KKÍ - Körfuknattleikssamband Íslands

KKÍ - Körfuknattleikssamband Íslands Körfuknattleikssamband Íslands · Icelandic Basketball Accociation

KKÍ hefur nú í samstarfi við ORIGO þróað nýtt rafrænt félagaskiptakerfi sambandsins.Við þökkum starfsfólki ORIGO fyrir f...
16/09/2026

KKÍ hefur nú í samstarfi við ORIGO þróað nýtt rafrænt félagaskiptakerfi sambandsins.

Við þökkum starfsfólki ORIGO fyrir flotta vinnu í kringum þetta ferli. Einnig þökkum við þeim fulltrúum félaganna sem hafa aðstoðað okkur við prófanir undanfarnar vikur.

Félögin fengu kynningu á kerfinu á upplýsingafundi KKÍ þann 4. september síðastliðinn en kerfið er tilbúið til notkunar og munu innlend félagaskipti fara pappírslaust í gegnum kerfið. Nýskráning erlendra leikmanna er með sama hætti og áður.

Allar fyrirspurnir varðandi félagaskipti skal senda á [email protected]

Þessi breyting, að gera félagaskiptin almennt rafræn, er klárlega leikbreytir fyrir starf skrifstofunnar og félaganna. Þessi vegferð er eitt jákvætt skref af vonandi mörgum í átt til framtíðar innan körfuboltahreyfingarinnar á Íslandi.

Fræðslufundur fyrir nýja og nýlega dómara 🏀KKÍ hélt fræðslufund fyrir nýja og nýlega dómara í Íþróttamiðstöðinni í Lauga...
15/09/2026

Fræðslufundur fyrir nýja og nýlega dómara 🏀

KKÍ hélt fræðslufund fyrir nýja og nýlega dómara í Íþróttamiðstöðinni í Laugardal laugardaginn 12. september. Markmiðið var að styðja dómara á fyrstu skrefunum, efla leikskilning þeirra og fara yfir praktísk atriði sem fylgja dómarastarfinu.

Jón Bender, formaður dómaranefndar KKÍ, fjallaði um nefndina og samskipti við hana. Bjarki Kristjánsson, formaður KKDÍ, kynnti félagið og praktísk málefni dómara. Rúnar Birgir, FIBA Commissioner, fór yfir niðurröðunarkerfið, dómaraviðmótið, ritaraborðið og skýrslugerð.

Konráð Brynjarsson miðlaði reynslu sinni af dómgæslu í yngri flokkum og Kristinn Óskarsson fjallaði um grunnatriði góðrar dómgæslu, meðal annars leikskilning, staðsetningar, ákvarðanatöku og framkomu.

Áherslan var á að tengja reglurnar við aðstæður á vellinum og hjálpa dómurum að mæta verkefnum sínum af þekkingu og öryggi. Fundurinn var jafnframt tækifæri til að kynnast öðrum dómurum og þeim stuðningi sem stendur til boða innan dómarahópsins.

KKÍ þakkar þátttakendum og fyrirlesurum fyrir daginn og óskar dómurum góðs gengis á komandi tímabili!

Frakkland vann Þýskaland með 22 stiga mun í undanúrslitum HM í gær, 86-64 og sigldu þar með þægilega inn í úrslitaleikin...
13/09/2026

Frakkland vann Þýskaland með 22 stiga mun í undanúrslitum HM í gær, 86-64 og sigldu þar með þægilega inn í úrslitaleikinn í kvöld.

Núverandi heimsmeistarar Bandaríkjanna unnu 10 stiga sigur gegn Spáni, 76-66 og eiga því möguleika á að verða heimsmeistarar fimmta skiptið í röð.

Spánn og Þýskaland eigast því við um bronsið í Berlín kl. 14:30 í dag 🥉

Bandaríkin og Frakkland endurtaka úrslitaleik Ólympíuleikanna og berjast um gullið kl. 18:00 í kvöld 🥇

Bronsleikurinn er sýndur í beinni útsendingu á RÚV og úrslitaleikurinn er sýndur í beinni útsendingu á RÚV2 📺

Við eigum okkar fulltrúa í Berlín en Hannes S. Jónsson framkvæmdastjóri KKÍ og varaforseti FIBA Europe er staddur á úrslitahelginni ásamt eiginkonu sinni Bergþóru Sigurjónsdóttur en þau hafa undanfarna daga hitt fulltrúa og leikmenn liðanna sem leika um verðlaunasætin á HM.

