤លំហាត់ហ្វឹកហាត់នៅផ្ទះដោយខ្លួនឯងងាយៗ
▫️ប្រអប់ជើងក្នុង • ចុងជើង • បាតជើង • ប្រអប់ជើងក្រៅ
⚽ចាប់ផ្តើមពីមូលដ្ឋាន ហ្វឹកហាត់រាល់ថ្ងៃ កាន់តែប្រសើរ 💪

4 Easy Ball Mastery Skills ⚽🔥
Inside • Toe • Sole • Outside
Start simple, train daily, improve fast 💪

⚽🇰🇭

01/04/2026

នឹកឃេីញ៦ឆ្នាំមុន ខ្ញុំបានចាប់ផ្តើមផលិតវីដេអូ និងចងក្រងសៀវភៅ ដើម្បីចែករំលែកមូលដ្ឋានបច្ចេកទេសបាល់ទាត់ដល់កុមារ និងយុវជន។ នេះគឺជាជំហានតូចមួយក្នុងការចូលរួមបង្កើតការផ្សព្វផ្សាយសម្រាប់ការអភិវឌ្ឍបាល់ទាត់យុវជននៅកម្ពុជា។

ថ្ងៃនេះ ខ្ញុំមានអារម្មណ៍រីករាយ និងមោទនភាពយ៉ាងខ្លាំង ដែលបានចូលរួមស្តាប់បទបង្ហាញពីអ្នកជំនាញ លោក Byer Tomas Francis ស្តីអំពីការអភិវឌ្ឍយុវជន ចាប់ពីមូលដ្ឋានគ្រឹះកុមារតូចៗ និងសារៈសំខាន់បច្ចេកទេសមូលដ្ឋានគ្រិះបាល់ទាត់ផងដែរ។

⚽️ រួមគ្នា ដើម្បីអភិវឌ្ឍបាល់ទាត់កម្ពុជា 🇰🇭

15/03/2026

ថ្មីៗនេះ មានរឿងគួរឲ្យចាប់អារម្មណ៍មួយ គឺ ក្រុមជម្រើស U18 ពានរង្វាន់វិទ្យាល័យជប៉ុន បានយកឈ្នះ ក្រុមជម្រើស U18 J-League Select ក្នុងកម្មវិធី NEXT GENERATION MATCH 2026។ លទ្ធផលនេះបង្ហាញថា ប្រព័ន្ធបាល់ទាត់វិទ្យាល័យនៅប្រទេសជប៉ុនមានគុណភាពខ្ពស់ និងជាមូលដ្ឋានសំខាន់សម្រាប់ការអភិវឌ្ឍកីឡាករយុវជន។

នៅប្រទេសជប៉ុន ពានរង្វាន់វិទ្យាល័យមិនមែនត្រឹមតែជាការប្រកួតប៉ុណ្ណោះទេ ប៉ុន្តែជាប្រព័ន្ធសំខាន់ក្នុងការស្វែងរក និងអភិវឌ្ឍទេពកោសល្យកីឡាករ មុននឹងឈានទៅកាន់ក្លិបអាជីព និងក្រុមជម្រើសជាតិ។

ចំណែកនៅប្រទេសកម្ពុជា បច្ចុប្បន្នកម្មវិធីពានរង្វាន់វិទ្យាល័យ មានតែត្រឹមនៅរាជធានីភ្នំពេញ ដែលរៀបចំដោយកម្មវិធីកីឡារបស់ សសយក រាជធានីភ្នំពេញ ប៉ុណ្ណោះ។ ទោះជាយ៉ាងណា វាជាជំហានល្អមួយក្នុងការចាប់ផ្តើមបង្កើតវប្បធម៌បាល់ទាត់នៅសាលារៀន។

ប្រសិនបើកម្មវិធីនេះត្រូវបានពង្រីក និងរៀបចំជាប្រព័ន្ធទូទាំងប្រទេស វាអាចជួយ៖
• បង្កើនបទពិសោធន៍ប្រកួតរបស់កីឡាករយុវជន
• ស្វែងរក និងអភិវឌ្ឍទេពកោសល្យពីសាលារៀននានា
• បង្កើតវិន័យ ការទទួលខុសត្រូវ និងស្មារតីក្រុម
• បង្កើតស្ពានភ្ជាប់ពីសាលារៀនទៅកាន់ក្លិបអាជីព និងក្រុមជម្រើសជាតិ

