05/05/2024
អបអរសាទរក្រុមជម្រើសជាតិម៉ូតូទឹកកម្ពុជា បាន បន្ថែមមេដាយមាស១ និងមេដាយប្រាក់២គ្រឿងទៀត ពីព្រឹត្តិការណ៍កម្រិតពិភពលោក នៅខេត្តRayong ប្រទេសថៃ
កីឡាករ ម៉ីន មូសស្តាន ឈ្នះមេដាយមាស១គ្រឿង
កីឡាករ សាលី ហ្វីលីន ឈ្នះមេដាយប្រាក់១ និងកីឡាករ ទៀត សាលេះ ដណ្តើមបានមេដាយប្រាក់ ១គ្រឿងទៀត លើវិញ្ញាសា Novice Runabout 1100 Stock បន្ទាប់ពីកីឡាករ សាលី ហ្វីលីន និងកៃវ៉ាន់ ស៊ីដែន ឈ្នះមេដាយមាសម្នាក់មួយគ្រឿងកាលពីម្សិលមិញ ពីព្រឹត្តិការណ៍ TOYOTA-WGP #1 WATER JET PRO TOUR 2024 ជុំទី២ នៅខេត្តរ៉ាក់យ៉ង ប្រទេសថៃ ដែលដឹកនាំដោយវីរ:កីឡាករ សាលី អ៊ូមើត ។
គួរបញ្ជាក់ថា ព្រឹត្តិការណ៍ TOYOTA-WGP #1 WATER JET PRO TOUR ជុំទី២ ឆ្នាំ២០២៤ ក្រុមជម្រើសជាតិម៉ូតូទឹកកម្ពុជា សរុប៧នាក់បានចូលរួម និងទទួលបានការឧបត្ថម្ភទាំងស្រុងពីលោក Henry Knauf ប្រធានក្លឹប Flamingo, OMS Rench SV Rench និងវីរៈកីឡាករ លោកសាលី អ៊ូមើត ។គិតត្រឹមថ្ងៃទី០៥ ខែឧសភានេះ ក្រុមជម្រើសជាតិម៉ូតូទឹកកម្ពុជា ដណ្តើមបានមេដាយសរុប៦គ្រឿង ក្នុងនោះមេដាយមាស៣ និងមេដាយប្រាក់៣គ្រឿងផងដែរ ។
ទាំងអស់គ្នាដើម្បីកីឡា ទាំងអស់គ្នាដើម្បីកម្ពុជាយើង🙏🙏🙏
