Körfuknattleiksdeild Breiðabliks

19/06/2026

Eysteinn Bjarni Ævarsson mætir í Smárann 💚

Körfuknattleiksdeild Breiðabliks og Eysteinn Bjarni Ævarsson hafa komist að samkomulagi um að Eysteinn leiki með meistaraflokki félagsins á næsta tímabili.

Eysteinn á farsælan feril að baki með Hetti, Keflavík, Stjörnunni og Álftanesi og kemur til Breiðabliks með mikla reynslu úr efstu tveimur deildum landsins. Á síðasta tímabili skilaði hann 10,6 stigum, 6,1 frákasti, 2,2 stoðsendingum og 1,5 stolnum bolta að meðaltali með toppliði Hattar.

Þetta verður jafnframt þriðja samstarf Eysteins og Hrafns Kristjánssonar, en þeir hafa áður unnið saman hjá Stjörnunni og Álftanesi.

„Eysteinn er leiðtogi og frábær liðsmaður sem mun styrkja okkur á báðum endum vallarins. Hann hefur mikla reynslu og getur miðlað henni til okkar ungu og efnilegu leikmanna,“ segir Hrafn Kristjánsson, þjálfari meistaraflokks.

Við bjóðum Eystein Bjarna hjartanlega velkominn í Breiðablik og hlökkum til að sjá hann í Smáranum 🏀

Áfram Breiðablik💚

16/06/2026

Viktor Máni Steffensen til liðs við Breiðablik 🏀

Körfuknattleiksdeild Breiðabliks og Viktor Máni Steffensen hafa komist að samkomulagi um að Viktor Máni spili með meistaraflokki félagsins á næsta tímabili. Undanfarin ár hefur hann spilað með uppeldisfélagi sínu Fjölni fyrir utan eitt tímabil með Álftanesi.

Viktor Máni hefur verið einn besti leikmaður fyrstu deildar undanfarin ár og var valinn leikmaður ársins í fyrstu deildinni tímabilið 2023-2024. Á síðasta tímabili, 2025-2026, var hann með að meðaltali í leik 19,8 stig, 5,4 fráköst, 4,8 stoðsendingar og 1,9 stolna bolta.

Með komu Viktors Mána er Breiðablik að bæta við reynslumiklum og öflugum leikmanni sem mun ekki aðeins styrkja liðið innan vallar heldur einnig gegna mikilvægu hlutverki í uppbyggingu ungs leikmannahóps félagsins. Markmið félagsins er að skapa samkeppnishæft lið sem byggir á eigin uppöldum leikmönnum og gefa þeim tækifæri til að vaxa og dafna með stuðningi og leiðsögn gæða leikmanna.

Viktor er fjölhæfur bakvörður með sterkan karakter, mikla vinnusemi og leiðtogahæfileika sem munu nýtast vel bæði innan sem utan vallar. Við teljum hann vera mikilvæga viðbót í þá vegferð að byggja upp öflugt og samkeppnishæft lið til framtíðar.

Körfuknattleiksdeild Breiðabliks er afar ánægð með að fá Viktor Mána til félagsins og hlakkar til samstarfsins.

Velkominn í Smárann, Viktor Máni 💚

14/06/2026

Uppbygging meistaraflokks kvenna heldur áfram af krafti. Á síðustu vikum höfum við samið við ungar og efnilegar stelpur sem munu mynda sterkan kjarna liðsins á komandi árum. 🏀

Nú bætast við þrír reynslumiklir leikmenn sem þekkja Breiðablik vel og snúa heim sem sannir Blikar, þetta eru þær Elín Sóley Hrafnkelsdóttir, Eyrún Ósk Alfreðsdóttir og Þórdís Jóna Kristjánsdóttir. Þær munu styrkja liðið innan vallar sem utan og styðja við ungu leikmennina í þeirra fyrstu skrefum í meistaraflokki.

Með þessari blöndu af ungum og metnaðarfullum leikmönnum sem og reyndum Blikum er lagður sterkur grunnur fyrir framtíðina. Við hlökkum til að sjá hópinn vaxa saman og byggja upp öflugt lið sem endurspeglar gildi Breiðabliks, metnað, samheldni og öflugt yngri flokka starf.

Ásamt stelpunum er Hlín Sveinsdóttir formaður kvennaráðs Breiðabliks við undiritun 💚

12/06/2026

Körfuknattleiksdeild Breiðabliks hefur gengið frá samningum við fjóra uppalda leikmenn félagsins, Eyrúnu Huldu Gestsdóttur, Katrínu Björgu Arnfjörð, Maríu Sóldísi Eiríksdóttur og Tinnu Diljá Jónasdóttur.💚

Allar hafa þær leikið með yngri flokkum Breiðabliks um árabil og komið í gegnum öflugt uppeldisstarf félagsins. Samningarnir eru mikilvægur þáttur í áframhaldandi uppbyggingu körfuknattleiksdeildarinnar og endurspegla skýra áherslu á að byggja liðið á leikmönnum úr eigin röðum.

