https://www.facebook.com/104694729217225/

knitting club/в'язальний клуб, Hatun, 2, Philadelphia church, Reykjavík (2026)

29/04/2025

Aftur líða tvær vikur hjá mér á milli pistla ... en ... 🙂
Síðasta þriðjudag var fámennt og góðmennt hjá okkur, það var ennþá páskafrí í huga margra, í dag hins vegar fundum við einhvern vegin fyrir því að sumarið væri alveg á næsta leiti.
En við fengum bæði síðast og í dag góðar heimsóknir fólks sem var að koma með ýmis dýrindis í pokum 🙂 Garn, efni ... þúsund þakkir. Einhver hafði komið og fengið að skilja eftir hjá þeim í Fíladelfíu en okkur finnst svo mikils virði að sjá fólkið sem er að koma með til okkar og bjóða amk í kaffibolla sem margir sem betur fer þiggja.
Í dag gerðum við mikið grín að kónum! Flestir Íslendingar vita um þá skilgreiningu á kónum að það þýði misyndismenn en ekki allir vita að kónar eru líka sívalningar sem mjókka í efri endann og eru þétt vafðir af garni. Fyrir nokkrum vikum fengum við s.s. æðislega gjöf, einhver slatti kóna! Í dag voru tvær sem komu með græjur til að vinda upp af kónunum og í viðráðanlega hnykla. En kappið var þvílíkt í vindingunni að borðið lék á reiðiskjálfti og það var öldugangur í vatnsflösku 🙂
Annað gerðist í dag alveg hreint ótrúlegt. Í fyrra fengum við ansi mikið af lopa sem var prufukeyrsla og hafði eitthvað ekki alveg verið eins góð og áætlanir stóðu til en algjörlega vel nothæfur. Það var ein af konunum okkar sem kom til okkar og spurði hvort við ættum einhvern lopa sem hún gæti fengið til að senda vinkonu sinni í Úkraínu sem prjónaði fyrir hermenn. Við héldum það og hún fékk eins mikinn lopa og hún g*t troðið í tösku sem hún ætlaði með. Vinkona hennar hefur í tvígang sent okkur myndir af afrakstrinum hennar. Í dag kom til okkar kona og sagði að þetta er handa ykkur frá henni. Þá var það ótrúlega fallegur útsaumur. Hann er svo smár að það er undrun að hún hafi séð til að sauma og bakhliðin ekki síður fögur en framhliðin. Myndin er hér í myndasúpunni ásamt mynd frá innrömunarþjónustu sem við ákváðum að væri besta aðferðin til að varðveita þessa gríðarlega ótrúlega fallegu mynd. Við ákváðum að við myndum bara leggja í púkk fyrir þessu sem er eins gott því verðmiðinn verður yfir 20.000 !!!! En sama er. Svona falleg mynd á allt fallegt skilið til að vera haldið til haga á sem bestan hátt sem mögulegt er. Þið njótið bara myndanna og við höldum áfram að vinda upp kóna í næstu viku - ekki s.s. misyndismennina 🙂

05/02/2025

Hríð, snjókoma, ofankoma, skafrenningur, ... eigum við ekki um 54 orð yfir snjókomu? Ég var að hugsa í dag hvað ætli það séu til mörg orð í úkraínsku yfir snjókomu? Þær hafa verið svo duglegar að mæta þrátt fyrir allan snjóinn og alla snjókomuna.
En fyrir nokkrum dögum fékk ég myndir sem voru teknar í Kiev af ullarvörum prjónaðar úr fjallalopa sem okkur var gefinn í fyrra. Okkur öllum fannst það dásamlegar myndir, sokkar, bakvermir og fleira. Konurnar hafa verið að koma með og sýna okkur ýmislegt sem þær hafa verið að gera úr efninu sem þær hafa fengið hjá okkur og í dag komu mæðgur með svona líka flotta stóra hyrnu, húfur, trefla, litlar hyrnur og fleira. Þeim fannst mjög áhugavert að vita að hyrna væri stytting á orðinu þríhyrna en svo þegar þær skildu orðin þá var þetta auðvitað mjög auðskiljanlegt. 🙂 🙂
Við fengum dásamlegar heimsóknir í dag og okkur bíður skemmtileg flokkun. En það sem kom upp úr pokum í dag var meðal annars ansi margar dúllur í teppi og hálfklárað teppi sem átti að fá dúllurnar - við vorum allavega vissar um það og það verður klárað hjá einni af okkur.
Annars var dagurinn góður en eins og stundum þá vorum við íslensku frekar fáar og ef það einhver hérna í cosmoinu sem langar að koma og vera mem þá eruð þið velkomnar til okkar. 🙂
Njótið bara myndanna 🙂