Það er gott og mikilvægt fyrir KKÍ og íslensku körfuboltahreyfinguna í heild sinni að vera í innsta hring alþjóðlegs körfubolta 🇮🇸🏀

📸 Hannes S. Jónsson

Fjórir stórsigrar í 8-liða úrslitum HM kvenna!Þjóðirnar fjórar sem komnar eru í undanúrslitin í Berlín um helgina unnu a...
11/09/2026

Fjórir stórsigrar í 8-liða úrslitum HM kvenna!

Þjóðirnar fjórar sem komnar eru í undanúrslitin í Berlín um helgina unnu allar stóra sigra í 8-liða úrslitum gærdagsins.

Spánn vann 23 stiga sigur gegn Ástralínu, 89-66 og mæta í undanúrslitum ríkjandi heimsmeistaraliði Bandaríkjanna sem átti ekki í neinum vandræðum með Ungverjaland en lokatölur voru 108-56. Ótrúlegur 52 stiga sigur bandaríska liðsins en það verður fróðlegt að sjá hvernig þeim spænsku gengur gegn þeim bandarísku á morgun.

Frakkar áttu ekki í neinum vandræðum með Kínverja en þær frönsku unnu 29 stiga sigur, 90-61. Minnsti munuruinn var í leik Belgíu og Þýskalands þar sem Þjóðverjar unnu "bara" 19 stiga sigur, 93-74. Heimaliðið því komið í undanúrslit en þýska liðið fær virkilega góðan stuðning í heimahöllinni í Berlín.

Við vonum að undanúrslitin verði jafnari og treystum áfram á skemmtilega leiki sem vinir okkar á RÚV gera góð skil.

Undanúrslit HM kvenna 2026 í Berlín laugardaginn 12. september:

Frakkland - Þýskaland kl. 14:30 á RÚV2
Spánn - Bandaríkin kl. 18:00 á RÚV2

Heimsmeistarar verða svo krýndir á sunnudagskvöld í Berlín!

📸 FIBA

Gulur september felur í sér samvinnu um geðrækt og sjálfsvígsforvarnir á öllum stigum. Í dag er guli dagurinn þar sem sa...
10/09/2026

Gulur september felur í sér samvinnu um geðrækt og sjálfsvígsforvarnir á öllum stigum. Í dag er guli dagurinn þar sem samfélagið reynir að hafa allt í gulu.

Af hverju gulur september?
Til að vekja athygli á geðheilbrigði og sjálfsvígsforvörnum.

Af hverju gulur?
Gulur er litur sjálfsvígsforvarna.

Af hverju september?
Haustið er valið því 10. september er Alþjóðadagur sjálfsvígsforvarna og 10. október er Alþjóða geðheilbrigðisdagurinn.

Af hverju semikomma?
Hún vísar til framhalds; seiglu og vonar.

Við erum öll í sama liðinu!

gulurseptember.is

HM kvenna í körfubolta er í fullum gangi og 8-liða úrslitin hefjast í Berlín í dag.Mótið hefur verið stórskemmtilegt og ...
10/09/2026

HM kvenna í körfubolta er í fullum gangi og 8-liða úrslitin hefjast í Berlín í dag.

Mótið hefur verið stórskemmtilegt og við væntum enn frekari veislu nú þegar útsláttarkeppnin hefst með 8 bestu liðum heims.

RÚV sýnir alla leikina sem eftir eru og í dag eru 8-liða úrslitin leikin og kláruð.

Undanúrslitin eru svo spiluð laugardaginn 12. september og úrslitaleikurinn ásamt bronsleik eru leiknir í Berlín sunnudaginn 13. september.

RÚV dagskráin framundan á HM kvenna:

8-liða úrslit HM kvenna fimmtudaginn 10. september 2026

Bandaríkin - Ungverjaland kl. 09:30 RÚV
Kína - Frakkland kl. 12:30 RÚV
Belgía - Þýskaland kl. 15:45 RÚV
Ástralía - Spánn kl. 18:45 RÚV 2

Undanúrslitaleikirnir eru eins og segir hér að ofan laugardaginn 12. september kl. 16:30 og 20:00 og eru sýndir á RÚV2.

Úrslitaleikurinn er kl. 18:00 sunnudaginn 13. september og sýndur á RÚV2. Bronsleikurinn er leikinn sama dag kl. 14:30 og er sýndur á RÚV.

Deildarkeppni yngri flokka fór af stað um nýliðna helgi með leikjum í 9. og 10. flokki og fóru leikirnir fram um allt la...
07/09/2026

Deildarkeppni yngri flokka fór af stað um nýliðna helgi með leikjum í 9. og 10. flokki og fóru leikirnir fram um allt land.

