វិទ្យាស្ថានជាតិអប់រំកាយ និងកីឡា

19/05/2026

18/05/2026

02/05/2026

រាជធានីភ្នំពេញ៖ នាព្រឹកថ្ងៃទី ២ ខែឧសភា ឆ្នាំ២០២៦ វិទ្យាស្ថានជាតិអប់រំកាយនិងកីឡា បានទទួលស្វាគមន៍ដល់សិស្សានុសិស្សមកពីប្រទេសសិង្ហបុរី និងសហព័ន្ធគុនល្បុក្កតោ បានធ្វើបទបង្ហាញអំពីគុនល្បុក្កតោ ដល់ប្រតិភូដើម្បីសិក្សានិងស្វែងយល់អំពីក្បាច់គុនបុរាណខ្មែរ ដែលជាកីឡាប្រពៃណីបុរាណនៃប្រទេសកម្ពុជា ។

30/04/2026

រាជធានីភ្នំពេញ៖ នារសៀលថ្ងៃទី៣០ ខែមេសា ឆ្នាំ២០២៦ លោកស្រី កែវ មនោរម្យ នាយិកាវិទ្យាស្ថានជាតិអប់រំកាយនិងកីឡា បានដឹកនាំកិច្ចប្រជុំពិនិត្យវឌ្ឍនភាពការងារតាមការិយាល័យនីមួយៗ ពង្រឹងការងារវត្តមានការរៀននិងបង្រៀន និងការត្រៀមជំរឿនមន្ត្រីរាជការ ដោយមានការចូលរួមពីលោកនាយករងវិទ្យាស្ថាន លោកប្រធានការិយាល័យ លោកអនុប្រធានការិយាល័យ លោកនាយកមជ្ឈមណ្ឌលបណ្តុះបណ្តាល លោកនាយករងមជ្ឈមណ្ឌលបណ្តុះបណ្តាល លោកគ្រូ អ្នកគ្រូ និងបុគ្គលិកអប់រំនៃវិទ្យាស្ថានជាតិអប់រំកាយនិងកីឡា។

28/04/2026

រាជធានីភ្នំពេញ៖ នាថ្ងៃទី២៨ ខែមេសា ឆ្នាំ២០២៦ វិទ្យាស្ថានជាតិអប់រំកាយនិងកីឡា សហការជាមួយអង្គការមិនមែនរដ្ឋាភិបាលបេះដូងមាស បានរៀបចំសិក្ខាសាលាស្តីអំពី ការអភិវឌ្ឍសម្ភារៈបង្រៀន ICT ដោយមានការពីអញ្ជើញចូលរួមពីសំណាក់ក្រុមការងារ Social Compass លោក Nakamura Hidetaka កញ្ញា Jessy An និងបុគ្គលិអប់រំនៃវិទ្យាស្ថានជាតិអប់រំកាយនិងកីឡា សរុបចំនួន ១០នាក់ ក្នុងនោះស្រី ៤នាក់ ។
ការរៀបចំវគ្គសិក្ខាសាលានេះក្នុងគោលបំណង៖
១. ដើម្បីធ្វើការអភិវឌ្ឍជំនាញដែលបានរៀនពីសិក្ខាសាលាសម្រាប់ការថត និងការសម្រួលមេរៀនថ្នាក់អនុវត្តអប់រំកាយ
២.ដើម្បីជួយគរុនិស្សិតនៅវិទ្យាស្ថានទទួលបាននូវជំនាញមូលដ្ឋាននៃការថត និងការកែសម្រួលដែលពួកគាត់អាចប្រើប្រាស់នៅក្នុងមេរៀននៅតាមសាលា
៣.ដើម្បីពិចារណាពីរបៀបនៃការប្រើប្រាស់សម្ភារៈវីឌីអូ នៅក្នុងថ្នាក់ជាក់ស្តែងនៅវិទ្យាស្ថាន
៤.ដើម្បីយល់ដឹងពីរបៀបនៃការប្រើប្រាស់ ICT នៅក្នុងថ្នាក់ទ្រឹស្តីអប់រំកាយ ការស្រាវជ្រាវ និងការធ្វើបទបង្ហាញ។
សម្រាប់ព័ត៌មានលម្អិត ៖ 🌐 nipes.edu.kh

