08/09/2026
Dagur vallarstarfsmanna – takk fyrir frábært starf! 💚⛳
Í dag, 8. september, er Thank a Greenkeeper Day – dagur þar sem golfheimurinn sameinast um að þakka vallarstjórum og vallarstarfsmönnum fyrir það mikilvæga starf sem þeir vinna á golfvöllum um allan heim.
Við hjá Golfklúbbi Kiðjabergs viljum nota tækifærið og færa vallarstjóra okkar, Florian Alin Barbu og vallarstarfsmönnum okkar bestu þakkir fyrir þeirra frábæra starf í sumar.
Að baki góðum golfvelli liggur gríðarleg vinna. Vinnudagurinn hefst oft löngu áður en fyrstu kylfingar mæta á völlinn og verkefnin eru ótal – sláttur, umhirða flata og teiga, glompur, áveita, viðhald og fjölmargt annað sem kylfingar sjá jafnvel aldrei.
Kiðjabergsvöllur hefur verið í einstaklega góðu ástandi í sumar og höfum við fengið jákvæðar umsagnir frá bæði félagsmönnum og gestum um gæði og ásýnd vallarins. Það er fyrst og fremst afrakstur metnaðar, þekkingar og mikillar vinnu þeirra sem sjá um völlinn frá degi til dags.
Við erum afar stolt af okkar vallarstarfsmönnum og því starfi sem unnið hefur verið í sumar.
Í dag segjum við einfaldlega – takk! 💚
Takk fyrir metnaðinn, vinnuna og umhyggjuna fyrir Kiðjabergsvelli. ⛳👏
![UPPFÆRT [11/09/2026 14:00]Kæru kylfingar,Mjög blautt hefur verið á Kiðjabergsvelli framan af degi í dag en búið er að le...](https://img4.gyms1.com/451/656/1509826764516568.jpg)
