01/05/2019
VILT ÞÚ TAKA ÞÁTT Í KLÍNÍSKRI RANNSÓKN?
Óskað er eftir sjálfboðaliðum, heilbrigðum einstaklingum af báðum kynjum, á aldrinum 18 – 60 ára
Rannsókn á viðverutíma PreCold® / ColdZyme®
PreCold® / ColdZyme® munnúði dregur úr líkum á að fá kvef og getur hjálpað til við að stytta tímabil kvefeinkenna ef hann er notaður frá upphafi smits.
PreCold® / ColdZyme® er CE-merkt vara sem skráð er sem lækningatæki í flokki I.
Markmið rannsóknarinnar er að kanna þann tíma sem PreCold®/ColdZyme® er til staðar í munnholi notenda.
Rannsóknin hefur fengið leyfi Vísindasiðanefndar og Persónuverndar og verður framkvæmd á Húðlæknastöðinni, Smáratorgi 1, Kópavogi.
Ábyrgðarmaður rannsóknarinnar er Bárður Sigurgeirsson, sérfræðingur í húðsjúkdómum. Meðrannsakandi er Reynir Scheving, dr. í lyfjafræði hjá Zymetech.
Þátttakendur þurfa að vera almennt heilsuhraustir og skulu ekki hafa nein einkenni kvefs eða hálsbólgu. Þátttakendur mega ekki hafa notað PreCold / ColdZyme 24 klukkustundum fyrir þátttöku né neyta matar eða drykkjar um klukkustund fyrir þátttöku. Þátttaka tekur u.þ.b. 2-3 klukkustundir.
Þátttakendur munu úða PreCold® / ColdZyme® upp í sig samkvæmt leiðbeiningum og tekin verða sýni af slímhimnu munnhols með bómullarpinna með reglulegu millibili, fyrir og eftir úðun.
Ekki er talið að nein áhætta fylgi þátttöku í rannsókninni önnur en hugsanleg óþægindi við sýnatöku.
Þátttakendur fá að launum gjafapoka með vörum frá Zymetech að verðmæti um 10.000 kr.
Ef þú hefur áhuga á þátttöku eða vilt fá upplýsingar um rannsóknina, vinsamlegast hafðu samband við Sigríði Ólafsdóttur á tölvupóstfangið [email protected] eða í síma 520-4409.
Tekið skal fram að þeir sem svara auglýsingunni hafa ekki skuldbundið sig til að taka þátt í rannsókninni. Þeir sem taka þátt, geta þeir dregið sig út úr rannsókninni hvenær sem er, án ástæðu.
Rannsóknin er studd af Enzymatica AB, móðurfélagi Zymetech ehf, Fiskislóð 39, 101 Reykjavík.
Heimildir:
Clarsund, M., 2017, Evaluation of ColdZyme Mouth Spray for the Protection against Common Cold in Elite Athletes to Reduce Unwanted Absence from Training and Competition., Open Journal of Respiratory Diseases, p. 103-109.
Clarsund, M., U. Blom, and A. Gardulf, 2016, Evaluation of ColdZyme(R) Mouth Spray on prevention of upper respiratory tract infections in a boy with primary immunodeficiency: a case report: J Med Case Rep, v. 10, p. 302.
Clarsund, M., M. Fornbacke, L. Uller, S. L. Johnston, and C. A. m. Emanuelsson, 2017, A Randomized, Double-Blind, Placebo-Controlled Pilot Clinical Study on ColdZyme® Mouth Spray against Rhinovirus-Induced Common Cold: Open Journal of Respiratory Diseases, v. Vol.07No.04, p. 11.
Clarsund, M., and C. Persson, 2017, Evaluation of ColdZyme Mouth Spray against Common Cold in Elderly Care Personnel., Open Journal of Respiratory Diseases, p. 12-17.
