17/04/2026
Helgina 10.–12. apríl fór fram úrslitakeppni 1. deildar kvenna í Laugardalshöll. Stelpurnar spiluðum tvo leiki sem féllu því miður ekki okkar megin.🏐
Í deildarkeppninni endaði liðið í þriðja sæti, sem er mjög góður árangur. Eins og fyrirliði liðsins, Anna María, bendir á hefur hún aldrei spilað jafn gott blak á sínum ferli, sem sýnir að liðið er að ná sínum besta árangri hingað til.
Við erum einnig afar stoltar af yngri flokknum okkar. Alls fengu sjö stelpur úr yngri flokkum tækifæri með meistaraflokki í vetur: Amanda Kolbrún, Fanney Lilja, Hrafney Dóra, Ellen Alexandra og Telma Dís. Oliwia og Valdís tóku einnig sín fyrstu skref með meistaraflokk. Framtíðin er sannarlega björt ✨
Við viljum sérstaklega þakka öllum sjálfboðaliðunum okkar fyrir veturinn. Án ykkar hefði þetta ekki verið hægt. Takk fyrir að standa vaktina við ritaraborðið, á línunni, í dómgæslu, uppsetningu á leikjum, frágang og margt fleira. Eva Kristín, Elísabet Kristín, Lilja Dóra, Unnur Þóra, Helga Sjöfn, Kristín og fleiri ❤
TAKK elsku Tómas Freyr fyrir að mæta og mynda á leikjunum í vetur 📸 Ómetanlegt!
Síðast en ekki síst viljum við þakka kærlega fyrir allan stuðninginn í vetur 🙏 Það hefur vakið athygli í blakheiminum á Íslandi hversu skemmtilegt er að sækja leiki hjá okkur, vegna frábærs stuðnings og góðrar mætingar.
Takk fyrir snilldar tímabil, það verður spennandi að sjá hvað næstu ár hafa upp á að bjóða!
Gréta Sigurðardóttir
Formaður blakdeildar UMFG
