Golfklúbbur Reykjavíkur

Golfklúbbur Reykjavíkur Stofnaður 14. desember 1934 Þann 14. desember 1934 komu nokkrir ágætir menn saman til fundar í Reykjavík. Tilefnið var stofnun golfklúbbs.

Hlaut hann nafnið Golfklúbbur Íslands, enda fyrsti og þá eini golfklúbbur landsins. Nafninu var breytt í Golfklúbbur Reykjavíkur þegar fleiri klúbbar urðu til.

08/09/2026

Í dag, 8. september er alþjóðlegur dagur, “thank á Greenkeeper” að því tilefni viljum við hjá Golfklúbbi Reykjavíkur þakka okkar frábæru vallarstarfsmönnum fyrir þeirra ómetanlega starf, metnað og natni við fallegu vellina okkar ⛳️

Á bakvið glæsilega golfvelli eins og okkar, fallegar flatir, frábæra teiga og vel hirtar brautir liggja ótal vinnustundir sem eru oft á tíðum unnar löngu áður en kylfingar mæta til leiks.

Takk fyrir ykkur og takk fyrir allt sem þið gerið fyrir okkur 💙⛳️💙

08/09/2026

Í dag, 8. september er alþjóðlegur dagur, “thank á Greenkeeper” að því tilefni viljum við hjá Golfklúbbi Reykjavíkur þakka okkar frábæru vallarstarfsmönnum fyrir þeirra ómetanlega starf, metnað og natni við fallegu vellina okkar ⛳️

Á bakvið glæsilega golfvelli eins og okkar, fallegar flatir, frábæra teiga og vel hirtar brautir liggja ótal vinnustundir sem eru oft á tíðum unnar löngu áður en kylfingar mæta til leiks.

Takk fyrir ykkur og takk fyrir allt sem þið gerið fyrir okkur 💙⛳️💙

08/09/2026

Ertu búin/n að færa þig yfir í GolfNext? 📱⛳️

Náðu í GolfNext appið, stofnaðu aðgang og færðu gamla boltakortið þitt yfir í nýja kerfið.

Komdu með gamla boltakortið í afgreiðslu Bása og við færum inneignina yfir á GolfNext aðganginn þinn.

Ísland Evrópumeistari 50+ landsliða í 2. deildÍslenska 50+ karlalandsliðið í golfi stóð uppi sem sigurvegari á Evrópumót...
04/09/2026

Ísland Evrópumeistari 50+ landsliða í 2. deild

Íslenska 50+ karlalandsliðið í golfi stóð uppi sem sigurvegari á Evrópumóti landsliða í 2. deild sem lauk í dag á Sedin Golf Resort í Slóvakíu. Ísland hafði mikla yfirburði í mótinu og tryggði sér um leið sæti í efstu deild Evrópumótsins á næsta ári.

Ísland lék hringina þrjá á samtals 672 höggum, eða 15 höggum yfir pari. Liðið sigraði með 23 högga mun en heimamenn í Slóvakíu urðu í öðru sæti á +38.

Íslenska liðið var í efsta sæti eftir fyrsta hringinn og jók forskot sitt verulega á öðrum keppnisdegi. Heildarskor Íslands á hringjunum þremur var 232, 218 og 222 högg. Þrjú bestu skor liðsins töldu á hverjum hring.

Á lokahringnum léku Jón Snorri Halldórsson og Sigurbjörn Þorgeirsson báðir á 73 höggum, eða pari vallarins. Frans Páll Sigurðsson lék á 76 höggum og töldu þessi þrjú skor fyrir Ísland. Siggeir Vilhjálmsson lék lokahringinn á 80 höggum.

Sigurbjörn Þorgeirsson vann jafnframt einstaklingskeppni mótsins. Hann lék hringina þrjá á 77, 70 og 73 höggum og lauk keppni á 220 höggum, einu höggi yfir pari. Sigurbjörn sigraði með fjögurra högga mun.

Jón Snorri Halldórsson varð einnig á meðal efstu manna og lauk keppni í þriðja sæti á s*x höggum yfir pari. Frans Páll Sigurðsson varð sjötti á átta yfir pari og Siggeir Vilhjálmsson endaði jafn í 13. sæti á sautján yfir pari.

Mótið var haldið dagana 1.-3. september og var þetta fyrsta Evrópumót 50+ karlalandsliða í 2. deild. Ísland skrifaði því nafn sitt í sögubækurnar sem fyrsti sigurvegari mótsins.

