Haukar körfubolti

14/09/2026

FINNUR OG ELÍN INN Í TEYMI KVENNALIÐS HAUKA

Finnur Atli Magnússon hefur verið ráðinn aðstoðarþjálfari kvennaliðs Hauka til næstu 2ja ára. Finnur hefur verið styrktarþjálfari liðsins undanfarin ár en tekur nú einnig við hlutverki aðstoðarþjálfara. Finnur er fyrrum leikmaður KR og Hauka og hefur því mikla og góða reynslu sem leikmaður. Finnur er einnig reyndur yngri flokka þjálfari hjá Haukum.

Þá hefur Elín Hildur Finnsdóttir einnig skrifað undir 2ja ára samning við Hauka um að vera aðatoðarliðsstjóri hjá kvennaliði félagsins. Elín Hildur æfir með Haukum í sínum aldursflokki og er mjög spennt að taka við nýju hlutverki.

Viktor hafði þetta að segja: "Það er frábært að fá Finn inn í teymið og er mikill kostur að geta verið með hann sem bæði styrktar- og aðstoðarþjálfara. Þá veit ég að Elín Hildur verður öflug á bekknum í vetur."

Við bjóðum Finn og Elínu velkomin í nýtt hlutverk hjá félaginu og hlökkum til samstarfsins.

Áfram Haukar!

12/09/2026

Sunnudaginn 13.september tekur Mfl. kvenna á móti Tindastól í æfingaleik fyrir Bónus-deildina sem hefst í lok mánaðar 🏀 Leikurinn hefst kl. 17:00 📍 Ólafssalur á Ásvöllum 👊

▪ Frítt inn fyrir Hauka í horni & yngri en 16 ára
▪ Almennt miðaverð 1.000 kr - selt við hurð

Sjáumst í Ólafssal 👏

11/09/2026

Meistaraflokkur karla tekur þátt í undirbúningsmóti Lifetrack & Hofland 🏀 Þeir spila tvo leiki í Hveragerði, á sunnudaginn 13.sept og sá síðari miðvikudaginn 16.sept! Þetta er líka góður undirbúningur fyrir okkur í stúkunni svo við hvetjum ykkur til þess að mæta og fylgjast með þeim næstu daga 👏

10/09/2026

Við minnum á umferðaröryggi við Ásvelli, aldrei of varlega farið.

Áfram Haukar!

Umferðaröryggi á Ásvöllum

Nú er vetrarstarf allra deilda félagins komið á fullt og hefur það í för með sér aukna umferð iðkenda og bíla á svæði íþróttamiðstöðvar Hauka.

Viljum við því aðeins fara yfir þær reglur sem gilda um umferð bíla og hvar má leggja þeim á svæðinu.

Malarbílastæðið fyrir aftan Ólafssal er hugsað fyrir skóla- og frístundarbíla á milli 8:00-16:30 á virkum dögum og er því með öllu óheimilt að leggja bílum á planinu á þeim tíma. Það getur skapast mikil hætta ef stórar rútur þurfa að vera bakka til að komast út af planinu vegna bíla sem hefur verið lagt fyrir aksturleið þeirra.

Forráðamenn sem eru að sækja börn sín á æfingar í knatthúsinu eru vinsamlegast beðnir að bíða ekki við gangbraut/hraðahindrun/hliðið við vallarhúsið heldur leggja í viðeigandi bílastæði. Frístundarbílinn hleypir iðkendum út á þessu svæði á mill 14:30-16:30 og getur myndast óþarfa umferðateppa sem hefur í för með sér aukna hættu fyrir gangandi vegfarendur.

Að lokum viljum við minna á undirgöngin undir Ásbraut fyrir þá iðkendur sem eru að taka strætó á Vellina. Alltof oft sjást börn stytta sér leið yfir hringtorgið og hvetjum við forráðamenn til að setjast niður með börnum sínum og minna þau á að nota undirgöngin þegar þau eru að koma af æfingu og á leið í strætó.

🔴HAUKAR-FÉLAGIÐ MITT🔴

07/09/2026

Nú eru allar æfingar farnar af stað & við tökum vel á móti öllum sem vilja prófa körfubolta 🏀 látið orðið berast og hvetjið krakkana í kringum ykkur til að koma á æfingu ⛹‍♀⛹

07/09/2026

06/09/2026

Haukar 🏀 Bleika slaufan 🎀 2026

Haukar munu skarta bleikri treyju í október. Í samstarfi við Krabbameinsfélagið munu 1.000 kr af hverri seldri treyju renna til Krabbameinsfélagsins. Vertu með og sýndu stuðning 🤝

Tryggðu þér treyju hér 👉 https://korfubolti.is/product/bleikur-oktober-treyja/

Fyrsta afhending á treyjunum verður í byrjun október í takmörkuðu upplagi en sú síðari um miðjan október - ekki bíða of lengi 🏃🏃‍♀️

Seldar treyjur verða afhentar á Ásvöllum.

31/08/2026

AGNES FRAMLENGIR

Agnes Jónudóttir hefur framlengt samning sinn við Hauka um eitt ár. Agnes er 180 cm framherji og hefur leikið með Haukum síðan 2021.

Tímabilið 24-25 lék Agnes um 13 mínútur í leik, var með 2,5 stig og 2 fráköst í leik og skilaði mikilvægu framlagi í Íslandsmeistaratitli liðsins um vorið.

Agnes tók sér frí frá körfubolta á siðasta tímabili þegar hún flutti erlendis en kom til liðsins í lok tímabilsins.

Viktor sagði þetta: “Það er ánægjulegt að endurheimta Agnesi í hópinn okkar en hún skilar mikilvægu hlutverki innan sem utan vallar”.

Haukar hlakka til að sjá Agnesi leika með Haukum í vetur.

Áfram Haukar💪🏀

25/08/2026

MILKA TIL HAUKA

Það er með mikilli ánægju að tilkynna að miðherjinn Dominykas Milka hefur gert 2ja ára samning um að spila með liði Hauka og tekur slaginn í fyrstu deildinni í vetur. Hann hefur leikið undanfarið með Njarðvík en þar áður með Keflavík og skilað mjög góðum tölum.

Það er í raun óþarfi að kynna kappann enda þekkt stærð í íslenskum körfubolta og er að hefja sitt 8.tímabil hér á landi. Það er því ljóst að með komu hans mun lið Hauka eflast til muna í baráttunni um sæti í Bónus.

Pétur sagði þetta: “Það er frábært að fá Milka til okkar. Hann færir liðinu styrk, gæði og reynslu sem okkur vantaði. Hann mun taka liðið á hærra stig engin spurning”.

Við bjóðum Milka velkominn til Hauka og hlökkum til samstarfsins í vetur.

Áfram Haukar💪❤️