29/01/2025

Þrjár vikur .... Fyrsti hittingurinn okkar með úkraínsku flóttakonunum eftir gott jólafrí var 13.janúar, já fyrir þremur vikum! Það skrifast alfarið á mig að hafa ekki skrifað neinar línur hér um okkur en mígreni er bölvað fyrirbæri og er búið að vera daglegur gestur í bráðum þrjá mánuði!
En það að fara á þriðjudögum og hitta konurnar "mínar" íslensku og úkraínsku er vítamín fyrir sálina. Sjálfboðastarf getur bara verið alveg ótrúlega gefandi. Það að sjá svona margar konur í dag og tvo herramenn var æðislegt. Það virkaði eins og salurinn væri fullur hjá okkur 🙂 Það hafa verið að koma nýjar konur og karlmenn sem er frábært. Sumar hafa samt verið með okkur frá upphafi og það er gott að vita af þeim í salnum. Þær eru orðnar vinkonur sem við hittum alltaf á þriðjudögum! Við höfum verið að biðja þær að sýna okkur hvað þær hafa prjóanð, heklað og saumað undanfarið úr garninu frá okkur og sumar hafa bara verið að gera ótrúlega fallega og góða hluti.
Það var gaman að því að fyrir áramót hafði kona samband sem er að gera rannsóknarverkefni á því hvernig hannyrðir hafa áhrif á fólk. Ég er pottþétt ekki að fara með þetta alveg 100% nákvæmt en það var mjög áhugavert að ræða við hana. Hún spurði mig út í allt varðandi það hvers vegna við hittumst, hvað orsakaði það, hvernig hefur gengið, hversu margar konur hafa komið, hvers vegna taka íslenskar konur þátt í svona sjálfboðastarfi og þykir það gaman? Og fullt af öðrum spurningum. Svo ræddi hún við nokkrar íslensku kvennanna líka og einhverjar úkraínsku kvennanna. En hún kemur aftur sem verðu gaman, þá verður hún búin að melta öll samtölin og kryfja þau, og verður tilbúin með fullt af fleiri spurningum. Þessi heimsókn og spurningar vöktu hjá nokkrum okkar pælingar sem hafa verið að velkjast með mér allavega. Af hverju er eiginlega það sem eftir stendur hjá mér. Af hverju geri ég þetta? Af hverju gerum við allar þetta? Fyrir mig er það einfalt. Mér finnst þetta gaman, þetta nærir sálina óumræðanlega mikið, þetta er eini dagurinn í vikunn sem ég hitt "fólk" sem er ekki fjölskyldan mín þar sem ég var tekin af vinnumarkaði og sett á örorku. Nokkrar hinna íslensku kvennanna hafa líka sagt að þetta næri sálina, þetta sé skemmtilegt, gefandi og ... og ...
Niðurstaðan er að okkur finnst það gaman að sinna þessari sjálfboðavinnu. Og ef einhver er þarna úti sem les þetta og vill koma og vera mem, vertu velkomin. Það sem þarf er gott hjarta, þolinmæði, nenna, bros, gott skap, ekki verra að kunna eitthvað í hannyrðum 🙂 og fyrir úkraínska flóttafólkið sem þetta les, þá eruð þið velkomin til okkar.
Vonandi tekst mér svo að skrifa aftur vikulega, þetta verður svo langt og margar myndir þegar þarf að dekka margar vikur 🙂 Njótið eða sleppið að skoða myndirnar 🙂

