Knattspyrnudeild Fram

Knattspyrnudeild Fram Síða knattspyrnudeildar Fram. Hér getur þú séð fréttir úr starfi meistara- og yngri flokka.

Í leiknum gegn Blikum í kvöld bera leikmenn Fram sorgarbönd til minningar um Hólmbert Friðjónsson, fyrrverandi þjálfara ...
15/09/2026

Í leiknum gegn Blikum í kvöld bera leikmenn Fram sorgarbönd til minningar um Hólmbert Friðjónsson, fyrrverandi þjálfara Fram, sem lést á dögunum, 85 ára að aldri.

Hólmbert tók við þjálfun meistaraflokks karla hjá Fram árið 1979 og stýrði liðinu í þrjú ár, til ársins 1981. Tími hans hjá félaginu var afar farsæll. Undir stjórn Hólmberts varð Fram bikarmeistari tvö ár í röð, 1979 og 1980, og liðið hafnaði í öðru sæti Íslandsmótsins bæði 1980 og 1981.

Hólmbert átti langan og farsælan feril í íslenskri knattspyrnu, bæði sem leikmaður og þjálfari, og stýrði alls 191 leik í efstu deild karla. Hann þjálfaði einnig Keflavík, Njarðvík og KR auk 21 árs landsliðs Íslands.

Knattspyrnudeild Fram minnist Hólmberts með hlýhug og þakklæti fyrir hans mikilvæga framlag til sögu félagsins.

Fjölskyldu Hólmberts og aðstandendum sendum við okkar innilegustu samúðarkveðjur.

Lokaspretturinn hefst á morgun! Kæru FRAMarar - þá eru það síðustu 5 leikirnir í þessu íslandsmóti! Strákarnir okkar tak...
14/09/2026

Lokaspretturinn hefst á morgun!

Kæru FRAMarar - þá eru það síðustu 5 leikirnir í þessu íslandsmóti! Strákarnir okkar taka á móti Breiðablik og hvetjum við ykkur öll til þess að fjölmenna í dalinn okkar fagra - hvetja strákana áfram og sigla þessum 3 stigum heim! 💙💙

⚽ FRAM - Breiðablik
📆 Þriðjudaginn 15.september
🕛 19:15
📍 Lambhagavöllur

Strákarnir okkar fara Í Víkina á morgun sunnudag og mæta þar Víkingum kl. 14:00.Stefnan er sett á sigur og 2. sætið í de...
05/09/2026

Strákarnir okkar fara Í Víkina á morgun sunnudag og mæta þar Víkingum kl. 14:00.

Stefnan er sett á sigur og 2. sætið í deildinni fyrir úrslitakeppnina.

Til þess að það verði að veruleika þurfa strákarnir allan þann stuðning sem mögulegur er úr stúkunni.

Framarar! Fjölmennum í Víkina í bláu og hvetjum strákana okkar áfram til sigurs!

Stelpurnar okkar fara til Vestmannaeyja á morgun laugardag og mæta þar ÍBV á Hásteinsvelli kl. 15:30.Þetta er lokaleikur...
04/09/2026

Stelpurnar okkar fara til Vestmannaeyja á morgun laugardag og mæta þar ÍBV á Hásteinsvelli kl. 15:30.

Þetta er lokaleikur liðanna í Bestu deildinni fyrir úrslitakeppni.

Við hvetjum alla Framara sem hafa tök á að skella sér í dagsferð til Eyja og styðja okkar konur til sigurs.

Getraunastarfið hefst á ný.Hið margrómaða getraunastarf Fram hefst laugardaginn 5. september og verður starfrækt milli k...
04/09/2026

Getraunastarfið hefst á ný.

Hið margrómaða getraunastarf Fram hefst laugardaginn 5. september og verður starfrækt milli klukkan 10 og 12 á laugardögum í vetur.

Spekingar og spámenn hittast í Framhúsinu í Úlfarsárdal á laugardögum, ræða málin í sem víðustum skilningi og fylla út getraunaseðla helgarinnar.

Fjölmargir möguleikar og getraunakerfi eru í boði í frábærum félagsskap.

Kíktu í kaffi milli klukkan 10 og 12 á laugardögum.

Allir velkomnir

Treyjudagurinn verður haldinn í fyrsta skipti á Íslandi á morgun 4. september.Á Treyjudeginum klæðist fólk uppáhaldstrey...
03/09/2026

Treyjudagurinn verður haldinn í fyrsta skipti á Íslandi á morgun 4. september.

Á Treyjudeginum klæðist fólk uppáhaldstreyjunni sinni til stuðnings börnum með krabbamein og fjölskyldum þeirra. Dagurinn hefur verið haldinn í Danmörku, Svíþjóð og Noregi um árabil.

Á örfáum árum hefur átakið sameinað þúsundir einstaklinga, fyrirtækja, skóla og íþróttafélaga í stuðningi við börn með krabbamein.

Með Treyjudeginum bætist Ísland í hópinn þar sem við stöndum með börnum með krabbamein og fjölskyldum þeirra.

Börn með krabbamein, styrktarfélag stendur að deginum. Félagið styður börn með krabbamein og fjölskyldur þeirra með fjölbreyttum hætti.

Við hvetjum alla Framara til að klæðast uppáhaldstreyjunni sinni á Treyjudeginum og styðja þennan mikilvæga málstað. Hægt er að kynna sér málefnið betur inni á https://treyjudagur.is/

Leikmenn meistaraflokka Fram tóku forskot á Treyjudaginn um síðustu helgi í leikjum sínum í Bestu deildinni.

