Stjarnan körfubolti

Home
Iceland
Garðabær
Stjarnan körfubolti

Fylgstu líka með okkur á Twitter . Handbók körfuknattleiksdeildar http://goo.gl/Q Handbók körfuknattleiksdeildar http://goo.gl/QQNC6H

14/09/2026

Við minnum á æfingaleikinn í kvöld!

Strákarnir taka á móti Keflavík í ÞG Verk Höllinni í kvöld. Leikurinn hefst kl. 19:45 og vonumst við eftir að sjá ykkur sem flest á svæðinu!

SKÍNI STJARNAN 💙

11/09/2026

ÆFINGALEIKUR GEGN KEFLAVÍK 🏀

Strákarnir mæta Keflavík í æfingaleik á mánudaginn 14. september í ÞG Verk höllinni.

🎟 Miðaverð
Fullorðnir: 1.500 kr.
Börn: 500 kr.

Fjölmennum á völlinn og styðjum strákana í undirbúningnum fyrir komandi átök! 💪

SKÍNI STJARNAN 💙

08/09/2026

Það gleður okkur að segja frá því að Dino Stipcic hefur verið ráðinn sem þjálfari hjá körfuknattleiksdeild Stjörnunnar.

Dino mun leiða elstu strákahópa félagsins í vetur, stýra liði KFG í 1.deildinni ásamt því að vera aðstoðarþjálfari meistaraflokks karla.

Dino hefur mikla reynslu af þjálfun, hefur þjálfað við góðan orðstír hjá okkur í Stjörnunni, Hetti og Breiðabliki.

Hann hefur auk þess verið aðstoðarþjálfari u20 ára landsliðs karla og aðalþjálfari U16 ára landsliðs drengja sem náði frábærum árangri í sumar.

Okkur hlakkar til samstarfsins og bjóðum Dino hjartanlega velkominn.

SKÍNI STJARNAN 💙

05/09/2026

Valdis Helga Alexandersdóttir semur við Stjörnuna✍️

Valdís Helga hefur skrifað undir tveggja ára samning við Stjörnuna og mun leika með liðinu í Bónus deildinni í vetur.

Valdís Helga er fædd árið 2010 og hefur spilað upp alla yngri flokkana með Snæfell, og þrátt fyrir ungan aldur spilaði hún stórt hlutverk með Snæfell í 1.deildinni í fyrra, og skilaði um 16 stigum og 7 fráköstum að meðaltali í leik..

Valdís Helga hefur verið í yngri landsliðum Íslands, bæði U15 og núna síðast með U16 liðinu sem tók þátt í Evrópukeppni í Grikklandi þar sem Ísland endaði meðal 22 efstu liða Evrópu

Við bjóðum Valdís Helgu velkomna í Stjörnuna og hlökkum til að fylgjast með henni í ÞG Verk höllinni í vetur.

Til hamingju Valdís Helga – Til hamingju Stjarnan

Skíni Stjarnan💙

04/09/2026

Yngri flokka starfið er komið af stað! ⭐🏀

Æfingar eru nú hafnar hjá öllum hópum og það stefnir í enn eitt öflugt og spennandi tímabil hjá yngri flokkum Stjörnunnar.

Þjálfarateymi yngri flokkanna er að mestu komið á hreint og þar er sannarlega kominn saman afar öflugur og reynslumikill hópur þjálfara. Óskar Þór Þorsteinsson hefur tekið við sem yfirþjálfari yngri flokka og mun leiða starfið í nánu samstarfi við þjálfara og aðra sem koma að uppbyggingu og umgjörð yngri flokkanna.

Hér má sjá þjálfara flokkanna eins og staðan er núna en nánari kynning á þjálfarahópnum kemur á næstunni:

Drengir

Ungmennaflokkur: Ögmundur Árni Sveinsson
12. flokkur: Dino Stipcic og Ögmundur Árni Sveinsson
11. flokkur: Ögmundur Árni Sveinsson
10. flokkur: Óskar Þór Þorsteinsson
9. flokkur: Ingi Þór Steinþórsson
8. flokkur: Óskar Þór Þorsteinsson
7. flokkur: Marvin Valdimarsson

Minibolti drengja

MB 11 ára: Bjarni Guðmann Jónsson
MB 10 ára: Snorri Örn Arnaldsson
MB 9 ára: Elías Orri Gíslason
MB 8 ára: Benedikt Björnsson
MB 6–7 ára: Dagur Kár Jónsson, Ögmundur Árni Sveinsson og Óskar Þór Þorsteinsson

Stúlkur

10.–12. flokkur: Hörður Unnsteinsson
8.–9. flokkur: Auður Íris Ólafsdóttir
7. flokkur: Auður Íris Ólafsdóttir

Minibolti stúlkna

MB 10–11 ára: Eva Wium
MB 8–9 ára: Bára Björk Óladóttir
MB 6–7 ára: Kjartan Atli Kjartansson, Árni Ragnarsson, Telma Björk Fjalarsdóttir og Óskar Þór Þorsteinsson

Yngstu iðkendurnir

5 ára: Elías Orri Gíslason
Krílabolti: Elías Orri Gíslason

Nánari upplýsingar um æfingatíma og skráningu má finna á Abler og á heimasíðu Stjörnunnar.

