ManUtd Iceland

14/06/2026

🔴 Draumurinn um Old Trafford byrjar hér! 🔴
Félagsgjöld Stuðningsmannaklúbbs Manchester United á Íslandi eru komin í bankann.

Og nú er rétti tíminn til að tryggja sér aðild fyrir komandi tímabil.

Með árgjaldinu færðu meðal annars:
> Veglegan gjafapakka
Sendan út um mánaðamót nóvember og desember.

> Forgang að miðum á heimaleiki Manchester United
Félagsmenn fá aðgang að því að kaupa staka miða á alla heimaleiki tímabilsins.

> Forgang að VIP-miðum
Þar á meðal Club Level og Sir Bobby Charlton Suite.

> Forgang að miðum á útileiki
Meðal annars á alla leiki Manchester United í London.

⚽ Forgang að Matchday Experience á Hotel Football
Ótrúleg upplifun fyrir og eftir leik og fullkomin Old Trafford upphitun.

🎡 Lukkuhjólið MUSC Iceland og BETSSON heldur áfram!
Lukkuhjólið sló rækilega í gegn á síðustu leiktíð og verður á fullum snúningi allt næsta tímabil.

Vinningahafar, sem eru félagsmenn, fá sannkallaða draumaupplifun:
>Tveir miðar á besta stað á Old Trafford
> Aðgangur að glæsilegu Manchester Suite
> Upplifun sem toppar allt!
Þetta er fyrir stuðningsfólk sem vill magnaða upplifun, frábær sæti og ógleymanlega ferð á Old Trafford.

Með aðild styður þú jafnframt góð málefni:
❤️ Ferðasjóð fatlaðra, með aðgengi að hjólastólasvæði á Old Trafford
❤️ Styrktarsjóð langveikra barna
Ekki láta drauminn fara fram hjá þér.

Skráðu þig í dag og vertu hluti af Manchester United-fjölskyldunni á Íslandi! > Hafðu samband: [email protected]

23/05/2026

Okkar maður 👊👍

21/05/2026

05/05/2026

Man utd vs Liverpool 🥰
Kveðja frá Ingu til klúbbsins

“ Takk kærlega fyrir að redda þessum miðum fyrir mig. Bestu 90 mínútur í mínu lífi ”

27/04/2026

https://easecure.is/mem/

It takes you back to a goal, a final, a player, or a moment that meant something. Every piece tells a story — and that’s what makes collecting truly special.

01/04/2026

31/03/2026

Það var sannkölluð draumahelgi þegar Viktor og Andri héldu til Manchester og heimsóttu Old Trafford á vegum Styrktarsjóðs MUSC Iceland. Ferðin bauð upp á skemmtilega samveru, góðan mat, borgarrölt og einstaka upplifun á einum þekktasta knattspyrnuvelli heims. Hér á eftir fer ferðasaga þeirra frá þessari eftirminnilegu ferð. Sérstakar þakkir fá allir þeir sem styrktu framtakið með því að kaupa happdrættismiða af félaginu. Saga þeirra er hér að neðan:

31/03/2026

Ferðasaga Viktors og Andra farinn á vegum Styrktarsjóðs MUSC Iceland:

Fyrst á óskalistanum var að kaupa Yuzu-morgunverðar borgara á Keflavíkurflugvelli, sem sló í gegn. Dvölin á flugvellinum var viðburðarlítil að öðru leyti og sama má segja um flugið sjálft, sem gekk vel. Bílstjóri beið okkar í MAN og við komumst því hratt og örugglega á Clayton-hótelið, þar sem vel fór um okkur alla ferðina. Næsta stopp var svo Arndale-verslunarmiðstöðin, þar sem kíkt var í búðir. Kvöldmatur á Nando’s varð fyrir valinu, sem einmitt var á óskalista Andra.

Á laugardagsmorgni gengum við á uppáhaldskaffihús Viktors, Mancoco, sem er ekki langt frá Deansgate-Castlefield-sporvagnastöðinni. Þessu kaffihúsi kynntist hann sumarið 2022 þegar við vorum í borginni að elta kvennalandsliðið á Evrópumótinu. Því næst lá leiðin í Manchester United Megastore, þar sem menn gölluðu sig upp í anda ferðarinnar. Næsti áfangastaður var svo Trafford Centre, sem einnig var á óskalistanum.

Það er yfirþyrmandi stórt og úthaldið í að þramma gangana reyndist ekki mikið. Kvöldmatur var tekinn á Rudy’s Pizza rétt hjá hótelinu — enn einn staðurinn á óskalistanum. Ljómandi góðar pizzur sem vel er hægt að mæla með.

Allir voru heldur betur spenntir að mæta á völlinn á sunnudagsmorgni og við vorum mætt vel tímanlega. Gaman var að sjá stemninguna á öllum hornum og við völlinn. Vel var tekið á móti okkur við innganginn og mjög skemmtilegt að geta horft yfir völlinn og fylgst með þegar upphitunin fór fram og liðin komu inn á.

Það var skellur að fá mark á sig strax í byrjun, en það blés okkur kapp í kinn og gerði þetta allt meira spennandi. Andri og Viktor lifðu sig inn í stemninguna og skemmtu sér hið besta. Við skiluðum okkur nokkuð dösuð á hótelið á ný og söfnuðum orku áður en haldið var á steikhúsið Flat Iron, sem er í göngufjarlægð frá Clayton. Þar áttum við góða kvöldstund og fengum frábæra steik, sem var góður lokapunktur á þessum frábæra degi.
Mánudagsmorguninn hófst svo snemma til að ná síðustu ferð í búðir og á kaffihús áður en við héldum af stað á flugvöllinn á ný. Við vorum mjög heppin með veður, milt og mestmegnis þurrt, sem var kærkomið eftir snjó og kulda hérna heima.

07/03/2026

Viljum minna á að enn er í boði BETSSON & MUSC Iceland
Manchester United vs. Aston Villa 15. mars
Allir félagsmenn MUSC Iceland eru sjálfkrafa í pottinum!
Viltu auka vinningslíkurnar? sendu okkur póst á [email protected]
Deildu þessari færslu og hoppaðu í Lukkupottinn fyrir aukavinning!
Manchester er ekki bara heimili Manchester United heldur líka ein líflegasta borg Bretlands. Sendu okkur póst á [email protected]