الملعب الأوروبي

25/12/2023

07/09/2021

يسرنا اعادة افتتاح ملعب العمقه (الملعب الاوروبي) ملعب كرة قدم خماسي ، ابتداء من يوم غد الاربعاء ٩/٨ ،
البس شرتك وبوتك وتعال احجز ، اهلا وسهلا في الجميع

25/09/2018

لما تكون طالب مجتهد ، و تقدر بقدرة قادر تفضالك ساعة زمان تلعب فيهم لعبة كرة قدم مع صحابك ، و بالآخر يطلع فيه خربطة بالحجز ، فبهالحالة انا مدين الك بإعتذار يا حمزة انت و صحابك .. و ان شاء الله اني اكون عوضتكم عن انتظاركم .. و تعويضي انا كان منظركم و انتم بتضحكوا و مستمتعين اثناء اللعبة

26/05/2018

يا رب ابو مكة تكون اصابته بسيطة
و يا رب مصر تتأهل للدور الثاني و تلعب مع اسبانيا
و يا رب وقتها عصام الحضري يخلع راموس بوكس على وجهه يجيبله رباط صليبي برجليه الثنتين و اسهال مزمن
و يا رب تركي الشيخ الي فاول على صلاح يجيه افتاق و تبول لا ارادي

26/05/2018

دعواتنا اليوم بالتوفيق لأبو مكة ...
على الأرجح رح يفوز ريال مدريد ؛ بس بنتمنى انه ليفربول يلعبوا برجولة و انه ابومكة يتألق اليوم .. و كل يوم
و تحياتنا للناس الي صارت تحضر مباريات كرة قدم بس عشان تشوف (ابومكة) ... و انا واحد منهم

26/05/2018

اليوم عيد ميلاد الملعب ؛ و بهالمناسبة الي انا شخصيا ناسيها فرح نعمل عرض لهاي الليلة بس ؛ و رح يكون الحجز للساعة بعشر دنانير فقط . العرض من الساعة تسعة لغاية الثلاثة الفجر ...

19/05/2018

هسه سكّرت الملعب و الصحيح كان ختامها مسك .
بصراحة انا قلبي مطفي من مجاملة الناس ; لكن اليوم إجاني شباب ذكّروني كم انه الكرك مليانه شباب بترفع الراس و نماذج مشرّفة بالأدب و حسن الخلق . حتى انهم أبهروني و كل شوي اتطلّع عليهم من الشباك أفكرهم روّحوا من شدّة هدوئهم ... بالفعل شباب رايقة
و ما قدرت أمنع نفسي إني أطلب منهم صورة جماعية عسى أنهم يكونوا قدوة للشباب الصغار من زباين الملعب
Malk Taraweneh و الله انك انت و الشباب شرّفتوني اليوم…

18/05/2018

اليوم كان بالملعب بطولة رمضانية لطلاب المدارس
و بصراحة الزعل و المشاحنات و التوتر كان هو سيد الموقف .
كان في أخطاء تنظيمية و إدارية بالجملة سببها مجاملات و استرضاء البعض على حساب آخرين .
(عاصم الطراونة) كان واحد من ضحايا هالأخطاء ، وعدته قبل مباراته الأخيرة أشجعه و أهتفله مقابل عدم اعتراضه على الظلم الي تعرضله .
عاصم و فريقه لعبوا بشرف و رجولة طوال المباراة ، و بالرغم من عدم التكافؤ إلا انه وصل للضربات الترجيحية و طلع بالنهاية من أرض الملعب مغلوب .. لكنه رافع راسه
عاصم .. انا فخور فيك و بالشباب الي معك

11/05/2018

قبل 15 سنة اجتاحت الأردن اشاعة عن عصابات بتخطف الأطفال ، و انا شخصيا ما كنت مقتنع و كنت بناقش أحد زملائي انه هالأمر مجرد كذب و اشاعات و حكيتله لو انه صحيح فليش ما يخطفوا الأطفال النور الي طول نهارهم بالشوارع لحالهم ؟؟!
زميلي جاوبني : انت لو زعيم عصابة خطف أطفال ما رح تخطف نوري… لإنه ببساطة نوري 😂😂
اليوم تفاجأت بهالزوار الجدد جيران الملعب بخيمهم اللطيفة