03/12/2024

Englar eru orð sem við heyrðum í dag á litlu jólunum hjá okkur fyrir úkraínsku konurnar "okkar" 🙂 Við fengum góða heimsókn eins og oft en þessi sérstaka var úkraínskur prestur og jólasveinninn þeirra, Nikulás sem heimsækir börnin í nótt og setur eitthvað gott undir koddana þeirra í nótt. Mikið var gaman að sjá eina af jólahefðinni þeirra en við sögðum þeim á móti frá jólasveinunum okkar og sýningum sem hafa verið í Þjóðminjasafninu með jólasveinunum okkar 13 🙂
En við íslensku mættum galvaskar kl 10 í morgun og vá - þvílík vinna - en líka þvílík gleði. Við söfnum garni allt árið til að gefa í jólagjafir, þ.e. garn sem er fínt, heilt, í heilum pakkningum svo passi kannski í peysu eða vesti eða eitthvað gott. Við höfum samband við mörg fyrirtæki og biðjum um hjálp við jólagjafirnar þeirra og bara enn og aftur, við eigum ótrúlega góða að, það er alveg greinilegt. Það má jú ekki auglýsa á þessum fb síðum en það telst víst auglýsing að þakka ákveðnum fyrirtækjum fyrir hér. Því er stórt takk og ég vona að þið sem hjálpuðuð okkur með jólagjafirnar þeirra sjáið þetta hér. Þið sjáið eitthvað af því á myndunum en við vorum í svo miklum hamagangi að reyna að klára áður en konurnar komu að það gleymdist að fest allt á mynd. En við fylltum í 50 bréfpoka, þungu hlutirnir neðst, sápur og sjampó og fleira í þeim dúr, þá komu búðingar og súkkulaði og kex og snyrtivöruprufur og ... og ... svo margt fleira og að lokum fylltum við upp með garni. Til að gera sér grein fyrir magninu - þá fóru mismargir hnyklar í pokana eftir stærð þeirra en við vorum með samsvarandi ca s*x stórum plastkössum, nokkrum stórum pappakössum, og nokkrum pokum og við fylltum! 🙂
Konurnar komu með fallegar gjafir handa okkur líka, sett í yndislega poka sem þær saumuðu auðvitað sjálfar!
En þær fengu poka með sér heim, við settum til hliðar fyrir úkraínskt fólk sem kemur í Fíladelfíu á laugardögum á námskeið, allt flóttamenn líka, og svo fara nokkrir til annarra flóttakvenna hér. 50 pokar fylltir og farnir 🙂 En síðast fengum við "nokkur" teppi sem komu til einnar yndislegrar verslunar, sem lætur ekkert frá sér sem er ekki fullkomið. Og það voru litlar saumsprettur eða eitthvað slíkt en þessi nokkur teppi voru fullur sendibíll! Þannig að þær fengu æðisleg rúmteppi með sér heim líka og þær voru svo drekkhlaðnar þegar þær fóru að yndislegt var. Þær komu með alls konar úkraínska þjóðarrétti og jólarétti til að hafa með í dag og við gerðum heitt súkkulaði - N.B. ekki kakó! Súkkulaðikonan okkar var ekki kát þegar einhver sagði kakó! 🙂 Súkkulaði er bara ekki það sama og kakó 🙂 en þær fóru ekki með matinn aftur og höfðu lausar hendur fyrir herlegheitin og brauðin og bakkelsið sem við sóttum í gær í bakarí sem styrkir okkur í lok dags á mánudögum.
Örlítill afgangur var og þar sem við hendum engu sem ekki er alveg ónýtt eða drasl fór afgangur brauðsins í kaffistofu Samhjálpar sem er opin núna til fimm á daginn svo fólk hafi eitthvert húsnæði að leita í þegar er kalt. Og afgangur teppanna fór í Hjálparstarf kirkjunnar ásamt svolitlu sem við áttum eftir jól í skókassa en þar vantar alltaf fyrir hjálparmenn jólasveinanna sem þurfa aðstoð við skógjafirnar. Þegar ekki eru margar krónur og öll börnin vilja jú fá í skóna sína því þau eru fljót að læra þennan séríslenska sið af börnum í leikskóla og grunnskóla. Þannig að í dag sáum við inn í herbergið sem við höfum fyrir allt okkar.
Þessi texti er orðinn vel langur og ég skil ef þú ekki lest alla leið...
En nú erum við komnar í jólafrí og byrjum aftur um miðjan janúar.
Eigið þið öll gleðilega aðventu og jólahátið og eigið öll miklar og margar þakkir fyrir allt sem þið hafið gert fyrir okkur í formi garns frá einstaklingum, dánarbúum og líka frá nokkrum fyrirtækjum. Í myndunum eru einmitt nokkrar sem við fengum sendar frá Úkraínu en þangað gáfum við Fjallalopa þegar ein kvennanna okkar fór heim en vinkona hennar var búin að prjóna hitastykki fyrir bakið og sokka - allt fyrir hermennina í fjölskyldunni.
Brosið elskurnar mínar og njótið.