Heildarúrslit mótsins má nálgast hér: https://www.ega-golf.ch/content/european-senior-mens-team-championship-division-2 #/competition/5785365/results/5223322

Ísland leiðir eftir fyrsta keppnisdag á EM 50+ karlalandsliða50+ karlalandslið Íslands fór frábærlega af stað í 2. deild...
02/09/2026

Ísland leiðir eftir fyrsta keppnisdag á EM 50+ karlalandsliða

50+ karlalandslið Íslands fór frábærlega af stað í 2. deild á Evrópumóti landsliða, sem hófst á Sedin Golf Resort í Slóvakíu í dag. Ísland er í efsta sæti eftir fyrsta keppnishringinn, einu höggi á undan heimamönnum.

Íslenska liðið lék samanlagt á 232 höggum, eða 13 höggum yfir pari. Þrjú bestu skorin af fjórum telja á hverjum keppnisdegi.

Sigurbjörn Þorgeirsson og Jón Snorri Halldórsson léku báðir á 77 höggum, fjórum yfir pari, og eru jafnir í fjórða sæti einstaklingskeppninnar. Frans Páll Sigurðsson kom inn á 78 höggum, fimm yfir pari, og er jafn í níunda sæti. Þessi þrjú skor töldu hjá íslenska liðinu.

Siggeir Vilhjálmsson lék á 80 höggum, sjö yfir pari, og er jafn í 17. sæti.

Ísland er einu höggi á undan Slóvakíu, sem lék á 233 höggum. Portúgal er í þriðja sæti á 236 höggum og Lúxemborg í því fjórða á 237 höggum.

Mótið er leikið yfir 54 holur og því eru tveir hringir eftir. Tvö efstu liðin tryggja sér sæti í efstu deild Evrópumótsins á næsta ári.

Hægt er að fylgjast með stöðu og úrslitum mótsins í GolfBox: https://www.golfbox.dk/app_livescoring/tour/?language=1039 #/competition/5785365/leaderboard/5223322

Ísland í 16. sæti eftir fyrsta keppnisdag á EM 50+ kvennalandsliða50+ kvennalandslið Íslands er í 16. sæti eftir fyrsta ...
02/09/2026

Ísland í 16. sæti eftir fyrsta keppnisdag á EM 50+ kvennalandsliða

50+ kvennalandslið Íslands er í 16. sæti eftir fyrsta keppnisdag Evrópumóts landsliða, sem fer fram á BlackSeaRama Golf Resort í Búlgaríu.

Íslenska liðið lék fyrsta höggleikshringinn á samtals 411 höggum, eða 51 höggi yfir pari. S*x kylfingar skipa hvert lið og fimm bestu skorin telja á hvorum höggleikshringnum.

Helga Þorvaldsdóttir, Steinunn Sæmundsdóttir og Þórdís Geirsdóttir léku allar á 81 höggi, níu yfir pari, og eru jafnar í 68. sæti einstaklingskeppninnar.

Ragnheiður Sigurðardóttir lék á 83 höggum, ellefu yfir pari, og Sigríður Kristinsdóttir á 85 höggum, þrettán yfir pari.

Lilja Guðríður Karlsdóttir lék á 86 höggum, fjórtán yfir pari.

Frakkland er í efsta sæti liðakeppninnar eftir fyrsta hring á 365 höggum, fimm yfir pari. Svíþjóð er í öðru sæti á 372 höggum og Holland í því þriðja á 378 höggum.

Seinni höggleikshringurinn verður leikinn í dag. Að honum loknum verður liðunum skipt í tvo riðla fyrir holukeppnina, sem hefst á fimmtudag. Átta efstu liðin leika í A-riðli um Evrópumeistaratitilinn en liðin í sætum 9-16 fara í B-riðil.

Hægt er að fylgjast með stöðu og úrslitum mótsins í GolfBox: https://www.golfbox.dk/app_livescoring/tour/?language=1039 #/competition/5785216/leaderboard/5223232

02/09/2026

Kæru kylfingar - við erum í átakinu "Gerum betur⛳"

Vellirnir okkar skarta sínu fegursta þessa dagana og mikil vinna hefur verið lögð í að hafa þá í eins góðu ástandi og raun ber vitni. Því miður eru þeir þó farnir að láta verulega á sjá þar sem of margir kylfingar ganga í burtu án þess að laga eftir sig bolta- og kylfuför.

Vallarstarfsmönnum hefur fækkað verulega þar sem sumarstarfsskólafólkið okkar er farið í vetrarvinnuna sína, skólann.

Lögum boltaförin. Göngum frá torfusneplum. Berum virðingu fyrir æfingasvæðunum. Myndbandið hér að neðan sýnir rétta aðferð við að laga boltaför á og við flatir.

Völlurinn er okkar allra – göngum um hann eins og við viljum koma að honum ❤️

50+ kvennalandslið Íslands hefur leik á Evrópumóti landsliða í golfi í dag, þriðjudaginn 1. september. Mótið fer fram á ...
01/09/2026

50+ kvennalandslið Íslands hefur leik á Evrópumóti landsliða í golfi í dag, þriðjudaginn 1. september. Mótið fer fram á BlackSeaRama Golf Resort í Búlgaríu dagana 1.-5. september.