Breiðablik óskar Eyrúnu Huldu, Katrínu Björgu, Maríu Sóldísi og Tinnu Diljá innilega til hamingju með sína fyrstu samninga við félagið og hlakkar til að fylgjast með áframhaldandi þróun þeirra í smáranum🏀

Með stelpunum á myndinni er Hlín Sveinsdóttir, formaður kvennaráðs Breiðabliks.

09/06/2026

🏀Sumaræfingar körfuknattleiksdeildar Breiðabliks 2026💚

Minnum á að Sumaræfingarnar byrja á morgun!

Skráning fer fram í gegnum XPS kerfið og hér má finna hlekk á skráningu: https://xps.is/en/shop/breidablik/activities/28

🏀Sumaræfingar körfuknattleiksdeildar Breiðabliks 2026💚

Körfuknattleiksdeild Breiðabliks býður upp á fjölbreyttar og öflugar æfingar fyrir iðkendur í sumar. Æfingarnar fara fram í Smáranum og standa yfir í s*x vikur, frá 10. júní til 24. júlí.

Æfingatímar eru mismunandi eftir hópum og fara allar æfingar fram í Smáranum.
Skráning fer fram í gegnum XPS kerfið og hér má finna hlekk á skráningu: https://xps.is/en/shop/breidablik/activities/28

Sumarið er tíminn 💚

08/06/2026

Þrír uppaldir Blikar skrifa undir sinn fyrsta samning 💚

Breiðablik fagnar þeim áfanga að þrír uppaldir leikmenn félagsins, Telma Hrönn Loftsdóttir, Margrét Dúna Guðmundsdóttir og Freyr Jökull Jónsson, hafi skrifað undir sinn fyrsta samning við félagið.

Það er mikið ánægjuefni að sjá unga leikmenn úr öflugu yngri flokka starfi félagsins taka næsta skref á sínum ferli.
Öll þrjú voru jafnframt nýverið valin í lokahópa íslenska landsliðsins í sínum aldursflokkum, sem er verðskulduð viðurkenning á þeirri vinnu og þeim framförum sem þau hafa sýnt. 🇮🇸 🏀

Undirritunin endurspeglar þá áherslu sem lögð er á að byggja á heimafólki og skapa efnilegum Blikum tækifæri til að vaxa og þróast innan félagsins.

Við óskum Telmu, Margréti og Frey innilega til hamingju og hlökkum til að fylgjast með þeim í Smáranum á komandi árum. 💚

07/06/2026

8 Blikar valdir í landsliðsverkefni sumarsins 🇮🇸🏀

Átta leikmenn úr yngriflokkastarfinu okkar hafa verið valdir til landsliðsverkefna sumarsins. Valið er viðurkenning á öflugu starfi félagsins og þeirri góðu frammistöðu sem leikmennirnir hafa sýnt á tímabilinu. Við óskum þeim innilega til hamingju með áfangann og góðs gengis í verkefnunum fram undan er 💚

07/06/2026

Við erum afar ánægð að tilkynna að Aníta hefur skrifað undir sem aðstoðarþjálfari meistaraflokks kvenna.
Aníta er uppalin Bliki og sannur Kópavogsbúi sem þekkir gildi félagsins út og inn. Með reynslu sinni, ástríðu fyrir körfuboltanum og sterkum tengslum við Breiðablik verður hún mikilvægur hlekkur í því spennandi verkefni sem fram undan er.
Aníta ætlar að taka þátt í að byggja upp meistaraflokk kvenna að nýju og við hlökkum til að sjá hana leggja sitt af mörkum.

Velkomin til starfa, Aníta! 💚🏀

29/05/2026

☀️ Sumarnámskeið Breiðabliks 2026 eru komin í sölu!
Fjölbreytt og skemmtileg námskeið fyrir krakka í sumar – íþróttir, leikir og góð stemning 💚
Skráning fer fram hér:

Í sumar býður Breiðablik upp á íþróttanámskeið fyrir börn á aldrinum 7 til 10 ára í Smáranum og Fagralundi, ásamt því að bjóða upp á rafíþróttanámskeið í Arena (Smáratorgi) fyrir 7 til 15 ára, sundnámskeið í Kópavogs- og Salalaug fyrir 4 til 10 ára börn og Þríþ...