23/04/2026

រាជធានីភ្នំពេញ៖ នាថ្ងៃទី ២៣ ខែមេសា ឆ្នាំ២០២៦ វិទ្យាស្ថានជាតិអប់រំកាយនិងកីឡា បានរៀបចំវគ្គសិក្ខាសាលាស្តីពី ការអភិវឌ្ឍកម្មវិធីសិក្សា ដោយមានការអញ្ជើញចូលរួមពីសំណាក់ លោកស្រី រស់ ចាន់សោភា អនុប្រធាននាយកដ្ឋានគ្រប់គ្រងឧត្តមសិក្សា គ្រូឧទ្ទេសនៃនាយកដ្ឋានគ្រប់គ្រងឧត្តមសិក្សា និងគ្រូឧទ្ទេសនៃវិទ្យាស្ថានជាតិអប់រំកាយនិងកីឡា សរុបចំនួន ៥០នាក់ ក្នុងនោះស្រី១៩នាក់ ។
ការរៀបចំវគ្គសិក្ខាសាលានេះក្នុងគោលបំណង៖
១. ដើម្បីរៀបចំ Syllabus ឱ្យលទ្ធផលសិក្សាមុខវិជ្ជានីមួយៗ លទ្ធផលសិក្សារំពឹងទុកនៃមុខវិជ្ជា (Course Learning Outcomes) ឆ្លើយតបទៅនឹងលទ្ធផលសិក្សានៃកម្មវិធីបណ្តុះបណ្តាល ( Program Learning Outcomes)
២.លើកកម្ពស់គុណភាព សមត្ថភាពគ្រូបង្រៀនលើការរៀបចំ និងអភិវឌ្ឍកម្មវិធីសិក្សាលម្អិតនៃមុខវិជ្ជានីមួយៗ ឱ្យបានល្អប្រសើរស្របតាមស្តង់ដាក្របខណ្ឌគុណវុឌ្ឍិជាតិកម្ពុជា។
សម្រាប់ព័ត៌មានលម្អិត៖ 🌐 nipes.edu.kh

22/04/2026

អបអរសាទរសមិទ្ធផលថ្មីរបស់វិទ្យាស្ថានជាតិអប់រំកាយនិងកីឡា

វិទ្យាស្ថានជាតិអប់រំកាយនិងកីឡា (NIPES) ពិតជាត្រេកអរ និងមានមោទនភាពយ៉ាងក្រៃលែង ដែលគណៈកម្មាធិការទទួលស្គាល់គុណភាពអប់រំនៃកម្ពុជា (ACC) សម្រេចផ្តល់ "ការទទួលស្គាល់គុណភាពអប់រំពេញសិទ្ធិ" (Full Accreditation)​ ដល់វិទ្យាស្ថានជាតិអប់រំកាយនិងកីឡា ដែលបានបំពេញស្របតាមលក្ខខណ្ឌតម្រូវនៃស្តង់ដាជាតិកម្រិតគ្រឹះស្ថានឧត្តមសិក្សាសម្រាប់រយៈពេល ៥ឆ្នាំបន្ត (២០២៦-២០៣០)។
សម្រាប់ព័ត៌មានលម្អិត ៖ 🌐 nipes.edu.kh

18/04/2026

ទូលព្រះបង្គំជាខ្ញុំ រួ​មទាំងបុគ្គលិកអប់រំនៃវិទ្យាស្ថានជាតិអប់រំកាយនិងកីឡា 🙏
សូមលើកហត្ថប្រណមបួងសួងដល់គុណបុណ្យ​ព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតា​រក្សាព្រះមហាស្វេតច្ឆត្រ ព្រះបារមីអតីតព្រះមហាវីរក្សត្រ ព្រះមហាក្សត្រ ព្រះមហាក្សត្រិយានីគ្រប់ព្រះអង្គ ជាទីគោរពសក្ការៈ សូមព្រះរាជមេត្តាអភិបាលថែរក្សា ព្រះករុណា ជាអម្ចាស់ជីវិត លើត្បូងជាទីគោរពសក្ការៈដ៏ខ្ពង់ខ្ពស់បំផុត ឆាប់បានជាសះស្បើយពីព្រះរោគ ព្រមទាំងមានព្រះរាជសុខភាពល្អ បរិបូរណ៍ កម្លាំង​ ពលំ​ មាំមួន ដើម្បីយាងនិវត្តន៍បន្តគង់ប្រថាប់ក្នុងព្រះបរមរាជសម្បត្តិ ជាម្លប់ដ៏ត្រជាក់ត្រជុំដល់កូនចៅប្រជានុរាស្ត្រខ្មែរគ្រប់រូបនៅទូទាំងព្រះរាជាណាចក្រកម្ពុជា ជាដរាបតរៀងទៅ🙏🙏🙏

13/04/2026

សារលិខិតជូនពរក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ សូមបួងសួងដល់វត្ថុស័ក្ដិសិទ្ធិ តាមបីបាច់ថែរក្សា និងប្រសិទ្ធពរជ័យ សិរីមង្គល វិបុលសុខ បវរប្រសើរ ជូនចំពោះ លោក ដួង សុចិត្រ នាយករងវិទ្យាស្ថានជាតិអប់រំកាយនិងកីឡា។
សូមគោរពជូនពី ថ្នាក់ដឹកនាំ និងមន្ត្រីគ្រប់ជាន់ថ្នាក់នៃវិទ្យាស្ថានជាតិអប់រំកាយនិងកីឡា។

13/04/2026

សារលិខិតជូនពរក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ សូមបួងសួងដល់វត្ថុស័ក្ដិសិទ្ធិ តាមបីបាច់ថែរក្សា និងប្រសិទ្ធពរជ័យ សិរីមង្គល វិបុលសុខ បវរប្រសើរ ជូនចំពោះ លោក អ៉ិត ឡេង នាយករងវិទ្យាស្ថានជាតិអប់រំកាយនិងកីឡា។
សូមគោរពជូនពី ថ្នាក់ដឹកនាំ និងមន្ត្រីគ្រប់ជាន់ថ្នាក់នៃវិទ្យាស្ថានជាតិអប់រំកាយនិងកីឡា។