Fjallahjólaklúbburinn

07/04/2026

Við höfum farið þó nokkuð út fyrir bæjarmörkin á þessu ári. Við höfum hjólað á Selfossi, Akranesi og Akureyri. Í Hveragerði og Reykjanesbæ. Ýmist dagsferðir eða helgarferðir með gistingu. Nokkuð ljóst að við gistum ekki í tjöldum að vetrarlagi, við höfum gist í bústöðum eða ódýrri hótelgistingu.

Ef einhver vill ekki láta birta myndir af sér í ferðalögum og öðrum viðburðum, þá verðum við að sjálfsögðu við því.

Næsta ferð er á dagskrá 22 maí. Gist í bústað í Fjárhústungum (í nágrenni Húsafells) og hjólað um nágrennið, hvert verður að koma betur í ljós eftir ástandi vega og slóða í nágrenninu. Heitur pottur, grill og næs. Við getum ferjað hjólin ef á þarf að halda. Takmarkað pláss, fyrstur kemur fyrstur fær. Vinsamlega tilkynnið þátttöku til Hrannar í email [email protected] Kostnaði verður stillt í hóf og dagleiðir skipulagðar miðað við þáttakendur og eins og áður sagði, veðri og færð.

Hér má sjá myndir úr þeim ferðum sem hafa verið farnar á fyrstu þremur mánuðum ársins.

https://photos.app.goo.gl/wQFo7p5cgn4NTpVP6

07/02/2026

Viltu skrifa í árlega tímaritið okkar, Hjólhestinn?

Venju samkvæmt hófst vinna við árlega tímaritið okkar Hjólhestinn í upphafi árs og auglýsum við enn eftir efni. Það er laust pláss fyrir ýmisskonar pistla, ferðasögur, reynslusögur úr starfi klúbbsins og allskonar. Við látum samt aðra að mestu um að fjalla um keppnissportið.

Það væri t.d. gaman að heyra frá einhverjum sem byrjaði nýlega að nota hjólið sem samgöngutæki og heyra hvað dreif viðkomandi af stað og hver reynslan hefur verið. Það má líka fjalla um ferð með klúbbnum eða aðrar skemmtilegar hjólaferðir eða ferðalög eða ævintýri sem fólk hefur upplifað.

Skilafrestur á efni er 21. febrúar. Þó væri gott að heyra sem fyrst frá þeim sem eru með efni í undirbúning. Hver síða rúmar 6-700 orð / 3200-3500 slög en minna með myndum. - Það er skemmtilegra að hafa myndir með. Ef textinn er mjög mikill getum við líka birt góðan kafla í blaðinu og síðan haft söguna alla á vef klúbbsins.

Einnig vantar okkur aðstoð við að afla auglýsinga til að fjármagna blaðið og eru allar ábendingar og aðstoð vel þegin því eins og ávallt er allt starf unnið af sjálfboðaliðum hjá klúbbnum.

Sendið efni á netfang klúbbsins: [email protected]

26/11/2025

Síðasti hjólatúrinn á þessu ári? Já, það er spurningamerki, aðsóknin hefur verið framar öllum vonum þessa 11 laugardaga, oftast um 10-15 manns. Svo við munum pottþétt halda áfram eftir áramót. En líka spurning að hjóla saman í desember, hefur fólk eitthvað annað og betra að gera á laugardagsmorgnum? Ég bara spyr!

Sesselja nefndi í sumar að hún saknaði laugardagshjólatúranna. En LHM undir dyggri forystu Árna Davíðssonar stóð fyrir hjólatúrunum á árum áður. Svo við ákváðum nokkur í Fjallahjólaklúbbnum á sellufundi að endurvekja laugardagsferðirnar. Nú skorum við á Sesselju að mæta í síðasta nóvemberhjólatúrinn, við munum launa henni fyrir uppástunguna með rúnnstykki og heitum kakóbolla.

Það spáir 12 stiga frosti á laugardaginn, svo hjólatúrinn verður stuttur. Upp í Grafarholt, þar sem við munum hjóla þvers og kruss um hverfið þangað til einhver segir „Hingað og ekki lengra“ en þá tökum við stystu leið á Kaffi Holt sem er í hverfinu.

Við leggjum af stað kl 11:00 laugardaginn 29 nóvember frá Sævarhöfða 31. Öll velkomin og ókeypis þátttaka. Hér má sjá yfirlitsmynd úr ferðum vetrarins.

03/11/2025

Starfið framundar. Við munum halda áfram með laugardagshjólatúrana út nóvember. Færðin hefur vissulega versnað aðeins og okkur fækkað aðeins, en það er ekkert mál að hjóla um Höfuðborgina á nagladekkjum. Myndin er úr síðustu ferð, sjá fleiri myndir og sögu ferðarinnar með Hrekkjavökuþema í albúmi.

https://photos.app.goo.gl/XfPPooREjmFAg69f8

Takið daginn frá. Fimmtudaginn 4 desember verður aðventukaffi í Klúbbhúsinu Sævarhöfða 31, sem við deilum með Reiðhjólabæandum. Viðburður verður stofnaður þegar nær dregur.

