Golfklúbbur Suðurnesja

19/06/2026

Íslandsmótið í holukeppni 2026 fer fram dagana 19.–21. júní.

Karlaflokkur mótsins verður leikinn á Hólmsvelli í Leiru en kvennaflokkurinn á Urriðavelli hjá Golfklúbbnum Oddi.

Golfklúbbur Suðurnesja á fimm fulltrúa á mótinu í ár. Í karlaflokki keppa Snorri Rafn William Davíðsson, Gunnar Þór Ásgeirsson, Pétur Þór Jaidee og Ingi Rafn William Davíðsson. Í kvennaflokki keppir Fjóla Margrét Viðarsdóttir.

Mótið hefst á föstudag með 36 holu höggleik. Að honum loknum komast 16 efstu kylfingarnir í hvorum flokki áfram í holukeppnina þar sem leikið verður um Íslandsmeistaratitlana.

Hólmsvöllur er í frábæru ástandi fyrir mótið og erum við stolt af því að taka á móti bestu kylfingum landsins í Leirunni. Við kunnum vallarstarfsmönnum okkar og fjölmörgum sjálfboðaliðum bestu þakkir fyrir þeirra framlag við undirbúning mótsins.

Við óskum öllum keppendum góðs gengis og hlökkum til spennandi keppni um helgina.

12/06/2026

KEF Hjóna- og paramótinu lauk með glæsibrag

Laugardaginn 6. júní mættu alls 84 keppendur til leiks í uppseldu móti sem haldið var í samstarfi við Hótel Keflavík og Diamond Suites. Helgin hófst með fordrykk í KEF SPA þar sem þátttakendur fengu jafnframt að kynnast Vatnsneshúsinu, einu merkasta söguhúsi Reykjanesbæjar, áður en haldið var út á Hólmsvöll til leiks. Að leik loknum tók við glæsilegt borðhald þar sem verðlaun voru afhent.

Það er eitthvað sérstakt við KEF Hjóna- og paramótið. Við hjá Golfklúbbi Suðurnesja erum stolt af því að sjá hvernig mótið hefur þróast á fáum árum. Það sem byrjaði sem skemmtileg hugmynd hefur orðið að viðburði sem margir setja hring utan um í dagatalinu sínu áður en sumarið gengur í garð.

Við viljum færa Hótel Keflavík, Diamond Suites, KEF SPA og KEF Restaurant okkar bestu þakkir fyrir samstarfið og þá metnaðarfullu umgjörð sem þau skapa í kringum mótið. Einnig viljum við þakka öllum keppendum fyrir jákvæðnina, góða andann og gleðina sem fylgdi deginum.

Úrslit mótsins urðu þessi:
1. sæti – 45 punktar
Svandís Þorsteinsdóttir og Sveinn Björnsson
2. sæti – 45 punktar
Edda Guðrún Pálsdóttir og Jón Jóhannsson
3. sæti – 44 punktar
Þórey Friðrikka Guðmundsdóttir og Þorkell Þór Gunnarsson
17. sæti – 40 punktar
Þóranna Andrésdóttir og Halldór Reinhardtsson
40. sæti – 29 punktar
Jónas Halldór Haralz og Gyða Haralz Jakobsdóttir

Nándarverðlaun hlutu:
• Baldur Þórir Júlíusson
• Elínborg Sigurðardóttir
• Jón Jóhannsson
• Sólveig Björgvinsdóttir

Takk fyrir okkur – og við hlökkum nú þegar til að taka á móti ykkur aftur að ári.

10/06/2026

Stigamót GS #2 – úrslit

Annað stigamót sumarsins fór fram þriðjudaginn 9. júní og var þátttakan enn og aftur frábær. Keppnin var jöfn og spennandi allt fram á síðustu holur.

Punktakeppni
1. sæti Karitas Sigurvinsdóttir – 44 punktar
2. sæti Guðni Hörðdal Jónasson – 43 punktar
3. sæti Eva Stefánsdóttir – 41 punktur

Höggleikur
1. sæti Björgvin Sigmundsson sigraði höggleikinn eftir harða keppni á 72 höggum. Gunnar Þór Ásgeirsson og Pétur Þór Jaidee léku einnig á 72 höggum, en Björgvin hafði betur á síðustu níu holunum.

Nándarverðlaun
Brynjar Vilmundarson var næstur holu á 16. holu þegar hann lagði boltann í 1,54 metra frá holunni.

Staðan eftir tvö stigamót

Konur
1. sæti Eva Stefánsdóttir – 77 stig
2. sæti Guðný Ólöf Gunnarsdóttir – 73 stig
3. sæti Sigurrós Hrólfsdóttir – 66 stig

Karlar
1. sæti Arnmundur Sigurðsson – 73 stig
2. sæti Róbert Ingi Arnarsson – 73 stig
3. sæti Sveinn Björnsson – 72 stig

Við óskum öllum verðlaunahöfum innilega til hamingju og geta verðlaunahafar sótt vinninga sína í golfverslun GS.

Næsta stigamót verður haldið 30. júní.