19/11/2024

Heimilisiðnaðarfélagið og úkraínskar flóttakonur hafa bara alveg helling sameiginlegt!! Fyrir nokkrum vikum komu nokkrar konur til okkar frá Heimilisiðnaðarfélaginu til að sjá hvað úkraínsku konurnar okkar eru að bardúsa. Í framhaldi af því buðu þær íslensku konunum okkar í heimsókn til sín síðasta föstudag. Mikið ofboðslega var gaman að sjá hvað þær eru flinkar í Heimilisiðnaðarfélaginu, bara stórt VÁ!!!! Þær spinna, vefa - eru með nokkra vefstóla og þar var ein að vefa svuntuefni fyrir upphlut og ég get svarið það, að hún var með tvinna, það var svo fínn þráðurinn - ÓTRÚLEGT. Þær kunna að baldera, sauma út, tálga, og allt hreinlega. Það fyndna er að ég hefði getað svarið það að þær úkraínsku kynnu líka allt!!!! Saman get ég ekki ímyndað mér hvað myndi koma út ... En takk allar fyrir að bjóða okkur og takk mínar yndislegu úkraínsku vinkonur fyrir að koma og sýna smábrot af því sem þið hafið gert. Handavinna fer bara alveg yfir öll landamæri og aldur og ...
Í dag var svo frekar rólegur dagur hjá okkur. Við fengum nokkrar góðar heimsóknir eins og svo oft en fengum svo óvænt fjóra herramenn í heimsókn í kaffi en þeir voru að leggja hönd á plóg við eitthvert viðhald í Fíladelfíu.
Takk öll sem hafið lagt okkur lið á árinu. Við eigum tvo þriðjudaga eftir á árinu en við förum í langt jólafrí til að allir geti sinnt jólaundirbúning með fjölskyldum, flestar eru svo heppnar að eiga barnabörn og þetta er svo yndislegur tími. Þrátt fyrir að úkraínsku vinkonur okkar hafi ekki alla fjölskylduna hér, þá getur fjölskylda verið samsett úr fleiri efnum en blóði. Vinátta og góðir vinir eru oft jafn góðir fjölskyldumeðlimir eins og þessir hefðbundnu.
Njótið myndanna sem eru bæði frá því á föstudaginn og í dag.

12/11/2024

Tiltekt var efni dagsins hjá okkur eins og oft áður 🙂
Nú er verkefnið sem við höfum tekið þátt í, jól í skókassa búið í ár. Almáttugur hvað safnaðist hjá okkur af öllu mögulegu á meðan við vorum bara að sinna því 🙂 Bara hægt að brosa að því. En í dag var bara mjög skemmtilegur dagur. Það fór hellingur af garni fram á borð fyrir konurnar okkar, við fengum tvo ofboðslega stóra, iðnaðarstranga af efni sem þær klipptu niður í hinu mesta bróðerni og meira að segja eitthvað til fyrir þær sem fengu ekki í dag en koma í næstu viku.
Við fengum svo yndislega heimsókn fyrir nokkrum vikum frá konum úr Heimilisiðnaðarfélaginu og þær hafa núna boðið úkraínsku konunum að koma og heimsækja þeir og sjá hvað þær eru að gera, en þeim var líka boðið að koma með það sem þær hafa verið að gera og sýna hjá þeim. Þær voru nokkrar í dag sem sýndu okkur sitt hvað sem þær hafa verið að undirbúa og við sjáum til hvernig allt verður í heimsókninni okkar en þær hlakkar allavega mikið til. Auðvitað er líka bara gaman að vera boðið svona í heimsókn hjá samtökum sem sinna því sama og þær gera.
Við fengum líka að sjá stórkostlegt verk í vinnslu í dag en vá ... þið sjáið það verk strax þegar þið skoðið myndirnar 🙂 ekki annað hægt.
En eftir tiltekt og kaffidrykkju og frágang og bros og gleði held ég að allar konurnar, íslensku jafnt sem þær úkraínsku hafi bara verið sáttar og við vorum held ég allar íslensku þreyttar 🙂 en það sem skiptir meira máli, við vorum sáttar og ánægðar.
Mikið vonum við allar að þið hafið líka átt góðan dag sem þetta lesið.