Tap to view!

20/10/2025

Opið hús á verkstæðinu í kvöld frá 18:00 til 21:00. Nú nálgast vetur óðfluga og þá þarf að vinda sér yfir á nagladekkin. Við aðstoðum við það. Þ.e. þið þurfið að koma með eigin nagladekk og hjólið, í það minnsta gjarðirnar.

N.b. til að þýta ykkur aðstöðuna þurfið þið að vera félagar í Fjallahjólaklúbbnum eða Reiðhjólabændum.

Hrönn ætlar að mæta og aðstoða við dekkjaskipti ásamt öðrum vöskum sjálfboðaliðum, við munum bjóða upp á kaffi og vöfflur í kaffistofunni inn af verkstæðinu.

Þá verður gluggað í skyndihjálpartuðruna sem allir sem hjóla þurfa að hafa í töskunni sinni, en Hrönnin var á skyndihjálparnámskeiði um helgina.

Sævarhöfði 31, láttu sjá þig 😎

11/10/2025

Við vorum svolítið efins hvort við ættum að hafa skipulagða hjólatúra í vetur, en þátttakan hefur komið okkur ánægjulega á óvart. Nú eru fjórar ferðir búnar, en við ákváðum að hafa ferðirnar út nóvember og sjá svo til eftir áramót. 11-16 hafa mætt í hverja ferð, sem slær jafnvel þriðjudagskvöldferðirnar út. Í þeim var þáttaka frá 2 og upp í 15 aðila.

Leiðarval er frjálst, einhver tekur boltann og ákveður hvert skuli hjóla. Næsta laugardag sér Kolla um skipulagngingu og leiðsögn að Vífilsstaðavatni.

27/08/2025

Það var hún Lilja sem vann mætingabikarinn 2025. Mætti í 13 ferðir af 17. Til hamingju. Hér má sjá fleiri myndir úr þriðjudagsferðunum, þar á meðal frá lokahófinu.

Takk öll sem mættuð og tókuð þátt í hjólaferðunum með okkur.

https://photos.app.goo.gl/wZXBJafSLnajKbSr7

30/06/2025

Minningarhjólið um Viktor Arman heppnaðist svona líka ljómandi vel. Við þökkum öllum sem hjóluðu, gengu eða mættu í kaffið í klúbbhúsinu að Sævarhöfða 31. Hér má sjá myndir frá þessum fallega degi:

Shared album · Tap to view!

20/04/2025

Það verður opið hús að Sævarhöfða 31 mánudaginn 21 apríl (annar í páskum) frá 19:00 til 21:00 Verkstæðið raunar opið frá 18:00, þá eru Reiðhjólabændur við völd. Við mætum með kaffi og heimabakað bakkelsi um kl 19:00. Allir velkomnir.

08/04/2025

Kristjana lést í mars síðastliðnum eftir skammvinn veikindi. Við minnumst góðrar hjólavinkonu sem tók mikinn þátt í starfinu með okkur frá 2010 ásamt eiginmanni sínum, Hjálmari. Við færum honum og öðrum ástvinum, okkar innilegustu samúðarkveðjur. Hvíl í friði elsku Kristjana.

19/01/2025

Venju samkvæmt hefst vinna við árlega tímaritið okkar Hjólhestinn núna í upphafi árs og auglýsum við hér með eftir efni. Það er laust pláss fyrir ýmisskonar pistla, ferðasögur, reynslusögur úr starfi klúbbsins og allskonar. Við látum samt aðra að mestu um að fjalla um keppnissportið.

Það væri t.d. gaman að heyra frá einhverjum sem byrjaði nýlega að nota hjólið sem samgöngutæki og heyra hvað dreif viðkomandi af stað og hver reynslan hefur verið. Það má líka fjalla um ferð með klúbbnum eða aðrar skemmtilegar hjólaferðir eða ferðalög eða ævintýri sem fólk hefur upplifað.

Skilafrestur á efni er 21. febrúar. Þó væri gott að heyra sem fyrst frá þeim sem eru með efni í undirbúning. Hver síða rúmar 6-700 orð / 3200-3500 slög en minna með myndum. - Það er skemmtilegra að hafa myndir með. Ef textinn er mjög mikill getum við líka birt góðan kafla í blaðinu og síðan haft söguna alla á vef klúbbsins.

Einnig vantar okkur aðstoð við að afla auglýsinga til að fjármagna blaðið og eru allar ábendingar og aðstoð vel þegin því eins og ávallt er allt starf unnið af sjálfboðaliðum hjá klúbbnum.

Sendið efni á netfang klúbbsins: [email protected]