UMFG - Ungmennafélag Grindavíkur

28/08/2026

Það kom óvænt babb í bátinn á síðustu stundu sem tókst ekki að leysa úr. Grindavík Ultra mun því ekki fara fram næstu helgi.

Sjá yfirlýsingu í fyrstu athugasemd.

09/06/2026

ATH! Uppfærður fundartími!

Aðalfundur UMFG verður 16. júní

Aðalfundur Ungmennafélags Grindavíkur fyrir starfsárið 2025 fer fram þriðjudaginn 16. júní næstkomandi í Gjánni. Fundurinn hefst kl. 20:00 (uppfærður fundartími).

Dagskrá fundarins:
Aðalfundir fyrir deildir UMFG
Hefðbundin aðalfundarstörf aðalstjórnar UMFG

Hvetjum alla sem vilja taka þátt í starfinu til að mæta. Boðið verður upp á léttar veitingar.

Stjórn UMFG

01/06/2026

Við Grindvíkingar erum margfaldir Íslandsmeistarar þessa dagana en þrjú gull komu í hús hjá grindvískum júdóköppum. Þau Krista Líf Sigurðardóttir, Haukur Hersir Einarsson og Arnar Einarsson urðu öll Íslandsmeistarar. Krista í U15 -57kg flokki stúlkna, Haukur Hersir í U13 -46kg drengja og Arnar í U15 -81kg drengja.

Þá eigum við einn kappa til, Ara Einarsson, sem keppti ekki í U18 vegna meiðsla en hann keppir í haust á Íslandsmóti fullorðinna þrátt fyrir ungan aldur.

Bræðurnir eru í fremstu röð júdómanna á Íslandi. Ari er að fara á Norðurlandamótið í júní en hann vann til bronsverðlauna á Opna danska meistaramótinu og þar voru yfir 900 keppendur frá yfir 20 löndum.

29/05/2026

Undanfarnar vikur hafa Grindvíkingar fagnað ófáum Íslandsmeistaratitlum í körfubolta. Sá stóri hefur auðvitað átt hug og hjörtu allra Grindvíkinga en ungir og efnilegir iðkendur frá Grindavík hafa líka verið að gera það gott með öðrum liðum og óskum við þeim öllum innilega til hamingju með árangurinn!

Ps. Við fengum þessar myndir sendar og mögulega eru einhverjar meistarar að gleymast! Við hvetjum Grindvíkinga til að senda okkur myndir og upplýsingar ef svo er.

07/04/2026

Það er nú ekki amalegt að vinna bæði Keflavík og Njarðvík sama daginn! Hér eru mörkin úr bikarleiknum hjá strákunum í gær.

05/04/2026

Allir á völlinn á morgun! Það er hægt að vera bara allan daginn á völlunum, er það ekki fín leið til að verja síðasta deginum í páskafríi?

Ath breyttur leikvöllur, verður inni.
Nágranna slagur á mánudag kl 13:00.
Grindavík-Keflavík í Mjólkurbikar karla.
Knatthúsi Hauka.
Miðasala á stubb.
https://stubb.is/events/n54Ndb

31/03/2026

Boðið verður uppá einstaklingsæfingar í körfubolta í páskafríinu í Grindavík. Æfingarnar verða á skírdag og föstudaginn langa, kl. 10:30-11:30. Æfingarnar eru fyrir 7. bekk og eldri. Þjálfari verður Jóhann Árni.

Það þarf ekki að skrá sig og kostar ekkert, bara mæta. Íþróttahúsið verður mikið opið um páskana og hvetjum við alla til að koma í heimsókn og nýta sér aðstöðuna á opnunartíma.

Dagskráin í íþróttahúsinu yfir páskana:

Miðvikudagur 1. apríl: Opið kl. 16:00–20:00
Grindavík – Njarðvík (8-liða úrslit Bónus deildar karla) kl. 19:00

Skírdagur 2. apríl: Opið kl. 16:00–20:00

Föstudagurinn langi 3. apríl: Opið kl. 16:00–20:00

Laugardagur 4. apríl: Opið kl. 12:00–17:00
Grindavík – Valur (8-liða úrslit Bónus deildar kvenna) kl. 16:00

Páskadagur 5. apríl: Opið kl. 12:00–17:00

Annar í páskum 6. apríl: Opið kl. 12:00–17:00

(Við gerum ráð fyrir að það verði ca svona gott veður í Grindavík yfir páskana. Veðurspá birt án ábyrgðar eða athugunar.)

31/03/2026

Það verður íþróttaskóli í boði fyrir leikskólaaldur á skírdag. Enginn kostnaður, engin skráning, ekkert vesen. Bara mæta og hafa gaman!

29/03/2026

Grindavík á tvo fulltrúa í U-19 ára landsliði Íslands sem tekur nú þátt í æfingamóti í Portúgal, þá Helga Hafstein Jóhannsson og Eystein Rúnarsson.

Ísland mætir þar Bandaríkjunum, Portúgal og Marokkó dagana 24. mars – 1. apríl.

26/03/2026

Óli Björn var kjörinn formaður Körfuknattleiksdeild Grindavíkur á aðalfundi í gær. Ný stjórn mun starfa samhliða eldri stjórn fram yfir úrslitakeppni en í lok fundar var eftirfarandi ályktun lagð fyrir fundinn sem samþykkt var með lófataki.

„Lagt er til að nýkjörin stjórn og fráfarandi stjórn starfi samhliða út tímabilið með skýrri verkaskiptingu, þannig að fráfarandi stjórn annist áfram utanumhald vegna úrslitakeppni og lokahófs, en ný stjórn hefji undirbúning fyrir næsta tímabil. Stjórnirnar skulu hafa með sér gott samráð á þessu tímabili. Umboð fráfarandi stjórnar fellur niður tveimur vikum eftir síðasta leik tímabilsins.“

Eftir fund var svo stillt upp í "fanzone" í gamla salnum þar sem margar hendur unnu saman létt verk. Það er bara fulla ferð áfram!

Aðalfundur körfuknattleiksdeildar UMFG fór fram í Gjánni í gær. Fundurinn var afar vel sóttur og var ný stjórn kosin til starfa. Óli Björn Björgvinsson var einn í framboði til formanns og var kjörinn með lófataki ásamt stjórn sem er fullskipuð. Fyrri stjórn mun þó starfa áfr...