📷Kristinn Steinn Traustason

Bar-8 opnar kl. 15:00 í veislusalnum á 3. hæð.Enski boltinn á skjánum og kaldur á krana.Mætum snemma og hitum upp fyrir ...
30/08/2026

Bar-8 opnar kl. 15:00 í veislusalnum á 3. hæð.

Enski boltinn á skjánum og kaldur á krana.

Mætum snemma og hitum upp fyrir Fram-KA sem hefst kl. 17:00

Nú er komið að 21. umferð Bestu deildarinnar. Við Framarar tökum á móti KA á Lambhagavelli á morgun sunnudag kl. 17:00....
29/08/2026

Nú er komið að 21. umferð Bestu deildarinnar. Við Framarar tökum á móti KA á Lambhagavelli á morgun sunnudag kl. 17:00.

Í síðasta leik unnum við magnaðan 3-4 sigur gegn Blikum á Kópavogsvelli í æsispennandi leik. Eftir sigurinn sitjum við nú jafnir KR-ingum að stigum í 2.-3. sæti deildarinnar. Við ætlum okkur að sjálfsögðu upp fyrir KR-inga í 2. sætið og um leið saxa á forskot Víkinga á toppnum. KA-menn eru þó sýnd veiði en ekki gefin en þeir sitja í 11. sæti deildarinnar með 16 stig.

Við vonumst til að sjá ykkur sem flest í Úlfarsárdalnum á morgun og treystum því á að þið pikkið í alla þá Framara sem nálægt ykkur eru og hvetjið þá til að fjölmenna á völlinn. Stuðningurinn í stúkunni getur gert gæfumuninn og við þurfum allar hendur á dekk til þess að tryggja okkur sigurinn.

Miða á leikinn er hægt að kaupa á Stubb: https://stubb.is/events/bX40vb

Stelpurnar okkar taka á móti Stjörnunni í gríðarlega mikilvægum leik á laugardag kl. 14:00 á Lambhagavelli. Frítt er á ...
27/08/2026

Stelpurnar okkar taka á móti Stjörnunni í gríðarlega mikilvægum leik á laugardag kl. 14:00 á Lambhagavelli. Frítt er á leikinn í boði Íbúasamtaka Úlfarsárdals.

Stelpurnar þurfa ALLAN ykkar stuðning til þess að koma sér aftur á sigurbraut og í efri hluta deildarinnar fyrir úrslitakeppnina!

Við ætlum að ná í stigin 3 og hvetjum alla FRAMara til þess að mæta á Lambhagavöll á laugardaginn og hjálpa stelpunum í sinni baráttu 💙

Eins og áður segir er frítt á leikinn í boði Íbúasamtaka Úlfarsárdals og kunnum við þeim bestu þakkir fyrir.

Áfram FRAM!

Páll Árnason ráðinn yfirmaður knattspyrnumála hjá FramKnattspyrnudeild og barna- og unglingaráð Fram hafa ráðið Pál Árna...
21/08/2026

Páll Árnason ráðinn yfirmaður knattspyrnumála hjá Fram

Knattspyrnudeild og barna- og unglingaráð Fram hafa ráðið Pál Árnason sem yfirmann knattspyrnumála hjá félaginu. Ráðningin er liður í breytingum á faglegri forystu knattspyrnudeildarinnar, þar sem lögð er aukin áhersla á skýra stefnu, afreksstarf og áframhaldandi uppbyggingu yngri flokka.

Páll hefur störf hjá Fram 1. september 2026. Meginverkefni hans verða að leiða mótun, innleiðingu og eftirfylgni stefnu fyrir yngri flokka og afreksstarf félagsins. Hann mun vinna náið með yfirþjálfara yngri flokka, stjórn knattspyrnudeildar, barna- og unglingaráði og þjálfurum meistaraflokka að því að skapa skýra heildarsýn og sterkan faglegan grunn fyrir knattspyrnustarfið.

Auður Geirsdóttir, formaður barna- og unglingaráðs Fram:

„Við erum mjög ánægð með að fá Pál til liðs við okkur. Hann kemur með mikla reynslu og þekkingu sem mun nýtast okkur vel í þeirri vegferð sem fram undan er. Við höfum metnað til að taka næsta skref í faglegri uppbyggingu yngri flokka, skapa skýrari stefnu og styrkja enn frekar umgjörðina í kringum afreksstarfið. Við teljum Pál rétta aðilann til að leiða þá vinnu með okkur.“

Guðmundur Torfason, formaður knattspyrnudeildar Fram:

„Ráðning Páls er mikilvægt skref í þeirri uppbyggingu sem við viljum sjá hjá knattspyrnudeild Fram til lengri tíma. Markmiðið er að efla faglega forystu, skapa meiri samfellu í starfinu og tryggja skýra sýn á þróun leikmanna frá yngstu flokkum og áfram. Við erum mjög ánægð með að fá Pál inn í félagið og hlökkum til samstarfsins.“

Við bjóðum Pál hjartanlega velkominn til starfa hjá Fram og hlökkum til samstarfsins.

Address

Úlfarsbraut 126
Reykjavík
113

Telephone

+3545335600

Website

Alerts

Be the first to know and let us send you an email when Knattspyrnudeild Fram posts news and promotions. Your email address will not be used for any other purpose, and you can unsubscribe at any time.

Shortcuts

Share

Category