Við hlökkum til að taka á móti bæði nýjum og núverandi iðkendum í vetur og eiga með þeim metnaðarfullt, uppbyggilegt og skemmtilegt körfuboltaár 🏀

SKÍNI STJARNAN 💙

03/09/2026

Berglind Katla Hlynsdóttir til Bandaríkjanna 🤝

Berglind hefur spilað fyrir Stjörnuna frá barnsaldri, spilað síðustu tvö tímabil í Bónus deild kvenna og lék í haust sína fyrstu A-landsleiki eftir að hafa spilað stórt hlutverk með bæði U16 og U20 ára liðum Íslands sem áttu bæði góðu gengi að fagna í sumar.

Berglind gengur til liðs við Long Island Lutheran sem er öflugur menntaskóli í New York.

Við óskum henni góðs gengis í Ameríku og hlökkum til að fylgjast með henni í vetur.

SKÍNI STJARNAN 💙

31/08/2026

Heiðrún Björg Hlynsdóttir til Svíþjóðar 🤝

Fleiri af okkar ungu leikmönnum halda erlendis.

Heiðrún Björg hefur lengi verið hluti af Stjörnunni, spilað í þrjú ár í Bónus deildinni ásamt því að hafa spilað fyrir öll yngri landslið Íslands, nú síðast fyrir U20 ára lið Íslands sem náði frábærum árangri í A-deildinni í sumar.

Heiðrún hefur samið við Brahe Basket í Svíþjóð sem spilar í sænsku úrvalsdeildinni og frábært tækifæri framundan.

Við óskum Heiðrúnu góðs gengis í Svíþjóð og hlökkum til að fylgjast með henni í vetur.

SKÍNI STJARNAN 💙

29/08/2026

Til hamingju með daginn Garðabær!

Meistaraflokkur karla er með fjáröflun á Garðatorgi í tilefni fyrirhugaðrar keppnisferðar i haust.

Drykkir við allra hæfi á góðu verði 🏀

Komdu og kiktu á okkur og hver veit nema penninn verði á lofti fyrir eiginhandaráritanir ✍️

Skíni Stjarnan 💙

25/08/2026

Sigrún Sól Brjánsdóttir til Ameríku.

Sigrún Sól hefur leikið með Stjörnunni allan sinn feril. Í fyrra spilaði hún sínar fyrstu mínútur í Bónus deildinni ásamt því að vera í lykilhlutverki í 1.deildar liði Stjörnunnar, hefur leikið með U15 og 16 landsliðum Íslands og nú síðast var hún í U18 landsliðinu sem stóð sig vel í B-deildinni í sumar.

Sigrún gengur til liðs við Westtown high school í Philadelphiu í Bandaríkjunum. Liðið er hátt skrifað á landsvísu í Bandaríkjunum og því um frábært tækifæri að ræða.

Við óskum Sigrúnu góðs gengis og hlökkum til að fylgjast með henni í vetur.

24/08/2026

Jakob Kári Leifsson framlengir við Stjörnuna 🤝

Jakob Kári hefur skrifað undir nýjan samning við Stjörnuna og mun leika með liðinu í Bónus deildinni í vetur.

Jakob er fæddur árið 2008 og spilaði stórt hlutverk með U18 landsliði Íslands í sumar.
Hann hefur æft og spilað með Stjörnunni frá 10 ára aldri, og unnið fjölmarga Íslands-og bikarmeistaratitla með Stjörnunni.

Við fögnum því að Jakob Kári endurnýi samning sinn við Stjörnuna og hlökkum til að fylgjast með honum í ÞG Verk höllinni í vetur.

Til hamingju Jakob Kári – Til hamingju Stjarnan

SKÍNI STJARNAN 💙

Address

Íþróttamiðstöðin Ásgarði
Garðabær
210

Telephone

+3545651940

Website

http://www.stjarnan.is/

Alerts

Be the first to know and let us send you an email when Stjarnan körfubolti posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Stjarnan körfubolti:

Want your business to be the top-listed Gym/sports Facility in Garðabær?