Flughátíðin Allt sem flýgur

15/07/2026

Allir dansa konga

12/07/2026

Flugmálafélag Íslands þakkar öllum gestum og gangandi fyrir komuna á Flughátíðin allt sem flýgur 2026. Hátíðin gekk vel þrátt fyrir döpur flugveðurskilyrði á laugardeginum. Allir sem mættu voru með bros á vör og nutu þess sem var í boði.

Félagið vill líka þakka öllum þeim sjálfboðaliðum sem hjálpuðu við að tryggja vel heppnaða hátíð. Án ykkar væri þetta ekki hægt.

Endilega deilið myndum og myndefni.

Sjáumst á Hellu á Allt sem flýgur 2027!

11/07/2026

11/07/2026

Stórhljómsveitin byrjar að spila kl 22 í kvöld. Algerir meistarar. Drykkir gegn vægu gjaldi: Rautt, hvítt, bjór og gos! Þetta verður eitthvað!

11/07/2026

Karamellukastið frá öðru sjónarhorni!

11/07/2026

Það þarf enginn að grilla í kvöld. Veislan verður á sínum stað. Lambalæri og kjúklingur ásamt dýrindis meðlæti. 3.500 fullorðnir, 1.750 12-18 ára, 0-11 ára ókeypis. Byrjum kl 18:00 en gestir geta komið til 19:00. Þarf ekki að panta fyrirfram.

11/07/2026

Sjoppan opin og varningur til sölu. Bolirnir í takmörkuðu upplagi. Selt í grillið í kvöld - fyrst kl 18:00, 18:30 og 19:00.

09/07/2026

Þeir gestir hátíðarinnar sem koma fljúgandi eru vinsamlegast beðnir um að kynna sér efni NOTAM sem hefur verið gefið út og gildir um helgina. Þar segir að braut 04/22 sé aðal brautin og þverbrautin sé lokuð nema í neyð. Umferðarhringur er austan við flugvöllinn. Tíðnin er 118.4 Mhz og menn kalla sig inn c.a. 5 NM frá flugvellinum. Flugvöllurinn er óstjórnaður og því mikilvægt að flugmenn tali saman.

Við biðjum þá sem eru að koma á Hellu (inbound) að halda sig undir 1.500 fetum og þá sem eru að fara frá Hellu (outbound) eða fljúga framhjá að vera í 1.500 fetum eða ofar.

Við biðjum flugmenn jafnframt um að sýna nágrönnum flugvallarins tillitssemi bæði á Hellu sem og á bæjunum í kring og lágmarka lágflug yfir þessa staði. Hátíðin er unnin í miklu og góðu samstarfi við þessa aðila og viljum við halda því góða samstarfi áfram.

Lágflug yfir tjaldsvæði er með öllu bannað.

Hér er hægt að skoða kort með nokkrum punktum í nágrenni flugvallarins sem er hægt að nota sem stöðumið.

https://www.google.com/maps/d/u/2/embed?mid=1yfysAsm5KrL5IxI4fJ9BWCJqdR1zBVpU&ehbc=2E312F

Flughátíðin allt sem flýgur 2026

Allt sem flýgur

09/07/2026

Nú styttist í Flughátíðina hjá okkur. Við höfum fylgst grannt með veðurspám og sjáum að þær eru með okkur þetta árið. Vissulega ekki heitasti staður á landinu þessa helgina en við verðum að mestu laus við úrkomu, sól á köflum og enginn sem þarf að kvarta yfir hita. Meðfylgjandi er skjáskot frá Bliku en spáin hjá þeim byggir á gervigreind til viðbótar við spálíkön. Sjáumst í góðum fluggír á Hellu!

Flughátíðin allt sem flýgur 2026

08/07/2026

Flughátíðin allt sem flýgur 2026 er handan við hornið. Hér fara forseti og varaforseti Flugmálafélagsins yfir það helsta sem henni tengist.