ពានរង្វាន់វិទ្យាល័យអាចក្លាយជាគ្រឹះសំខាន់មួយសម្រាប់នាអនាគតបាល់ទាត់កម្ពុជាផងដែរ។

ការប្រកួតនេះបានធ្វើឡើង ថ្ងៃទី 11 កុម្ភៈ 2026 នៅ Nipatsu Mitsuzawa Stadium។
លទ្ធផល៖ Japan High School Select Team ឈ្នះ 2–0 លើ U-18 J-League Select Team។ 

អត្តបទដោយ : សាប៊ូន វិនតា
ប្រភពព័ត៌មាន : https://www.jleague.jp/match/next-generation/2026/021107/live/?utm_source=chatgpt.com

10/03/2026

10/03/2026

វិភាគការបង្កើតឪកាសប្រយុទ្ធនៅតំបន់ចន្លោះទំនេរគូរប្រកួត (Attacking the Space) - Phnom Penh Crown FC 🇰🇭

គ្រាប់បាល់នេះបង្ហាញពីការសហកាប្រយុទ្ធរបស់ក្រុមដែលមានចលនាគាំទ្ររបស់អ្នកគ្មានបាល់ និងការយល់ដឹងអំពីស្ថានភាពគ្រប់គ្រងតំបន់ទំនេររបស់គូរប្រកួតដែលបានបាត់បង់ ជាមួយការសម្រេចចិត្តត្រូវនិងពេលវេលាខ្សែការពារគូរប្រកួតបាត់បង់ទីតាំងលេង។

⚽ គន្លឹះកលល្បិច Key Principles
• ការបញ្ជូនបាល់ហើយចលនាគាំទ្របន្ត (Pass and move to support)
• គ្រប់គ្រងតំបន់ចន្លោះរវាងខ្សែការពារ​​ (Occupy free space between lines)
• វាយប្រហារចន្លោះខាងក្រោយខ្សែរការពារ​​(Attack the space behind defenders)
• ការសម្រេចចិត្តលឿននៅតំបន់មុខទី​ (Quick decision in the final third)



Video : BTV / AFC

19/02/2026

វិភាគកលល្បិច – ការរៀបចំលេងពីអ្នកចាំទីក្រោមការដាក់សម្ពាធពីគូរប្រកួត
✔️ Build-up ការលេងក្រោមសម្ពាធគូរប្រកួត
✔️ បង្កើត Overload ចំនួនលើសនៅតំបន់ខាង
✔️ បម្លែងលឿនប្រយុទ្ធជាមួយខ្សែការពារចុងក្រោយ 3v2
✔️ ចលនា និងពេលវេលាសម្របសម្រួលល្អនៅតំបន់ចុងក្រោយ

ចាប់ពីការរៀបចំអ្នកចាំទី Goal Kick រហូតដល់ការបញ្ចប់ទីនៅតាមតំបន់ការលេងនីមួយៗបង្ហាញពីការរៀបចំកលល្បិចលេងបានយ៉ាងច្បាស់លាស់។
អ្នកចាំទីផ្តល់សញ្ញា និងចាប់ផ្តើមលេងដោយបញ្ជូនបាល់ទៅតំបន់ដែលបង្កើតចំនួនលើសនៅពីក្រោយការដាក់សម្ពាធរបស់គូរប្រកួត។ ខ្សែបម្រើការពារ (DMF) ចុះជួយ Build-up ខណៈដែលខ្សែការពារសងខាង (Fullbacks) ឡើងខ្ពស់ដើម្បីពង្រីកទម្រង់ការពារគូប្រកួត។
នៅខ្សែការពារខាងឆ្វេង LB បង្កើតស្ថានភាព 2v1 ដោយជោគជ័យ បន្ទាប់មកបង្កើតឪកាសប្រយុទ្ធចំនួនលើស 3v2 ទល់នឹងខ្សែការពារចុងក្រោយនិងខ្សែការពារខាងឆ្វេង(LB)បន្តការបញ្ជូនបាល់ក្នុងប្រអប់ទីជាមួយការមើលចលនាកីឡាកររត់ចូលប្រអប់ទីត្រូវនិងពេលវេលានៃការបញ្ចូន។

Video Credit : BTV / CPL