05/11/2024

200 plús / mínus ... við komumst að því í dag að við erum eiginlega búnar að týna tölunni á hversu mörgum skókössum við höfum klárað en erum vissar um að það er einhvers staðar rétt um 200 stk takk fyrir pent 🙂 200 tannkrem, 200 sápur, 200 vettlingar, 200 húfur / eyrnaband, 400 - 500 blýantar, 150 strokleður og yddarar, ... .... og svo mætti telja áfram með allt það sem þarf að fara í kassana, öll leikföngin, allir litirnir, ... allt hitt. Við höfum held ég reynt að vera duglegar að þakka ykkur öllum sem hafið lagt okkur lið en það má alveg gera það oftar en sjaldnar! Þúsund þakkir þið öll sem hafið sent okkur föt, og komið með tannkrem, leikföng og allt hitt til okkar. Við erum líka búnar að vera ágætlega duglegar, við prjónuðum helling af þvottapokum og mörgu öðru, úkraínsku konurnar hafa líka verið mjög duglegar að prjóna og hekla. Litlu dúkkurnar sem þær hafa gert að mestu bara tvær kvennanna en þær hafa gert einhvers staðar um 180 litlar þjóðardúkkur og það eitt og sér tekur aldeilis tíma og sem betur fer fá þær allt garnið í þær hjá okkur líka - frá ykkur !
En nú er þessu verkefni lokið hjá okkur í ár og næstu þriðjudagar fara bara í að vera til og spjalla meira við konurnar og njóta samvistanna. Eins er búið að bjóða konunum í heimsókn í Heimilisiðnaðarfélagið sem verður yndislega skemmtilegt fyrir þær, sjá hvað íslenskar konur eru að gera og fyrir þær íslensku að sjá hvað þær úkraínsku gera. Meira um það síðar 🙂
Njótið bara myndanna 🙂

We finished our project for the year with the shoe boxes that will be sent to Ukraine. We made somewhere around 200 boxes!!! That is quite a lot! All the items that the Ukranian ladies have made, all that we the Icelandic women have made and all the things that we have been sent from all over the country. This means 200 pairs of socks, 200 mittens, 200 hats, a lot of scarves and other items, about 180 erasers, 400 pencils, 200 toothbrushes, 200 toothpastes, 200 soaps and and and and... A lot goes into the boxes, first they have to be "clothed" in nice Christmas paper or decorated with some nice pictures etc.
But now, we will have time to communicate with each other in the next few weeks and take it a little easier.
We have been invited to visit with a group of Icelandic women who are in the Association of home makers - I don´t know the best term for this in English but in Idelandic it is Heimilisiðnaðarfélagið. They want to see what the Ukranian ladies are making and want to show them what they are making.
Overall a great day, even though very exhausting but enjoy the pictures.

29/10/2024

Hamingja og gleði. Það var eiginlega dagsskipunin hjá okkur í hannyrðunum í dag.
Við fengum góðar heimsóknir með alls konar góðum hlutum fyrir jól í skókassana hjá okkur en við erum eftir daginn í dag komnar í einhvers staðar um 160 skókassa en flestir eru þeir farnir niður eftir til KFUM&K.
Sumar kvennanna sem komu til okkar í dag báðu okkur um að finna til það sem okkur vantaði helst til að geta klárað eins marga og mögulegt er næsta þriðjudag 🙂 Takk fyrir fallega hugsun til okkar en hefst þá upptalningin ... Nei - grín 🙂 Við komumst að því að okkur vantar fullorðins tannkrem - við eigum ca 15 tannbursta fyrir fullorðna, og um 20 tannkrem fyrir börn 6 - 9 ára en ekki tannbursta fyrir börnin en þetta þarf jú að fylgja hvoru öðru 🙂 Og svo eitthvað nammi vantar, það mega vera karamellur og sleikjóar eða íslenskt súkkulaði, alls konar bland því við opnum mjög gjarnan poka og tökum kannski eina eða tvær karamellur og einn eða tvo sleikjó og setjum þannig saman.
En við fengum fleiri heimsóknir í dag en það komu nokkrar yndislegar konur frá Heimilisiðnaðarfélaginu en þær langaði svo að sjá hvað úkraínskar konur eru að gera hérna á Íslandi og voru ekki smá hrifnar af lopapeysuprjóni, krögum, útsaumuðum skyrtum og dúkum og hekluðum dúk og diskamottum og mörgu fleiru en við höfðum haft tíma til að biðja þær að koma með sitthvað til að sýna þessum duglegu íslensku konum. Í kjölfarið verður þeim úkraínsku boðið að hitta þær hjá Heimilisiðnaðarfélaginu hjá þeim einhvern tímann á næstunni 🙂 Þetta var alveg yndisleg heimsókn og gaman að sjá að fleiri hafi sömu skoðun og við á því hversu magnaðar og duglegar konurnar eru sem eru hjá okkur.
Við höfum líka verið að fá nýjar úkraínskar konur til okkar sem er líka dásamlegt.
Vegna alls þá urðu myndir dagsins ansi margar og þið bara njótið eða farið hratt yfir 🙂

22/10/2024

Handavinnuhittingur í dag, samkvæmt venju 😊 Handagangur í öskjum – eða eigum við að segja skókössum??