Íslenska liðið keppir í efstu deild mótsins ásamt 15 öðrum þjóðum. Fyrir Íslands hönd leika:

Ragnheiður Sigurðardóttir
Þórdís Geirsdóttir
Steinunn Sæmundsdóttir
Lilja Karlsdóttir
Helga Þorvaldsdóttir
Sigríður Kristinsdóttir

Auk Íslands taka Austurríki, Belgía, England, Finnland, Frakkland, Þýskaland, Írland, Ítalía, Holland, Noregur, Portúgal, Skotland, Spánn, Svíþjóð og Sviss þátt.

S*x kylfingar skipa hvert lið. Fyrstu tvo keppnisdagana er leikinn höggleikur þar sem fimm bestu skor hvers liðs telja á hvorum hring. Samanlögð úrslit höggleiksins ráða því í hvaða riðli liðin leika þegar holukeppnin hefst á þriðja keppnisdegi.

Átta efstu liðin eftir höggleikinn komast í A-riðil og leika um Evrópumeistaratitilinn. Liðin í sætum 9-16 fara í B-riðil og leika um neðri sæti mótsins. Í hverri viðureign holukeppninnar er leikinn einn fjórmenningsleikur og fjórir tvímenningsleikir.

Holukeppnin stendur yfir í þrjá daga og lýkur mótinu laugardaginn 5. september. Tvö neðstu liðin leika í 2. deild árið 2027.

Evrópumót 50+ kvennalandsliða var fyrst haldið árið 2006 og fer nú fram í 20. sinn. England hefur titil að verja eftir sigur á mótinu á Spáni árið 2025.

Hægt verður að fylgjast með rástímum, stöðu og úrslitum íslenska liðsins á mótssíðu Evrópska golfsambandsins - https://www.ega-golf.ch/content/european-senior-ladies-team-championship-8 #/competition/5785216/leaderboard

50+ karlalandslið Íslands hefur leik á Evrópumóti landsliða í golfi í dag, þriðjudaginn 1. september. Mótið fer fram á S...
01/09/2026

50+ karlalandslið Íslands hefur leik á Evrópumóti landsliða í golfi í dag, þriðjudaginn 1. september. Mótið fer fram á Sedin Golf Resort í Slóvakíu og stendur yfir dagana næstu þrjá daga.

Íslenska liðið keppir í 2. deild Evrópumótsins ásamt níu öðrum þjóðum. Fyrir Íslands hönd spila:

Jón Snorri Halldórsson
Frans Páll Sigurðsson
Sigurbjörn Þorgeirsson
Siggeir Vilhjálmsson

Auk Íslands taka Króatía, Tékkland, Eistland, Ungverjaland, Lúxemborg, Portúgal, Slóvakía, Slóvenía og Tyrkland þátt.

Mótið er leikið sem 54 holu höggleikur og fer einn 18 holu hringur fram á hverjum keppnisdegi. Fjórir kylfingar leika í hverju liði og þrjú bestu skor liðsins telja til úrslita á hverjum degi. Samanlagt skor liðanna yfir hringina þrjá ræður lokaröðinni.

Tvö efstu liðin tryggja sér sæti í efstu deild Evrópumóts 50+ karlalandsliða á næsta ári. Mótið er haldið í fyrsta sinn eftir að Evrópska golfsambandið ákvað að bæta við 2. deild vegna fjölgunar þátttökuþjóða.

Keppnisrétt hafa karlkyns áhugakylfingar sem eru orðnir 50 ára og eru með 9,0 í forgjöf eða lægra.

Sedin Golf Resort er staðsett við bæinn Veľké Úľany í suðvesturhluta Slóvakíu.

Hægt verður að fylgjast með rástímum, stöðu og úrslitum íslenska liðsins á mótssíðunni - https://www.ega-golf.ch/content/european-senior-mens-team-championship-division-2 #/competition/5785365/leaderboard

Kæru kylfingar,frá og með þriðjudeginum 1. september 2026 mun pyslubarinn á 10. teig í Grafarholti loka fyrir veturinn.
31/08/2026

Kæru kylfingar,

frá og með þriðjudeginum 1. september 2026 mun pyslubarinn á 10. teig í Grafarholti loka fyrir veturinn.

Address

Reykjavík
112

Telephone

+3545850200

Website

Alerts

Be the first to know and let us send you an email when Golfklúbbur Reykjavíkur posts news and promotions. Your email address will not be used for any other purpose, and you can unsubscribe at any time.

Shortcuts

Share

Category