Þessi helgi í upphafi september er kveikjan að stemningunni sem framundan er í flestum íþróttahúsum landsins þar sem þúsundir leikja verða spilaðir þegar horft er yfir alla flóruna, yngstu flokkana og upp í meistaraflokk.

Við hlökkum til að fylgjast vel með starfi félaganna á komandi misserum og nú er tíminn til að drippla, senda og skjóta.

Landsleikjasumar yngri flokka var algjörlega til fyrirmyndar og vonandi forsmekkurinn að því sem koma skal í vetur. Sömuleiðis hefur stemningin í úrvalsbúðum KKÍ verið góð - allt hefur þetta vonandi góð áhrif á umgjörð yngri flokkanna.

Áfram íslenskur körfubolti og góða skemmtun öll sem eitt.

Treyjudagurinn var haldinn hátíðlegur á skrifstofu KKÍ í dag. Starfsfólk skrifstofunnar mætti í treyjum sem höfðu ýmsar ...
04/09/2026

Treyjudagurinn var haldinn hátíðlegur á skrifstofu KKÍ í dag. Starfsfólk skrifstofunnar mætti í treyjum sem höfðu ýmsar sögulegar og persónulegar skýringar.

Liðsmynd (sem sumir héldu að ætti að vera alvarleg) og svo stemningsmynd náðist af hópnum í kjölfarið.

Við hvetjum öll sem geta að styrkja verkefnið inni á treyjudagur.is

HM kvenna 2026 í körfubolta hefst í Berlín í dag og lýkur með úrslitaleik sunnudaginn 13. september.16 bestu landslið he...
04/09/2026

HM kvenna 2026 í körfubolta hefst í Berlín í dag og lýkur með úrslitaleik sunnudaginn 13. september.

16 bestu landslið heims leika á mótinu og verður gaman að fylgjast með sterkustu körfuknattleikskonum veraldar leika listir sínar. Bandaríkin eru ríkjandi heimsmeistarar og hafa unnið síðustu fjórar heimsmeistarakeppnir.

Við fáum að sjá vel valda leiki riðlakeppninnar í beinni á RÚV/RÚV2 næstu dagana og svo verða umspils og útsláttarleikir allir sýndir sömuleiðis í beinni útsendingu Ríkisútvarpsins. Það er klárlega veisla framundan fyrir körfuboltaunnendur.

Upplýsingar um mótið má finna hér að neðan á opinberri heimasíðu mótsins:

https://www.fiba.basketball/en/events/fiba-womens-basketball-world-cup-2026

Leikir riðlakeppninnar í beinni útsendingu á RÚV/RÚV2 næstu daga:

4. september kl. 12:15 Bandaríkin - Kína RÚV
4. september kl. 15:45 Spánn - Þýskaland RÚV
5. september kl. 16:00 Þýskaland - Japan RÚV2
6. september kl. 18:45 Ítalía - Bandaríkin RÚV2
7. september kl. 18:45 Bandaríkin - Tékkland RÚV2

📸 RWS Global / USA World Champions 2022

Alþjóða körfuknattleikssambandið, FIBA, hefur gefið út nýjar leikreglur sem taka gildi nú í haust. Ein af þessum breytin...
03/09/2026

Alþjóða körfuknattleikssambandið, FIBA, hefur gefið út nýjar leikreglur sem taka gildi nú í haust.

Ein af þessum breytingum er að óíþróttamannsleg villa heitir ekki lengur því nafni heldur hefur henni verið skipt upp í annars vegar ,,Disruptive foul" og ,,Flagrant foul".

Disruptive foul á við um brot sem eru harkalegri en venjuleg villa en þó er það frekar villa sem framkvæmdar eru af leikmönnum til að stoppa leikinn utan anda körfuboltans án þess þó að vera harkalegt. Ef villan er hins vegar talin harkaleg þá ætti að dæma Flagrant foul - nema auðvitað ef brotið verðskuldar brottrekstrarvillu.

KKÍ veit að margt áhugafólk um körfubolta hefur áhuga á íslensku máli og því leitum við til ykkar út í hreyfinguna til að finna góðar þýðingar á þessar nýju villur.

Þau ykkar sem hafið góðar íslenskar tillögur fyrir Disruptive foul og Flagrant foul, eruð eindregið hvött til að senda póst á [email protected] eða skrifa athugasemd við þessa færslu.

Við hlökkum til að sjá skemmtilegar tillögur berast í hús👏

Áfram körfubolti 🏀

Address

Íþróttamiðstöðinni Laugardal
Reykjavík
104

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+3545144100

Website

Alerts

Be the first to know and let us send you an email when KKÍ - Körfuknattleikssamband Íslands posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KKÍ - Körfuknattleikssamband Íslands:

Shortcuts

Share

Category