Nóg var að gera við að fylla í kassa fyrir eldri krakkana, unglinga og þar um kring. Erum komnar langt fram úr áætlun sem stóð til að væri 100 kassar fyrir þessi jól og erum að nálgast hvorki meira né minna en 150 kassa. Húrra fyrir okkur 👏😁

Okkur tókst að redda meira af tannburstum, tannkremi og sápum en nú erum við í vandræðum með þvottapoka og eigum enga fleiri vettlinga til að gefa. Hins vegar fengum við helling af skarti frá konu sem er silfursmiður og er líka að búa til margt annað fallegt glingur sem ekki er endilega úr silfri. Vorum áður búin að fá alls konar skóladót og eitthvað af sælgæti til að setja í kassana og svo auðvitað allt þetta dásamlega prjónles sem við höfum fengið sent víða af landinu og verið sjálfar duglegar við að búa til fyrir börnin í Úkraínu ❤️

Kaffihlaðborðið svignaði eins og vanalega og þar færum við Passion bakarí okkar bestur þakkir fyrir vikulegt örlæti þeirra í okkar garð. Það munar svo sannarlega um minna og með þeirra hjálp – og annarra – getum við boðið úkraínsku konunum vikulega upp á glæsilegt kaffihlaðborð, með brauði, bakkelsi, áleggi og dýrindis kaffi. Bara yndisleg stund þegar sest er niður og notið 🥑🥒🍅🥖🍞🥯🧀🥪🍪☕

Fengum slatta af fötum gefins í síðustu viku sem konurnar fengu að velja sér úr, það sem varð afgangs fer til Hjálpræðishersins eða ABC. Eitthvað datt inn af garni og við erum þakklátar fyrir allt sem gott fólk færir okkur í hverri viku 😎

Nú styttist í að það sé síðasti sjéns að skila kössum í átakið „Jól í skókassa“ og nú verður spýtt í lófana næstu 2 þriðjudaga til að klára það sem við eigum til að gefa 💙💛
Hjördís

17/09/2024

Sumir þriðjudagar eru einhvern veginn bara frábærir. Dagurinn í dag var þannig, reyndar eru flestir þriðjudagar þannig fyrir mér allavega 🙂 Við íslensku erum flestar heldri borgarar, öryrkjar eða námsmenn og það að taka þátt í hjálparstarfi sem er svona gefandi er virkilega endurnærandi fyrir sálartetrið 🙂 Ef þig langar að taka þátt með okkur, kíktu til okkar í Fíladelfíu næsta þriðjudag eða í vikunni á eftir. Við vorum einmitt að ræða það í dag hvað við værum fáar, nokkrar erlendis, aðrar ekki við vegna veikinda og fleira en við vorum bara fjórar, en erum oft sjö 🙂 En úkraínsku konurnar voru eins og stormsveipar þegar kom að því að ganga frá og þvílíkur munur.
Við fengum nokkrar góðar heimsóknir í dag eins og oft en ég verð hreinlega að minnast á sendingu frá Grundarfirði, þvílíkar gersemar. Fullt af settum, peysur, buxur og húfur, æðislegar toppháar húfur, ég hef ekki hugmynd hvað þær kallast en þvílík listaverk, geggjaðir litlir sætir kjólar, teppi og ... og ... það var endalaust í pokanum. Svo fengum við tuskudýr fyrir yngri börnin, tannkrem og trélit og ... og ... og ... Þvílíkur dagur! Það er í raun ekkert hægt að segja annað en takk fyrir daginn allar konurnar "mínar" og þið öll sem komuð með allt færandi hendi sem þið komuð með til okkar í dag.
Annars héldum við áfram að sortera og flokka eftir aldri til að auðvelda okkur verkin þegar við förum að setja meira í skókassa.
Njótið endilega myndanna 🙂

knitting club/в'язальний клуб

29/04/2025

05/02/2025

29/01/2025

03/12/2024

19/11/2024

12/11/2024

05/11/2024

29/10/2024

22/10/2024

17/09/2024

Address

Opening Hours

Website

Alerts

Shortcuts

Share

Category

Listing takedown request