09/06/2026

Albatross í Leirunni – afrek sem fáir upplifa ⛳️🦅

Það gerist ekki á hverjum degi að kylfingur skrái nafn sitt í sögubækurnar á golfvellinum. Garðar Sigurðsson, félagsmaður Golfklúbbs Suðurnesja, afrekaði það á dögunum að ná albatrossi á 6. holu Hólmsvallar.

Garðar lék 6. holuna, sem er par 5, á aðeins tveimur höggum. Eftir upphafshöggið átti hann eftir um 210 metra að holunni og sló þaðan boltanum beint ofan í. Niðurstaðan var því tvö högg á par 5 – albatross.

Albatross, eða þrefalt undir pari á einni holu, er eitt sjaldgæfasta afrek golfíþróttarinnar og er almennt talið enn fágætara en holu í höggi. Talið er að líkurnar á að ná slíku afreki séu um það bil ein á móti einni milljón hjá almennum kylfingum.

Myndin sem fylgir fangar augnablikið vel; Garðar við fánann á Hólmsvelli með boltann sem rataði alla leið í holuna eftir ótrúlegt annað högg.

Golfklúbbur Suðurnesja óskar Garðari innilega til hamingju með þetta einstaka afrek.👏🏌️‍♂️

03/06/2026

Stigamót GS #2 – þriðjudaginn 9. júní ⛳️

Næsta stigamót fer fram þriðjudaginn 9. júní og við hvetjum félagsmenn sem vilja taka þátt að skrá sig tímanlega á rástíma. Síðasti rástími í mótið er kl. 19:00.

Á leikdegi þarf að koma við í skálann, greiða í mótið og þar fá keppendur skorkort ásamt inneign fyrir taco að eigin vali hjá Nítjánda 🌮

Þátttakan síðast var frábær en alls tóku 77 kylfingar þátt.

Punktakeppni:
Hinrik Snær Hjörleifsson – 42 punktar
Ágúst Orrason – 40 punktar
Guðný Ólöf Gunnarsdóttir – 39 punktar

Höggleikur
Pétur Þór Jaidee vann höggleikinn á 71 höggi.

Nándarverðlaun
Jóhannes Bjarni Bjarnason var næstur holu á 12. holu í síðasta móti. Í Stigamóti GS #2 verða nándarverðlaunin á 16. holu.

Verðlaun úr síðasta móti má sækja í golfskálanum.

Við hvetjum einnig þá sem eiga leik í 2. umferð Bikarkeppni GS til að slá sér saman í holl og nýta daginn vel.

Sjáumst í Leirunni! 🏌️‍♂️

03/06/2026

Frábærir punktar frá vinum okkar í Golfklúbbi Mosfellsbæjar. https://fb.watch/HvzSLtA9iQ/

01/06/2026

Alltaf gott að minna á.

https://www.facebook.com/share/r/1BVGzk7FTs/

31/05/2026

Miðvikudagsfjör - Kvenna- og karlagolf

Miðvikudagar eru skemmtidagar hjá Golfklúbbi Surðurnesja þar sem meðlimir geta skráð sig og spilað 9 holur. Þetta er tilvalinn leið til að kynnast nýju fólki og fallega vellinum okkar. Mismunandi fyrirkomulag er hvern miðvikudag og er það gert til að kynna fyrir þátttakendum fjölbreyttar leiðir til að njóta golfsins.

Leikfyrirkomulagið þennan miðvikudag er tveggja manna Texas Scramble. Þau sem vilja spila saman skrá sig saman á teig. Stakir skrá sig á teig og fá liðsmann með sér.

​Karlar spila holur 1-9 og skrá sig í fyrra hollið af rástímum (17:03-18:51).

Konur spila holur 10-18 og skrá sig í seinna hollið af rástímum (17:03-18:51).

Að leik loknum hvetjum við þátttakendur að setjast inn í skála í spjall.

Við hlökkum til að sjá sem flesta.

Skráning í Golfboxinu og hérna: https://tourentry.golfbox.dk/?cid=5453292

16/05/2026

Stigamót GS - Breytt fyrirkomulag á skráningu.

Góðan daginn kæru félagar. Breytingar verða á fyrirkomulagi skráningar í stigamótin okkar þetta sumarið. Þau sem ætla að taka þátt í mótinu skrá sig á rástíma, þann dag sem mótið er, í rástímaskráningunni í Golfboxinu, koma svo inn í golfverslun fyrir hring, tilkynna skráningu í mótið, greiða mótsgjaldið, fá skorkort sem þau skila svo inn að loknum hring sama dag.

Rástímar sem verða í boði eru frá 8:30-19:00.

Mótsgjaldið er 2900kr og innifalið í því er hamborgari og franskar frá Nítjándu Bistro.

Með golfkveðju,
Mótanefnd GS.

14/05/2026

Vinsælu barna og unglinganámskeiðin eru komin á síðuna og skráning hafin.

Finndu námskeið í vefverslun Golfklúbbur Suðurnesja. Keyrt áfram af Abler