Reiðhöllin á Flúðum

21/08/2026

Ný stjórn tók við á þessu ári en hana skipa:

Sigurður Sigurjónsson
Bjarni Hjörleifsson
Elísabet Eir Garðarsdóttir
Eiríkur Steinsson og
Sigríður Magnea Kjartansdóttir sem heldur áfram úr fyrri stjórn.

Það er mikið búið að ræða og skipuleggja fyrir komandi mánuði en við munum gera okkar besta við að halda skipulagi og uppbyggingu áfram frá fyrri stjórnum ásamt því að koma með nýja sýn og verkefni.

Stjórnin hefur nú þegar haldið nokkra fundi ásamt vinnukvöldum og meðal annars náð að vökva vel og salta reiðsvæði, kaupa slátturtraktor til að halda félagssvæði Jökuls með sóma, kaupa geymslugám til notkunar fyrir traktorinn og fleira, látið fella nokkrar aspir í samstarfi við Hrunamannahrepp og hreinsað til í öllum stíum og gert hesthúsið fínt.

Það er mjög mikið á listanum sem við ætlum okkur að komast áfram með en við hlökkum mikið til að eiga áframhaldandi gott samstarf, þjónusta reiðhöllina, félagið og félagsmenn inn í nýtt tímabil 😊

19/02/2026

Einvala lið mætti í reiðhöllina á þriðjudaginn. 🤠 Stíjuhurðirnar voru lagaðar, tekið í burtu ónýta tréverkið á skammhliðinni og farið með rusl. 💪🏻

20/05/2025

Ný stjórn Reiðhallarinnar á Flúðum kjörin og brunavarnamál rædd á aðalfundi.

Á aðalfundi Reiðhallarinnar, sem var haldinn 14.maí sl. var lögð fram skýrsla stjórnar þar sem farið var yfir helstu verkefni og árangur liðins árs, einnig var ársreikningur félagsins lagður fram til samþykktar.
Maiju Varis formaður, kynnti skýrslu stjórnar fyrir árið 2024. Árið var viðburðarríkt með fjölbreyttum reiðnámskeiðum og öðrum viðburðum, þar á meðal námskeiðum Reiðmannsins frá LbHÍ og knapamerkjanámskeiðum. Hestamannafélagið Jökull hélt einnig ýmis námskeið og mót, þar á meðal vetrarmót, páskatölt og firmamót. Uppsveitadeildin veturinn 2024 gekk vel og framkvæmdanefnd hennar vann flott starf. Ýmsar endurbætur hafa staðið yfir á efri hæðinni í reiðhöllinni og heldur ný stjórn áfram með þau verkefni. Í desember var haldið skötuveisla til fjáröflunar fyrir reiðhöllina sem tókst afar vel og stefnt er að því að hún verði haldin árlega í byrjun desember. Lífið í höllinni er skemmtilegt þegar svo mikið er um að vera og áhuginn svona mikill á hestamennskunni. Stjórn reiðhallar kom á framfæri þakklæti til notenda reiðhallarinnar fyrir góða umgengni en það er grundvöllur þess að hægt sé að halda hlutunum í lagi og að allir standi saman að því að passa upp á höllina okkar.
Á fundinum var ný stjórn kosin og í henni eru: Eiríkur Arnarsson, Jóhann Reynir Sveinbjörnsson, Hulda Finnsdóttir, Sigríður Magnea Kjartansdóttir og Halldór Fannar Ólafsson. Fráfarandi stjórnarkonum, Maiju Varis og Vilborgu Evu Guðmundsdóttur, sem tók sæti í forföllum Karenar Maríu Gestsdóttur, var þakkað fyrir góð og vel unnin störf.
Brunavarnamál; Undir liðnum „Önnur mál“ var m.a. rætt um brunavarnakerfi reiðhallarinnar. Fram kom að núverandi kerfi væri ábótavant og rætt um mögulegar úrbætur og leiðir til að fjármagna nýtt og tryggara kerfi. Ný stjórn kemur til með að vinna að málinu áfram og koma með tillögur.

24/04/2025

24/01/2025

Reiðhöllin er nú opin samkvæmt dagatalinu🐴

Gólfið er en að jafna sig og ennþá frekar blautt undir svo allir sem vilja þjálfa í höllinni næstu daga þurfa gæta sín og ríða eftir aðstæðum.

Einnig verða alþrif á mánudaginn og þriðjudaginn ásamt vinnu við gólfið svo þá er lokað í reiðhöllinni.

🔵Í leiðinni minnum við á fyrsta vetrarmótið 1.febrúar og vonumst til þess að sjá sem flesta.

https://www.facebook.com/events/1498415571091031

🔵Svo mun fyrsta keppnin í Uppsveitadeildinni, fjórgangur V1 og V2 vera haldin 7.febrúar og hlökkum til að sjá ykkur fylla stúkuna og taka þátt í stemningunni.

Hlökkum til vetrarins!

14/01/2025

❗️❗️ATH❗️❗️
Reiðhöllin er ófær og lokuð eins og er.
Við munum upplýsa strax þegar hægt er að fara nota höllina aftur.

14/01/2025

Ath❗️
Reiðhöllin verdur lokuð fyrir notendur núna á fimmtudaginn og föstudaginn 16 og 17.1 vegna alþrif.

31/10/2024

Takið daginn frá !

‼️ Kæru uppsveitungar nær og fjær ‼️

Hestamannafélagið ætlar að halda skötuveislu fyrir uppsveitunga í reiðhöllinni á Flúðum, föstudaginn 6. desember! Allir eru hjartanlega velkomnir – fjölskyldufólk, partýfólk og allir þar á milli! Skata með öllu tilheyrandi verður á staðnum, skemmtiatriði og við lofum góðri stemningu.

Þetta er fjáröflunarviðburður fyrir starfsemi hestamannafélagsins, svo með þátttöku ykkar styrkið þið gott málefni á sama tíma og þið njótið góðs matar og samveru.

Látið orðið berast og eigum frábæra kvöldstund í anda góðra hefða!

Frekari upplýsingar koma þegar nær dregur.